View Full Version : ماذا تفعل لو حدث لك هذا (7)
اهلين شباب
وها انا اتواصل معكم مع موقف ظريف آخر يمكن يحصل لكم
وهذا يخص اللي يسوقون سياره او تخيل انك تسوق سياره ورد على الموقف
كنت انت في سيارتك واقف عند الاشاره الضوئيه كانت حمارء يعني قف وسرحت اخذتك الافكار فولعت الاشاره اذانا بالسير خضراء فلم تنتبه واخذ اللي خلفك يهرن لك لين سمعت وقلت له زين ولكن ذاك اخذ يسب ويلعن وفي الطريق راح امامك واخذ يضغط على الفرامل بقوة لكي تصطدم به وتاره يذهب ورائك وسلط عليك الاضواء و و
فماذا تفعل به
؟؟؟؟؟؟؟؟؟؟؟؟
شمس الشموسة
29-10-2000, 11:50 AM
شوف بالنسبة للموقف اليه انت ذكرته.. انا عادي ما بسوي شيء.. بس اذا شفت انه مصخها.. وانه قعد يأذيني طول الدرب.. فبرد عليه الصاع بصاعين.. يعني ما بسكت.. وبعلمه فنون الادب والسواقة كيف.. تراني ماهرة في السواقه.. والكل يخافون انهم يسووقون احذالي.. :):):):)
بس مثل ما ذكرت ما بخليه في حاله.. والله لارويه نجوم الليل في عز الظهر.. :):):)
تحياتي لك...
شموسه..:):):):)
هيهيهيههي
صارت لي والله :)
بس اللي هرن لي ما اذاني في الطريج
بس التفت وتم يتحلطم لين قال بس :)
اعتقد انه اذا واحد اذاني في الطريج
باخليه يسبقني وتالي باروح طريج ثاني
بعد الصراحه ما عندي ويه اقعد أأذيه
بروحي حزتها من الفشيله مادري شلون
بيصير ويهي :)
أدروميدا
29-10-2000, 03:05 PM
الحمد لله اني ما اسوق ، ولو كنت مكانك كنت بوقف لين يروح هالخبلة
اهلين شمس الشموسه
والله انك شجاعه
وقدرتي تاذينه مثل ما اذاك
بس اخاف آخر شئ يصير تصادم بينكم
صرخه
زين سويتي وانتي مسالمه
وتتقبلين الموقف وتتنازلين ايضا
فبتوفيق لك
أدروميدا
اهلين
اي والله انت مرتاح
لكن سوق وبتعرف
بياع القلوب
29-10-2000, 08:19 PM
انا عن نفسي اصدمه حتى لو حطوا الغلط علي وبعدها اوريه ان الله حق
حركات هذي مو علينا - يستاهل اللي يجيه وقتها عشان يعرف منهو بياع
:)
الفرزدق
29-10-2000, 11:40 PM
طبعاً أكبس العالي عليه ،،،وأدق له أشارة إنه يوقف ،،،
ثم أدخل يدي تحت مرتبة القيادة وأخرج ( القناة ) أو ( العجرة ) ،،،
وياسلام ،،،
الباقي عارفينه ،،،
أكملوها ....
بياع القلوب
مرحبا
بصدمه وبتكسر سيارتك كله علشان تأدبه
اخذ المسأله بروح رياضيه
لوووووووووووووووووول
شرخشين2000
30-10-2000, 09:35 PM
جاسم ،، انت تروح تودّي اخوانك المدرسة الصباح ؟؟؟
أنا كل يوم أوصلهم ،، وتصير لي عشرات المواقف مثل هذا :)
لكن أصير أعقل منه ،، و أخليه يطلع رصيف ( مسلّح ) :)
مثل سالفة صاحب الكرسيدا الزيتي في العطلة :)
راجع أنا من الدوام الساعة 11 في الليل و خوينا جالس يدق هرنات
ومدري ايش جالس يمحمر :) المهم حلفت اني أخليه يركب دوّار الصدفة
( كرونيش الدمام ) و ركب الدوّار فعلاّ بس بطريقة مؤدبة مني :)
حدّيته على الرصيف حتى طلع :)
لا تمزح مع شرخشين ،، تندم بعدين :)
اللي يسمعني يقول حديد :):) لكن هذي حال الدنيا :)
تحياتـــــ للجميع ـــــي
alshams
31-10-2000, 01:16 AM
هـــــــــــــــــــــــــــــــــلاأخ جـــــاسم,,,,
اشكر لك افكارك واحترمه ..بس منت شايف إنه غريبه شوي ..
