الى اللذين يخشون أن يسحب البساط من تحت أقدامهم .. في سوالف

[جواد الليل]

الى الأخوة الأعزاء في سوالف .. الكبار قبل الصغار

لاحظت في المدة الأخيرة ان هناك اسماء لا ترد ولا تشارك في مواضيع اسماء أخرى !!رغم اني متأكد تماما من انهم يقومون بقراءة كل المواضيع المطروحة .
والسبب حسب اعتقادي هو انهم احسو بأن هناك مبدعون اخرون بدأو ينافسونهم فخافو على انفسهم وبدأو يحاولون تحجيم المبدعين من خلال الشلليه الواضحه حيث تجد اعضاء لا ترد الا على مواضيع اعضاء معينة حتى لو كانت المشاركة تافهة ولا تحتوي مضمون او فكرة وحتى لو كانت عبارة عن كلمة واحدة بدون معنى , تجدهم ( الشلة ) يسارعون في الرد ليتصدر الموضوع القائمة !! ولجذب الأنتباه وفي نفس الوقت ابعاد الأنتباه عن المواضبع الجيدة التي يكتبها اعضاء من خارج الشلة !! وكذلك تجنب الرد والشكر لأعضاء يشاركون في تقدير موضوع عضو معين !! فتجده يقوم بالرد على الجميع ( بالأسم ) ويتجنب اعضاء اخرين عنوة وقصدا !!
لماذا ؟؟ لماذا لا تملكون روح الأخوة والروح الرياضية !! لماذا التعقيد في نفوسكم ؟ وأنتم من يكتب عن الأنسانية والحب والمشاعر !!
اعتقد انكم تعرفون انفسكم جيدا ، وصدقوني بأنكم بدأتم تصغرون في عيني .
لا اريد من احد ان يغضب مني , لكن المقصودين يعرفون انفسهم , ورغم اني متأكد بأنهم سوف يبدأون بمحاربتي ايضا , لكن الله يجعلها أخر المصايب :) , والحمدلله انها على النت ومهي في الواقع , لأن حربهم هنا سهل الرد عليها , ان جاز التعبير بتسميتها حرب ! ولكني اعتقدها تصرفات مراهقين ليس الا .
وأخيرا اشكر الجميع واسف على الاطالة .
وأحيي ايض جميع الأشراف هنا وهم يعرفون انفسهم ايضا .

[النابغة الطائي]

كلهم كبار والكبير الله ..لكن في عيوننا صغار جداً جداً ..

إياك أعني وأسمعي ياجاره ..

[ساهر الليل]

تحياتي واحترامي وتقديري لامثالك اخوي العزيز

[طيبة]

كلامك قد يكون فيه شيء من الحقيقة بما شعرت أنت به..
ولكن عن نفسي أنا لا أقرأ كل المواضيع
بعض المواضيع وقد الحظ موضوع بعد اكتمال
الردود عليه .. فلا أجد مجال للكتابه
حتى موضوعي أحيانا لا أجد الوقت الكافي
للرد على كل الردود دفعة واحده ....
فجميعنا أخوه بإذن الله على الخير
ونحن هنا للإستفاده والإفاده
واعتقد أن هذا مايحصل مع بقية الأعضاء
............
تحياتي وتقديري

طيبـــــــــــــــــــ انظر توقيعي:)ــــــــــــــــــــــة

[جواد الليل]

النابغة .. ارجو ان تجد اذانا صاغية .. لي ولك .

ساهر .. وتقديري لك يزداد يوما بعد يوم وكذلك احترامي .

طيبة .. احتراماتي لك .. وأود ان ما قلتيه ان يكون صحيحا !

[الحفار]

تسلم اخوي العزيز

واتمنى ان الجميع فعلا يعي كلامك

[جواد الليل]

الله يحييك , كيف الحال , وش اخبارك , انشاءالله بخير .
---------------------------------------------
ايه والله اتمنى من الجميـــــــــــــــــــع ذلك .











