اعتـــــــــــراف واشيــــــاء اخـــــــــرى ..!

[غاية النفس]

:) يسعـــــد صبـــــاح الجميــــع الاعضاء الموقفين والمضربين واللي زي حالاتي :)

اولا احب انبه اي عضو مايحب المواضيع الطويله انه مايكمل قراءه

الا بعد مايطلع اوف لاين اذا كان يهمه ..


السالفه ومافيها .. انني خلاااااااص راح اطلع على المعاش بعد اسبوع او اقل .. فحبيت ارسل رسائل صغيره لاعضاء حبيتهم وتفاعلت معاهم بطريقتي .. الصامته .. اتمنى تتقبلوها مني ..
راح اذكر كل اسم مر علي اثر فيني او تفاعلت معاه .. لذلك اللي ما يلقى اسمه هنا يمكن اكون نسيته واتمنى يعذرني ..

من حظي الحلو :( .. ان وقت رحيلي عن سوالف يوافق الوضع المزري اللي احنا عايشين فيه الان .. محد من الاعضاء اللي اعرفهم موجود :( لكن اتمنى اتمنى اتمنى انهم يقرون كلامي ويوصل لهم وياليــــــــت يردون علي .. ادري انا متفائله كثير

احب اوضح اني رحيلي عن سوالف بسب ظروف خاصه .. والحمدلله انها جت بالوقت هذا لان سوالف تحتضر .. ومابي احضر دفنها :(

راح اذكر الاعضاء بترتيب عشوائي اللي بيجي ببالي اول راح ابدا به

*Wildorchid*
مدري شقول عنك لكن احبك في الله .. انسانه ذات اخلاق عاليه .. دمك خفيف .. اسلوبك السهل الممتنع .. اخاف اشارك بمواضيعك مدري ليش !! :) .. اتمنى لو كنت تعرفت عليك .. تعجبني اشياء كثيره فيك .. مدري شلون طار الكلام من راسي :( .. لكن اتمنى ربي يوفقك ويسعدك ويستر عليك ..

** عســل
لما احب اغيظك احب اقول لك عمو عسل .. :)
ودي اقول لك الايام الاولى بسوالف لك كنت اتخيلك نحيف وعصبي طبعا من تعليقاتك .. لكن من بعد موضوع الحفار كرسي الاعتراف عرفنا وزنك .. عرفت ان خفة الدم خلقه فيك وانك ماتتصنع .. اما اللحين لما صرت رومانسي عرفنا جزء ثاني منك .. الشيئ اللي ما اعرفه هو كم عمرك ؟؟ ;).. انسجمت كثير ايام مروق المنجه .. مدري ايش صار عليها ! . الله يوفقك اخوي ويسعدك ويرزقك ببنت الحلال :)

** معقول
يقولون انك بنت؟ والله ما استغرب لان ارائك تعجبني دايم واقول ياليت من هالرجال درزن :) .. لكن لا تياس وواصل نقل المواضيع من الساحات احيانا مايكون بسوالف غيرها نقراها
الله يوفقك ويسعدك ويخلي لك عيالك :)

************** اكيد تلاحظون اني ادعي كثير لكن احس انها احسن شيئ ممكن انهي به كلامي مع ناس حبيتهم واتنمى انهم يتذكروني :(

** بنت الاحزان
كتبتي موضوع تساليننا اذا الافضل تغيرين اسمك او لا .. وقتها كتبت رد طويل وبالاخير مسحته كعادتي .. احب اقول لك حزونه ان مافيه احد بالدنيا مايكون الحزن عايش جواته لكن بعضنا يظهره للخارج ويكون مبين عليه وبعضنا يخفيه باعماقه .. الحياة مو على وتيره وحده .. اللي عرفته عنك بسوالف .. انك انسانه طيبه وتحب الخير للكل ومتسامحه وهذي صفات رائعه .. وما اعتقد اسمك بياثر على حقيقتك هذا .. بالعكس يمكن معطيك نكهه خاصه فيك .. هذا رائيي حبيت اقوله لك :)
واحب اضيف اني اتمنى كمان لو تعرفت عليك .. الله يوفقك ويسعدك ويستر عليك ..

