ما أدري من اللي خان !! ( من وحي قصيدة ساهر الليل : لحظة ضعف

[جواد الليل]

أخواني جميعا ..
ساهر الليل ..
هذا ما اوحت لي به قصيدتك لحظة ضعف ..مع خائنة
فأليك اهدائي المتواضع هذا ..

:(

في ليلة ظلمة .. ما فيها قمره
ولا فيها رحمـــة ..
أصدرت حكمي .. وبدون رأفة
قلتها لك .. أنتي خاينة
قتلتك ، وقتلت روحي ، وقصة عشق حلوة
كان الحب يسهر .. إذا سهرنا
وكان الغرام يضحك .. إذا ما ضحكنا
يمكن حسدونا وما عرفنا
شفت الغدر والخيانة .. على باب غرفتنا
بصراحة .. ما ادري شفت ولا حسيت ولا يمكن شكيت .. المهم حنا انذبحنا
وما ترويت ولا تقصيت وكنت قاسي على قصتنا
ما فهمت ولا بغيت افهم وش هو قدرنا
وما دريت إلا وحنا افترقنا
أنتي غدارة
خاينة
مكارة
فاجرة
أنتي شيطانه
ذولي اللي قلتهم للناس عنك .. لم سألوني عن سبة فرقتنا
--------------------------------
من يوم ما أصدرت حكمي .. ما راجعته
ولا فكرت في يوم انه حبنا يمكن أنا ظلمته
وكل اللي تراوالي إني مظلوم .. في شي أنا ما فهمته
وفي يوم .. جاني صديقي الساهر ، ما تعرفينه ، ولا لك قد ذكرته
الساهر صحاني على حلم .. أنا اخترعته .. وأنا صدقته
--------------------------------
ادري إن الفراق .. هدني
وادري إن الخيانة .. يمكن إنها تكون كذبتي .
واسالك ليه خنتي !
طيب .. مو يمكن هواي خانني
مو يمكن عقلي و شكي .. هو اللي خان
ويمكن يوم انك بكيتي .. كنت انا الظالم والجاني ..وأنا اللي خان
ودمعتك اللي آخر ما اتهمتك بها وبصدقها ..
مو يمكن إنها كانت آخر نقطة في بحر اخلاصك والحنان .
ما ادري كيف أوصف لك !
صحيح إن كل شي انتهى .. وصار في خبر كان
وصحيح انه ما عاد يهم .. من هو اللي خان
بس كلمة حق لازم أقولها .. ولو طال الزمان
كلمة حق بقولها .. وماني بندمان
كلمتي اللي بقولها .. يمكن تكون اتفه كلمة .. ينطق بها لسان
أبقولك ..
والله ما ادري منهو اللي فينا خان !
يمكن أنتي
ويمكن أنا
ويمكن مهو بأنتي ولا هو أنا
ولا حتى الساهر .. ولا عشقه اللي كان
تدرين ..
ويمكن انه ما أحد خان
ويكون الموضوع عبارة عن شك ، وجنون إنسان
ويمكن ..
يمكن إني قلت هالكلام كله
لأني محتاج لشوية حنان
وأكيد أنتي .. أنتي ، مهو بأنا اللي خان .

[ساهر الليل]

صورت شعور الحنين والندم والالم بصوره رائعه جدا يا عزيزي

..... ابدعت بكلماتك كالعاده ...

برغم كل شي الحب لديك هو الاقوى .....

.. اتمنى ان يكون هذا الشعور كما هو لدي مجرد لحظة ضعف لا اكثر.. لان ماذهب لايمكن ان يعود مهما حدث ... لكن هذا
لايمنع ان نشعربالحنين لايام جميله ولحظات لاتنسى مرت علينا

.. النهاية جميله جدا

وأكيد أنتي .. أنتي ، مهو بأنا اللي خان .
-------------

الف شكر يا عزيزي على الاهداء الجميل

تميزت في الكتابه عن مشاعر من خانته حبيبته في اغلب مواضيعك ...


ننتظر دائما المميز منك

تحياتي واحترامي لك يا عزيزي

[جواد الليل]

تحياتي لمشاعرك الجياشة
تحياتي لأنسان .. احساسه كورق الشجر
رقيق جدا ,, ومتمسك بأصوله جدا

[طيبة]

في ليلة ظلمة .. ما فيها قمره
ولا فيها رحمـــة ..
أصدرت حكمي .. وبدون رأفة
قلتها لك .. أنتي خاينة
قتلتك ، وقتلت روحي ، وقصة عشق حلوة
********

فبالشك والغيرة قتلت أجمل علاقة حب ....
لأنك محتاج لشوية حنان .....
بمعنى كل ماتحتاج لشوية حنان تدمرها ....
تبعثر أحاسيسها .....
تتركها تعيش في قلق .. خوف .. ألم :(
ينزف قلبها دما بدل الدموع :(.........

ياترى مين اللي خان ..... !!!!!!!!!!!!!!!!!!!!
ياترى مين اللي قسى .....!!!!!!!!!!!!!!!!!!!!!
ياترى مين أنهى أجمل علاقة حب ؟؟؟!!!!!!!!!!!!!!
هي ... أم هو .....!!!!!!!!!!!!!!!!!!!!!!!!!!!

تحياتي أسلوبك رائع وفي انتظار المزيد

طيبــــــــــــــــــــــــــــــــــــــــــــــــــــــه

[لمسه]

و بدخل سيدا عالموضوع :) :

كان الحب يسهر .. إذا سهرنا
وكان الغرام يضحك .. إذا ما ضحكنا
<--- مثل ما قلت "صار في خبر كان"..

