مدردش متقاعد
17-11-2000, 04:16 AM
عرفتوا من الي كان يصرخ علي؟!
التفت وراي.. و لا أشوف واحد من أفراد الجيش إلي كان وراي.. و باقي شوي و بيعطيني (بوكس محترم).. الظاهر كنت امسوي اختناق مروري :p
أفففففففف. أخيرا وصلت.. و نفسي شوي و بينقطع.. .. شو هذا!! .. هذا مب درج سفينة.. هذا درج ناطحة سحاب يا جماعة الخير!!…….
المهم.....الحين وين أروح (قاعد أقول أكلم نفسي) .. أول مرة أركب سفينة؟..
الحمدلله.. فرجت ….. واحد من الملاحين الجدد الظاهر إنه قرى أفكاري.. و جا و دلني على المدخل و راواني المصعد!! يالهوتي؟؟!! مصعد؟؟ مصعد في سفينة…. معقول!؟ (وينك يا معقول :) ) تصدقون عاد.. كل السفن فيها مصعدين بعد مش واحد.. و مكيف بعد!! قالي روح اطلع فوق عند الكابتن آخر طابق الي هو برج المراقبة.. قلتله فالك طيب يا (SIR) :p و طلعت فوق.. بلللللل على المصعد.. طيارة ( قولوا ما شاء الله عن ما يطيح فيهم) :)
وصلت..فتحت الباب… شو السالفة.. ظلمة .. ما أشوف شي يا ناس… ليكون أنا في كهف علي بابا و أنا ما أدري :p . قعدت أتحسس طريقي و أنا خايف إن رجلي تعلق بشيو أطيح على وجهي......…… آآآخ يا راسي.. دعمت شي.. (الظاهر راسي هو الي علق في شي ;)).. المهم.. طلعلي باب.. فتحته..لكن مازال الوضع كما هو عليه… ظلام دامس.... بسسسس في أنوار فسفورية هادية تخليك تشوف شوي… مشيت شوي شوي.. HelOo قعدت أهمس (و أنا رجلي ترتعد).. ما حد رد.. قلتها مرة ثانية بصوت أعلى ………………… بعد شوية….سمعت صوت واحد يقول
YES MY PRIEND (Friend) … طلعلي واحد وهو يدوخ الغليون.. و ريحته كريهة… (مثل باباي مال الرسوم المتحركة)…. مع هالظلمة و المفاجأة …صراحة قلبي وقف… و الدم نشف في عروقي .. بس مسكت عمري.. و تماسكت أوني عاد قوي.. قلت له: هلوو.. انا المتدرب الجديد.. (بالانجليزي طبعا) سلم علي .. و قالي.. يا هلا و مرحب بالمدردش (المتدرب)…و نادى: يا ولد صب القهوة و جيبب حق عمك..( لا تصدقون :;) .. لا.. طلع هذا هو كبير الملاحين الي خلاص نازل.. فرحب في و قالي.. عطي جواز السفر و جوازك البحري (الجواز البحري خاص فقط بالبحارة) للكابتن.. و كان الكابتن توه ملتحق معاي .. فسلمت عليه و (دردش) شوي معاي و عطيته كل الي عندي من أوراق.. و لو كان يريد ياخذ شنطي.. كنت عطيته (هو الكل في الكل.. ما حد يقدر يقوله : إققق).. سجل اسمي في الكتاب الي فيه أسامي جميع الملاحين و البحارة ووقعت (تقول فندق) . و قالي انزل على كابينتك (غرفتك)
نزلت للكابنة الخاصة للمتدريبن أمثالي (على فكرة كل ما تعلى رتبتك في السفينة كابينتك تكبر و تحلو و تكون أفخم.. عقبال ما نترقى) ..زين إني حصلت اسمي مكتوب على الباب .. و االلا كنت بظيع.. دشيتها.. و كانت كابينة حلوة.. كل شي موجود فيها.. مثل الفنادق… كابينة بحمام نظيف و انتوا بكرامة.. و المنشفة و الصابون على جنب.. و أحلى شي إنه فيها ثلاجة صغيرة:p(للأيام السودا) .. حطيت أغراضي و رحت أتمشى في الطابق إلي أنا ساكن فيه.. .. لاقيت غرفة .. كلها أفلام فيديو.. أحدث ألأفلام الأمريكية الي نازلة في السوق.. و مكتبة فيها كتب و مجلات كثيرة.. و على جنب كومبيوترACER آخر موديل على أيامها.. ما كان ناقص إلا خط تلفون و إنترنت.. و يالله على سوالف:)...طلعت.....و مشيت شوي..