** يونيك
قبل كل شيئ احب اعتذر لك لاني بيوم من الايام شكيت فيك .. ربنا يسامح اللي كان السبب :) .. وسامحيني على الكف اللي وصيت اوركيد عليه .. كنت امزح :( ..
من جد انتي شخصيه حلوه قد مشاعرك المتقلبه بالموضوع الواحد .. مره فرحانه ومره زعلانه .. بس حلو لايق عليك
اعتقد انك اسم على مسمى وانا ما اجامل بالمناسبه .. الله يوفقك ويسعدك ويستر عليك ..

** زهرة الليلك
امممممممم .. ايش اقول ؟ عجزت اعرفك او ارسم لك ببالي شخصيه معينه .. تفاجايني دائما ..
عموما اسمك حلو .. الله يوفقك ويسعدك ويستر عليك ..

** ساهر الليل
اعتقد اني قلت مره رايي في مواضيعك وبطريقه فظه جدا .. وبردك علي طيحت وجهي وكان مبين بين كلماتك الغضب .. رايي بمواضيعك مو شرط انك ماتعجبني او اني اعاديك .. لكن هو راي وقلته بوقته .. اتمنى تسامحني اخوي لانه مو قصدي ازعلك او اقلل من كتاباتك باي شكل .. :)
الاخ المدلل لحفار بيك .. بينكم علاقه اخويه رائعه الله يديمها عليكم ..الله يوفقك ويسعدك ويرزقك ببنت الحلال ..

** القط الوردي
اول ماسجلت انت بسوالف مدري ليش حسيت انك بزر !! لكن اثبت نفسك بقوه وبسرعه .. تعجبني مواضيعك وواظب على نشر جريدتك اتمنى لو انها توصلني بالايميل .. الله يوفقك ويسعدك ويرزقك ببنت الحلال ..


** ورد الشمال
رغم مشاركاتك القليله الا اننا نفقدك ..
انتظرت تكملة قصة الغرام .. لان كان عندي امل اطلع بالجزء الجديد لكن ما حصل .. ايه بس يالله عادي انا تعودت حظي مو حلو ابد
الله يوفقك ويسعدك ويرزقك ببنت الحلال ..

**بروكسي ومنال و uae baby وحاتم وشيطونه
واعضاء كثير .. موجودين او تركونا ... واصلوا وحاربوا :)

** فيه اعضاء ما ذكرتهم راح اواصل بعدين ... لاني تعبت

:):)

[غاية النفس]

كنت احسب اني اتذكر كل الاعضاء شيئ سهل واني اعبر عن اللي ببالي اسهل لكن .. لما جيت اطبقه عجزت :(

المهم ..

كنت ابي اتخيل موضوع زي هذا .. اذا ممكن اسميه موضوع من غير ما اذكر الحفار فيه كيف راح يكون شكله ..

اللحين اعتقد انكم تعرفون الاجابه :)

* الحفار

















وبس :):)

** بياع القلوب
او سديم !! حيرتني ... لكن اسمك قاسي ليش بياع عقب سديم .. سديم كان شكل ثاني .. او يمكن انا ماعرفتك زين !! يمكن .. كل شيئ جايز ..
اسئله كثيره براسي لكن انا اؤمن بالحريه الشخصيه ..
الله يوفقك ويسعدك ..

** طيبه
مع انك مالك الا وقت بسيط مسجله معانا بالمنتدى الا انك حزت على اعجاب الكثيرين .. اسلوبك وافكارك .. وقبل كل شيئ اخلاقك حببتنا فيك .. :)
الله يوفقك ويسعدك ويستر عليك ..

** غرام
اتذكر نقاشاتك الساخنه مع الحفار بايامي الاولى بسوالف .. حزنت لانقطاعك عن سوالف ..
الله يوفقك ويسعدك ويستر عليك :)

........ :) راح ارجع لكم ان شاء الله :)