View Full Version : عذرا......ليس لدي أي عذر!!
مدردش متقاعد
10-02-2001, 01:43 AM
السلام عليكم و رحمة الله بركاته...
بداية أشكر جميع الأخوان و الأخوات ..لم اتوقع بصراحة أن مجرد تفكيري يالانسحاب سوف يثيركم لهذه الدرجة؟ بس فيكم الخير و البركة يا أهل سوالف:)
اليوم ويكند.. و مالي عذر صراحة.... سردال رجع بحمدلله و قوته و اصر علي بالرجوع معه.. ومن قبله النابغة.. و شبوحة زختني في التجارب أدردش هناك:)... و مستوى المواضيع ارتفع بشكل واضح.. و ما قدرت أمنع نفسي من المشاركة أكثر من جي:)
و قبل كل شي.. سوالف و أعضاءها لهم معزة خاصة جدا عندي.. و اكتشفت أنه ليس من السهل أن أن أفارقكم و لو ليوم واحد بالرغم من أني سأفارقكم عاجلا أم آجلاللاسف:(..
أعود إليكم من جديد.. كلي أمل أن أضيف إليكم شيئا جديدا..بالرغم من أني أعاني من ((كساد فكري)) هذه الأيام..
لكن أتمنى أن نبقى متعاونين و متحابين مثلما تعودنا.. لكن ياليت تعاوننا يزداد في أمر أعتبر هام جدا في مثل هذه الأماكن ألا و هي الأمر بالمعرف و النهي عن المنكر..و النصيحة و الإرشاد.. النصيحة النصيحة يا إخوان و يا أخوات.. فهي جزء لا يتجزأ من ديننا الحنيف..
أشكركم جميعا.. و اعذروني إن كنت قد أخطأت في حق أي منكم.. فوالله ما قصدت إلا الخير و حبي لفعله..
تحياتي
شبوحة
10-02-2001, 01:47 AM
الف حمدلله على السلامة:):)من طول الغيبات ماراح اتنازل لازم هدية
معتبرة من نيوكاسل
هلا بيك بين اهلك وناسك
حبيت اكون اول من يدخل ويتحمد لك بالسلامة الرجوع
المهم انك رجعــــــــت .. أخي مدردش متقاعد ..
والحمد لله على السلامـــــــــة .. :)
وتحياتــــــــــي ..
mouza
10-02-2001, 02:04 AM
الحمدلله انك رجعت لنا
والله انك انت وسردال والنابغه كلكم يوم رجعتو رجعتو شوي سوالف وايامها :)
وصراحه الكل فيه الخير والبركه بس كل عضو له مكانه محد يقدر يحجزة بداله
سعودية
10-02-2001, 02:08 AM
الحمدلله على السلامة ..
ترى انا عارفة سبب رجعتك ..
شكراً لك والله انك اخو كذا الأخوان ولا بلاش ..:)
دريت ان زوجي راح يطلعني من سوالف لو ما كملت دردشات لكذا رجعت :)
أقدر لك هذا الموقف يا بردان :)
ما عليك من الخرط اللي فوق ....:)
الحمدلله على السلامة وان شاء الله تصير انت وغيرك نخلة مغروسة في هذا المنتدى :)
تحياتي لك :)
المهيب
10-02-2001, 02:20 AM
والله تووووووووووووووووني بكتب عندالباشا بطالبك فيه بالرجوع
ولكن زين اتلا حقت عمرك
تراك يا مدردش مسختها ... انته ما تدري انك بهارات سوالف
يعني انته الكركم وانته الهال وانته الفلفل الخ الخ .....
الله يهداك تستوي طبخة بدون هالسوالف؟؟؟؟؟؟؟؟؟؟؟؟؟؟؟؟
يعني لازم يخلونك (( شرطي )) علشان ماتطلع (( بيني وبينك ))
احم احم مبروك
اخوك.................................................المهيب
النابغة الطائي
10-02-2001, 02:20 AM
وإلا كان هناك كلام ثاني ....
