هنا تقبل التهاني و التبريكات و (التبرعات) لصديقكم مدردش

[مدردش متقاعد]

ألسلام عليكم و رحمة الله و بركاته:)

اعذروني على هذا الخلل المفاجئ .. فلقد ضرب جهازي المسكين بصاروخ أرض جو عابر للقارات أصابه بالعطب.. و لم ينفع معه حتى الفورمات..لكن الله ستر بعد ما قدر الفني على تصليحه بعد أسبوع كامل.. وقف عاجز أما حل المشكلة!!
ما أدري شو سالفاي أنا ويا العيون و الحسد:(

ما عليه.. تريدون الفكة مني:).. خلصة إنت يا بو سردل.. مسوي مأتم و تعازي في و أنا حي أرزق:)

و الله ضحكت من الخاطر و أنا أقرا ردود الأخوان على موضوع التعزيةمال سردال.. و في نفس الوقت كنت حزين جدا لعدم تمكني من الكتابة.. زين ما كسرت اللاب توب .. بس على الأقل الواحد يقرا أحسن من ما يقرا و يكتب:)
بصراحة يا أهل سوالف بعد الي قريته كلكم لهم معزتكم زادت عندي أكثر و أكثر.. فجزاكم الله ألف خير

عموما.. الحمدلله قدرت أشارككم في الكتابة و الردود مرة ثانية بعد أن كنت يائس و كذا مرة قلت خلاص.. الظاهر ما بقدر أكتب إلا يوم أرجع البلاد.. (كل يوم و أنا يالس عند محل التصليح تقول واحد عند باب العناية المركزة!!)

و شكر لجميع من عزاني في فقيدي الذي عاد للحياة مرة أخرى لكن و هو منتف و شنتف و خالي من أي برامج فإلي عنده شي يرسل و أنا أخوه:)

أخوكم المدردش العائد:)

[بياع القلوب]

هلا مدردش
وسلامات والله
وحياك الله
ولا يهمك الشباب هنا بيجمعون تبرع سخي :9
بس انا راتبي لسه ما وصل البنك وش رايك اكتب لك شيك مؤجل ؟ :):)

[مدردش متقاعد]

مشكور مشكور ما قصرت.. أهم شي تكون معاي قلبا و قالبا:)
الكمبيوتر و صلحناه.. بس مشكلته إنه فاضي.. فأي هاكر يريد يدخل الباب مفتوح بس..ما بيلاقي شي:)

عندك أنتي فايروس:)



تحياتي

[سردال]

مدرشكو!! وين موزة عنك! :)

الحمدلله على السلامة يا الطيب، والحمدلله رجع للحياة هذا الحاسوب بعد أن كان في غرفة العناية الفائقة المركزة المتفانية :)، وبعد يالله يالله طلع :).

المهم أنه يستمر معاك إلى أن ترجع إلى البلاد وتحصل لك بديل عنه بعدين ارميه من الشقة على راس واحد سيكي ولا هندوسي خلهم يموتون بضربة وحدة :)

[فلونة]

هلا اخوي مدردش

والله اشتقنا لمشاركاتك

والحمدلله على سلامة جهازك :):)


فلونة

[شمعة]

الحمد لله على السلامة ..:)
وما يشوف شر الجهاز ..


مع أطيب تحياتي ..

[مدردش متقاعد]

الله يسلمك يا سردال :) لا برميه و لا شي .. بينتيوم 3 ياخي حرام أرميه:)
يمكن أتبرع فيه.. بس أرميه.؟ لا:)

وين سعودية الشمتانة في ها؟ ههههه أنا أرويها.. إن ما نزلت فيها موضوع هجاء الحين ما أكون مدردش:)
شر البليىة ما يضحك:(

الحين نريد تبرعات لبرامج.. و على فكرة ما أقبل غير النسخ الأصلية و الكاملة.. كوبي ما أستلم (طرار و يتشرط:))


تحياتي

[مدردش متقاعد]

المفروض أنا الي أقولج حمدلله على السلامة.. و ما تشوفين شر إن شاء الله.. أنا شفت الموضوع الي كتبتيه أول ما رديتي.. و لكن للأسف كانت العين بصيرة (عربي) و اليد قصيرة (ما تكتب غير انجليزي:))

فحياك الله مرة ثانية في سوالف:)

[مدردش متقاعد]

الله يسلمك من كل مكروه

الحمدلله.. جت سليمة هالمرة.. الله يستر من الجاي:)


تحياتي

[Huda76]

أخوي مدردش متقاعد

هلا بك والله :)

الحمدلله على السلامة :)

قرت عينك :)

الحال من بعضه والله .. أقدر أقول ان كمبيوتري انتهت مدة صلاحيته http://www.swalif.net/sforum/images/icons/icon9.gif حتى تشغيله يحتاج الى مهارات معينة ( تفشل ما راح أقولها ) http://www.swalif.net/sforum/images/icons/icon11.gif

ان شاء الله نشتري كمبيوتر جديد قريب :)

تحياتي لك

[الفجر الجديد]

الأخوان والأخوات زعلوا يوم خرب جهازك وفرحوا يوم صلح ..!
وانا عكسهم !! فرحت يوم خرب وتمنيت إنه مايصلح !!
عشان اشمت فيك مثل ما شمت فيني ..

واظنك تعرف قصدي زين .


