المرسال
26-08-2000, 03:28 PM
تخيلوا لوكان الطفل يولد عاقل ...
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
اللي ماقرا الاجزاء السابقة ..
يضغط هنا ..
وفي كل جزء يلقى لنك للجزء اللي قبله ...
الورقة الرابعة (http://www.swalif.net/sforum/showthread.php?postid=462314)
اللعب مع الكبار _2_ ...وحبيبة القلب
أخذني اخوي معاه وهو رايح لغرفة العيال ... وأنا بصراحة كنت مبسوط لأن ودي أشوف اخواني واعرف كيف يتصرفون ؟!..كيف يفكرون ؟!... كيف يلعبون ؟!.. حطني ورا ظهره ودخل الغرفة وهو يقول (من يدري وش جبت معي) تجمعوا اخواني قدامه واللي يقول كورة !! والثاني يقول بسكوت (هذا دب) واللي يقول يديك فاضية يانصاب !! ...ويوم طلع يديه من ورا ظهره وشافوني اخواني قدامهم وهم يقولون بصوت واحد (عنتوووري) وتمتد الايادي على جسمي الصغير يقدمون التحية على طريقتهم ! ويجي اخوي الاكبر ويشيلني من بينهم ويحطني في نص الغرفة وهو يقول (يلله نلعب لعبة الهنود الحمر إذا صادوا لهم صيدة) !! أنا خفت على نفسي وقلت اللهم سلّم سلّم ... وكونوا دايرة حولي وبدوا يدورون وهم يقولون بصوت واحد (بو بو بو ... با با با) .... الله وناسة على الأقل أحسن من لعب البنات !! مكياج ودلع فاضي :) ..
ويوم طفشوا من الدوران جلسوا ...وقعدوا يسولفون عنّي وأنا اسمع.... واحد منهم قال (قهر والله .. ليتنا مسمينه خالد) قال الثاني (ليش خالد عاد ؟!) قال الاول (على اسم خالد التيماوي وعلشان إذا كبر يصير هلالي ويحب خالد ؟!) ... قال اخوي الكبير (ضفوا وجيهكم عنتر إذا كبر يبي يصير نصراوي وأنا أبشتري له طقم النصر) قال اخوي الاول (والله لو صار نصراوي لا اصفقه) ... تطور الكلام بينهم شوي .. وبدوا يتكلمون حتى بايديهم ورجليهم !! ... كويس هذولا ثنين وسلمنا منهم ... بقى اربعة .. قال واحد منهم (سمعت أبوي امس وش قال لعمي ؟) .. قال الثاني (وش قال ؟) .. الاول (قال لعمّي ترا بنتك عبلة محجوزة لولدي عنتر) ... قال الثاني (وش قال عمي طيب ؟!) ...الاول (وش قال !! وهو يقدر يقول لابوي لا ؟ .. أصلاً البنت لولد عمّها مثلك أنت وتفيدة !) ... استحى اخوي ونزل راسه وهو يقول (الله ياخذك لاتفشلني كذا) ... ضحكوا عليه وأنا قعدت افكر بالموضوع... الحين وشي عبلة ذي ؟ زينة مهيب زينة ؟ اذا كبرنا بنحب بعض ولا لا ؟ .. طيب يمكن ماتبغاني ولا أنا ماأبغاها ... ولا نتزوج غصب علشان ابوي وابوها حاجزينا لبعض ؟ .. طيب وش الفايدة اذا تطلقنا من أول شهر ؟ ... هيه لحظة وين سرحت ؟! قدامك سنيييين لين تفكر بهالمواضيع .. انتبهت لاخوي الكبير يوم جاني يتبسم هو وكشرته .. وأول مافتح افمه وتجيني روايح هالدخان وأنا اكشر بوجهه ... وأتصدد عنه ... وهو يجي يبي يلاعبني ويعفط وجهه قدامي وأنا مكشر بس كذا مزاج ماودي اضحك له ... لين زهق منّي وخلاني بحالي .. ويجي اخوي الثاني يناظرني وأنا اضحك له عناد باخوي الكبير :)...
جاب واحد من اخواني طاري العزيمة الليلة .. والضيوف ومن يبي يجي واللي مهوب جاي .. ومن كلامهم عرفت ان عمي الحين موجود في البيت هو وعياله وبناته ....باختصار عبلة في البيت ... يعني لازم أشوفها بس وشلون افهمهم اني ابروح ؟! ... اصيح ؟ ...لا لا قديمة ذي ... طيب أجرب خط الدفاع الثاني ...... واحد .. اثنين .. ثلاثة ...بووووووم ... اطلقت قنلبة تردد صداها بالحفاظة ... وشالوني اخواني لأمي على طول .. واعلنت الطوراي وحضر التنفس بالغرفة إياها -من الريحة- لمدة ثلاث أيام تلي الحادث !! ...
