View Full Version : تعميم للسعوديين.....!
ma3gool
02-10-2000, 11:35 PM
هذه العقوبات على المخالفين واللي يكونون نسبة99% من السكان..
في رايي طبعا..وشوفوا كم بيطلع من المخالفات!!!!انا اشوف في اليوم مية مخالفه!!!
اسمعوا وعوا!!!بس والله مقدين!!!
تعميم هام جداً لعموم سائقي المركبات :
بناءاً على ما جاء في تعليمات أنظمة إدارة المرور
حول تطبيق الغرامات والعقوبات للمخالفات المرتكبة من سائقي المركبات
أنواع المخالفات والرسوم المترتبة عليها. والعقوبات الإضافية
1-قيادة متهورة بدون مبالاة ( تفحيط )
سجن ( 20 يوماً ) و ( 20 جلدة )
1500ريال (المفروض10000ريال..وسجن شهر)
2- مرافقة قائد السيارة المتهورة أثناء التفحيط
جلد (20 جلدة )
1500 ريال
3- قطع الإشارة الضوئية
سجن 3 أيام
900 ريال
4-القيادة عكس الطريق
سجن 3 أيام
900 ريال (تقريبا كل يوم اشوفها)لكن ما فيه دوريات صاحيه!!!
5- السرعة العالية
سجن 3 أيام
900 ريال
6- التجاوز مع خط الكتف الأصفر
سجن 3 أيام
900 ريال (ما فهمتها!!!)
7-عدم وجود رخصة قيادة
سجن 3 أيام
900 ريال
8- الهروب من مكان الحادث
سجن 3 أيام
900 ريال
9- استمارة منتهية
سجن 3 أيام
500 ريال
10- الوقوف الممنوع
سجن 3 أيام
500 ريال (طيب وين المواقف!!!!)
11-الوقوف على الرصيف
500 ريال
12-عدم حمل رخصة قيادة
توقيف 24 / ساعة
300 ريال
13-حمل رخصة قيادة منتهية
توقيف 24 / ساعة
300 ريال
14-عدم المبالاة بنداء الدوريات للتوقف
سجن 3 أيام
300 ريال (طيب لو ما سمع!!!!!)
ملاحظة هامة جداً :
لسلامتكم الرجاء ربط حزام الأمان قبل قيادة السيارة والتقيد بإشارات المرور وتعليماتها والابتعاد عن الوقوع في المخالفات المذكورة بعاليه ،ويتحمل السائق كافة الإجراءات وما يتبعها من مستحقات لأي مخالفة بصفته المسؤول الأول لقيادة السيارة .
_________
والله يعين...بس والله مقدين..:)
هلا بك اخوى معقول
تسلم والله علي نشرك هالموضوع الهام
والله تعميم صارم, خلهم يحدون من هالاستهتار من بعض الشباب الله يهديهم
تحياتي لك اخوى معقول...:)
ناظج
الفرزدق
02-10-2000, 11:44 PM
على البركة معقول،،،ماقلت لنا أنك نقيب في الدوريات،،،
بعدين التطبيق هذا متى تم ؟ ومتى ينفذ؟ الظاهر بيسوون توسعة للحجز؟؟؟
aziz2000
02-10-2000, 11:46 PM
بس صراحة يعني العقوبات رادعة جدا ..
وأنا ماأدري السجن في كل مخالفة إلا شوي ..
ولكن السؤال ... هل تُطبق على الكل سواسية أم فيتامين ( و )
بيلعب دوره .. الله يحفظنا من مفاجآت الطريق ..
الفرزدق
02-10-2000, 11:55 PM
طبعاً اللي عنده واسطة مثلك ما يحتاج ،،،لكن المشكلة واحد مسكين ماعنده أحد!!!
ma3gool
02-10-2000, 11:57 PM
هلا اخوي ناظج..:) العفو لكن السؤال وين الدوريات الصاحيه!!
والله اني كل يوم اطلع اتشهد من اللي اشوفه من المخالفات والاستهتار ..لكن الشكوى لله..متى بيتعلمون ذا العالم..الله يستر بس..
