أتعبتني الصورة مشاوير ( مسافر )

[بياع القلوب]

مسافر كم يوم مثل ما انتو عارفين ليش
بس حبيت اقول شيء قرأته وعجبني وحبيت اوصلها كرساله لـ ...



أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى......

[سردال]

يا سلام عليك يا بياع :)

على الصبح وهذه الكلمات الجميلة :)... ما عندي تعليق، لأني صراحة ما أعرف أتكلم في هذه الامور :)

[بياع القلوب]

هلا اخوي سردال
تسلم ياذوق :)
وهلا بك معنا مجددا
صدقني هذي الكلمات اخترتها لشي بداخلي اتمنى توصل لصاحبتها ..:(
تحياتي

[نملة]

حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد ابنسى

نملة :)

[بياع القلوب]

هلا عمو نمله
ماشاء الله كملتي القصيده :)
شكرا والله :)
تحياتي