تدري احنا شو مشكلتنا..؟!؟ ان احنا دايما نتسرع في الأحكام اللي نطلقها على الآخرين.. نحب دور الضحية المظلومة.. و لا يخطر على بالنا ابدا ان احنا يمكن نكون "الظالم والجاني".. ليش ؟!
* يمكن لأننا ما تعودنا نتحمل المسؤوليتة.. دايما نلقي بمسؤوليتنا على الآخرين عند الفشل..
* أو يمكن لأنا نحب ان احنا نحظى باهتمام الثانيين لنا.. نحب نكون في دائرة الضوء ..علشان جيه تشوفنا دايما نمثل دور الضحية..بس علشان نخلي الآخرين يعطفون علينا ..
* أو يمكن لأننا كنا نبي ننتقم من الطرف الثاني..فنسبه و ننشر الأقاويل عنه "
أنتي غدارة .. خاينة .. مكارة .. فاجرة .. أنتي شيطانه ..
ذولي اللي قلتهم للناس عنك .. لم سألوني عن سبة فرقتنا "
=====
"صحاني على حلم .. أنا اخترعته .. وأنا صدقته" <-- تصدق ما كنت متوقعه انه بيعترف بغلطته ؟! بس زين ان ظني خاب :)
=====
"والله ما ادري منهو اللي فينا خان !
يمكن أنتي
ويمكن أنا
ويمكن مهو بأنتي ولا هو أنا
ولا حتى الساهر .. ولا عشقه اللي كان
تدرين ..
ويمكن انه ما أحد خان
ويكون الموضوع عبارة عن شك ، وجنون إنسان
ويمكن ..
يمكن إني قلت هالكلام كله
لأني محتاج لشوية حنان "
<-- الإعتراف بالحق فضيلة :)
بس ما اعتقد انه بيفيد الحين..

بس بعدين قال "وأكيد أنتي .. أنتي ، مهو بأنا اللي خان "!! يعني يناقض اعترافه اللي فوق بأن "هالمحاكمه اللي حكم فيها هو على حبهم بالإعدام كانت ظالمة و انها كانت مجرد شك خرب علاقة في يوم كانت من احلى العلاقات..

بس بعد كل هالكلام اللي فوق..يمكن تكون خانته بالفعل... و ما كان غلطان ابدا في حكمه .. يــــمــــــــكـــــــــن !! " كل شيء جايز"
******
و احترامي لك اخوي على قصيدتك :)
اعجبتني صراحة :)

[جواد الليل]

اولا اشكركم على اطرائكم واعجابكم ..
لكن .. !
الموضوع اني لما كتبت هالقصيدة كنت في حالة ضعف ويأس خصوصا من قصيدة ساهر الليل اللي خلت فكرة هذه القصيدة تجي على بالي.
وجاني هوجاس اني يمكن انا المخطي واني انا السبب في اللي صار .
وعلى ذا الأساس كتبت القصيدة ، ولو اني اعرف السبب الحقيقي للي صار معي في قصتي .
لكن احيانا الأنسان في لحظات يكون رافض انه يصدق اللي صار ويحاول انه يلاقي اسباب يرمي عليها المسؤلية عن اللي صار له .
وأنا يمكن في لحظة ضعف وحنين ومثل ما قلت ( شوية حنان ) حبيت اني ارمي المسؤلية على نفسي ، لأني في لحظة الضعف هذه حسيت اني ما زلت احبها ولازم احمل نفسي الغلط اللي صار وأبري ساحتها .
وعندما قلت وأكيد أنتي .. أنتي ، مهو بأنا اللي خان , عندها صحيت من لحظة الضعف اللي اتا فيها ورجعت للحقيقة .
وشوية الحنان هي اللي خلتني اعيش في هالحالة( لحظة الضعف ) , مهو هي اللي خلتني اقتل حبي .
اسف على الأطالة .. ولكن للتوضيح .

[لمسه]

هذي نتيجة التفلسف زيادة عن اللزوم :)

و اعذرنا اخوي فهمناها غلط..
انا عن نفسي فهمتها غلط لأني كنت مشغولة بشيء ثاني..

و مشكوور على التوضيح اخوي :)

تصدق الحين صارت احلى ههههه "من القفطة(الفشيلة) ما ادري شقول" :)

[طيبة]

حنا فهمنا غلط .......
سوووووووووووووووووووووووووووووري
التبرير صح عليك نور :).........

أجمل شيء التبرير في لحظة ضعف:)
.......... والنهاية قابله للتعديل :)

:)

تحياتي .....

طيبــــــــــــــــــــــ :) ـــــــــــــــــــــــــــه

[جواد الليل]

ما صار شي , المهم انها واضحه الآن ؟؟
اشكركم على اهتمامكم :)

[جواد الليل]

ارجو الأفادة .. اذا في نقاط ضعف او انه سيئ !!
وأسف للأزعاج ..

[بنت الأحزان]

أخي العزيز.. جواد الليل..
في رأيي..
(وهذا رأي شخصي كالعادة:))
بأنك صورت تلك اللحظات بأصدق المشاعر..

وبصراحة..
تعجز الكلمات عن رسم حروفها..

فتقبل تحياتي لك.. ونحن ننتظر المزيد..

[جواد الليل]

أشكرك على اطرائك , كما اشكر احساسك المرهف .

ولك مني أجمل باقة ورد أهديهالك عبر هذا الصباح الجميل .