View Full Version : دعوه للصراحه والصراحه راحه (لا تطنشون دشو :) )
دكتور_احمد
12-03-2001, 05:33 PM
^1
شنو الي صار بسوالف الاصدقاء ليش هل جمود ليش المواضيع تتجمد
مافيه حركه مثل قبل
مثل 99سنه او حتي 2000 سنه
الحين مافيه مواضيع مثل قبل
وين كتاب قبل أمثال زمرده والاعضاء القبل
الكل انسحب الكل مشي وليش المشاكل احنا اخوان واهل في سوالف
والله في منتديات تحسدنه والله
عندنا كتاب وكل شي ننحسد عليه
الحين صرنا كلنا مملين
صار فينا ملل
وشرط هل كلام مو مووضع لأنه من قلبي طالع
صح نبي شي يديد نبي نقدم الشي الحلو
خذينه المركز الاول في احسن المنتديات والحين شصار فيا
مواضيع من امس واول امس نفس الرد ونفس الزائر معقوله هذا
والله ابي هل منتدى واذا مااحبكم جان طلعت مثل ماطلع غيري عندي منتديات وايد بس والله مااحب اكتب فيه مادري ليش احس بالضييييق
مادري شقول اكثر من الي قلته
علي فكره
ابي تقولولي بصراحه
مواضيعي عن المخدرات تعجبكم ولا تبون اطلع كشكولي واكتب قصائدي لكم
؟
انا ابي الاحسن للمنتدى
تحياتي لكم بالتوفيق
mouza
12-03-2001, 05:41 PM
يمكن بعضهم مشغولين بس موجودين
ومواضيعك حلوة
يمكن من حلاتها الواحد ما يعرف شو يقول
بس انصح كل واحد لو دخل الموضوع لو ما يتكلم او يعلق بس يكتب اسمه في الدخول
على الاقل الواحد يعرف انه فلان دخل
وصدقني لو طبقنا ها الشيء ما بنتضايق ونقول محد يرد على مواضيعنا :)
لا تخاف دكتور احمد مواضيعك حلوة والاشعار بعد حلوة نوع كما تريد فنحن نريد منك المزيد
الهيكل
12-03-2001, 05:41 PM
بصراحه كلامك في منتهى الحكمه وانا من الناس الى كنت افكر اسيب سوالف بس قلبي ماهو مضاوني
ارجو انك تفيدنا بمواضيعك الجميله وسوف نتعاون الى ان نرجع سوالف الى نشاطها وحلويتها :)
أخي د.أحمد ..لاتزعل ولا تتضايق
سوالف فيها الخير ....والحمدلله ..مافي أي مشاكل ...أنا تعجبت يوم قريت هالعباره !!!!
وصدقني إنه عندنا نخبه ممتازه ...بس الحين اللي صاير إن في ناس قاعده تبدل نمط كتاباتهاومواضيعها للتغيير وعشان الناس ما تمل ....لكن صدقني إنها بترد تكتب مثل قبل وأحسن ....وفي سبب ثاني بعد ممكن تعرفه في موضوعي (سوالف الغرام)
اما بالنسبه لمواضيعك فهي جميله ومفيده ....لكن لي ملاحظه أرجو أنك تتقبلها برحابة صدر أنا إخوان إنشاء الله ..
انت البارحه نزلت موضوعين عن المخدرات ...وكان ممكن تكتفي بواحد ....لأنه اللي بيقرا الأول صعب إنه يقرا الثاني عن نفس الموضوع ...وخاصه إذا كان طويل
والله انك بذلت جهد ...ومشكور عليه ...وانا كنت أحاول الرد ...بس ما قدرت لوجود مشاكل معي في الكمبيوتر ...
لكن الأهم إنا ما نتضايق ولاتزعل من بعض
ليكن أحباطنادافعا لنا إلى الأمام لاللتوقف ....
وشكرا
قطو مطابخ
12-03-2001, 06:04 PM
أهلين وسهلين.
ردينا على الكلام إللي ماله فايده, طبعا هذا الموضوع إنعاد يمكن بحدود خمسين مره ويمكن أكثر بعد ....
والله بخبركم,, المنتديات كثيرة وإللي يريد يطلع من سوالف خلي يطلع, ليش سوالف بتخسر لو كل الأعضاء طلعوا .... لالالالالالالالالالا ما بتخسر
ببساطه المسؤولين بيفتحون باب التسجيل وأعضاء جدد بيكتبون مكانكم, يعني سوالف هيه هيه ما تغيرت
زين منو تغير, الأعضاء تغيروا, شكلكم مليتوا من بعض, ما فيه شيء تكتبون في منتدى ثاني, بس لا تكتبون موضوع رحيل وخربطه وأنا بروح وما شيء نشاط, كله خرابيط.