هلا الفرزدق..:) ليش عاد نقيب !!!طيب رائد ولا عميد!!!:)
القرار هذا سيطبق قريبا واللي بيطبق عليه بيصير مطبق..ههه..اكيد بيسوون حجز اكبر وحساب في البنك اكبر..بس وين تروح ذا الفلوس!!!جنب بيتنا شوارع رئيسيه ما فيها ارصفه ولا اشارات!!!!وش ذا التخلف!!!
هلا اخوي عزيز..:) ايه هنا السؤال..تطبق على مين..اكيد على الضعوف ولا الvip..مستحيل..وفرضنا انهم وقفوهم يوم يومين هل بياخذون منهم المخالفات!!!!
aziz2000
03-10-2000, 12:06 AM
أقول معقول .. مسكه وطلعه بره ..
أنا الواسطات عندي بالكوم .. :) ..
بس الله يعينا ندور واسطة اذا قطعنا الاشارة بالغلط ..
الفرزدق
03-10-2000, 12:16 AM
هذا إذا إعترفت بإشارة،،،
الفرزدق
03-10-2000, 12:18 AM
وبعدين ترى الدوريات يحبون اللون الأصفر ،،،ماأدري ليش؟
زهرة الليلك
03-10-2000, 12:23 AM
ان تدري ايش المهم في الموضوع كله .. دقق زين وبتفهم قصدي مافي داعي أقول !!!
فارس مشاعر
03-10-2000, 12:41 AM
وفيه شي اهم00بخصوص الواسطه حتى اقفل الباب على الاخت زهرة الليلك000 وحتى لو كنتي تقصدين حجم الغرامات فهذا شي بسيط امام ارواح شبابنا وان شاء الله يكون رادع لهم00اللي يتوسط لاحد ويطلعه يعاقب بنفس العقوبه طبعا على العسكريين ماعندي خبر عن المدنيين0واذا حصل علي العسكري ظغط يكون مرجعه مباشرة مدير الامن العام ووزير الداخليه00اخواني واخواتي ترى هذي قرارات شديده واكد عليها وزير الداخليه ومافيه لعب لانها ارواح شبابنا واهلنا00وسلامتكم00
الاخت زهره:-بلادي وان جارت علي عزيزة-واهلي وان بخلوا علي كرام0
زهرة الليلك
03-10-2000, 12:51 AM
كلامك على عيني وراسي وبلادي على عيني وراسي .. عارفه مافي اغلى من الوطن هذا الشي اللي الكثير محروم منه ..
لكن كل اللي أقصده .. هل هالغرامات تطبق على أصحاب الواسطة .. من غير لف ودوران وكذب على عقول بعض كلنا عارفين لا !!!!
فارس مشاعر
03-10-2000, 01:08 AM
بنسب متفاوته000لكن صدقيني في موضوع الموت وحوادث السيارات00اعتقد جازما بانه ستكون امور الواسطه محدوده00والا كانهم ماسوى شي جديد000
حبيت بس اعرف ماذا تقصدين:-(عارفه مافي اغلى من الوطن هذا الشي اللي الكثير محروم منه )؟؟؟يمكن انتي حاسه بهذا الشي00بس لاتقولين الكثير00قولي القليل جدا00فحب الوطن والمواطنه يمكن ممارستها بدون حسيب ورقيب ولاثناء00في عدم رميك للنفايات في الشارع كمثال بسيط فهذا نوع من المواطنه000
وايضا جملتك:-(من غير لف ودوران وكذب على عقول بعض كلنا عارفين لا !!!!)انا الاحظ انك تحبين صيغة الجمع:) كلنا00مين كلنا0وبعدين وصلت للف والدوران والكذب؟؟؟عموما الله يسامحك وكان ممكن اقولك كل اناء بما فيه ينضح:)00عزيزتي والله اني اعرف اللي تعرفينه واللي يمكن ماتعرفينه من قهر وظلم لللبعض وروتين وواسطه00ولكن هذا حال الدنيا00وشي موجود في كل العالم00لكن اتمنى ان لايطغى هالشي على تفكيرك بكل شي يخص وطنا الحبيب000يعني الاحظ بانك تميلي للانتقاد لكل اوضاع البلد بشكل كبير00وهذا رايك ووجهة نظرك واحترمها00وقد ياتي يوم ووتحملين عواقبها:)000عموما الله يوفقك ويرعاكي000وسلامتك00
زهرة الليلك
03-10-2000, 01:30 AM
ما اعتقد اني انسانه متحاملة على بلدي .. هذا البلد اللي تربيت فيه وعشت على ارضه .. هذا البلد واللي بجد أقول لك اني لو سافرت للخارج كلها فترة قصيرة وارجع اشتاق له من جديد .. ما أقدر استحمل الغربة عنه حتى لو اسبوعين ..