رحت لغرفة العمليات - دورة المياة تكرمون- وتمت إزالة آثار القنبلة وازالة الشطايا ....
وغيروا ملابسي .. ودخلوني على الغرفة وحطوني -بعد التربيط بالمهاد- على الأرض ... جلست بضعة دقايق أتهوى ووأرتاح لأن المجهود اللي سويته مهوب قليّل أبد ... وبعد ماسكنت أنفاسي وبديت احس بماحولي .. حسيت ان فيه أحد في الغرفة غيري ... قال لي قلبي ... وأنا اتلفت جهة اليسار والقى مجموعة انسان ... مربط بمهاد مثلي ... والموضوع مايبغى له ذكاء ... أكيد هذي عبلة ... ناظرت لها وناظرتني ... ماحسيت بانجذاب ناحيتها .. صحيح انها حلوة مرّة ... يعني أحلى منّي شوي ... لكن مااشوف فيها فتاة أحلامي بعد عشرين سنة !!!! ...
قالت لي (اكيد انت عنتر !!) .. قلت (لا أنا ولد جيرانهم) ... قالت (هاهاها ... دمّك خفيف مرّة) ..قلت (هذا من ذوقِك)... قالت (اكيد عرفت انهم خاطبينا لبعض من هالحين !)... قلت (ايه عرفت .. بس أنا منيب موافق) ..قالت (حتى أنا .. بس المشكلة وشلون نقنعهم ؟!)... قلت ( والله مدري لكن لاجاء هكا الوقت لها ألف حلاّل ) ... قالت (هذا انتم يالعيال لاطاح الفاس بالرأس قلتوا ياليت وياليت ..خلنا نفكر من هالحين ) ...قلت (والله انتي آخذه مقلب بنفسِك ... تبغين تصيرين من اللي كيدهّن عظيم .. من الحين ..هاهاها) ..قالت (بلاك ماتدري... بكرا لاكبرت الا مخك طايش .. ولا عاد عندك عقل ... المهم ....بطلب منّك طلب وأبغاك تنفذه بحذافيره ) ...قلت (زين نشوف آخرتها معاكي) ... قالت(اذا شفتني أبكي وانت ترضع ... وقف ولاتشرب شي) ... قلت (هاه !!!...طيب ليش ؟) ..قٌالت (بعدين أقول لك ) ... قلت (وهوا كذلك) ...
دخلت أمي علينا بالرضاعة ويوم شافتنا نناظر ببعض قالت وهي تضحك (ماشاء الله عليكم من هالحين تعاشقتوا) ... غمزت لعبلة بعيني ... بدون ماتشوفني أمي .. قربت امي وحطت الرضاعة بافمي وخذ ياحقن وأنا ميت جوووع ... ويوم انتصفت بالرضاعة ...وتقعد تصيح عبلة ... ناظرت فيها ... وتذكرت الاتفاق اللي بيننا ... ياولد والله اني ميتٍ جوع .. وارجع اكمل ... وترفع صوتها بالصياح ... وتشيلها أمي تبي تسكتها وماش عيّت .. وأنا أوقف عن الشرب ... وأمي تحاول تشربني ... وأنا رافض ... قالت أمي (بهواك) ... وشالت الرضاعة وحطتها بحلق عبلة اللي ماصدقت خبر .. ولفّت باقي الحليب وأنا اناظر ... ومقهووور .. وحسيت اني غبي .. وان كيدهن عظيم صدق !! .. ويوم خلصت الرضاعة طلعت امي بعد ماتكمنت علينا .. وأنا التفت على عبلة وكبدي منبطة لكن مدري وش اقول ؟! ... قالت لي عبلة (خلاص الحين كل شي تمام ) .... قلت لها (وش اللي تمام ... يعني لعبتي علي وأكلتي غداي وتقولين تمام ؟؟!!) ... قعدت تضحك عبلة وهي تقول (ياغبي ... أنا كنت قاصدة الحركة ذي لسبب وجيه جداً ) .. قلت (هاه وشو ؟ نورينا يا لبيبة) ...قالت (الحين أنا وأنت رضعنا من علبة نيدو وحدة .. ومن رضاعة واحدة ... يعني أنا وأنت اخوان من النيدو ..فهمت ؟!) ..
يالله وشلون ماجت ببالي هالفكرة !!! .... أنا وعبلة أخوان من النيدو .. يش حلو ... لكن اللي ماهو حلو .. ان كل هالعالم اخوان من النيدو ... يعني من وين أبلقى لي وحدة راضعه من امها ؟! .. او على الاقل من كليم .. دانو .... يارجّال ... يحلها ربك ...
هذا آخر جزء ...
وسلامتكم ...
** للمعلومية .. أنا كاتب نفس الموضوع في ساحة الاقلاع باسم (أبورويشد) ..
لذا جرى التنبيه ..
