اللوحــــة !!!

[بياع القلوب]

قــالت امـسك ريشــتك خل الشــعـر

ارسم اللي شــوقـهـا مـوج البحـر

حَــرك الريشــه على شــوف النظـر

وبوقف قـبـالك على طول الـنـهـار

قـلت أبرسم لوحــة فيـهـــا بحــر

وفـيـهـا ليل وفـيـهـا نور بلون نار

وشـاطي ودي مـاوطي فـوقــه بشـر

والف حارس يذبحـون اللي اسـتـجـار

وفـيـهــا وردِ إســتـحي منه الزهـر

وفـيـهـا سـيفَ مـايبي ريح الغـبـار

وفـيـهـا ثلج بجوف شـمسِ اسـتـقـر

مـــا لقي له دون قلب الشـــمس دار

قــالت ارفض كــل أنواع الـفــكر

مـا طلبـتك شـمس وحــراس وبحـار

ابـغي ترســـمني آنا دون الصـــور

مطلــبي واضح و لا عـنـدك خــيــار

قلـت عـنـدك يا أجـمل أحلامي خـبـر

انك انـتي مـن خــــيــالات المـدار

وانـتي كــذبـه بـعـت لك كل العـمــر

فـيك حلمي جــاوز أحلام الصـغـار

انـتي رسمِ شــــدلـه فـكـر النـظـر

قـمت أهـوجس واتـخـيل باخـتـصـار

كـنتي لوحـــه ثم نزلتــيلي حـــدر

ثــم حـكـينا ثم رجــعــتي للــجـــدار

------------------- اختيار

[متعب .ع.ع]

السلام عليكم ورحمة الله وبركاته
هلا فيك اخوي بياع،
اخبارك ارجو ان تكون بصحه وعافيه ،،،،،،
اخي انت مغمور بقلب جميل ،،،،، وكلام جميل ،،،،، وامثالك قليل
مع اجمل تحياتي ،،،
ودمت للجميع

[بياع القلوب]

هلا اخوي متعب
شخبارك؟
تسلم اخوي على هذا الاطراء وهذا من ذوقك وطيب أصلك
انا لست سوى انسان عادي يحب الحياة ويحب ان يشاركه الجميع لحظا السعاده القصيره ..
ولك تحياتي

[سعودية]

أعجبني في كلماتك انك نفضت عنك غبار اليأس في هذه المرة
اشرق بريق الأمل فصارت كلماتك ترقص فرحاً وقلمك غدا يعزم أجمل الألحان:)


ان شاء الله علطول لحظات سعادة :)

[سعودية]

يعزم : يعزف

علطول : على طول :)

السموحة يا فنان :)

[بياع القلوب]

هلا سعوديه
هذا واحنا تونا متسحرين
لسه ما مدى نخربط من الجوع :):)

وشكرا لك ولكلماتك الرقيقه :)
صدقيني السعاده عباره عن لحظات بسيطه في حياتنا لازم نستغلها بسرعه وباخلاص مع من نحب
تحياتي:)

[aziz2000]

ليييييييه ياخي ..؟..
تقول ارسمني أنا من دون أي شئ ..
تروح تحطم فيها وتقول انتي كذبة ..
ياخي خل عندك صبر .. ترى المحب اذا ماصبر على حبيبه .. يصير محب ماعنده سالفه ..
تحياتي بياع..:)

































إلا على فكرة بكم القلوب عندك هالأيام؟..:)

[بياع القلوب]

هلا اخي عزيز

ارسمها ؟؟
ياخي ما عندي ألوان احين :):)


الا القلوب خلصت هالايام للأسف
مافيه قلب خالي :(
طلعت روحي وانا اتمسك بآخر قلبي عندي بس الظاهر هو اللي رايح يبيعنا ...
تحياتي

[زهرة الليلك]

اختيار موفق :)

[بياع القلوب]

هلا زهرة الليلك
هلا بك مليون هلا :)

شكرا لك للتواصل
وهذا من ذوقك :)
تحياتي