View Full Version : ماذا تفعل لو حدث لك هذا (5)
نظر لتواصلكم قررت انتهاء الكتابة التجريبية والابتداء الرسمي وهذا بفضل تواصلكم طبعا
واليكم الموقف
كنت انت وصاحبك رايح نادي وكان فيه بركة سباحه وانت كاشخ بافضل ما لديك من ملابس ورحت تتفرج على اللي يسبحون بالبركه وكان الكثير من الناس قاعدين حول البركه وكان صديقك بمزح معك بانه يخوفك بانه سيرميك بالبركه لكن للأسف زلقت رجله واسقطك بالبركه واخذ الضحك يتعالى من حواليك وانت مب عارف شسوي والكشخه اعتفست
ما ادري ايش ردة فعلك؟؟؟؟!!!!!
انحرج وايصير ويهي حمر واتفشل
يمكن امشي من المكان وما جنه شي
صار، ويمكن ادز ( اطيح ) اللي
طيحني :)
مادري والله كل شي جايز اذا
انحطيت في هالموقف :)
بس الله يعين اللي سوى فيني هلون
بتروح عليه :)
هاهاها
يا صرخه
مسكين اللي طيحك بتروح عليه
لكن هدي اعصابك ما يسوى تره
والناس اللي ضحكوا عليك ايش بتسويين فيهم؟؟؟؟
لوووووول
اللي ضحكوا علي ما اقدر اسوي فيهم
شيء بس اللي تسبب فيني :)
باراويه :)
هذا ذكرني بموقف صار لي يوم الاربعاء
في الجامعه..
كنت راكبه الدري ( السلم ) وشايله
الفايل وكتاب جنه دليل التلفون..
شارت ريلي في الدفه وطحت على ركبتي
بس هني محد تسبب علي، انه اللي تسببت
على روحي و سويت روحي فلته :)
بس الحمدلله ما في اصابات بليغه :)
عاد اول ما طحت التفت وراء اجوف
اذا احد شاف الطيحه، ما كان في الا
بنيه وحدهن حمدت ربي انها ما كانت
صبي ولا ( حتصير فضيحتي بجلاجل ) :)
ريانة
26-10-2000, 10:10 PM
يعطيك العافية وفعلا الموضوع يستاهل انه يستمر....افضل من
مواضيع بدت تكثر في المتدى ومالها داعي
على الأقل الواحد يدخل المنتدى ويلقى شي يقرأه
بالنسبة للقضية الحالية ....انا مريت فيها...بس ماكنت بكامل
كشختي على قولتك...واللي صار .... ما اعرف اسبح وكنت على وشك
اغرق...بس ربك ستر والحمد لله
المهم الخوف وقتها ضيع اي مشاعر غضب من الممكن احس فيها
ومن وقتها اخاف امر قريب من اللي رمتني بحمام السباحة ...
تسويها مرة ثانية:(مشكلة:)
صرخه
اي لنهم بضربونك اذا سويتي لهم شئ
لوووووووووووول
الحمدلله على السلامه بس الحمدلله ان صبي مثل ما قلتي ما شافك كان الحين بصيرين علوك بفمهم بس عسى الحين تمشين عدل
مساء النور اختي ريانه
الله يعافيك وهذي عبارة اعتز فيها واقدرها منك واشكرك جدا وتستاهلين كل خير وانا اتواصل اذا تواصلتوا والحمدلله اشوف منكم مبادرة حسنه
من جه وانقذك لو تعلمتي السباحه ما كان افضل لك
الحين انتي خايفه منها تسقط تعلمي سباحه وبعدين لا تخافين منها
الله يساعدك
:)
وشكرا لكم على التواصل
mouza
26-10-2000, 11:51 PM
طبعا انحرج --بس اسوي عمري ما استوا شيء واطلع من الحوض واضحك واعق اللوم على ربيعي :)هاهاهااهاههااهاهاه
والله حاله :)
ما شاء الله عليك يا موزه
والله عندك روح رياضية وتقبلتي الأمر بصدر رحب
يقول طنش تعش
ذكي مجتهد
27-10-2000, 12:55 AM
مرحى و محبه
موقفي بالضبط مثل موقف موزه(mouza) ،،
لكن ، غفلة اللي تساهل و أهمل الحرص
ووكلني المقلب ، ما أنساها له و أردها له
بالقوادم ..
