بدون تهور .. او الفاظ غير لا ئقه .. نشوف كلام بياع صح والا

[عسل]

بياع يقول ...
ابصراحه سوالف ما عندهم سالفه ،، كل واحد يطارد ورا الثاني
- مؤامرات
- تحرش
- حروب
- غزل صريح
- محد حولك
- ناس مضيعه العنوان

هذا كلام بياع .. راح احلله .. وما ودي ردود او الفاظ غير لائقه واقسم بالله اللي بيسويها راح امسح فيه رخام سوالف ..

.................
اول شيء كل واحد يطارد ورا الثاني ..
طيب وش هو الغلط ؟؟؟؟ فهمتم قصده قبل لا تحكموا ...
انا اطارد ورا اعضاء سواليف .. بقصد رضاهم .. واكتب اشياء بحكم المسموح فيها بقصد ..ارضاء المراقب ..
........
مؤامرات ..
ايه موجوده ... وانا اكثر واحد حسها .. من ناس موجودين بسوالف ... حتى حياتي الشخصيه تدخلووا فيها ... وهذا شيء انا ما اسمح فيه ابد .. الا من شخص اعزه كثير ...وبيني وبيني اكثر من مسألة انترنت ...
........
تحرش .. اكيييييييييييييد .. وفي مواضيع ما تنزل .. الا تحرش بعضو معين .. وانا واجهت ذا الكلام كثير ..
........
حروب ... ها ها ها ..حلوه وملعوبه ..
ومن قال لا .. ودايم البقاء للافضل.. والخايس .... يكتفي باللعب مو ورا ستار .. وعلى فكره المعدن الاصيل.. يواجه ... ويحارب وجها لوجه .. مو من ورا الاقنعه .. يا كرام ...
وما دام فيه بشر.. فيه حروب ... والا كلنا كان اتسمينا ..ورود بريئه ..:):) وعلى فكره انا اعرف وين الحروب .. ووشلون تدور.. ومين اللي منتصر .. ومنو الجبان المهزوم ..في سوالف :(:)
.........
غزل صريح ..وانا ازيد .. جدا ..
الحفار يكتب شعر ولا اجمل منه .
انا اكتب غزل وكم قصيده لي اتحذفت ..لانها كانت جريئه بزياده ..
ليش .. لاننا نحب .. ومن حق اللي نحبه اننا نعطيه شوية غزل ..
مو احسن من الكبسه ...:)
.........
محد حولك ...
طاوي الهم .. وشلون فسرت او فسرتي . ذي الكلمه ...
مو ممكن الرجال قصده . انه يكتب ومحد يرد عليه ..
او محد يعرف يرد عليه .. او محد قدر فهمه عشان يرد عليه ..والتجاوب معاه كان من فئه اقل من القليل :(
يا زينكم بس :)
.........

ناس مضيعه ..العنوان .. ياربي.. صدقت ..والله
اشوف بسوالف ومثل كثير تكلموا قبلي مواضيع تنكتب وردود مالها دخل بالعنوان ... صح والا لا يا طيبين ..يعني برد مستهتر ..(وانا اكثر من يسويها ).. صاحب الموضوع يتركه ويمشي ..:(
...........
بس ودي اقول كلمه ..
ليش حكمتم بسرعه ..
ليش ما فسرتم كلامه ..
هو غلط صح ..
بس تدرون وش اللي غلط فيه ..
انه كتب ذا الكلام في السامر ..
مو بسوالف ..
وانتم غلطتم اكثر ..
هاجمتوه ..
انبتوه ...
وطاوي الهم تقول طاح من عينها .. لا تخافي ... الرجال ما انكسر ..(شكلك قصيره :))
يا جماعه .. ليش نزعل من كلمة الحق ...اذا ما قدرنا نتقبلها ..
ليش ما نحاول .. بس نحاول .. نسكت ...:(
انا شفت بسوالف كثير .. اكثر مما تتخيلوا ..
شفت يعني ايه اخوه .. واسألوا .. الحفار وساهر الليل ...
شفت يعني ايه صداقه .. واسألوا انفسكم ..
شفت معنى الحب.. واسألوني ..
اذا عندي اضافه لكلام بياع القلوب..
اقوله كل اللي قلته موجود .. وازيدك
1- الاخوه
2- الصداقه
3- المحبه
4- المراقبين الممتازين .. واخص منهم 991
5- الكلمات الراقيه ..
6- الفكر الشامل..
7- وكني شايف وجوهكم الحين ... وكل واحد يدور على زر اضف رد :)
ومهما صار.. ومهما انكتب.. هذي كلمه من اخ لكم قالها بمنتدى ثاني .. المفروض الان .. انكم تثبتوا له العكس .. في الاشياء اللي تضايق منها ...واللي كلنا نتضايق منها ..
وعلى فكره .. سهل جدا تخسر انسان .. والصعب .. انك تكسب محبته
...............
طولت ادري.. لكن اللي ما عنده وقت يقرا .. يشوف مسلسل مصري احسن :)
بعد كل شيء .. ملاحظه ..
بياع القلوب .. ما تهجم على شخص معين ..ولا ذكر انسان بااسمه
كان مجرد رأي .. واعتقد اختلاف الرأي ..لا يفسد في الود قضيه
-----------
لا اتقبل النقد ..
اللي عنده رد .. يرد ..
اللي ما عنده ..يجامل ويرد ..
اللي ما يقدر يجامل... يشوف اي واحد جنبه يجامل .. ويخليه يرد
اللي مالقي.. مشكله .. الله يعينه .. يضف وجهه ولا يرد ...
------------
عســـــــــ الحنظله لو هي على شاطيء النيل** زادت مرارتها القديمه مراره ــــــــل

