مدردش... بعد هبوطه الاضطراري

[مدردش متقاعد]

السلام عليكم و رحمة الله و بركاته

حيا الله أهل سوالف... و الله و لكم وحشة صراحة:)


أخيرا رجعت بعد المصايب الي كانت على راسي و لكن هالمرة أكتب لكم من أرض الدولة الحبييبة .. حيث الدفء .. بدل البرد القلرص الي أكل عظامنا..

يا ترى افتقدتوني و لا لا؟:)

ما أوعدكم بمشاركات كثيرة لأني (كومبيترنس) هني.. يعني بدون كومبيوتر.. بس بحاول إلي بقدر عليه:)

تحياتي للجميع بلا استثناء:)


مدردش بن متقاعد...دفيان و مستانس:)

[E55]

شخبارك مدردش ؟

الحمد لله على السلامة

شسويت في إمتحاناتك ؟

[الفرزدق]

أهلاً بدردوشة سوالف،،، حياك الله
صراحة فقدناك ،،

وين الهدايا:)يالله وزع علينا:)
أبدأ من اليمين:)

[سردال]

حسبي الله على إبليسك... زين اتصل! قول ألو! تعال الحارة عندنا! :)

وش أخبار البرد والامتحانات؟! وش أخبار الربع (يا زينهم عاد من ربع :))

[النابغة الطائي]

يامية الف مرحب ... هلا بأخونا مدردش ..
وين أحطك .. يالغالي ..

[شذى الورد]

الف حمد لله على السلامة:):)

تحياتى لك:)

[mouza]

وين هاي الغيبه اخوي مدردش انا قلت خلاص نسانا
طمنا عليك وعلى الدراسه
واهم شيء حمدلله على سلامتك صراحه ماشيء احلى من البلاد :)

وحياك الله مرة ثانيه :)

http://4friends.8m.com/bearfriendsfront.jpg

[الأسيره]

يدي وين كنت شو استوى بك هاااااااا شو الامتحانات وياك انشالله كل شيء اوكي

[سعودية]

طال شوقي الى ربوع دياري
********************** واستيافي ذلك النسيم الساري

أول شيء اقولك قرة عين اهلك فيك والله يخليك لهم ويخليهم لك
ثاني شيء الله يخليك لنا:)
ثالث شيء معقول مانشتاقلك .. انت اخو عزيز وغالي :)
رابع شيء سمعنا انك نقلت بيت جديد منزل مبارك ان شاء الله ربي يعطيك من خيره ويكفيك شره..:)
خامس شيء ان شاء الله سويت زين في الإمتحانات " اعرف ما ينخاف عليك " :)
سادس شيء اقراء كشتة سوالف الثانية وقلي رايك فيها :)
سابع شيء نورت سوالف:)

[aziz2000]

يالله حيهم يالله حيهم .. :)
كيف الحال وشلون الإختبارات ووين سكنت ؟؟؟..:)
أكيد طردوك من بيتك ورموك في الشارع ..:(
والله ولك وحشة يامدردش متقاعد الدافئ وليس الجامد ..:)
تحياتي لك يابودردوش ..:)

[مدردش متقاعد]

يا هلا و الله و الله يسلمك.. و لو إني عاتب على انقطاعك؟
قالولي إنك ما صرت تستخدم الأيس سي كيو؟
و أنا قلت وين الريال؟؟

المهم.. أتمنى أشوفك في الماسنجر إذا ما عندك مانع:)

تحياتي

[مدردش متقاعد]

فستق العزيز:)... ماشي هدايا.. اناو المفروض تعطوني.. أنا ناقص خساير :)... بس إن شاء الله بوزع عليكم علبة ماكنتوش.. بس هذا يوم تطلع النتايج:)


سردال.. لا تقول ما اتصلت فيك.. البارحة كلمتك:).. و أقولك من الحين.. لا تسألني عن الامتحانات.. تراني على باب الله:(
و الشباب بخير و يسلمون عليك.. و إن شاء الله سايرين على العيد إلى... الي خبرك:)

حيا الله عمدة سوالف أبو النوابغ و معرسنا القادم:).. ياخي أنا قلت الحين بغيب فترة و برجع محصلك كاتب 30000 موضوع.. بس اتفاجأت إنك مقل؟
ليش يا ترى؟!!