ياهلا ومسهله بالحفار والله .
عزيز وغالــــــــــــي .

[الحفار]

يا اخ جواد

انا منهم ؟؟

[يزيد]

مرحبا اخوي جواد الليل .....
والله ان كلامك ما جاء من فراغ , لكن الشلليه موجوده في كل مكان وصعب القضاء عليها ، واعتقد ان الرد على الموضوع راجع للشخص نفسه ، يعني مو اني مثلا لازم ارد على كل موضوع ينكتب ، واحيانا ارد ابغى اوصل نقطه في بالي اثارها كاتب الموضوع ولكن اجد عضو اخر رد واوصل اللي ابيه ساعتها ما ارد لانه ما فيه شي جديد اضيفه واحيانا تطلع مواضيع قديمه ولكن لانها جيده تنرفع فوق ....فتاكد اخوي ان الموضوع الجيد سوف ياخذ حقه وزياده اما المواضيع اللي اي كلام فهي مثل الليره اللبناني مهما حاولت ترفعها رايح تنزل وراح تنسي وهاك الساعه ما يفيدها لا شلليه ولا غيره ....... وهي المساله اولا واخيرا راجعه للشخص اللي على الموضوع(فيه ناس ترد على اي شي وكل همهم مو الموضوع لا همهم العداد اللي تحت اسمهم ويمكن لاحظت ذلك مؤخرا بشكل واضح )
واخيرا اتمنى انه ما يكون الهم الاكبر للاخوان في سوالف ان مواضيعهم تتصدر سوالف وشوف كم ردوا علي وانا موضوعي متصدر ........بقدر الاهتمام بجدية المواضيع واهميتها.....!!!!
شاكر لك هالطرح .... واسف للاطاله ..

[جواد الليل]

ولو اني ما كنت احب انك تحلفني بالله او ندخل في هالمواضيع .
لكنك فعلتها ..
وواجب علي اني اجاوبك , لكن قبل ما اجاوبك ليش اعتقدت انك منهم ؟ !
------------------------------------------------

[الحفار]

هو السبب

حسيت انك تقصد الشيء هذا من خلال رد علي

وابيك تجاوبني

بس بالدليل

[جواد الليل]

انت قبل كل شي ما تحتاج شهاده من احد بروائعك ومشاركاتك .
لكن انا وعدتك بالجواب : بصراحة ايه , احيانا تتجاهل مواضيع وتشارك بمواضيع اقل اهمية منها ( طبعا هذا اكيد شي راجعلك ) بس هذا رأيي ولا تزعل مني .
وبعدين صدقني انا ما كتبت الموضوع وأقصد شخص بعينه .
وبالنسبة للدليل يا عزيزي , اسمحلي اني ما ابي الموضوع يتحول شخصي بيني وبينك او بينك وبين احد اخر . لكن اذا انت مهتم عندك الأرشيف ممكن تتطلع عليه .
وأطلبك طلب يا حفار انه هالموضوع ما يترك اي اثر سلبي .
ولك احتراماتي ويا هلا ومرحبا بك :)

[جواد الليل]

يا هلا بيك .
والحمدلله انك ملاحظ معي هالشي حتى ما اتهم اني اقصد احد معين .
وأشكرك لتوضيحك .

[الحفار]

انا مبداي واضح

اذا سجل احد جديد ارحب فيه وارد عليه بمواضيعه

واشجعهم (( والارشيف عندك موجود))

لكن اذا حسيت ان الشخص هذا يتجاهلني اكيد بتجاهله

واذا لاحظت ان الشخص هذا يرد على ناس معينين فقط ويتعمد اثارة المشاكل بسوالف الاصدقاء انا اول من يقف ضده

واعطيك دليل

....
العضو الله يذكره بالخير طيفان

انا اكثر واحد كان حبه فيه ورد على مواضيعه واعجبت فيه رغم انه كان يقول ان عمره 18 سنه

