شجون المحبه
28-08-2000, 07:07 AM
في قعدت بنات وحده ملااااااااااااااانه ولا تعرف شوه تسوي
قالت يالله خليني أألف هالكلمتين واقولهن واغير جو هالقعده ..
البايخه اللي مالها حلاااه …على الاقل انلاقي شيء نسولف فيه ونضحك …
وتنادي ربيعتها …وتقولها ...
# حبيبتي ما دريتي …فلانه البارحه شافوها في المكان الفلاني
مع واحد ..تصدقين يوم خبروني ما صدقتهم ..
@ معقوله لا لالا ما اصدق لا تقول صحيح والله ..معقوله ..ما
اتوقع انها ممكن تسويها ..لا جد انتي متاكده ؟
# هيه حبيبتي كيف مب متاكده الا متاكده ونص وثلاث ارباع ....
@ واناااااااا كنت اقول في خاطري مستحيل هالادب والذوق من فراغ ....
# هيه صدقج وانا بعد كنت منخدعه فيها طلعت ميّه من تحت تبن ….
@ زين ما خبرتيني مـــنـــوه قالج هالخبرونوه علمج عنها …....
# اصــبري زين ليش ماكله قرصج نيّ ..نسيت اقولج بعد شيء …
@ شوه بعد صار ؟؟انشاءالله بس خير ؟؟قولي يالله اسمعج …
# واللي شافوهم راحوا و خبروا عليها اخوها …يووووووووه…
واستوت سالفه ….
@ اووووووووه ياويلها من اخوها عيل مسكينه الله يعينها
على ما بتلاها ..
# لاالله تستاهل الحين شوهت سمعت اهلها ..محد قالها
تستاهل اللي جرالها..
@ على قولتج محد ضربها على ايدها وقال الها سوي هالشيء
...يعّلها واكثر بعد …
# وصدق اللي قال لا طاااااااح الجمل كثرت سجاجينه …..
واحنا قاعدين نزيدها الحين..:)
@ ما يخالف خلينا نغير هالسالفه ما يخصنا فيها …بس اذا
رديت البيت لازم اقول لامي عنها ..
وجييييييييه السالفة تبدا بالانتشار وتتفرع وكل ما توصل حد
يزيد عليها شوي ويبلورها ويصورها بكيفه ..واحد ثاني يزيد
عليها شويه بهارات …وتبدا بتفشي في كل مكان …والمسكينه
البنت ولا عندها خبر لا هي ولا اهلها ..فقيره ساهيه ولاهيه
ويا غافل لك الله ...بس مخطويه …وباقي على زواجها شهر ..
وما درت الا خطيبها يقول لاهلها ا انا ما ابغي بنتكم ولا يقولهم
ليـــــش ...وهي تنصدم وما تدري سبب اللي انفسخت الخطوبه
عشانه واهلها يتفاجاؤون ويوم يسالون الا جارتهم تقولهم على السالفه ..
ومع الاسف بعد كل هذا تطلع في الاخير مجرد إشاااااااااااااااااااعه ..:(:(:(
ولكن في النهايه هدمت حياة ومستقبل هالبنت المكسينه اللي
مالها أي ذنب ..الا ان ربيعتها حبت تألف قصه عليها ….:(
" ملاحظه : ترا الرمسه كلها بالاماراتي …اللي ما يفهم شيء يقول ورح اترجم له …":):)
قالت يالله خليني أألف هالكلمتين واقولهن واغير جو هالقعده ..
البايخه اللي مالها حلاااه …على الاقل انلاقي شيء نسولف فيه ونضحك …
وتنادي ربيعتها …وتقولها ...
# حبيبتي ما دريتي …فلانه البارحه شافوها في المكان الفلاني
مع واحد ..تصدقين يوم خبروني ما صدقتهم ..
@ معقوله لا لالا ما اصدق لا تقول صحيح والله ..معقوله ..ما
اتوقع انها ممكن تسويها ..لا جد انتي متاكده ؟
# هيه حبيبتي كيف مب متاكده الا متاكده ونص وثلاث ارباع ....
@ واناااااااا كنت اقول في خاطري مستحيل هالادب والذوق من فراغ ....
# هيه صدقج وانا بعد كنت منخدعه فيها طلعت ميّه من تحت تبن ….
@ زين ما خبرتيني مـــنـــوه قالج هالخبرونوه علمج عنها …....
# اصــبري زين ليش ماكله قرصج نيّ ..نسيت اقولج بعد شيء …
@ شوه بعد صار ؟؟انشاءالله بس خير ؟؟قولي يالله اسمعج …
# واللي شافوهم راحوا و خبروا عليها اخوها …يووووووووه…
واستوت سالفه ….
@ اووووووووه ياويلها من اخوها عيل مسكينه الله يعينها
على ما بتلاها ..
# لاالله تستاهل الحين شوهت سمعت اهلها ..محد قالها
تستاهل اللي جرالها..
@ على قولتج محد ضربها على ايدها وقال الها سوي هالشيء
...يعّلها واكثر بعد …
# وصدق اللي قال لا طاااااااح الجمل كثرت سجاجينه …..
واحنا قاعدين نزيدها الحين..:)
@ ما يخالف خلينا نغير هالسالفه ما يخصنا فيها …بس اذا
رديت البيت لازم اقول لامي عنها ..
وجييييييييه السالفة تبدا بالانتشار وتتفرع وكل ما توصل حد
يزيد عليها شوي ويبلورها ويصورها بكيفه ..واحد ثاني يزيد
عليها شويه بهارات …وتبدا بتفشي في كل مكان …والمسكينه
البنت ولا عندها خبر لا هي ولا اهلها ..فقيره ساهيه ولاهيه
ويا غافل لك الله ...بس مخطويه …وباقي على زواجها شهر ..
وما درت الا خطيبها يقول لاهلها ا انا ما ابغي بنتكم ولا يقولهم
ليـــــش ...وهي تنصدم وما تدري سبب اللي انفسخت الخطوبه
عشانه واهلها يتفاجاؤون ويوم يسالون الا جارتهم تقولهم على السالفه ..
ومع الاسف بعد كل هذا تطلع في الاخير مجرد إشاااااااااااااااااااعه ..:(:(:(
ولكن في النهايه هدمت حياة ومستقبل هالبنت المكسينه اللي
مالها أي ذنب ..الا ان ربيعتها حبت تألف قصه عليها ….:(
" ملاحظه : ترا الرمسه كلها بالاماراتي …اللي ما يفهم شيء يقول ورح اترجم له …":):)