حفله 0000تنكريه

[mouza]

اكيد
يوم قريتوا العنوان قلتو بلاها موزة مسويه حفله تنكريه 000
صبروا انا بخبركم
http://www.uaedream.com/Funs/cats/kitty_shy_md_wht.gif
انا ما عندي حفله تنكريه انا ابا اعرف اللي في قلوبكم 00لا لا مب منجمه هاهااهاهاه
بس اريد اعرف سر في حياتكم وفرفشه
http://www.uaedream.com/Funs/cats/cat_liedown_md_wht.gif
الحفله التنكريه الي اقصدها
انه اكيد كل واحد منكم عنده نقطه ضعف يمكن دائما يريد دائما ان يخبيء عن الناس عن حتى لا يكشفه احد منكم من يستطيع ومنكم من لا يستطيع اخفاء الحقيقه ؟
فهل ممكن اعرف نقطة ضعف كل واحد منكم وهل استطاع ان يخبئه عن الاخرين ؟
مجرد سؤال واحب الكل ان يشارك ؟
http://www.uaedream.com/Funs/cats/cool_cat_sunglasses_md_wht.gif

[اسير_الصمت]

سؤالك جميل ....


بالنسبه لي مشكلتي الوحيده وأحاول اني أخفيها عن الناس


الطيـــــــــــــبـــــــــــــــه




شكرا أختي موزه على الموضوع اللطيف


=========

أخوواني الي ما دخل على الموضوع أرجو انه يدخل ويشارك

http://www.swalif.net/sforum/showthread.php?threadid=77088










أخوكي
------------
أسيــــــــــــــــــــــر

[mouza]

الطيبه في هذه الايام اصبحت مشكله يحاول البعض اخفاءها :)

[اسير_الصمت]

والله صح لسانك موزه


كلامك 100*100 صحيح

لأني والله بأستغل يا أسير ودي يا اسير جيب و أنا من طيبتي أقول طيب أتعاطف في الأشياء الي يبغالها حزم ولكن مشكلتي طيب



شكرا أختي موزه على كل حال وربنا ما يحرمناش منك وان شاء الله تكوني وسيعة صدر لأنك جيتي على الجرح وكله حيقول نقطة ضعفه وحتشوفي العجب



أخوكي
------------
أسيـــــــــــــــر

[mouza]

محد يعجبه هذا الموضوع مع اني توقعت الكل يشارك
بس الظاهر ما بيشاركون واشكرك اخي على المشاركه

[bint_alriyadh]

موضوع حلو ...

بس تدرين اختي موزه صعب الانسان يخبي شي فيه ممكن يكون فيه صفه

ما يحبها يخفيها لفتره بعدين خلاص تختفي يعني الانسان الطيب

اللي يحاول يخبي هالصفه تلقائيا بعد فتره تتغير ويصير شخص عادي

مو شرير عاد :) بس متوازن مو طيـــــب مثل ماكان وينهك عليه:)

:) ولا شرير (حلوه شرير) ..بعدين التجارب اللي يعيشها الشخص او

يشوفها حوله يستفيد منها كثير في انه يحاول يغير مو يخفي

الصفات اللي ما تعجبه في نفسه...

شكرا مره اخرى على موضوعك الشيق :)

[mouza]

صح كلامك اختي

اتصدقين الانسان يمكن يوم يعاشر شخص اول مرة في بدايه الايام كل واحد منهم يبين للثاني محاسنه لكن مع الايام الصفات الحقيقه تطلع عشان جي انا احب اني اكون من البدايه كما انا من غير ان اخبئ اي شيء عني :)

[مملوزي]

والله وبكل صراحه...ما اعرف على وجه التحديد نقطه ضعفي...بس اكيد فيني نقاط ضعف..مب وحدة ولا ثنتين...بس اغلب نقطه ضعف فيني هي قلبي..مشكلتي احب..بس ما اعرف اكره..وان كان ألد أعدائي..ما اعرف اكرهه..ما اعرف هل انا جاوبت على السؤال او لا..بس مشكلتي الحقيقه الطيبه..
ووو تحيـــــــــــاتي

[mouza]