أنا رحت وشفت أرشيف الموقع السابق في سوالف, خيييبه كل الأسماء غريبه ومب موجوده حاليا, وين راحوا
طبعا هذا أكبر دليل إن المنتدى ما يعتمد على نوعية من الأعضاء وإذا محد كتب, أكيد فيه غيركم ينتظرون باب التسجيل.
يالله منو بيطلع من سوالف,,,, خبروني
هذا إللي أشوفه وخبرتكم رايي بصراحة والصراحه راحة.
العفو ....... مياااااااااااااااو
هبه الرحمن
12-03-2001, 06:07 PM
دكتور احمد
من زمان ونحن نبحث عن الشخص الذي ينتقد الوضع الراهن ... المشاركات اصبحت مثل الفرفشة والمشاركة بالبركة وبنفس الأسلوب وصاحب الموضوع الجاد لن يقبل وإذا قبل من شخص أو شخصين لا أكثر وضع متعب ...
لكن الهروب من المنتدى هذا انكسار وهزيمة لا افكر فيها ولا احبذ الحديث عن اسلوب الهزيمة ...
صدقني الأصدقاء لا توجد لديهم رحابة الصدر في الحوار ... والشليله قائمه على ساق وقدم تعيش وحيد إذا لالم تكن لديك من يجاملك ....
هذا ليس معناه بأن الكل على هذا الشكل لا ولكن ظاهرة محتاجة للوقفه الجادة ....
دكتور احمد نحتاج إلى شجاعة وصبر وتحمل حتى ترجع الأقلام المهاجرة إلى بيئة سوالف ...
على البال جرح السنين الجويكنده بوحسن خالد الفيصل متعب ع.ع مواكب ......
دكتور_احمد
13-03-2001, 10:35 AM
إلي الاخت موزه : ^1
كلامك عدل يمكن
يكونون الاعضاء مشغولين بس مو لي درجة انا يكتب بل اسبوعه مره او اكثير
وشكراّ على مجاملتج لي
---
تحياتي لكم
دكتور_احمد
13-03-2001, 10:37 AM
عزيزي الهيكل : ^1
شنو تسيب سوالف انت شمعة سوالف تقول اسيبها اقعد ونورنا
وان شاء لله بفيدك اكثر واكثر
---
تحياتي لكم
دكتور_احمد
13-03-2001, 10:40 AM
اخي الكريم رحيل : ^1
ان شاء لله يا رب ترد مثل قبل واكثر ليش لا
وبل نسبه لموضوعيني ملوت المخدرات انا تقبلت نصيحتك ومن اليوم ببدي اكتب موضوع وبعدين اكتب الثاني
وله تزعل :)
------
تحياتي لكم
دكتور_احمد
13-03-2001, 10:43 AM
يا اخي قطو المطابخ
ارجوك تكلم اشويه بحترام
دكتور_احمد
13-03-2001, 10:49 AM
إلي هبة الرحمن : ^1
كلامك صح وعلى العين والراس
اخي العزيز
----
تحياتي لكم
سردال
13-03-2001, 10:51 AM
سيدي الكريم :)
أولاً وقبل كل شيء، مواضيع المخدرات ممتازة، استمر فيها حتى لو لم يقرأها أحد، ولك الأجر إن شاء الله، هذه مواضيع مهمة، والسموحة إذا كنا نقرأها وما نرد عليها، خلاص راح نرد ولو بتسجيل الحضور عشان تعرف إننا نقرا :)
كل منتدى لا بد أنه يمر أخي أحمد بفترة كسل إن صح التعبير، وهذا شيء طبيعي أخي أحمد، ولو كل شخص فكر مثل هذا التفكير ما بقي أحد في سوالف، تأتي أيام أشوف المنتدى خالي من المواضيع الجديدة إلا 4 أو 5 مواضيع بس، لكن هذا شيء طبيعي.
