تفكير..بصوت عالي.!

[wildorchid]

شيء غريب..ولكنه ليس بمستهجن..
تسمع الكثير من القصص..وتراها واقعا..أكثر مرارة من العلقم!!
تشاهد أبطالها أمامك..وتضحك في داخلك على مثل هؤلاء..
تشاهدهم وعقلك يرصد لكل حدث..مقولة وحكمه..استقيناها من الأجداد..
يالهؤلاء الأجداد..كانوا أكثر حكمة..واكثر بصيره..

يقولون..
اذا لم تستح..فأصنع ماشئت..
نرى أبطال هذا المثل بيننا بشكل يثير الاشمئزاز..

اذا لم تكن لي..فلن تكون لغيري..
هذا هو حال الضعفاء..أو بالأحرى..المرضى النفسيين..أعاذنا الله منهم..

فرق..تسد..
حيلة الضعيف..الممتليء خسة ونذاله..مسكين..

أسمع قرقعة..ولا أرى طحنا..
ها..
كم مرة سمعنا هذه القرقعه؟؟

أسد علي.وفي الحروب نعامة..
بيت..يفسر نفسه..!!

ولازال لدي المزيد.........!

[الحفار]

....اوركــــــــ من جد زعلانه هالمره ـــــيــــدا

[wildorchid]

هلا الحفار..
لا ابدا ماني زعلانه..ماقلت لك أضحك :)

ولكن لاحظت انتشار مثل هالظواهر اللي من جد تخلي الواحد كبده تحوم..

الواحد يعرف يتعامل مع هالاشكال بس على ماقالوا الحقران يقطع المصران..

[الحفار]

اشتري كتاب

ايقظ قواك الخلفيه

للكاتب الامريكي انتوني روبنز

او اي كتاب له


الحقيقه شيء خرافي ولا يخطر على بالنا رغم ان كلامه سهل وموجود وحنا نعيشه كل يوم

بس عيبنا بالطريقه اللي نفسر فييها الامور


جربي هالمره

[wildorchid]

وانشالله تكون قواي الخفيه مانامت لسه :)

شكرا على النصيحه..هذي رقم اثنين :)

[ساهر الليل]

بعض التعليقات لو سمحتي ..

-اذا لم تستح..فأصنع ماشئت.. > هذي قناعات .. يعني فيه اشياء نشوفها صح والغير يشوفونها غلط وحنا مقتنعين فيها ليش ما نعملها ..

- اذا لم تكن لي..فلن تكون لغيري.. > هذي انتقام وحقد اذا ما تبيني ما ابيك .. خلهم ينفعونك ..

- فرق..تسد.. > فعلا حيلة الضعيف .. واحيانا حيلة ذكيه من قوي بدل استخدام القوه ...

- أسمع قرقعة..ولا أرى طحنا.. > كثير والله .. اقرب مثال الحكومات

- أسد علي.وفي الحروب نعامة > هذا الضعيف فعلا ... حال اي رئيس ومرؤسه كذا ..



هذا والله اعلم ....


تحياتي لك اختي هذا الصباح :)

[الحفار]

الاولى ما عملتي فيها :(


رغم انك الوحيده اللي نصحتها من قلب من بين كل خواتي

على فكره


هذا الانتوني روبنز

صار مشهور في امريكا لو سالتي عنه الكثير يعرفونه لان كتابه حقق اعلى مبيعات على مستوى العالم

[wildorchid]

هلا وغلا ساهر...:)
منور :)

أنا معاك في كل التعليقات اللي ذكرتها ..وخصوصا المرؤوس ورئيسه :)

لكن بالنسبه للقناعات..بالطبع انا مع ان الانسان يعمل كل شيء يوافق عقله ومنطقه..وأي شيء يخالف العقل أو المفهوم الصحيح المفروض ان الانسان يوقف عنده..ويحلل الموقف قبل لا انه يقوم بعمله..والا ليش عندنا عقل؟؟!!!

أنا قصدت الانسان اللي يتعرض للناس ويحط في اصبعهم عود من مبدأ....طز..وروني شطارتكم..وكيف راح توقفوني؟؟



ساهر..
أهلين :)

[wildorchid]

والله انها في بالي ومانسيتها..وصدقني اني متمسكه فيها :(

[ma3gool]

اوركيد..:) النوعيه هذي موجوده بكثره...لكن ما عليك الكلب اللي ينبح ما يعض..:)
وسياسة فرق تسد هذي قويه!!!...لكن بتجي على راسه...يا شين الوقاحه..تفوووو على الاشكال هذي..الله يكفينا شرهم...اللي يعيش يا ما يشوف ...
لكن في الاخير لاعاد تثقين في احد بسرعه !!!...اسمعي كلامي لان الثعابين كاثره....
المهم تراني اكلم القى الخط مشغول او ما احد يرد ..وخليت لك رساله صوتيه..:)
وحشتيني يالشينه...:(:)

[تفاحة]

:(:( شر البلة ما يضحك // لكن ضحك بمراره :(

[طيبة]

أولا أنا زعلانه منك كثير من مواضيعك أرد عليها ..
ولم أجد منك رد ....

فيه مثل يقول :
" الناس معادن "

للأسف نسوا أن كل كلمة طيبه .. وكل سلوك سوي ..
وكل خطوه تشكل الرصيد الذي نخلفه لأجيالنا القادمه...

ونسوا أنهم هم اللذين سيتركون للحياة
عطرها .. وطهرها .. وشذاها ...



تحياتي وتقديري ..

[wildorchid]

صدقت..
الكلب اللي ينبح..مايعض ..مهما على نباحه :)

معقول..
لك وحشه :)

[wildorchid]

هلا وغلا :)
بالفعل..
لا وعندي مثل جديد..
يوما ما سينقلب السحر على الساحر :)

[wildorchid]

سامحيني..والله ماهو القصد..ماعاش من يطنشك:(

طيبه..
الناس معادن..المشكله ان احنا عارفين..بس احيانا ننلذع من حرارتها قبل لا نعرف انها مغشوشه..والا وش رايك؟؟!