إستمر جاســــم بالطرح اللطيف يا لطيف ،، تحياتي .
بالمناسبة بعد إرسال هذه الرساله سأرسل
إليك "إى ميل" please check u e-mail
شمس الشموسة
27-10-2000, 01:03 AM
يا حرام..
تدري اخ جاسم انه هاي المشكله صارت لي بس عاد مو في النادي.. لا بسم الله عليه..
الله يسلمك صارت لي بالمزرعة..
كنت توني والله واصله من دبي سايره المزرعة في الفجيرة.. وكنا عازمين كل اهالينا.. يعني الي في دبي.. والي في ما ادري وين.. ويعني.. وكانوا ياييلنا ضيوف بعد من السعودية.. وقطر والكويت والبحرين.. ومعظمهم اهالينا..
المهم.. توني واصله وبشكختي.. سرت صوب الحوض.. فكنت اكلم واحد من الاهل وهو في عمري انا.. فيقلك ليش اني من غفلت عنه .. عقني في الحوض.. والكل شافني.. والله انه ويهي احترق.. وما عرفت وين اودي بويهي..
ولكن بالاخير.. طلعت من الحوض.. وعلى طول دخلت الفيلا.. وكانه ماصار شيء.. يعني كنت اضحك.. واوني عاد ما كنت مهتمة..وانا من داخلي والله كنت ميته من القهر ومن العصبية..ولكن.. بعد كمن ساعة رديت ثأري.. باني عقيته بالحوض جدام ناس محد توقع انه بتكون في الشجاعة اني اسويها امامهم...
بس ما اقول غير.. الله لا يقول ان شاء الله انه مثل هاليوم يرد.. او انه اي شخص اتصير له هالموقف.. لانه فعلا موقف واااااااااااايد محرج وابد مو حلو...
تحياتي لك
شموسة:):):):)
alshams
27-10-2000, 01:19 AM
خليك فرش ...إنتى في رحله ..
بعدين أن منى غبيه عشان أدهب الى مكان مثل هذا متكشخه..
هذا أولا,, ثانيا:إذا سار أطلوب من الشخص الا حطني في هذا الموقف
المساعده ..أطلب منه يده ..على اساس أنى ابغاأغرق..
وبعدين .......ادفه معى في الماء ...وحده في وحده...
بس,,,,,ها ها هاهاهاهاهاهاهاها..........ها
اهلين ذكي مجتهد
هاهاهاها
عجل تبللت وصرت في مآساة
من قالك تغفل
ويله رده له عاد بشويش عليه
وشكرا لتشجيعك لي وهذا يجعلني اتقدم
وانا حشوف الايميل
وشكرا لك
اهلين شمس الشموسه
يا فرحه ماتمت
كنتي فرحانه ومستانسه
جه وسقطك بالحوض
لكن احسد على جرأتك وزين سويتي فيه
ولكن الحمدلله ان كتمتي غضبك وبدلتيه بضحكه حلوه
alshams
مرحبا
جبته تقوله طلعني وتسحبه معاك
هذي بكون درس له
وشكر للتواصل لكم جميعا
ليالي
27-10-2000, 06:54 PM
كان اطلع من المسبح
وادفه هو فيه ..
ولا
ارده له بيوم ثانيه يكون كاشخ فيه واكب عليه مويه
ليالي
مب زين العصبه
كان يمزح معاك
لوووووووووول
يعني قولي له مشكور
لول لول
ليالي
27-10-2000, 07:16 PM
لا يا جاسم بسوي فيه كذا واكثر
انا اخاف من السباحه
لا وفوق كذا كاشخه .....:)
مسكين
بيقول يارتني ما طيحتك
هاهاهاها
يعني بس كفين كافي عليه اعتقد