ومن جد حبيته

لكنه فجأه كشف عن نواياه وصار يتكلم على اعضاء قديمين واعزهم كثير

وكنت انا اول من رد عليه وحاولت وقفه عند حده لانه غلط

؟؟؟

شوف حبيبي

فيه مواضيع احيانا ما تستاهل ان احد يقراها وبعضها مكرر انا من زمان في سوالف واعرف كل المواضيع اللي انكتبت تقريبا

لذلك ما ارد على بعضها لاني سبق وان تكلمت فيها


وتاكد انا عمري ما ازعل الا من اللي يتطاول بالكلام وازعل من اللي يحاول يوهم نفسه بانه شيء وهو لاشيء وشايف نفسه وهو صفر حتى الصفر افضل منه

,,
روح شوف مواضيعك الاخيره تلاقيني راد عليك لسبب واحد وهو انك محترم

وردودك محترمه


حبيتك تفهم الشيء هذا

وحبيت افهم الامعات اللي ما يحترمون انفسهم يا اخي شوفهم وشوف عنوان اول موضوع كتبوه بعد فراقهم كم يوم ؟؟


وسلامتك

وتاكد ان احترامك باقي

[وردالشمال]

الحفار كلامه منطقى ..
.
ورغم اني لي في هذا المنتدى اكثر من سنه إلا انني نادراً
ماكنت ارد على الحفار ..ولا الحفار يرد على كثير .وعندك الأرشيف .
.
وهذا الشيء ..ماخلاني ..اقول ..الحفار له شلة ..وأنا لي شلة
.
كل واحد واثق بنفسه ((..وواثق الخطوة يمشي ملكً..))..
له معزته عندي ولي معزتي عنده .
.
اما بكلامك ..الشلة ..ياخي ..مله داعي .. شارك معاهم بفعاليه وصدقني بيعرفونك ..ويشاركونك مواضيعك ..اما انك تكتب كم موضوع وتبيهم ..يعرفونك زين ..ما اعتقد
.
وبيني وبينك ..فيه ناس ..والله ماودك تقر ولا حرف من مواضيعهم ..لأنه من غير طعم ولا ريح وبلا فائدة
.
وبعدين 99% من الأعضاء ..ما واحد شاف وجه الثاني ..بمعنى ياخي كيف يكرهونك ..وهم من ورى الشاشة كل واحد بديره ..الأسلوب ياجواد الليل يفرض نفسه ..وقوة الموضوع ايضاً ..
.
لايوجد في سوالف من تتكلم عنهم .. وأذا انت مانت مصدق عضو له اكثر من سنه ..اسئل المشرفين كلهم .
.
صحيح ان الآونه الأخيرة كثرو الناس ..وكثرة المواضيع ..وألأعضاء
والشيء هذا ينزل الموضوع للصفحة الثانيه والثالثة ..من دون ان يقراها اكثر الأعضاء .ولا يردون عليها
.
.
بختصار العنصرية اللي انت تقول عليها ..مو موجودة
..

.
.

[جواد الليل]

لا اود ان يكون هذا الموضوع سبب لأي مشاكل خصوصا بيني وبينك .
انت حر في وجهة نظرك ولك الحق في كل ما قلت .
ام بالنسبة لم ذكرته انت حين قلت : روح شوف مواضيعك الاخيره تلاقيني راد عليك لسبب واحد وهو انك محترم .
فأنا اشكرك ولكن لا اريد مجاملة من احد , اذا كان الموضوع مو عاجبك , شارك فيه وقول رايك فيه بكل صراحة , واعنقد ساعتها بتكون مشاركتك اكثر فائدة لي من كونها مجاملة .
------------------------------------------------------
ولحرصي ان لا يأخذ الموضوع اكبر من حجمه فأنا اعلنها هنا صريحة :

( أنا جواد الليل لم اكن اقصد احد معين , وخصوصا الحفار في موضوعي هذا )
ولكن اخوي الحفار سألني بالله , وقلت له رأيي كما اراه , ورأيي يحتمل الصواب والخطأ .
------------------------------------------------------
وتبقى يا عبدالله اخ حبيب , والله لا يجيب الزعل .

