حوار بيني وبين زوجي

[سعودية]

سعودية تجلس أمام شاشتها الصغيرة تقرأ ما تكتبون تعلق وتناقش …. فجأة جاء زوجها …. كانت الساعة الثالثة بعد منتصف الليل …

زوجي : يله بسرعة جهزي الأغراض علشان راح نروح القصيم

سعودية : ليش ؟ وش الطاري !

زوجي : طقت عندك مانع

سعودية : لا ما في مانع ما أحب على قلبي بس أفهم ..

زوجي : ودي أفطر الصبح بين النفد والربيع

سعودية : واووووووووووووووو نصف ساعة وأكون بالسيارة إن شاء الله


ولملمت أغراضي بسرعة البرق وركبنا السيارة وتوجهنا إلى ديار الروعة والجمال خصوصاً في هذا الوقت من العام

سعودية : صراحة أنت وطقاتك فلته الله يخليك لنا…………………………………" وش ها الرومنسية يا سعودية " :)

زوجي : عسى بس يطمر فيكم

سعودية : كم يوم راح نقعد هناك

زوجي : وراك شيء … حسب التساهيل متى ما ملينا بس ليش السؤال؟

سعودية : ما قلت للعالم إني رايحة ………… ما ودعتهم
زوجي : ولشوله اخترعوا الجوال ….. اتصلي وقولي كل اللي تبين

سعودية : لا فهمتني غلط قصدي عالم سوالف:)

زوجي : ما شاء الله بعد ما نتحرك إلا لمين نستأذنهم:)

سعودية : لا بس لازم نصير ذوق مع اللي نغليهم

زوجي : يعني وش تبين اسوي ….. أرجع علشان تكتبين مع السلامة .

سعودية : وش رايك تشتري لي موبيل موتورولا اللي فيه انترنت علشان أطمن عليهم وش صار مين جلس مين راح وش كتبوا ….:)

زوجي : اسمه هاتف نقال ، جوال ، هاتف متحرك يعني خلصت الألفاظ العربية ……………… " زوجي ماجستير ادارة اعمال من أمريكا "

زوجي : بعدين والله خوش حتى بالسيارة ما راح نفتك من سوالف.

سعودية : زين زين ما صارت جوال ، نقال ، متحرك ، محمول ، مشيول اللي تبيه ,,,,,:)


عم السكوت لحظات ولم استطع إلا اثارة الموضوع من جديد لعل وعسى ..


سعودية : الزبدة :) …………………………………… " مصطلح قصيمي يعني هات من الأخر _ فحوا الكلام "

زوجي : صجتينا بسوالف ……………………… أقول وش أخر أخبارهم :)

سعودية: ما أدري طيرتنا وكل شيء هناك معلق ما رديت على الناس واعيباه

زوجي : كلها كم من يوم ونرجع بإذن الله وشوفي كل اللي تبينه وسولفي قد ما تقدرين


شيطوني استيقظ من النوم وأدل بدلوه :

شيطوني : بابا اشتر لماما اللي تبيه علشان نفتك ونعرف ننام شف يا بابا محاسن سوالف صرنا بالبيت ما نسمع صجة خلنا بعد بالسيارة ..

امتعضت من هذا الكلام ولكن مدام سوف يكون في صالحي لماذا لا أنتهز الفرصة…

سعودية : والله كلام منطقي :)

زوجي : على كيفنا كلام منطقي والله لو قايل غير اللي تبينه كان نزلتيه من السيارة وخليتيه يروح لبريده مشي..

سعودية : المهم تبي تجيب لي الجوال ترى انت عمري وحياتي :)

زوجي : عمري وحياتي أنت ……… لا …………………………………………. " بالفم المليان ":(

سعودية: زين شكراً
زوجي : any time

سعودية : نقول أي وقت يعني خلصت الألفاظ العربية :)

ولم أحصل على ما أريد وبأت جميع محاولاتي بالفشل الذريع ولكن استمتعت بجمال دياري


أعشقـــــــــــــــــــــ زوجي ـــــــــــــــــــــــــك :)

[سنفور غبي]

هههههههههههههههههههههههههههههههههههه .. يحليلج والله :):)

أنا بس في خاطري ألعب مع الشيطووووني :) ممكن;)

[سعودية]

ههههههههههههههههههههههههههه
ما عاد تروحين تقولينها اذا شفتيه وراح تقولين

أه أه أه أه أه أه أه أه أه أه أه أه أه
آهي آهي آهي آهي آهي

وراح يكون وجهك مثل هذا
:(:(:(:(:(:(:(:

صدقيني راح تروحين فيها :)

أسأل مجرب ولا تسأل طبيب:)

الله يعينك سوف ارفع معروضك لصاحب السمو الشيطوني ونشوف وش الرد :)

بس نصيحة انفذي بجلدك:)

[ابو سعود]

هههههههههههه

الله يخلي لك شيطوني وابو شيطوني

بصراحة انتي ماقصرت وشرحت مصطلحات غريبة

لكن ويش معنى بين النفد والربيع

عاد لا تلحقينها سالفة القشمي

[ســامــر]

هلا سعودية..........صباح الخير.......