[wildorchid]

ولا غلطنا عليه..

لو الواحد عنده مشكله معك..لازم يصارحك مو من ورا ظهرك..
وهناالغلط..
طلبنا منه ايضاح..هذا من حقنا..
لما الواحد يقول كلمه يا يقدر يدافع عنها ويوقف عشانها والا يبلعها من أول..
اذا كنا نهم اي احد اي احد على الاطلاق ييجي ينصحنا مو يفضحنا..
وقبل هذا كله..يشوف هو وش سوى؟؟؟؟؟؟؟؟؟
وايش اللي قدمه عشان هذا المنتدى بعدها يقدر الواحد يحكم ويحاسب..وعلى فكره..
انا مااقصد بياع بحد ذاته ولكن كل انسان هنا في سوالف - قلت كل انسان اللي ماينظم ضمن هذي المجموعه لا يكمل قرايه- قبل لا يروح ويحكي سوالف خايسه سوالف فيها اللي مايخطيها يسأل نفسه طيب اذا كانت بالفعل كذا ليش حارق اعصابك معاها..؟؟
ليش ماتحاول تقدم شيء يرضي ضميرك؟؟


عسل..
تعرف وش اشين شيء؟؟؟؟؟
سمعت المثل اللي يقول.......

[عسل]

ما قلتوا شيء:) واضح :)
ماعلينا ...
نيجي لكلامك .. وشكرا لردك ..
انا قلت ووضحت وشهو غلط بياع ... انه كتب الكلام ذا بالسامر ...مو بسوالف ...
اما حكاية وش سوى .. هذي مالنا خص فيها .. يكفي انه انسان يبذل جزء من وقته ولو بسيط عشان يكتب موضوع ...
الزين انك ما خصيتي احد .. ووجهتي كلامك لاي شخص ..فقط :)
يا سيدة سوالف الاولى .. اكرر واعيد..
لكل منا وجهة نظر شخصيه ..والاختلاف فيها لا يفسد في الود قضيه ..
ولا في داعي للهجوم على احد .. ولا الانتقاد ..الجارح ..فهمتي :)
وبعدين من قال ان سوالف خايسه ...
ياسيدتي .. هو قال وش اللي موجود ..
جاوبيني اول .. اللي قاله صح .. والا ... لا
واذا هو صح ..هل اصبحت سوالف خايسه ؟؟؟؟
انا ابصم بالعشرين (اصابع رجولي بعد الله يكرمك) ان اللي قاله موجود بسوالف وبغيرها ... يعني عشان قال الصح .. خلاص هو اعتبرها خايسه .. لا سيدتي ...ابدا
لا تفهموها كذا اخواني ابدا ..ابدا ..وانا اشكره اكثر لو كتب ذا الشي هنا ..
والحين جاوبي بصراحه ...
الاشياء اللي قالها ... صح والا ....لا ؟؟؟؟؟؟؟؟؟؟؟

-----------------
عســــــــــــــ وش هو المثل ؟ــــــــــــــل

[طيبة]

قال الله تعالى "
فمن عفا وأصلح فأجره على الله "

إذا كنت في كل الأمور معاتبا
************************* صديقك لم تلق الذي لا تعاتبه
فعــش واحدا أوصل أخاك فإنه
************************* مقارف ذنب مرة ومجانبـــــه

:(