انا ادري اختي بتقولين هي فعلا لانه الطيبين هم اكثر الناس اللي يستغلونهم وانا معاج والله ترا انا شراتج

[مملوزي]

هــــلا موزة...شحالج..عساج بخير....بس تصدقين...ما في اروع عن الطيبه حتى لو قلت انا او انتي انها مشكله...ما في اجمل عن هالشي...وتعرفين انا احمد ربي بأني طيبه لان لولا طيبتي..لا تحولت حياتي حق جحيم..والله سبحانه زرع هالشي في قلوبنا...وانا دائما اردد الايه الكريمه" الطيبون للطيبات والخبيثون للخبيثات" صدق الله العظيم
ووو تحياتي

[mouza]

وشكرا انج ذكرتيني بهاي الايه :)

[مملوزي]

ووو تحيــــــــــاتي

[أميرة السعادة]

الكل عنده نقطة ضعف هذا شئ متفقين عليه بس انا اعرف
نقطه وحده من نقاط ضعفي والباقي يعرفونه اهليه
والصديقات .........
الي اعرفه اني ضعيفه امام الاطفال احب الاطفال حب كبير
لدرجه اني ما احب اشوف طفل يبكي واحس اني اريد ابكي معاه
وما احب انه ينحرج ........... هاي النقطه بشكل كبير تؤثر
فيني والله يعلم كم احب الاطفال :) :) :)

[mouza]

اكيد قبج كبير وطيب يا حبوبه لانج تحبين الاطفال الله يرزقج بالاطفال اللي يسعدونج

[فلونة]

مرحبا/

نقطة ضعفي اني مو اجتماعية يعني ماأحب الزيارات والطلعات

وهذا يغضب الجميع مني

بإختصار أنا إنطوائية- هذا من تأثير الجزيرة _:D


فلونة:)

[mouza]

بالفعل اختي الانطوائيه مش حلوة حاولي تدمجي نفسك مع الاخرين وسوف تتعودين على ها الشيء
بس جربي :)

[المسطول]

نقطة ضعفى
سؤال يحير
اذا اقولك احساسى المرهف اشلخ

واذا قلت احساسى بالحب هم افلع

انا مشكلتى انى طيب القلب
مو مدح لنفسى بس انا اذا احد زعلنى اليوم
بكرة انسى ولا كنه شى صار حتى لو كانت الزعلة كبيرة

لانى اخذ الناس من اول ردة فعل اذا كانوا طيبين يدخلون
قلبى وصعب ازعل عليهم

بس اذا كانوا من اولها قاسيين معاى شبه مستحيل اعبرهم بطيبه

يعنى هذا مشكله الناس الطيبه الدرويشه المفهيه امثالى

ولاتستغلون ها النقطة ترى بقومها زعلة

[mouza]

الله يخلي لك اللي يحبونك :) وما يستغلون طيبتك

[سردال]

نقطة ضعف....! :)

والله كثيرة لكن أبرزها عندي برودي وقلة حركتي :) لكنها واضحة وبارزة، حتى إن بعض ربعي يقول لي: إنت بارد، ثلج ما تحس... أقوله: كلامك صحيح :)

لكن نقطة ضعفي الفعلية، هي إني فعلاً عاطفي كثير وأتأثر كثير لكني أتحكم بشكل عجيب في تصرفاتي، يعني يمكن أزعل أو أشوف منظر يبكي الصخر لكن لا أتأثر، بس "بيني وبين نفسي" أكون متأثر جداً.

[bent_zayed]

انا مثل فلونه يعني مب اجتماعيه

وعندي شي ثاني أصدق الناس بسرعه يعني دايما أفترض أن الكلام الي يقولونه صدق وطبعا الناس يقولون عني غبيه :( للأني أصدق بسرعه ؟؟؟؟؟؟!!!!!!!!

ما اعرف يمكن اختفى الصدق

[mouza]

انا بعد شراتج اصدق بسرعه
لاني انا ما اجذب فأتحرا الكل ما يجذب شراتي


اخوي سردال انا ما احب حد بارد
احيد كانت عندي زميله في الجامعه وايد بارده
كنت اسميها فريزر
اههااهاهااهاهااهااهاهاه