الأخ العزيز بحر:) الله يسلمك و يسلم غاليك... و تحياتي لك أيضا


أبلة موزة مقشرة.. يا هلا و لا بأستاذتنا القديرة صاحبة الدردشات الرهيبة.. بصراحة مكسة سوقي.. و علشان جي أنا غبت و سرت دول تايوان أدور لي سوالف يديدة أستوردها ههههه
لا بصراحة كنت مشغول ويا الامتحانات و سالفة البيت.. و أعتقد إنتي كنتي متابعة للقضية أول بأول:)
و البلاد صراحة ما تتفوت.. الجو بديع و كشخة.. بدل ما عايشين في ذاك البرد الي مكسر عظامنا:)
و شكرا على الصورة:)



هلا ببنيتي الأثيرة.. ألأسيرة.. امتحانتي طيحت البقية الباقية من ظرسي.. بس الحين أنا راد علشتن أشتري لي طقم يديد.. تراج ذليتينا:)


أحلى سلام و تحية لأخت سعودية.. أنا بصراحة عتبان عليج؟ اختفيتي فجأة بدون أي مقدمات.. و الكل قاعد يدور على حليب السعودية... مش موجود فس السوق:)
و ماشاء الله سباعيتج هذي خجلتني صراحة:) و تسلمين عليها.. و ردي إن شاء اللله بتشوفينه على موضوعج قريب.. بس ترى على فكرة.. فاتج الجزء الرابع من دردشاتي.. إن شاء الله لحقتي عليه؟:) و شكرا على بيت الشعر الحلو.. تراج شاعرة لا يشق لها غبار.. بس يا ترى وين الملحننين عنك:)
و على فكرة حصلت بيت... و ساكن لوحدي الحين:( مو ناقصني إلا بنت الحلال.. لا تنسين تدعين لي:)


عزووووووز2000 هاهاهاها ,الله ضحكتني أضحك الله سنك؟
أنا يرموني في الشارع؟ أنا مدردش بت متقاعد آل متقاعد يرموني للكلاب:)خلصت الاكتحانات و الحمدلله حصلت بيت صغير و حليو و رخيص.. يعني فل أبشن:)
بس ناققصني عروس.. عندك حد بيتبرع يتبط في مدردش مكحكح مثلي؟:)
عمموما إن شاء الله أشوفك على الماسنجر.. مب تتغلى علينا:)


تحياتي للجمع و شكرا لكم على الترحيب.. جزاك الله خيرا

[نجمة المساء]

حيييااك الله يا مدردش بيتك نوور ونورت سوالف فيك


بس انا مختفيه في الوقت الحالي

[Huda76]

الأخ العزيز مدردش متقاعد

يا هلا بك والله ..

وعاش من شافك :) :)


تحياتي

[E55]

عتاب الحبيب مثل أكل الجالاكسي اللي يطلع في الدعاية :):)

والله يا أخوي إنقطاعي عن سوالف مب بكيفي ، بسبب الدوام اللي شكلي ناوي أنقطع عنه للأبد

وبعدين من اللي طلع لك هالإشاعة وقال إني ما أستخدم الأيسيكيو ؟

أكيد واحد من الأعداء ;);)

[مدردش متقاعد]

حياك الله أختي الكريمة و سوالف منورة بوجدج أصلا:)

بس يا ترى على وين سايرة؟

الأخت العزيزة هدى 76:)

و الله و زمان ما شفناج:) أفف بس لو أعرف أي منتدى إنتي تكتبين فيه:)


تحياتي لكم