المعرس فرحان ويصفق.... المعرس ويه أحمر ومب مستانس

[سنفور غبي]

السلام عليكم ورحمة الله وبركاته...

اليوم بقول لكم عن اللي شفته في العرسين... كانوا في نفس الفندق .. واحنا شوي هني وشوي هناك.. أوكي..

نبدأ بالسالفة.. احم احم

البارحة أول ما وصلنا الفندق.. دخلنا العرس اللي في القاعة الصغير (صغيرة-أصغر عن سوالف) أوكي..

سلمنا وجي.. بس ما حصلنا كراسي للأسف.. جان نسير للعرس الثاني.. أوكيhttp://www.almzoohi.net/manabr/ubbhtml/icons/icon7.gif(في نفس الفندق)

دخلنا وسلمنا وجي يعني... ويلسنا ندور طاولة نيس عليها.. (شي طاولات الدنيا.. بس تدرون الطمع وما يسويhttp://www.swalif.net/sforum/images/smilies/wink.gif).. أوكي..

يلسنا وكل شي.. بعد شوي دخلوا العروس.. وجي وحشرة لين ما وصلت للمسرح ويلست.. http://www.almzoohi.net/manabr/ubbhtml/icons/icon7.gif

بعدين قمنا وردينا للعرس الأول (القاعه الصغيرة يعني).. وقفنا لأنه ماشي كراسي.. بعد شوي يابوا العروس.. (مدخلينها ما أدري من وين.. جنه من المطبخ) ههههه.. أوكيhttp://www.swalif.net/sforum/images/smilies/smile.gif

كانوا حاطين أغناي .. يعني مب فرقة.. أوكيhttp://www.swalif.net/sforum/images/smilies/smile.gif

أنا كنت مستغربة من كل شي... اخت المعرس يالسة على الطاولة ولا جنه العرس عرسهم وشوي بتنفجر.. (كناية عن الغضب)http://www.swalif.net/sforum/images/smilies/smile.gif .. والثانية لابسة لبس عادي..والأم ما عقت عباتها.. يعني والله لو توفون جنه مب عرس جنه عيدميلاد.. أوكيhttp://www.swalif.net/sforum/images/smilies/smile.gif

بعد شوي دخلوا المعرس.. وتصوروا شوي وبعدين شربوا عصير.. الأم يت تسلم والأخت.. والمعرس ويهه أحمر.. وشكله مب طبيعي.. وبعد شوي أشوف تجمعات ورانا.. وتجمعات جدامنا.. عاد أنا ما أدري شو الموضوع (شدراني 24 على سوالف شدراني بالدنيا؟http://www.swalif.net/sforum/images/smilies/wink.gif) اختي العوده معاي وخبرتني أنهم مب موافقين عالعرس.. يعني أهل المعرس.. انزين

بعدين اكتشفت التجمعات اللي ورانا.. أهل المعرس.. والتجمعات اللي جدامنا أهل العروس.. يحشون في بعض.. وكانوا شوي وبيضاربون.. والله جنه فلم مب صدق.. المعرس شاف التجمعات صار ويهه أحمرررررررر :o.. كسر خاطري.. والعروس يحليلها بعد..:(

بعدين يوم يسلمون.. هههههههه اخت العروس سلمت على المعرس وباسته.. وأنا بس أضحك.. مصخره والله.. ههههههههه http://www.swalif.net/sforum/images/smilies/smile.gif

والأم تصيح وكم وحده يصيحون وياها.. انزين وجي يعني.. يعني لو تشوفون ما كان عرس.. مأساة..

بعدين اكتشفت.. (في السيارة واحنا رادين البيت) أنه المعرس مالج عليها وهم ما يدرون..

انزين.. عقب المأساة ردينا للعرس الثاني (اللي في القاعه العوده).. وصلنا الناس متعشين ومحلين.. واحنا تونا يايين نتعشى.. سرنا وينا عشانا.. ويلسنا ناكل وناكل وناكل.. بعد شوي دخلوا المعرس.. وياه رياييل.. (العروس عادي مب متحجبه:o)

بعد شوي قالوا لنا إنه أحلام بتغني.. فالناس كلهم ساروا صوب الفرقة.. احنا منهم يعني http://www.swalif.net/sforum/images/smilies/wink.gif.. ويت وجي وحشرة ويغنون وياها.. وكشخه.. أوكي

بعد شوي العروس وقفت ترقص.. والرياييل انزين يالسين ورا آخر شي على الطاولات.. لا والمشكله.. أنه ريلها فرحااااان ويصفق بعد.. يا سلام.. شو هاللي يصير.. يا لهوي يا لهوي على اللي بيجرا محدش عده فكره...