أختك / فجر اللي شماتتها ماكملت بكل أسف

[نجمة المساء]

ولكم بااااااااااااك


وسلامااات يكبر وينسه الاااب توب



بس الصراحه ما عنده ذوق ان خلاك تنقطع عنا

[mouza]

خوزوووووووووووووووووووووووو عني
اشوف مدردشكووووووووووووووووووووووووووووو

يا هلا يا هلا
يا مطول الغيبات ياب الغنايم
:)
حمدلله على سلامتك وسلامت كومبيوترك :)

[متاهه]

أهم شيء انك رجعت..
يعني رح ترجع المواضيع الحلوة..

أرجو أن تتقبل تهنئتي..
أختك..
متاهـــــه

[مدردش متقاعد]

الله يسلمج من كل مكروه:)

حتى إنتي ضاربينج بعين؟ الناس مبخلين حد هالأيام:)

شو رايج نتبادل؟:)

بس كم بتزيديني؟:)



تحياتي

[مدردش متقاعد]

أكيد أعرف قصدج.. بس ما كنت أدري إنه قلبج أسود:(

بس ما عليه..كلها كم يوم و بختفي مرة ثانية:(

علشان تشمتين مضبوط!!

تحياتي

[مدردش متقاعد]

و الله الاب توب سوا شغل.. بالرغم من إنه كان متقاعد.. بس علشاني رد للوظيفة:)

للبيع للبع حد يشتري:)

[مدردش متقاعد]

هلا و غلا أختي موزيكو:)

ماشاء الله مواضيعج سوقها هالأيام:)
كالعادة مبدعة :)

بس استعدي للمنافسة.. خصوصا و إنه شبوحة ردت.. مسؤولة الترشيحات و المقابلات:)

أحيد سردال قالي إنج بتتبرعين بكمبيوتر لي؟ و لا رمسة بس؟:)

[مدردش متقاعد]

سويتوا مفاتجأة من ورانا ها؟
طلعتي أخت سعودية و أنا ما أدري؟ ماشاء الله تبارك الله.. هذه القطوة من تلك اللبوة:) (من فيكم اللبوة:))

تحياتي لك.. سلمي على اللبوة الكبيرة و قوليلها الله الله في الطابعة:)

[شيروود]

والله اخوك قريت موضوع الأخ سردال ونا احوقل وابسمل....:(
بس الحمد لله جات سليمه...ومن الشرهة ما شاركت بالرد....وكنت وقتها مسافر خارج الوطن ..ما رديت الا اليوم....ومعي "فلوflu" لكن فرحت بردتك ووقررت الرد..والتهنئة بالسلامة..:)
مرة ثانيه سلامة دايمة ويفداك الف كمبيوتر...بس التعازي لو مزاح تراها.. تسيِّب الصوابع...الله لا يوري الجميعً شر...
ومشكور الفلكي سردال على الأقل دلنا عن سبب غياب قمر سوالف....
والحين نبي التحرك للآمااااام سر..عوِّض اللي فات....:)

تحياتي...شيروود

[مدردش متقاعد]

قول محاق ..قمر وايد علي:)

إنت و الله الي غايب مش أنا؟ وينك ما تبين؟ لا في الماسنجر و لا في سوالف..سردال الله يهديه سوى دعاية:) بس ما عليك كاني جيت.. عموما.. إن شاء الله أنا راح أرسل لك إيميل الليلة بتخبر فيها عنك زين:)


تحياتي

[الفرزدق]

أخيراً،،،

لكن مالك الا البرنامج اللي يعجبك إن شاء الله:)نهايته أسمهyes002.exe تبغاه:)

الحمد لله على سلامة الوصول إلى المنتدى ،،، ومن العايدين بعد الزحمة:) وشلون العيد عندكم؟

[الدكتور ريان]

ياهلا ياهلا اهلا ياهلا
اهلا بقمر سوالف ...لالا مو قمر هذا....انتا مجموعة شمسية كاملة ..وماتشوف شر (للكومبيوتر ولك )والله والله في الكمبيوتر تراه توه جديد ...براحة براحة ..هذة عين وصابته

عادي اقرأ على كمبيوترك وبطلك صور ...ولا تستقبل اي ملف
ويحتاجلك ماء زمزم علشان تحطه في الهادر دسك ....
وبعدين كل يوم الصبح تحطله عسل وحبة البركة تطحنها في دسك وتعطيه الكمبيوتر قبل لايشرب اي دسك ..وتحاول تعرضه للشمس

وتعطيه برامج مسكنة ....ومضادات حيوية اقصد مضادات فايروسات كل ستة ساعات .....وتقيس حرارته (تضع مقياس الحرارة تحت الفارة )وتنظف له ودانه (السماعات )وتغسل وجهه كل يوم على الشاشة .....وتجيني بعد اسبوع اسويله اشعة ..وان شاء الله خير لايهمك هذة اعراض حمل ...وكلها كم شهر ويولد لك جوال نوكيا عربي ..بس استمر على العلاج

[الطارق]

حياك مدردش متقاعد :):)

ويفداك ألف كمبيوتر ..:) وتسلم من كل مكروه

أنا راح أتبرع لك بمائة ألف من فلوس

من يربح المليون :):) ..

تحياتي :)

[مدردش متقاعد]

تو الناس ياخي:)
الله يسلمك و يسلم غاليك:)

وش هو هالبرنامج؟ إذا زين ارسله بالماسنجر بسررررعة:)


تحياتي