يا عزيزي، روح منتديات ثانية وشوف كيف هي أقل منا نشاطاً، أنا متأكد من إنك ما راح تحصل أي منتدى في نشاط سوالف، وتذكر إن سوالف عبارة عن شبكة كاملة مو بس منتديات :)
الدكتور ريان
13-03-2001, 10:59 AM
اهلين ..دكتور سوالف ويسعد صباحك بكل خير
عزيزي واخي ...وجهة نظرك صحيحة ...لاتنسى انه بعض الاقلام (مثل قلمي اصابه مرض الشيخوخة ولم اصير مثل زمان ..بصراحة صارت مواضيعي اشوفها تافهة جدا ..يعني ماني قادر على العطاء مثل اول وصرت مشغول كثيرا عن اول ...مع اني في فترة اجازة لكن ظروف وتعدي ان شاء الله )
عزيزي لاتعصب ابدا ....احيانا كثيرة نكتب موضوع جدا مهم ..لكن مايترد عليه اما بسبب انه الناس الي يهتمون بهكذا موضيع غير موجوديين او بسبب انه اغلب الاعضاء غير موجوديين بوقت هذا الموضوع وان تأتي بعده مواضيع سريعة فتحذف المواضيع التي كتبناها غير الردود القديمة .....فينشال موضوعنا من القائمة والناس تتحمس للموضوع الجديد دائما ...وانا دائما تصير معاي انه اكتب موضوع ويكون مهم عندي ولا يترد عليه ..وترى شيء عادي جدا ..لاتزعل ولا تعصب ...مع انه فعلا مواضيعك قيمة وانا احدس قلمك على افكارك ماشاء الله طب وادب وفكاهة ...لكن عزيزي رضاء الناس كلهم غاية لاتدرك ..وبعدين يادكتور احمد ولاني صديقك (وان شاء الله يحق لك وامون عليك )انت مقلل في ردك على الاعضاء ونادر مانشوف لردك لاحد ..والي مايرد للناس مايردون له ...هكذا رأي اغلب المنتديات ...ردي لك ارد لك ...وبعدين بالنسبة للاعضاء الجدد نحتاج نوقف معاهم ومع مشاركاتهم ونقول وجهة نظرنا لانهم جدد وانت سيد العارفين دكنور احمد ولا يخفى عليك ...وبعدبن اشلون دكتور على شان نبحك تدلع علينا يعني ...شوف ماشاء الله الشباب شلون ردو عليك بسرعة وشولن ردو عليك في موضوع سابق نويت ان ترحل فيه ..دكتور احمد انتا ادرى مني ان لك معجبين ومحبين لك وكثرة الردود قد لاتعني المحبة مجرد وجة نظر ..وبعدين اغلب المعلومات الي تقولها في مواضيعك انا بقرئها واتعلم منك ..ودائما كنت الافضل وماتزال ...فأستمر اخوي اطرح لنا مواضيع وعن اشياء مايعرفونها الشباب في الطب وعن امور الغريبة وعن فايروسات مثل الايدز واسببها الحقيقة وعن اضرار الشذوذ وهكذا هذة موضوع تحمس الشباب وتعجبهم للرد وتفتح مجال استفسار جديد والعديد من التساؤلات ..انا بأنتظار مواضيعك واترك هذا التحطيم والا كتئاب في ناس ينتظرونك
الفارس الحالم
13-03-2001, 12:45 PM
بصراحة يا دكتور أحمد ...؟؟
هذه هى الحياة واحد راح و ضيف جديد داخل ...وبهذه الحال تستمر الحياة في سوالف :)
وبخصوص مواضيعك تراها كلها و الله مفيدة و نستفيد منها كلنا و خصوصا الطبية ...مب دكتور :) ؟؟
تقبل تحيات أخوك الصغير ( أكيد أنا أصغر منك صح )
الفارس الحالــــــــــم :)
دكتور_احمد
13-03-2001, 01:31 PM
بالحقيقه عزيزي د.ريان
كلامك أثلج صدري
ولا يهمك بتشوف شي يعجبك انا من يومين قاعد اكتب مووضوع تحت عنوان
(الايدز عبر الانترنت)
ان اشاء الله عن قريب جدا راح انشره:)
تقبل تحياتي عزيزي د.ريان
اخوك المحب لك دائما د\احمد
دكتور_احمد
13-03-2001, 01:35 PM
الي الاخ العزيز الفارس الحالم
انا معاك انه يروح واحد ويدخل واحد
بس هني لا
واحد يدخل
وثلاث اربع يطلعون والحل
:)
اانا الصغير انت اكبر مني يمكن انا توني صغير انا اصغر عضو في سوالف
عمري بس 38
:)
تحياتي لك اخووك د\احمد
قطو مطابخ
13-03-2001, 05:08 PM
استغربت ردك علي....لكن ما علينا
بس أنا المستغرب منه إنك دكتور والدكتور عقله كبير ويفهم ويستوعب حالة المنتديات.
يعني الشيء هذا طبيعي يوم يقل المواضيع, بس إنت تنظر لقسم واحد فقط, روح شوف الأقسام الثانية كانت تعبانة ألحينه نشطة.
يا دكتور يا دكتور خلك طبيعي :)
الناي_الحزين
24-08-2001, 04:47 PM
موضوع جميل جدا وللكن اين انت يا دكتور