اقول الله يكفينا شر الادمان........

ولا وجوال هههههههههههههههه الله يعين ابو شيطوني عليك.....

بس الله يخليكم لبعض ويخليك تحفة حياتكم(شيطوني) لكم....

تحياتي

[عبودي 1]

أختي سعودية
صبحك الله بالخير
زين يوم طقت مع زوجك يروح للقصيم
اما لو تطق معه ويروح بكم للصمان في الظهرية جالسين هناك :)
تحياتي :)

[شعنونة سوالف]

الله يخليكم لبعض....

ياهيك الحياه الزوجيه يا اما بلا :)

[توتة]

الغالية سعودية .... أم شيطوني :)

صحيح لو غبتي نفتقدك ...

بس مستحيل ننساك ... :)

===> دايم على البال :):):)


أبو سعود ===> وراك اليوم مطلع دستة مواضيع أرشيفية :)

بس هذا احلاها ... و تسلم


:)

[لجين]

:):):):)

هههههههههههه

كيف حالك ام شيطوني؟؟

الله يسعدك:)
مواضيعك جدا جميله ومرحه
تقبلي تحياتي:)

قبل لاانسى ايش اخبار شيطوني؟؟:)

[kuwaitya]

ياسلااااااام ياليتني رايحه وياكم ( حشره مع الناس عيد :) )


الله يخليلج شيطوني وزوجج :)

بس والله ونااااااسه .. بشريني اذا اشترولج الانترنت الجوال النقال اللي يصير اسمه :)


المهم شيطوني شخباره ؟ ياحبني له دون كل المخاليق ( ذي اغنيه لاتصدقين :) )


سلميلي عليه واشتريله لعبه بدالي :) :):):)

[نملة]

اهلين سعودية...

يعني لازم تزعجون شيطوني بسوالفكم!! :( يا حرااام فيه رقاد ككككككخخخخخخخخخخخ

بس مرة ثانية اذا بتسيرون مكان خبروني ;) عشان اسير وياكم واصير مثل العضمة في البلعوم ككككككككخخخخخخخخخخ

الله يخلي لج شيطوني وابو شيطوني :)

نملة

[سعودية]

بالله منين طلعت ها الموضوع :)

فيه ريحت الربيع وأيام المطر والبر والكشتات يا سلام والله :)

شوف أخوي هذا الموضوع كان في الربيع اللي قبل اللي فات ..

وكان توه نازل الموبايلات اللي فيها خدمة الإنترنت وطبعا في موتورلا بس في ذاك الوقت :)

وأنا من هواياتي العجيبة مثل ما الناس تحب تجمع طوابع أنا أحب اجمع جوالات :p

وبعد ها السفرة جاني ( موتورلا البونتية ) وجاني ( ACCOMPLI)

بس مافيه في الإتصالات ها الخدمة بس معليش انا وراهم والزمان طويل :p

شوف اخوي ابو سعود :)

بين النفد والربيع ..

النفد هذا مصطلح عندنا عن الطعوس أو باللغة العربية الكثبان الرملية :)

نفود يعني طعس يعني كمية من الرمال الناعمة مجتمعة ..

ما أدري وش تسمونها :)

المهم أنك تكون فاهمني :)

شوف اخوي في ذاك الوقت الربيع يغطي كل النفد وتطلع الصحراء قطعة امواج خضراء شكلها ياخذ العقل :)

وانا وحدة تموت بالبر والمخيمات ..

وبالنسبة للقشمي اخوي والله ما كان عندي نية اخبيها بس نسيتها :p

المهم أنت في الطلعة اللي كانت يوم الخميس على البحر قلت في الموضوع ان ام سعود قالت أعطيهم فصفص ولا لا :)

ومن هذا المنطلق أنا قلت قشمي..

وهذا مصطلح حنا في بيتنا ماخذينه من طاش ما طاش لما كانت حلقة الجار الغثيث ...ما ادري تتذكرها ولا لا :)

كانت الجارة المصرية اللي تقلد سعودي تعطي ضيفتها الفصفص وتقول قشمي يعني كولي الفصفص وارمي القشر هذا مصطلح حنا نقوله في نجد ما ادري وش تقولون عليه عندكم :)

هذي سالفة القشمي وما كنت داريه انها راح يصير عليها كل ها الأزعرينة :) ولا تقول وش يعني ازعرينة ..