------------------------------------------------------
ورد الشمال .. اشكرك ولكن الشلة المقصودة لا تهمني ان عرفتني ام لم تعرفني , وانا ما زلت مقتنع انها موجودة رغم صغرها وقلة اهميتها.
وبعدين انا ما كتبت كم موضوع بس !!
والقياس يكون بالكيف وليس بالكم . صح ؟؟
انا ممكن اكتب في اليوم 20 موضوع ولكن لا احب ان اكتب عن كم اعماركم وش هو نوع سياراتكم وش هو اجمل اسم واجمل خط واحلى بنت ومن هالمواضيع اللي تزيد في مشاركة الأعضاء على حساب جودة واهداف المواضيع المطروحة .
تحياتي لك واحترم وجهة نظرك .

[الهيكل]

ما ادري انا عضو جديد وارد على جميع المواضيع وهل اكون من الناس الاى تتجاهل انصحوني لو هناك غلط

اخوكم الهيكل

[الحفار]

اخي جواد

للتوضيح

......

انا ما اقصد اني ارد مجامله على مواضيعك ابدا والله ما قصدت هذا

ولكن خانني التعبير

انا قصدت

ان كتاباتك وبالذات خواطرك جميله واقراها واقول رايي فيها بكل صراحه

انا ما اذكر اني جاملت احد ويا ما زعلوا مني اعضاء لاني قلت رايي في كتاباتهم

.....
وتقبل اجمل تحياتي

[الروح]

جـــــواد ...


تدري أول ما قريت الموضوع شو قلت في خاطري ..؟ ( بقولك بيني وبينك عقب عاد ) :)

بس الصراحة .. بدون مجاملة .. اتطرقت لموضوع رهييييب .. ما أقدر أتناقش فيه الحين .. توني متغدية وبطني فل .. فما بركز .. :)

تحياتي

[رهيف]

والله العظيم كلامك كله صحيح وفي الصميم

للأسف سوالف فيها شلليه واضحه يشوفها الأعمى
وسوالف فيها ناس تجامل لدرجة السماجه
وفيها ناس تسكت على الحق وهو واضح وضوح الشمس
وفيها ناس شايفين نفوسهم ((عمد)) و ((اجنحه)) ماتطير سوالف بدونهم
وفيها ناس يهمهم كم عدد مواضيعهم أكثر من النوعية
وفيها ناس يحسون بالحسد والغبن يوم يشوفون غيرهم يكتبون مواضيع زينه تجذب الردود
فيها وفيها وفيها.....بس لاتنسى شئ مهم جدا...وهو أن سوالف هي صوره مصغره للمجتمع الواقعي اللي نعيشه فعلا
المجتمع اللي تشوف فيه الشلليه والعنصريه والنفاق الأجتماعي والسكوت على الباطل والحب والكره والحسد والغضب والجبن الخ الخ الخ

لكن يجب ان نذكر أن هناك نقاط مضيئه في سوالف...فيها تشوف ناس تقف أحتراما لهم....في منتهى الأدب والذكاء والنزاهه والأحترام

وسلامتك :)

[heartking]

صراحه موضوع مهم ولكن يجب التريث والأنتظار قبل أطلاق الأحكام

[ma3gool]

احلى شي فيك الصراحه....:) لكن ليش تهتم لهذي الدرجه...!!!

[جواد الليل]

كل كلامكم على عيني وراسي .
واللي تشوفونه صح اعملوه .
انا ما ابي احد يزعل مني , واحترم جميع ارائكم .
---------------------------------------------
تحياتي لكم .

[wildorchid]

أهلين جواد..
نصيحه..
لا تحرق أعصابك..اللي بيرد أهلا وسهلا واللي مهوب راد..بسلامته
الواحد فينا يكتب مو عشان يصفق له فلان وعلان..والا يتجاهله أبو فلان...
خليهم براحتهم....:)