يله
راح اتواصل معاك .. بس ترى يعجبني ....
عارف إذا كنت أن شاب راح اوقف في وسط الطريق ...واخليه هو
يوقف كمان ..وينزل من السياره ..واقفل أن زجاج السياره
والابواب ..واخليه يطق رأسه با الاشاره...هاهاهاهاها...
أو أقوله لانزل من السياره مثل محمد هنيدي
((الصبر جميل يا بيه أطير ولى إه..))
أدروميدا
31-10-2000, 10:18 AM
صباح الخير جاسم ، بخبرك ترى أنا بنت مب ولد ، لو كنت ولد كنت من زمان اسوق سيارة :)
اهلين
شرخشين2000
عاد شدعوه تخليه يركب على الدوار
الحين تقول انت كل يوم تحدث لك هذي المواقف
انا اقول اشوي روق
بعدين يمكن يصير تصادم عن جد ولاتعرف كيف تخرج من المأزق
اي لازم اذا انت بالشارع يجب على جميع السيارات الافساح والا شرشخين بوديهم في داهيه
لولولول
وشكرا للتواصل
اهلين alshams
وشكرا لتواصلك
هاهاهاهاهاهاها
حلوه
بس يمكن ياخذ مطرقه ويكسر عليك السياره
فاحذر ولا تسوي كل مره كذه
تره تخسر
وبالتوفيق
أدروميدا
اهلين والله
والسموحه مادري
اي انتي مرتاحه يعني في احد يجيبك وياخذك يعني ما تشدين اعصابك او شئ هذا يطول بالعمر
وتصبحين على خير
عابر القارات
31-10-2000, 07:46 PM
اهلين شباب
اخ جاسم ردي غريب شوي لكن تحملني من باب المزح
افكارك ياجاسم وانت على الإشاره وين تروح يعني بأيش تفكر
اكيد افكار ؟؟؟؟؟؟؟
اقول مدام انه انا الغلطان من البدايه لابد ان اتحمل بس للصبر حدود
شرخشين2000
31-10-2000, 11:08 PM
مش مشكلة ،،
كل حاجة ولها حل ":)
هه
عاد أنا ما في حد أحسن مني في هالسوالف :):)
يتحرش فيني ؟ ووين .... في الشارع ... ومتى ... وأنا أسوق الليمونه ؟؟
والله لا أخليه يكره اليوم اللي طلع فيه من بيتهم ... ويا داعم ... يا مدعوم :):)
مشكلتي إني لما أسوق ... أكون شخص ثاني ، أكون بترول سريع الإشتعال Unleaded وما أصدق إن فيه مشكلة
أدري إن هذا عيب ، لكن صدقني حاولت أكثر من مرة إني أسيطر على نفسي في مثل هالمواقف وفشلت
لكن قمة المتعة لما يكون الطرف الثاني ... خان ... سايق تكسي ... أحب أتحرش فيهم :):)
اهلين عابر القارات
افكاري انا ماتروح بعيد
كله قريب
بس عن افكارك مادري
لوووووووووووووووول
اي انت غلطان مع افكارك خلاص لازم تتحمل اللي يجيك وهذا رد مقنع
لوووووووووووووول
شرشخين2000
اي كل شئ وله حل طبعا
اهلين E55
عندك سياره ليمونه
الف مبروك بس موديل اي سنه؟
انت عصبي جدا جدا اكثر من لازم لكن اذا هو زودها معاك حق ولكن يعني اذا تسامح فانت يجب عليك ذلك
وحاول انك ماتعصب كثير
وحاول تتمالك اعصابك
وتحياتي
محبوب
04-11-2000, 08:05 AM
^1
:) اما اناماعندي سياره بس بسيكلي اذا سوه جذي بنزله اضربه ضرب وامشي عنه
<-----يعني طالع فيها يلعب كراتيه