وكلهم جي ويا أحلام وحشره... احنا طرشنا لها ورقه.. نبا أغنية تقوى الهجر.. ودنيا الوله.. وكخشه كان العرس.. هي هي هي http://www.swalif.net/sforum/images/smilies/smile.gif

لا والمشكله وهي تغني.. احنا نصفق روحنا ونغني بابا أوبح... ههههههههههههه http://www.swalif.net/sforum/images/smilies/smile.gif

بس وجي السالفة.. أبا تعليقاتكم على العرسين..:):)

[رزونة]

والله يومك كان حافل :):)
سنفور العرس الاول كانه عزى:):)
والعرس التاني كانه حفل موسيقي :):)

[نملة]

حتى في العرس كنت أناديها سنفور غبي ههههههههه:):)

[سردال]

أعذروني إن كان ردي شوية جاد.

تدرون صا رل حوالي 4 سنوات ما رحت عرس واحد! وين أعراس زمان وأعراس الأيام هذه، فيه من البلاوي اللي تخلي الواحد يضحك إلين يموت.

الأخت سنفور غبي (مب راكبه الأخت سنفور :) لازم سنفورة!)حطت عدة مواقف، وكل هذي المواقف تضحك، والمثل يقول شر البلية ما يضحك، عرس في رجال مختلطين مع النساء! أخت العروس تبوس المعرس! أحلام تغني، والعروس ترقص!!

راحة الغيرة، راحت الرجولة، ما حد تكلم وقال شي! :( للأسف.

أتذكر عرس في خورفكان، كان آخر عرس أحضره، جلسنا جدام بيت المعرس في الشارع وحطوا هذا الحصير، وصياني العيش واللحم، وفي دياي بعد! :) والصينية تقولين صحن من صغرها! وحطوا فرقة أناشيد إسلامية كلفتهم ألف درهم بس!!! :) وكان أجمل عرس.

الهدف من العرس إعلان زواج فلان من فلانة، هذا ما يحتاج هذه المصاريف والتكاليف، واحنا الشباب اللي يريدون يعرسون كاسر ظهرنا مسألة التكاليف.

ولا يا شباب ما تأيدوني؟

[سنفور غبي]

كلامك صحيح 100% وأأيدك فيه :)

[نملة]

كلامك صح مليووووون بالمية:)

[منال]

شو هالاعراس


عمري ما رحت اعراس بالطريقة هذي


اخت العروس + المعرس = شو العلاقة؟؟؟؟؟ يمكن العروس :)


الله يستر بس


منــــــــــــــــــــــــ شو هالمصخرة ـــــــــــــــــــــــــال

[سردال]

سبحان الله، اليوم في خطبة الجمعة تكلم الخطيب عن المساجد، وتكلم عن الأعراس ولماذا لا تقام في المساجد؟

أتذكر ان رجل في حارتنا عرس في المسجد، ما كلفه 6000 درهم عشان العشاء، والناس ما شاء الله مستانسين.

لكن للأسف الناس ما تفهم، كل اللي يهمهم الناس شو بيقولون عنا؟ فلان سوا عرس بكذا مليون! نحن لازم نسوي شراته؟ فلانة لبست الثوب الي اشترته بالشيء الفلاني، لازم أشتري أحسن منه. وش هذا الكلام الفاضي!

يعني الحياة الزوجية تبدأ بمعصية ويمكن ديون، شو نهايتها؟ هل بيستمر مثل هذا الزواج؟ ما أعتقد.

[سنفور غبي]

انتي ما سمعتي شي ولا شفتي شي...

اللي ياييبين فرقة رياييل وترقص هي وريلها جدامهم.. عادي

ولا العرس اللي العروس ترق والمعرس يصفق.. فيه اخت العروس.. طول الوقت ترقص.. جدام ريل اختها.. عادي..