وانا ما انتقدت ولا جبت كلام من عندي .. للأسف هذا حقيقة عايشينها .. طيب بالله بسألك سؤال وينهم من أصحاب المعاكسات ؟؟ مش هذا يدخل ضمن المخالفات المرورية !!! وينهم منا لما الوحده تقدم شكوى على واحد ياخذونه ثواني عندهم وبعدين يقولون له آسفين طال عمرك رح نام في حضن أهلك؟؟؟ مش هذا اللي صاير
للأسف انت تنظر للموضوع من منظر رجل وانا من منظر فتاة عاشت وعانت من هالأشكال اللي مافي حد يردعها وفيه غيري كثير ويمكن تكون أمك أو اختك او حتى بنتك .. ماتدري ..
أرجع واقول لك انا أبدا مش متحاملة على قوانين هذا البلد العزيز بس وجهة نظر وواقع الكثير متجاهله ما أدري ليه :( للأف انك فهمت كلامي بشكل آخر بس ماعلينا .. المهم اني ماجرحت أحد وهذا الاهم بالنسبة لي ..
فارس مشاعر
03-10-2000, 01:42 AM
عزيزتي ممكن يجي واحد ويرد عليكي ويقول ليش هالشباب يتعرضون لك؟؟ممكن طريقة لبسك او كلامك او تعاملك معاهم او سابقه حصلت معاكي عطتهم انطباع بانك ممكن تعملين معهم اي نوع من العلاقات000هذا راي00والراي الاخر وهذا اللي انا واثق منه بانك انسانه في حالك ومحترمه نفسك بس هذولا مايستحون ويتحرشون فيكي00ممكن انتي تعملين ويكونون زملاء عمل او في الشارع او في السوق او في السياره00هذولا دواهم التطنيش00او تبلغين اهلك وهم يتصرفون معهم00وصار هذي هي مشكلتك يازهرة00شكلك موظفه وتعبانه من اذية الشباب:):)000وسعي صدرك00ومصير هؤلاء الزوال000وسلامتك00
*ملاحظه:-مهما اختلفت مع اي عضو في الراي فهذا لايمنع تواصلي معه ومحبتي واحترامي له ومايكتب00واتشرف باني ادخل مواضيعه00وترى هذي هي اخلاق الاسلام اولا واخلاق النبلاء يازهره 0اتمنى تكوني فهمتي القصد:)000 00وسلامتك00
Pokemon
03-10-2000, 02:07 AM
كلنا عيال قرية
وكلن عارف أخيه ..
وبس
ساهر الليل
03-10-2000, 02:16 AM
قوانين طيبه والله
بصراحه انا عندي مخالفه من اللي فوق
13 - رخصتي منتهيه من خمس سنوات :( ولا جددتها
حتى الان ما احتجتها ..
انا مخليها بالبيت وكل ما امسكوني المرور وطلبوا الرخصه
قلتلهم نسيتها بالبيت بالثوب الثاني ويتركوني امشي :) اللي يسمعني يقول ما عنده غير ثوبين :) ما يدرون انهن ثلاث اثياب :)
انا خايف الخطه هذي ماعاد تمشي وتمسكني نفس الدوريه مرتين ويتذكروني واتبهدل ...الحين اذا رحت اجدد علي غرامه كبيره :(
تحياتي :)
Pokemon
03-10-2000, 02:25 AM
معقول
وفيه مخالفة هنا ارتكبت من قبل احد الاعضاء اعلاه - مو انت ياساهر لا تخاف ....
مخالفه صريحه (دخول خاطيء) .. بس ياليت ينتبه حق روحه ... وبس ..
الحفار
03-10-2000, 02:44 AM
اذا جيتكم اجدد رخصتك
الضابط حق الرخص زميلي
انت ناسي والا ايه
:):)
القط الوردي
03-10-2000, 03:20 AM
عزالله هـذه الورطــة :)
رحــنا فيـها :)
وسجل عندك اول الواسطات
في النظام الجديد الحفار :)
زهرة الليلك
03-10-2000, 11:00 AM
اسمح لي بكلمتين ..
