يا شباب أريد مساعدتكم ( الشباب وبس)

[sanfura]

عندي في القسم اللي جنبي موظف يحب السوالف ( طبيعته)مو سوالف مالتنا ..
المهم انا ألبسه وما أعطيه ويه .. وايد عليه أرد سلامه واجندس راسي في الكي بورد علشان يروح.. بس ما في فايدة .. الموظفة الثانية تعطيه ويه شو كبره.. ويقعد يسولف معاها ويخبرها عن أمه ( الحين شو خصنا بأمك) عن طولها وعرضها وانه وايد يحبها..
لوع بجبدي تراه
ومش عارفة شو اسوي معاه البسه والله العظيم بس ويهه لوح يدخل المكتب ( ترى مش قصده يغازل ، هو طبيعته عاق الميانه مع الموظفات) بس أنا ما تعجبني هالحركات..
وفي نفس الوقت ما أقدر أزفه أو أطرده ( مو مكتب أبوي) هو تراه مش في قسمي أو إدارتي لكنه رزه..
يا شباب دخيلكم شو أسوي انتو رياييل مثله وتقدرون تساعدوني في هالموضوع؟؟

[الحفار]

هذا احسن حل له انك تبلغين رئيس القسم

وصراحه اللوم على زميلتك اللي تسمح له انه يتكلم معاها بامور بعيده عن العمل

ولو كل بنت وقفت اي شاب من هالنوعيه عند حده كان امور كثيره تحسنت في مجتماعاتنا

ماعندك الا رئيس القسم اعتقد احسن حل
او انتي زفيه
وهذا من حقك بل بالعكس الكثير راح يحترمك لانك ما قبلتي السخافات هذي اللي قاعد يسويها


تحياتي لك اختي

[sanfura]

بس رئيس القسم.............




حرمة

وهي عادي عندها هالسوالف لأنها تصافح الرياييل باليد

بالنسبة لهم أن شوي شاذة عن القاعدة لأن الأغلبية مو منقبات وطق حنك مع الموظفين
إلا يا فلان بتبيع النوكيا مالتك .. الله يخليك لو بتبيعه قولي أريد أشتريه...
إلا يا فلان وينك من زمان ماحد شافك لا تتصل ولا تسأل

ومن هذا وذاك الكثير والله لاعت جبدي
لا تقولون اتركي الوظيفة لأنها أحسن وظيفة حالياً وبعد ماأخذ هادتي الجامعية بدور على مكان أفضل لكن اللين ذاك الوقت شو اسوي مع اللي ما يستحي

[تركي المنصور]

يا كثرهم والله ..
هل العينات ..
لاشغل ولا مشغله ..
الا هالسواليف ..
.
.
.
.
.
.
.
.
.
.
.
.
بس هي كلمة وحده ..
جربيها وتشوفين ..
وبتقولين تركي قالها ..
.
.
.
.
.
.
.
.
.
.
.
.
.
.
.
وهم قاعدين يتكلمون ..
قولي ..
تو تو ..
اوووف ..
.
.
.
.
.
واذا رد عليكي ..
زاعقي عشان المدير يشوفه ..
ويساله ..
وش عندك ..
وبعدها ..
هذا وجهي ..
ان شفتيه ..

[heartking]

زفيه وخليها زفه عجب:)

[الحفار]

بس برضه ماعليك منه

ولا من رئيسة القسم

انتي بلغيها حرفيا بالكلام هذا وقولي لها اذا الوضع استمر بالشكل هذا راح ابلغ المسئولين اللي اعلى منك

وايضا بامكانك توضحين له الشيء هذا هو بنفسه وتقولين له ما يصير انك تجي قسم مو قسمك وقولي له انه يستحي على دمه واكيد اذا عنده احساس راح يحس بالشيء هذا واذا ما حس
اعتبريه مثل خواتك يعني ماله وللرجوله شيء

وسلامتك

[عسل]

ههههههههههههه
لا امزح (كذاب ..ما امزح ):):)
---------
شوفي يا بنت الناس...ممكن اسألك سؤال ...وانتي وش دخلك في الموضوع..
خليه ...يترزز مسيكين ...(ما ترحموش ولا تخلو رحمة ربنا تتدحرج :))
يعني انتي ما تعطيه وجه ...
وما تبغين خويتك تعطيه ...وجه ..
هههههههههههه... اقول ..جيتيك يا عبد المعين تعين .. لقيتك يا عب المعين ...رايح فيها ...
لا والحفار..يرد بعد ...اقول عبدالله ...ترا .. هنا كل جلستنا سواليف ..مع ذا الاعضاء...
اعضاء= بنات +بنات +بنات +شباب :):):)
يمه ..عبودي بيهاوشني ;)
الحين ...قاعده تسولفي بالنت ..(وموضوع لشباب فقط ..:):))
وزهقانه من الضعيف اللي يمدح في امه ...هههههه
والله اني قاعد اضحك ..بس مو عليكي ..على الحفار اللي متحمس في الرد ....هأأأأأأأأأأوووووووانا اليوم ..رايق..الله يعينكم ..
---------
عســــــــــ علىفكره ...ركزي على صديقتك ..واوهميها انه رجال مو بزين ..كذا ما تعطيه وجه ..وينقلع ــــــل

[sanfura]

[عسل]

الحين ..تعالي..هنا ...
اه فهمت .. توك جديده ..عشان كذا ما تعرفين عسووووووووول...
يا حياتي...:)
شوفي يا ستو ..
الموضوع وما فيها ..اني واد بتاع هزار...(لالالا هزار يعني ابن نكته مش زي منتي فاكره ...حاقة زي المضاد الحيوي للزعل:))
المهم يختي..انتي مين آآآآآآآآآلك ان اخوتي مش في النت ...تسدأي..
الصغيره جنبي دلوأتي ...والكبيره ..تسحب الكي بورد من ايدي ..وكلهم بيؤلوااا بنحبك يا سنفوره ...
وبعدين ..مين قال اني ما اعرفك ...ولا شفت وجهك ...الا اعرفك ونص..(مش وشك ازرأ ) >>> :( بس منقبه :)
--------
طيب الحين .. مهما كان ...قبل ما تنتهي الساعه ... شيلي ردك المهبب اللي فوق ...لا ادعي عليك... ..واخلي امي تدعي عليكي ..
واخلي...شغالتنا ...تكلم امها في الفلبين ..تدعي عليكي ..:(
---------
عســـــــــ طيب الحين هو راح والا باقي يسولف عن امه ــــــــل

[sanfura]

سحبت موضوعي قبل ما تدعي علي شغالتكم
مو ناقصة دعاوي فلبينيات

وعلى فكرة راجع أيميلك يا عسل أفندي