قصه قصيره وحزينه ( دمعه )

[الهيكل]

السلام عليكم ورحمة الله وبركاته

لا ادري كيف ابداء قصتي واصابعي لا تطاوعني على الكتابه ..
كانت هناك فتاة رقيقة القلب حساسه الى ابعد الحدود كنت اشبها بالقمر لجمالها وكنت اشبها بالشمس لانها تضي من حولها وفعلا انها شمعه تحترق لكي تضي النور لمن حولها وتسعدهم كانت وما زالت في قلوب جميع اصدقائها واحبابها الطفلة البريئه والام الحنونه تعرفنا عليها من مده قصيره ولكنها ملكت جميع قلوب من حولها .....

وفي يوم من الايام وساعه من الساعات بلغنا اخ عزيز علينا عن خبر وقع علينا جميعا كالصاعقه وهو خبر وفاة اختنا العزيزه الغاليه في قلوب جميع اصدقائها ( دمعه )

اللهم اسكنها فسيح جناتك وارحمها واغفر لها

ادعو لها يا اخواني بالمغفره والرحمه


اخوكم الهيكل

[نونتان]

تبي تقنعني بتأثرك لموت الغالية .. ياليتها تقرى القصة وتكشفك ..؟

[الروح]

الهيكل ...
الله يرحمها إن شالله ...




نونتان ..
ليش جيه ..؟؟؟!

[نونتان]

أنا ماأكتب إلا الصج ..؟

[المعاند]

إنا لله وإنا اليه راجعون .

ــــــــــــــــــــــــــــــــــــ
اممممممممم
مدري حاس ان فيه شي غير منطقي ابد :( ماعلينا

[جاسم]

ان لله وانا اليه راجعون

[جواد الليل]

واللي جاب الخبر يا انها دمعة متخفية , يا انه بالأتفاق معها ..

مثل سالفتها يوم انها عملت عملية وكانت بحالة اغماء وموت دماغي !!
وبعد يومين لقينها بيننا !!

هذا مزح من العيار الثقيل , وتلاعب بمشاعر الناس .

------------------------------------------------------------------
واللي متأكد من الخبر يرسلي على الأيميل تليفون بيتها , وانا أخلي أختي تكلم وتسأل عنها .

واللي جاب الخبر ما ذكر من وين جابه !! ووش علاقته بدمعه !! وكيف عرف بسرعة !!

تكفون .. مشاعرنا مو لعبه بيديكم .

غريبه .. صار الموت ينذكر للفت الأنظار !

[المعاند]

يجزاك الله كل الخير اخوي جواد الليل
وصدقني واضح من ردي اللي سبق اني ماكنت مصدق لكن مدري هل وصل التلاعب بمشاعر الناس بجد لها الدرجة
يبون يشوفون ردود الفعل ولا نوع من أثارة جديدة مدري ؟؟؟
عموما بجد لاحول ولاقوة إلا بالله العلي العظيم .

[دمعه]

السلام عليكم ورحمة الله وبركاتة
أنا دمعه جدامكم مافيني إلا العافية .. وهذا نونتان يباله فصل من هالمنتدى .. أنا مافتك منه في البيت حتى يطلعلي في النت ؟؟
والله أنه بلشة ..
بس كل الأعضاء اللي نزلوا تعازي .. واللي نزلوا مواضيع .. مشكورين .. وأختي موزة أنا رايحة أرد عليش بعد شوي في الإميل .. أوكي يالغالية؟؟
ومثل ماقلت لكم هذا نونتان يباله قطع رقبته مب بس فصل .. يارب تاخذ روحه وتفكني منه ..

[ذكي مجتهد]

الأخ الهيكل
الأخ نونتان
الأخ جواد الليل
الأخت دمعه
بقية الأخوان

:

وش السالفه ؟
الهيكل يموضع ،
و نونتان ينكر على الهيكل ...!
وعبدالجواد (تسلم يا عبدالجواد) ينتقد بمنطق واقعي ،
و دمعة تتشمت في نونتان اللي أنكر على الهيكل ...!
ولا تشير دمعة بشيء على تموضع الهيكل بوفاتها ...!؟

وش السالفه !؟
إذا مسموح لي أسأل ..

[دمعه]

منو قال للهيكل أني مت؟؟
نونتان
ومانزل هذا الموضوع إلا بعد ماشاف أن السالفة صج ..
يعني السالفة .. أهوه طرش لي إميل بعد ما نزل نونتان
الموضوع .. وأنا مارديت عليه على طول .. رحت فتحت القسم
وشفت نونتان حاط هذاك الموضوع .. وأنا بعدين شفت الهيكل طلع من القسم وأنا طرشت له المسج بس بعد أيش ..
فتفهم ألحين أن السالفة الغلط من نونتان .. وأنا إن شاء الله راح أنزل موضوع أعتذر فيه للهيكل بنيابه عن نونتان لأنه يغلط في حق الريال وايد .. مب بس قدامكم .. حتى في الإميلات .. والهيكل من شهامته وأخلاقة الطيبة مايقوله حاجة .. فعلا هوه طيب وقلبه يوسع الكل .. تحياتي للهيكل .. وين ماكان ..