كلامك على العين والراس ووجهة نظرك الخاطئة على عيني وراسي .. وهذا الرد كنت متوقعته منك .. بس مش هنا المشكلة ولاهذي مشكلتي لوحدي تراها مشكلة كل البنات ..
بقول لك عن موقف وشفته شوف عيني في أحد المجمعات .. مجموعة من البنات المتبرجات وكأنهم رايحين لحفلة ماشيين وماحد حولهم ... لما جو مجموعة ثانية بعباياتهم وسترهم طبعا شبابنا ماقدروا يخلونهم في حالهم قاموا يتحرشون فيهم .. ممكن تفسر لي هالموقف لو سمحت
أنا ما أنكر ان فيه فئة من البنات هي اللي تترك المجال للشباب للتطاول عليهن بس برضوا وين دور الشباب اللي كل واحد فيهم مسوي لي سي السيد عند أهله وبره البيت ما في أصيع منه .. مفكر ان بنات الناس حلال عليه ولو حد قرب لوحده من خواته مستعد يذبحه ويضيع مستقبله حتى في الشي هذا ..
لو الشباب لقوا اللي يردعهم عن هذا المرض ومثل ماانحطت قوانين لقطع الاشارة أعتقد من الواجب ان تكون هناك قوانين تحمي العرض هذا .. وفي اعتقادي ان اللي عنده غيره على أهله وبنات الناس ماراح يزعل من كلامي ..
انت خليتني أطلع عن الموضوع وادخل في موضوع آخر وانا ماودي .. بس أرجع واقول انها حقيقة عايشينها والكل عارفها ..
واناوالحمد لله بنت اس وعيله عرفت تربي .. عشان كذه عارفه ايش الصح والغلط .. حتى لو كنت لوحدي ومافي رقيب علي أعرف كيف أحافظ على نفسي .. الخربان خربان لو مين ماكان ..
مشقاص
03-10-2000, 01:32 PM
لا تنسى بس تكثر السجون زياده حبتيين :):)
ولو تعمل فيها قسم خاص للــــــــــ vip
الله لا يهينك
دكتور / مجنون
03-10-2000, 01:39 PM
كل هذي المخالفات فيها سجن
اجل مافي احد بيروح المدارس و الجامعات و الاعمال و الشوارع فاضيه و السجون و التوقيف مليان بشر .. ( اقول في قسم ترفيه في السجن .. فيه انترنت اهم شئ هذا ... ) :)
ma3gool
03-10-2000, 01:46 PM
الاخ فارس مشاعر..يا حبك للوطن!!!(شي طبيعي اعرف لكن انت تحب الزين والشين فيه!!!الواسطه ذبحتنا والتفرقه سبب التخلف وسبب عدم تطبيق النظام عللى الوجه الاصح وسبب انعدام الولاء للوطن..
زهرة الليلك....:) الله يعين من الواسطات متى بتنتهي..واما موضوع المعاكسات عادي الشبشب الله لا يهينك ما ينفع عسكري ولا هيئه كل واحد ياخذ حقه بيده..:)
بوكيمون....:) كيفك!!وشكرا على المشاركه مع اني مدري وش تقولين!!!
ساهر!!!يا ويلك شكلك بتاخذ تأبيده ولا راح ينفعك الحفار ولا غيره لان واسطة الضباط الحين لها عقوبه..:):) تعال بس اخلصها لك..:)
الحفار..:) زميلك شالوه من زماااان..وينك عصر اهل الكهف كل شي تغير..:) امزح..:)
القط الوردي..:) شكلك من اللي يفحطون او اللي يسرعون سرعه جنونيه ويطامرون من فوق الارصفه..:)
مشقاص!!!انا وش دخلني!!!اما سجون الvipمكانهم فله في الانتر كونتيننتال....
Pokemon
03-10-2000, 04:43 PM
أنا وش تقولين ؟؟؟؟؟؟
أفا ياذا العلم ، وأنا اخو بيكاتشو...:)
ma3gool
03-10-2000, 04:49 PM
اوه!!!بوكيمون عذرا!!!!وش يدريني عن بوكيمون وبيكاتشو!!!
سوووري!!!:):):)
دكتور مجنون..:) لا وبيسوون ملاهي!!!