مدردش متقاعد
10-02-2001, 02:31 AM
لأنج نيوكاسلاوية.. (من نيو كاسل):)
الله يسلمج يا أختي الكريمة.. بس تراني ما رحت بعيد.. كنت أتفرج عليكم.. فمصير الغزال (الشايب) يرجع لقطيعه.. مهما بعد:)
و شكرا لك على الترحيب.. و هذا مب غريب عليج.. فكما عهدتك.. سابقة إلى الخير دائما:)
تحياتي لك أخت شبوحة:)
مدردش متقاعد
10-02-2001, 03:36 AM
حمدلله على سلانتك أنت أيضا أختي العزيزة شمعة:)
يالله شدي الهمة.. نريد نشوف مواضيعج الحلوة مثل ما عوديتنا:)
أبلة موزة:)
ماشاء الله... كسرتي سوقي.. كل يوم ادش أشوف عدد مواضيعج زاد 50.. بلللللل ماشاي تفاهم.. شوي شوي.. الحين أنا بحط التوربو.. و يايانج:)
سعودية: كم وحدة إنتوا؟ تراكم يننتونا؟ وحدة و يالله يالله نستحملهم.. فمابالكم بثلاث مرة وحد:) رجاء.. ممنوع انتحال صفة الغير:).. سووا نظام الشيفتات:) يالمناسبة.. نزل الجزء السادس من الدردشات.. علشان ما تزعلين.. بس جهزي الطابعة:)
تراني بردان مرة.. وصلت (-7) البارحة!!
المهيب: هلا و الله .. ماشاء الله؟.. موضوعك.. قايم سوقه:) أحييك عليه صراحة.. و اشكرك على كلماتك الحلوة الي أعتبرها وسام و أعتز به:).. ياخي يكفيني شرف إني عضو فعال في سوالف.. و هذا في رايي أحسن من الشراطوة الي عندي:)
النابغة... حيا الله سعادة العمدة:) و( وولكم باك).. ماشاء الله.. نشاطكم ملأ المنتدى.. ها أنا ذا عدت بنا على طلبكم.. اي أوامر أخرى؟:)
تحياتي للجميع
ربيعة الورد
10-02-2001, 08:38 AM
أخي الكريم ... مدردش متقاعد
حيالك الله من جديد في سوالف الأصدقاء
مدردش متقاعد
10-02-2001, 06:34 PM
أشكرك يا أختي الكريمة على كلماتك الطيبة.. سواء هنا و هناك.. في موضوعي الأخير قبل فترة..
لكن اعلمي أنك أيضا تعدين عمود راسخ من أعمدة سوالف
تحياتي
mouza
10-02-2001, 06:44 PM
ضربتني بعينك الحارة
وتقول بردان سير برد عيونك
بعد ماعلي انا
بكتب لين اخر رمق
اهاههااهاااااهاها
aziz2000
10-02-2001, 06:45 PM
حيا الله الشايب ..
يوم انك كتبت موضوع الإنسحاب .. أنا قلت أكيد إنه خرف هالشيبة هذا ..:)
تحياتي لك يابودردوش ..:)
مدردش متقاعد
10-02-2001, 06:50 PM
استهدي بالله .. شوي شوي.. السرعة مب زينمة... تراج وصلتي ال 1615 موضوع في الساعة.. في العجلة الندامة و في التأني السلامة.. اسمعي كلام شيبتكم.. هدي السرعة لين ما أوصل:)
حلاته الرقاد هذي الساعة.. ما سمعتي بنومة القيلولة.. شو تريدين من سوالف .. خسارة بيزات ووقت:)
أكيد عندج شغل.. تصحيح و كتابة امتحانات.. و دروس خصوصية عقب المغرب:)
ههههههههههه
شوي وشي... من الصبح و أنا واعي أيلس أكتب.. تعبت:(
مدردش متقاعد
10-02-2001, 07:40 PM
يا عزوز بلكريم؟ ما عليه..
حسابي معاك في الماسنجر:)
نجمة المساء
10-02-2001, 11:40 PM
الف الحمدلله على السلامه
أميرة السعادة
10-02-2001, 11:46 PM
اصلا انا ما اعتبرتك طلعت عشان ترجع
بس ماعليه بقول مثلهم الحمدلله على السلامه :)
مدردش متقاعد
11-02-2001, 04:16 PM
الله يسلمج يا نجمة.. و يا أميرة السعادة..
و إن شاء الله.. بكون دايما موجود
تحياتي:)