حصلت غرفة ثانية فيها تلفزيون و فيديو.. و مكتوب عليها من برع.. Offiseres TV Room يعني حق المهندسين و الملاحين (بس)الي يريد منهم يشوف أفلام.. و دخلت.ز ما شاء الله الأثاث جدا جميل و الديكور حلو.. كأني قاعد في فندق 5 نجوم!!.. مشت شوية ...... آآآه شو هذا؟؟!!....(شفت شي فاجأني.. و ضايقني في نفس الوقت).... لا قيت ركن صغير..... للمشروبات (….....) بكافة أنواعها و أثقالها!! إلي لونه أحمر و أخضر و برتقالي.. كل شي موجود!! من ارقى بيوت الأزياء العالمية (فهمتوا شي؟!!) و لا حول و لا قوة إلا بالله.. ضربت كفا بكف و رجعت كابينتي و أنا مستغرب!!..
و قلت لنفسي. خليني أكلم الأهل أطمنهم علي قبل ما ندخل في عمق البحر ويضيع ارسال التلفون المتحرك.. و على فكرة.. كان عندي تلفون نوكيا (الموزة إذا تذكرونه) هذيك الأيام.. و مش مصدق إنه الوالد طلعلي شريحة:)
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
و بعدين…
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
انزلو شوي بعد:p
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.…….. كوكووووووووووووووووووووووووووووووووووووووووووووووووو…
و أدرك مدردشنا المتقاعد الصباح .. فسكت عن الكلام المباح.. و إلى اللقاء في الحلقة القادمة.. اللي بتعرفون فيها شو صار في أول صباحية (مباركة) في ال ENGINE ROOM أو غرفة المحركات…
و تحيات أخوكم
المدردش
التفت وراي.. و لا أشوف واحد من أفراد الجيش إلي كان وراي.. و باقي شوي و بيعطيني (بوكس محترم).. الظاهر كنت امسوي اختناق مروري :p
أفففففففف. أخيرا وصلت.. و نفسي شوي و بينقطع.. .. شو هذا!! .. هذا مب درج سفينة.. هذا درج ناطحة سحاب يا جماعة الخير!!…….
المهم.....الحين وين أروح (قاعد أقول أكلم نفسي) .. أول مرة أركب سفينة؟..
الحمدلله.. فرجت ….. واحد من الملاحين الجدد الظاهر إنه قرى أفكاري.. و جا و دلني على المدخل و راواني المصعد!! يالهوتي؟؟!! مصعد؟؟ مصعد في سفينة…. معقول!؟ (وينك يا معقول :) ) تصدقون عاد.. كل السفن فيها مصعدين بعد مش واحد.. و مكيف بعد!! قالي روح اطلع فوق عند الكابتن آخر طابق الي هو برج المراقبة.. قلتله فالك طيب يا (SIR) :p و طلعت فوق.. بلللللل على المصعد.. طيارة ( قولوا ما شاء الله عن ما يطيح فيهم) :)
وصلت..فتحت الباب… شو السالفة.. ظلمة .. ما أشوف شي يا ناس… ليكون أنا في كهف علي بابا و أنا ما أدري :p . قعدت أتحسس طريقي و أنا خايف إن رجلي تعلق بشيو أطيح على وجهي......…… آآآخ يا راسي.. دعمت شي.. (الظاهر راسي هو الي علق في شي ;)).. المهم.. طلعلي باب.. فتحته..لكن مازال الوضع كما هو عليه… ظلام دامس.... بسسسس في أنوار فسفورية هادية تخليك تشوف شوي… مشيت شوي شوي.. HelOo قعدت أهمس (و أنا رجلي ترتعد).. ما حد رد.. قلتها مرة ثانية بصوت أعلى ………………… بعد شوية….سمعت صوت واحد يقول
