فلم مرعب والبطله شغالتنا

[بياع القلوب]

هلا
معليش ابعطي سديم اليوم اجازة من مقالبي عشانه تعبان شوي :)
لكن ابحكي حكايه صارت لي :

قبل يومين كنت طالع من البيت ونسيت شماغي وعقالي في الغرفه
المهم ناديت شغالتنا وقلت لها روحي جيبي غترتي
قالت اوكيه بابا
راحت وجابت منشفه
ياغبيه غتره وين انا بتروش عند الباب؟
زين بابا وطست دقايق وجابت قلم
حسبي الله علي شيطانك يالخبله ليش القلم؟
شكلي ابكتب فيها شهادة وفاتك
انا قلت غتره، افنطها ؟ غ ت ر هـ والعقال ع ق ا ل
كشرت بوجهي وتمتمت طلاسم وراحت
اعوذ بالله من وجهك الكدر
المهم جابت الغتره اخيرا
ركبت السياره وحطيت الغتره على جنب
المهم وصلت مشواري وقمت البس غترتي
فيه حاجه غلط
الغتره مو غترتي ؟
اشوف
قسم بالله اني بذبح هالشغاله
غترة ابوي
وهو بيروح بعد شوي كمان
طيب وشغلي احين ؟
وارجع للبيت
واخل كالاسد الهائج
سرياتي وتبن ؟
وقعدت اعطيها محاضرة عن الفرق بين العقال السميك والعقال الرفيع
المهم مالقيت لكم الا وهي تصارخ بوجهي وتصيح تقوا احد ضربها
وقتها تشوفوا غبرتي وراي
انحش ياولد لا تبلشك بعمرها
المهم هربت بدون غتره
ورجعت آخر الليل
والله اني كنت مرعوب وقتها
ليش
تكون واقفه ورا الباب بسكينه
المهم تعوذت من ابليس ودخلت البيت بهدوء
المطبخ؟ فاضي؟ اشوه
تحت الدرج ؟ اشوف
مو مشكله دام بيدي العصا احتياط
ماكو احد
اطلع غرفتي
فتحت كل اللمبات
فتشت الخزانات وورا الابواب ماكو احد
اشوه
اجل خليني اقفل الباب وانام
وفجأه والا صوت حريمي يجي من وراي
من الخوف ما ميزت الصوت ولا الكلام
قمت اصارخ من الخوف وارتجف
والا الصوت يقول
اسم الله عليك ياوليدي وش فيك؟
امي؟
حرام عليك نشفتي دمي من الخوف
ليش كل هذا ؟ خايف تذبحك الشغاله؟

فضحتنا وخرعتنا هالشغاله حسبي الله عليهم بس

[aziz2000]

ياحليلك يابياع انت وسرياتي مالتكم هذي ..:)

وانت ماكأن عندك دوام بكرة .. أكيد توك راجع البيت في أنصاف هالليالي ؟.. :)

[بياع القلوب]

هلا عزيز
ايه من شوي جاي البيت :)
دوام؟
ايه عندي :)
طيب وانت يعني كلش مافيه عندك بكره جامعه ؟ :)

[زهر الليالي]

صراحه شغالتكم هذي تناسبني
ودي أنقل كفالتها ومستعد أدفع اللي تبي

محتاج حارس عماره والظاهر مافي أحسن من شغالتكم

هاه وش قلت ؟؟؟

[بياع القلوب]

هلا اخي زهر
تم ولا يهمك
بس اخاف ما تخليك تدخل عمارتك بعد :)

ياخى الى الآن انتظر ايميل منك وماوصلني منك شي:(

[زهر الليالي]

أقسم بالله أني ما شيكت على بريدي من كم يوم
على العموم رايح الآن أشوف البريد وأرد عليك

المعذره

[زهر الليالي]

أي بريد فيهم ؟؟

سوالف أو الهوتميل ؟؟

[بياع القلوب]

اخي زهر
لا هذا ولا ذاك
لأني ما عندي ايميلك اصلا
بس انا اقول ارسل لي ايميل عاشن اعرف عنوانك او ضيفني عندك بالهوتميل مسنجر اذا تكرمت :)
تحياتي

[unique]

هع
في هنا احد اسلوبه مو غريب علي :)هع هع هع

[بياع القلوب]

يونيك؟؟؟
هلا بك
شدعوه ؟
اسلوبي نفسه والله :) ما تغير

[unique]

هلا بياع :)
امزح بس :)
اشدعوه :)
عشان اوسع صدرك :) هع

[عطرالندى]

مسكين زين ما ياتك سكته
:)

[زهر الليالي]

أكيد من تاثير شغالتكم
لا يكون بس من الزرنيخ اللي تضيفه على الأكل

أن كنت ناسي أزكرك :):):)

بعد سوالف المسنجرات والآي سي كيو والأيميل المطوله بيني وبينك
نسيت أيميلاتي ؟؟!!
على العموم ما ألومك... هوه الواحد اليومين دي يتذكر مين وألا مين والا مين ؟؟؟

على العموم أنتظر ايميلي وسوف تكتشف (رمز الجوده والنكهه)



هع هع هع هع هع هع هع هع

[ليالي]

هلا بياع
اقول بس وش تبي بهالشغاله اللي تخوف
لا تنسى قبل لا تنام اذكر الله وحط تحت المخده سكين ولا عصى وقفل
الباب زين طيب :)

[بياع القلوب]

اخوي زهر
منتظر الايميل



هلا ليالي
صدقيني العصا تحت المخده جاهزة والباب متربس باقفال تقول حصن :) بس الكوابيس ما تخلص وش اسوي لها يعني ؟ :(
تحياتي

[فلونة]

هههههههه هذه مو شغالة هذه أمنا الغولة وجت تشتغل عندكم


بس أسلوبك فكاهي رااائع


أقول ترى أخويا يدور على بودي جارد ليا ممكن أستلف شغالتكم

:):)


فلونة

[بياع القلوب]

هلا عطر الندى
الحمد لله عدت على خير :)



هلا فلونه
شكرا للاطراء اللطيف :)
تصدقي عاد؟ شكل شغالتنا بريء جدا بس ياما تحت السواهي دواهي
:):)
تحياتي

[النابغة الطائي]

غترة = منشفة .... هههههه
غترة = قلم ...؟؟؟؟؟؟ هههه

شكل متأثر بالصحافة واجد .. :D
اقول بياع أنتبه الليلة ..لاتذبحك .....

[بياع القلوب]

هلا اخي النابغه
وحياك الله مجددا معنا بسوالف الاصدقاء :)

فعلا معاك حق
طبيعة العمل تحتم هذا الشي :)
لا تخاف
مقفل الباب بترابيس ومتاريس :)
تحياتي