واخير أخوي شكرا على الموضوع وعلى الذكريات الروعة وعسى الله يخلي لنا ابو شيطوني وشيطوني ويجيب لي كل اللي ابيه :)

تحياتي لك :)

[سعودية]

من ها الناحية صدقت وبقوة بعد :)

الله يعنيه علي والله :)

تحياتي لك :)

[ابو سعود]

احنا بصراحه في الجنوب وفي اللغة الدارجة عندنا نسميها

Eureka Sand Dunes

بس لما جيت الشرقيه وتفتحت فكريا عرفت المصطلح العلمي لها

وهي الطعوس

اما القشمي فبصراحه ما شفت هذيك الحلقة لكن خليني اسال ام

سعود عنها لانها مغير مقابله ها التلفزيون وتتسحب من قناه لقناه

تحياتي لك اختي ولابو شيطوني وشيطوووووني :)

[سعودية]

ما شاء الله عليكم صايرين جنوب أمريكا والله منتب سهلين:p

تحياتي لك ولام سعود ولسعوووووووووووود :)

[taxi]

سعوديه......طالعه....للبريه.....مع زوجها.....في الصبحيه...

اتمنا كانت الرحله...........على كيفك....ماما سو سو عو عو د د يه يه يه............

ولا تنسون تسلمولي على ................:

http://unaizah.homestead.com/files/min.JPG



تحياتي ماما ..............
taxi_100@hotmail.comhttp://www.taxi.com/graphics/taximain.gif

[سعودية]

ستر الله من الصمان وقت القوايل :)

وش هذا مهوب روحة وناسة هذي انتحار بس بطئ :p

وتلسم اخوي على المشاركة ..

تحياتي لك :)

[سعودية]

تسلمين على كلماتك الروعة ..

وعسى ربي يكتب لك اللي تحلمين فيه ويحقق لك كل امالك يا رب :)

ويخلي لك غاليك :)

تحياتي لك :)

[سعودية]

يا حبي لك والله يا الغالية :)

تسلمين على كلماتك وهذا بعض مما عندك بصدق يمكن تنسى سعودية نفسها بس مستحيل تنسى توتة :)

والله يخليك يا الغالية :)

اما من ناحية ابو سعود ..

انت ما تدرين البحاري اعطاه الوردية اليوم علشان هو ما مسافر فقام بالواجب :p


تحياتي لك:)

[سعودية]

تسلمين والله وكلك ذوق ..

وهذا والله من طيب اصلك ..

وتسلمين على سؤالك عن شيطوني وهو والله بخير ..

مع تحياتي لك :)

[سعودية]

يا ليتك كنت معانا والله ديرتنا أكثر من روعة وعندكم بالكويت اهلنا وأغلب الكويتين من عندنا من القصيم ..

أختي تسلمين على الدعوة الروعة ..

وابشرك اشتروا لي الجوال بس الأتصالات عندنا ما شغلوا الخاصية اللي تسمح للجوال بالنت ..

بعدين تسلمين على الهدية لشيطوني بس ترى شيطوني مثل امه يبي جوال يقول ما فيش حد احسن من حد :p

تحياتي لك :)

[اسراء]

هلا سعودية كيفك ؟ وكيف شيطونك وابوه؟؟:):)
وعشان مايزعل شيطوني هذا جوال له http://v120.motorola.com/v120/images/hp_phone.jpgوكمان جاهز برقمه اللي هوه سجلي اذا معاكي ورقة وقلم يلا صفر خمسة خمسة خمسة اربعتين تلاتة اصفار :) :)
ولا تنسي خليه يكلمني يلا باااااااااااااااااي :):):)

[سعودية]

خلاص يوم نبي نروح المرة الثانية راح نقولك بعد ما نرجع إن شاء الله :)

لا تخافين على شيطوني هذا ماخذ حقه ثالث ومثلث ..

وتسلمين يا الغالية على دعوتك ..

تحياتي لك:)

[سعودية]

ولا تخاف سلمت لك على ديرتك ..

بس بعد سلمت على ديرتي بريدة ..

http://www.buraydahcity.com/buraydah1/new3b.JPG

هذا من اللي قلته لديرتي ..

عشق يا دياري (http://www.buraydahcity.com/sha3r.htm)

تحياتي لك :)

[سعودية]

شكرا يا الغالية ما تقصرين كلك ذوق :)

بس ها الهدية روعة وخر عن شيطوني وش راح يحمله الليلة ..

موبايل ورقم مميز وأطلب تجد :)

راح تخربون علي الولد :p

حبي لك يا الغالية وتسلمين والله :)

تحياتي لك:)