مو جهل ...... تجاهل

[دموع حائرة]

اذا تجاهلكم شخص معين من غير سبب ... رغم العلاقة الجيده بينكم
ايش في رايكم الدافع لذلك .. وكيف تتصرفوا معاه ؟؟؟؟
يعني هل تقابلوه بالمثل ؟؟
ابغى ارائكم ؟؟؟

[النابغة الطائي]

أن هذا تكبر وإعجاب بالنفس وغرور ..

[الحفار]

لا اكيد اساله

واقول له وش فيه ؟؟؟

[سنفور غبي]

بس انت ما وضحتي... مدة معينة ولا على طول؟؟؟

[الفرزدق]

أوقفه وأقول على وين رايح؟؟
وش فيك كأنك زعلان علي؟؟؟؟ مسوي لك حاجه لا سمح الله؟؟؟

وبعدين لا نقابله بالمثل حتى ولو طال الزمن
ولازم إنك تعرف السبب من أول ما تشوفه!!!

[النابغة الطائي]

المشكلة أنه قريب مني ..؟




أنتظر المفاجأة ..؟



ولا أطلع برى ..

[سليمان.]

والله يعتمد
ان كان انه مره عزيز واعتبره مثل اخ اروح له واشوف السبب.

اما اذا كان شخص عادي عزت نفسي ما تسمح لي اروح له

[خله على كيفه]

اعرف الاسباب
وبعدين تصرف اذا كنت تبي تعامله
بالمثل او لا

ابحث عن الاسباب

[شجون المحبه]

طبعا بغض النظر عن منوه الشخص لازم رح استغرب واتفاجا من هالشيء..

ولكن على حسب مدى علاقتي مع هذا الشخص ..اذا كان عزيز وغالي علي ..

او انه مجرد شخص عادي عرفته من يومين وسلمته عليه واليوم اللي
وراه انكر معرفتي ...فهذا ما ينزعل عليه ولا حتى استغرب منه ..
لان صايره موضه سالفة التجاهل من بعض الناس المغروين اواليل
شايفين نفسه احسن من غيرهم ...وخاصه اذا عرفت ان سبب التجاهل
كبر في النفس والله ما اسال فيه وخليه يتجاهلني وانا اعرف بعد اطنش....
اما اذا كان هذا الانسان معرفتي فيه عميقه واعرفه زين ..مستحيل
يتجاهلني من غير سبب اكيد في شيء او انه زعلان علي او انا غلطت
في حقه ويريد يحسسني في هذا الشيء ...وبالتالي اروح استفسر
منه واستسمحه اذا كنت فعلا غلطت ...


دمووووووع موضوع حلو ...:)

احتراماتي لك ...

[بياع القلوب]

هلا دموع
موضوع حلو ويعاني منه الكثير للأسف ...

اذا كنت انا الغلطان وما ادري . اراجع نفسي واشوف متى غلطت عليه أو عليها عشان يتجاهلني.. واستسمح منه / منها ...
ولكن اذا كان بدون سبب مني وفجأه قطع اتصاله وتجاهلني
انتظره هو يقول اللي في خاطره وما ازن على راسه واساله وش فيك.. اللي يزعل لوحده يرضى لوحده ..
لكن اذا كان تجاهله لشيء آخر خارج عن يدي أو خلص (مهمته معي)فاسمحيلي اقول له او لها في هذه النقطة

------------- طز فيه / فيها

لأن ما تهون العشرة الا على أولاد الحـ ....
عموما اللي يبيعني ابيعه برخيص ها اذا جاب قيمة في الحراج كمان ..
اسمحولي على الاسلوب لكن الدنيا غداره ...وانتبهوا من الدنيا ..

تحياتي
بياع .. ويزيدني الشرف

[دموع حائرة]

هلا بالنابغة الطائي ... صح .. يمكن ... شكرا لمشاركتك :)

سنفور غبي .. اقصد بعد فترة من علاقتنا .. مو مده محدده .. وياهلا :)

الفرزدق .. اشكرك على رايك .. واعتقد انه حل سليم .. شكرا:)

سليمان .. اشكرك لابداء رايك .. و المعزة غالبة اكثر والله :)

خله على كيفة ... ياريت تعرفونا على نفسكم .. واشكرك على رايكم القيم والله ...و ياهلا :)

شجوون المحبه .... اعجز عن الشكر والله ، و مواضيعكم الاحلى والله ... و شكراااااا على هالراي .. صح 100% :)

بياع .. شكرا واتمنى ان تنال مواضيعي اعجابكم :) رايك سديد وهذا الاسلوب ما به شيء بالعكس صحححح :)

[دموع حائرة]

الحفاااااااااااار ... نسيتك .. ينساك الموووت
اوافقك والله في رايك ... وشكرا لرايك ... ويا 1000 هلااا :)

[wildorchid]

زي ماقالت شجون..
لو هذ الانسان معرفتي فيه سطحيه صدقيني مايستاهل اني حتى افكر فيه ولكن لو كان يعني لي شيء..أي شيء لازم اسأله واعرف وش صار للاني يمكن أخطيت في حقه من غير قصدأو يمكن انه فهم موقف معين وفسره خطأ..

تحياتي دموع :):)

[الاماراتي]

مواجهة الخطأ بالخطأ
هو الخطأ بعينه
فلازم نعرف شو السبب
بعدين يمكن يكون متضايق وسرحان
بسبب النتيجة مثلا او مشكلة في البيت صارت وياه