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
اللي ماقرا الاجزاء السابقة ..
يضغط هنا ..
وفي كل جزء يلقى لنك للجزء اللي قبله ...
الورقة الرابعة (http://www.swalif.net/sforum/showthread.php?postid=462314)
اللعب مع الكبار _2_ ...وحبيبة القلب
أخذني اخوي معاه وهو رايح لغرفة العيال ... وأنا بصراحة كنت مبسوط لأن ودي أشوف اخواني واعرف كيف يتصرفون ؟!..كيف يفكرون ؟!... كيف يلعبون ؟!.. حطني ورا ظهره ودخل الغرفة وهو يقول (من يدري وش جبت معي) تجمعوا اخواني قدامه واللي يقول كورة !! والثاني يقول بسكوت (هذا دب) واللي يقول يديك فاضية يانصاب !! ...ويوم طلع يديه من ورا ظهره وشافوني اخواني قدامهم وهم يقولون بصوت واحد (عنتوووري) وتمتد الايادي على جسمي الصغير يقدمون التحية على طريقتهم ! ويجي اخوي الاكبر ويشيلني من بينهم ويحطني في نص الغرفة وهو يقول (يلله نلعب لعبة الهنود الحمر إذا صادوا لهم صيدة) !! أنا خفت على نفسي وقلت اللهم سلّم سلّم ... وكونوا دايرة حولي وبدوا يدورون وهم يقولون بصوت واحد (بو بو بو ... با با با) .... الله وناسة على الأقل أحسن من لعب البنات !! مكياج ودلع فاضي :) ..
ويوم طفشوا من الدوران جلسوا ...وقعدوا يسولفون عنّي وأنا اسمع.... واحد منهم قال (قهر والله .. ليتنا مسمينه خالد) قال الثاني (ليش خالد عاد ؟!) قال الاول (على اسم خالد التيماوي وعلشان إذا كبر يصير هلالي ويحب خالد ؟!) ... قال اخوي الكبير (ضفوا وجيهكم عنتر إذا كبر يبي يصير نصراوي وأنا أبشتري له طقم النصر) قال اخوي الاول (والله لو صار نصراوي لا اصفقه) ... تطور الكلام بينهم شوي .. وبدوا يتكلمون حتى بايديهم ورجليهم !! ... كويس هذولا ثنين وسلمنا منهم ... بقى اربعة .. قال واحد منهم (سمعت أبوي امس وش قال لعمي ؟) .. قال الثاني (وش قال ؟) .. الاول (قال لعمّي ترا بنتك عبلة محجوزة لولدي عنتر) ... قال الثاني (وش قال عمي طيب ؟!) ...الاول (وش قال !! وهو يقدر يقول لابوي لا ؟ .. أصلاً البنت لولد عمّها مثلك أنت وتفيدة !) ... استحى اخوي ونزل راسه وهو يقول (الله ياخذك لاتفشلني كذا) ... ضحكوا عليه وأنا قعدت افكر بالموضوع... الحين وشي عبلة ذي ؟ زينة مهيب زينة ؟ اذا كبرنا بنحب بعض ولا لا ؟ .. طيب يمكن ماتبغاني ولا أنا ماأبغاها ... ولا نتزوج غصب علشان ابوي وابوها حاجزينا لبعض ؟ .. طيب وش الفايدة اذا تطلقنا من أول شهر ؟ ... هيه لحظة وين سرحت ؟! قدامك سنيييين لين تفكر بهالمواضيع .. انتبهت لاخوي الكبير يوم جاني يتبسم هو وكشرته .. وأول مافتح افمه وتجيني روايح هالدخان وأنا اكشر بوجهه ... وأتصدد عنه ... وهو يجي يبي يلاعبني ويعفط وجهه قدامي وأنا مكشر بس كذا مزاج ماودي اضحك له ... لين زهق منّي وخلاني بحالي .. ويجي اخوي الثاني يناظرني وأنا اضحك له عناد باخوي الكبير :)...
جاب واحد من اخواني طاري العزيمة الليلة .. والضيوف ومن يبي يجي واللي مهوب جاي .. ومن كلامهم عرفت ان عمي الحين موجود في البيت هو وعياله وبناته ....باختصار عبلة في البيت ... يعني لازم أشوفها بس وشلون افهمهم اني ابروح ؟! ... اصيح ؟ ...لا لا قديمة ذي ... طيب أجرب خط الدفاع الثاني ...... واحد .. اثنين .. ثلاثة ...بووووووم ... اطلقت قنلبة تردد صداها بالحفاظة ... وشالوني اخواني لأمي على طول .. واعلنت الطوراي وحضر التنفس بالغرفة إياها -من الريحة- لمدة ثلاث أيام تلي الحادث !! ...