صدقتي يا منال... مصخره

[عسل]

عجبتني .. كلمة (وجي)...وش ذا عربي والا ايراني :)
بعدين ماشاء الله عليكي انتي واختك .. من عرس لعرس (تف تف تف )
عن الحسد ....
لا ويرحون من عرس لعرس.. ويرجعون لنفس العرس..وبعدين يروحون العرس الثاني ..ويتعشون ...(طبعا انتم رحتم عشان احلام هسسس بدون كذب :))
لا حول الله .... اشوا انكم منتم خواتي اللي معاي الحين :)...كان (وجي) ما طلعتم من البيت سنه :):)
----------
عســــــــ لا قالوا عندنا عرس حزنت :( راح الراتب في الفساتين ـــــــل
[تم تعديل الموضوع بواسطة عسل يوم 08-09-2000 في 05:32 PM]

[نملة]

حرام عليك والله...منزمان ما سايرين اعراس ويعني شو نسوي...العرسين في نفس اليوم وما نقدر نزعل احد...وثانيا احنا ما كنا نعرف ان يايبين احلام..الا على اخر شي قالوا ان احلام بتغني بعد شوي :):):(:( والله الظلم حرام

تحياتي..نمولة السعيدة :)

[BRABUS]

ليش تفهمون غلط بالعلاقة اللي بين اخت العروس والمعرس

يمكن اخته بالرضاعه ...... ولا حرام بعد ؟؟؟؟

بس صدق إن شي غريب

(أقصد العرس :))

[سنفور غبي]

هههههههههههههه أوكي أوكي :)

أقول أنا سلمت... أنت لازم ترد السلام مب ترد تسلم.. ويييييييو :)

[BRABUS]

ليش يعني السلام ايووز عليج انتي بس

باقي الربع (أقصد الاخوان) اللي ردوا على الموضوع ما نسلم عليهم يعني

جي شو بخل سلام ولا شو

برابـ وجي يعني ــوس :):)

[سنفور غبي]

._.

[Huda76]

سوسو غوغو

والله ان طريقة شرحك للعرس تجنن :) :) :)

موتيني من الضحك والله ..

[ma3gool]

وانتي وش موديك!!!!!وبعدين وش معناة وجي وحشره؟؟؟لاني شفتهاتتكرر كذا مره في موضوعك وما فهمتها؟؟؟:)

[عسل]

هههههههه يا معقول ,,,بس شفت .. الموضوع طويل ..ومو منقول :)
-----------
عســــــــــ شيل ايدك من خشمك ولد ـــــــــــــل

[الحفار]

الله يقطع بليسك

فضيحه انتي

بس هم غلطانين اللي يعزمونك


بس ماقلتي

نمووووووووله غنت مع احلام

او صفقت بس :)

[لمسه]

ويييييي صدج ربشة كانت !!

عرسين في يوم واحد..ماشاءالله صايريين حريم ;)

بس صراحة مصخرة العرسين..
هذي العروس اللي رقصت ... <-- شكلها مو مصدقة انها بتعرس منه وإلا شو..؟! اقول قوليلي اذا كان المعرس احلى منها ..يمكن تسوي جيه !!!! ;)
اخت العروس تبوس المعرس ؟!؟ <-- افا و العروس راضية ؟!؟! و جدام كل الناس ؟!!؟
صدج مصخرة !!
******
اخ معقول : جيه = و هكذا
حشرة= ضوضاء..ازعاج :)
******
اخ سردال: بس ألف ؟!!؟ والله زين زين..
الله يخليك هاذي الالف هالأيام ما تسوى ثوب *اخت* العروس !!!

:)

[سنفور غبي]

Huda76... أنتي اللي بيتجنني:)

ma3gool.. لمسة شرحت لك... اللي موديني... أنه كان آخر يوم في الاجازه.. :(:(:( قلنا بنسير :)

أهلييييين عسول:):) (أدري شي غريب.. أنه مب منقول:o)

أهلين بالحفار.. ههههههههههه :):) لالا نملة ما غنت ويا أحلام.. سوت فرقة ثانية.. هههههه وغنت بدون بيزات... كريمه علي;)

لمسه... هههههههههه شنسوي.. كانوا في نفس الفندق.. قلنا نمر عليهم اثنينهم هههه :):)
ومشكوره على التوضيح.. لمعقول;)

[طيفان]

و الله يا سنفور .. إذا أطلق عليك الحفار لقب " المزعجة " ..

أنا أطلق عليك لقب " المقلعة " ..

وشو ذا ؟؟؟ .. خفة دمك واصلتني !!!

تحياتي ..

[سنفور غبي]

أهلين طيفان.. :)