YES MY PRIEND (Friend) … طلعلي واحد وهو يدوخ الغليون.. و ريحته كريهة… (مثل باباي مال الرسوم المتحركة)…. مع هالظلمة و المفاجأة …صراحة قلبي وقف… و الدم نشف في عروقي .. بس مسكت عمري.. و تماسكت أوني عاد قوي.. قلت له: هلوو.. انا المتدرب الجديد.. (بالانجليزي طبعا) سلم علي .. و قالي.. يا هلا و مرحب بالمدردش (المتدرب)…و نادى: يا ولد صب القهوة و جيبب حق عمك..( لا تصدقون :;) .. لا.. طلع هذا هو كبير الملاحين الي خلاص نازل.. فرحب في و قالي.. عطي جواز السفر و جوازك البحري (الجواز البحري خاص فقط بالبحارة) للكابتن.. و كان الكابتن توه ملتحق معاي .. فسلمت عليه و (دردش) شوي معاي و عطيته كل الي عندي من أوراق.. و لو كان يريد ياخذ شنطي.. كنت عطيته (هو الكل في الكل.. ما حد يقدر يقوله : إققق).. سجل اسمي في الكتاب الي فيه أسامي جميع الملاحين و البحارة ووقعت (تقول فندق) . و قالي انزل على كابينتك (غرفتك)
نزلت للكابنة الخاصة للمتدريبن أمثالي (على فكرة كل ما تعلى رتبتك في السفينة كابينتك تكبر و تحلو و تكون أفخم.. عقبال ما نترقى) ..زين إني حصلت اسمي مكتوب على الباب .. و االلا كنت بظيع.. دشيتها.. و كانت كابينة حلوة.. كل شي موجود فيها.. مثل الفنادق… كابينة بحمام نظيف و انتوا بكرامة.. و المنشفة و الصابون على جنب.. و أحلى شي إنه فيها ثلاجة صغيرة:p(للأيام السودا) .. حطيت أغراضي و رحت أتمشى في الطابق إلي أنا ساكن فيه.. .. لاقيت غرفة .. كلها أفلام فيديو.. أحدث ألأفلام الأمريكية الي نازلة في السوق.. و مكتبة فيها كتب و مجلات كثيرة.. و على جنب كومبيوترACER آخر موديل على أيامها.. ما كان ناقص إلا خط تلفون و إنترنت.. و يالله على سوالف:)...طلعت.....و مشيت شوي..
حصلت غرفة ثانية فيها تلفزيون و فيديو.. و مكتوب عليها من برع.. Offiseres TV Room يعني حق المهندسين و الملاحين (بس)الي يريد منهم يشوف أفلام.. و دخلت.ز ما شاء الله الأثاث جدا جميل و الديكور حلو.. كأني قاعد في فندق 5 نجوم!!.. مشت شوية ...... آآآه شو هذا؟؟!!....(شفت شي فاجأني.. و ضايقني في نفس الوقت).... لا قيت ركن صغير..... للمشروبات (….....) بكافة أنواعها و أثقالها!! إلي لونه أحمر و أخضر و برتقالي.. كل شي موجود!! من ارقى بيوت الأزياء العالمية (فهمتوا شي؟!!) و لا حول و لا قوة إلا بالله.. ضربت كفا بكف و رجعت كابينتي و أنا مستغرب!!..
و قلت لنفسي. خليني أكلم الأهل أطمنهم علي قبل ما ندخل في عمق البحر ويضيع ارسال التلفون المتحرك.. و على فكرة.. كان عندي تلفون نوكيا (الموزة إذا تذكرونه) هذيك الأيام.. و مش مصدق إنه الوالد طلعلي شريحة:)
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
و بعدين…
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
انزلو شوي بعد:p
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.…….. كوكووووووووووووووووووووووووووووووووووووووووووووووووو…
و أدرك مدردشنا المتقاعد الصباح .. فسكت عن الكلام المباح.. و إلى اللقاء في الحلقة القادمة.. اللي بتعرفون فيها شو صار في أول صباحية (مباركة) في ال ENGINE ROOM أو غرفة المحركات…
و تحيات أخوكم
المدردش