رحت لغرفة العمليات - دورة المياة تكرمون- وتمت إزالة آثار القنبلة وازالة الشطايا ....
وغيروا ملابسي .. ودخلوني على الغرفة وحطوني -بعد التربيط بالمهاد- على الأرض ... جلست بضعة دقايق أتهوى ووأرتاح لأن المجهود اللي سويته مهوب قليّل أبد ... وبعد ماسكنت أنفاسي وبديت احس بماحولي .. حسيت ان فيه أحد في الغرفة غيري ... قال لي قلبي ... وأنا اتلفت جهة اليسار والقى مجموعة انسان ... مربط بمهاد مثلي ... والموضوع مايبغى له ذكاء ... أكيد هذي عبلة ... ناظرت لها وناظرتني ... ماحسيت بانجذاب ناحيتها .. صحيح انها حلوة مرّة ... يعني أحلى منّي شوي ... لكن مااشوف فيها فتاة أحلامي بعد عشرين سنة !!!! ...
قالت لي (اكيد انت عنتر !!) .. قلت (لا أنا ولد جيرانهم) ... قالت (هاهاها ... دمّك خفيف مرّة) ..قلت (هذا من ذوقِك)... قالت (اكيد عرفت انهم خاطبينا لبعض من هالحين !)... قلت (ايه عرفت .. بس أنا منيب موافق) ..قالت (حتى أنا .. بس المشكلة وشلون نقنعهم ؟!)... قلت ( والله مدري لكن لاجاء هكا الوقت لها ألف حلاّل ) ... قالت (هذا انتم يالعيال لاطاح الفاس بالرأس قلتوا ياليت وياليت ..خلنا نفكر من هالحين ) ...قلت (والله انتي آخذه مقلب بنفسِك ... تبغين تصيرين من اللي كيدهّن عظيم .. من الحين ..هاهاها) ..قالت (بلاك ماتدري... بكرا لاكبرت الا مخك طايش .. ولا عاد عندك عقل ... المهم ....بطلب منّك طلب وأبغاك تنفذه بحذافيره ) ...قلت (زين نشوف آخرتها معاكي) ... قالت(اذا شفتني أبكي وانت ترضع ... وقف ولاتشرب شي) ... قلت (هاه !!!...طيب ليش ؟) ..قٌالت (بعدين أقول لك ) ... قلت (وهوا كذلك) ...
دخلت أمي علينا بالرضاعة ويوم شافتنا نناظر ببعض قالت وهي تضحك (ماشاء الله عليكم من هالحين تعاشقتوا) ... غمزت لعبلة بعيني ... بدون ماتشوفني أمي .. قربت امي وحطت الرضاعة بافمي وخذ ياحقن وأنا ميت جوووع ... ويوم انتصفت بالرضاعة ...وتقعد تصيح عبلة ... ناظرت فيها ... وتذكرت الاتفاق اللي بيننا ... ياولد والله اني ميتٍ جوع .. وارجع اكمل ... وترفع صوتها بالصياح ... وتشيلها أمي تبي تسكتها وماش عيّت .. وأنا أوقف عن الشرب ... وأمي تحاول تشربني ... وأنا رافض ... قالت أمي (بهواك) ... وشالت الرضاعة وحطتها بحلق عبلة اللي ماصدقت خبر .. ولفّت باقي الحليب وأنا اناظر ... ومقهووور .. وحسيت اني غبي .. وان كيدهن عظيم صدق !! .. ويوم خلصت الرضاعة طلعت امي بعد ماتكمنت علينا .. وأنا التفت على عبلة وكبدي منبطة لكن مدري وش اقول ؟! ... قالت لي عبلة (خلاص الحين كل شي تمام ) .... قلت لها (وش اللي تمام ... يعني لعبتي علي وأكلتي غداي وتقولين تمام ؟؟!!) ... قعدت تضحك عبلة وهي تقول (ياغبي ... أنا كنت قاصدة الحركة ذي لسبب وجيه جداً ) .. قلت (هاه وشو ؟ نورينا يا لبيبة) ...قالت (الحين أنا وأنت رضعنا من علبة نيدو وحدة .. ومن رضاعة واحدة ... يعني أنا وأنت اخوان من النيدو ..فهمت ؟!) ..
يالله وشلون ماجت ببالي هالفكرة !!! .... أنا وعبلة أخوان من النيدو .. يش حلو ... لكن اللي ماهو حلو .. ان كل هالعالم اخوان من النيدو ... يعني من وين أبلقى لي وحدة راضعه من امها ؟! .. او على الاقل من كليم .. دانو .... يارجّال ... يحلها ربك ...
هذا آخر جزء ...
وسلامتكم ...
** للمعلومية .. أنا كاتب نفس الموضوع في ساحة الاقلاع باسم (أبورويشد) ..
لذا جرى التنبيه ..