توزيع الدكتور ريان الرسمي الدولي للكروت التنبيهية بسوالف

[الدكتور ريان]

تعريف سلسة الكروت عند الدكتور ريان (للناس الي نعزهم ويعزون علينا بسوالف فقط )

كرت ابيض= عضو قليلة مواضيعه جدا .

كرت برتقالي = عضو ينتقد كثيرا .

كرت اصفر= عضو لايشارك بالردود اصحابه مع انهم يشاركوه مواضيعه


كرت احمر = عضو متهم بالشليلة ..لايرد على اي موضوع للجدد اولاصدقاء سوالف فقط شليلته ...

كرت اسود= عضو يحب اثارة المواضيع التي تفتح مجالات للغضب والفتنة.

كرت اخضر= عضو يكتب في كل قسم ويكرر المواضيع في جميع الاقسام .

كرت ازرق= عضو جدا حساس زيادة عن اللزوم .

كرت رمادي= عضو فقط يرد على المواضيع ولا يفتح موضوع .


مع المعذرة ..هي مجرد اسماء لكروت وليس عليها عقاب ..مجرد الوان كروت ..واذا لم تعجبك انسى موضوعها ولكن الانسان لايعاتب الا من يحب او يصادق ....وطبعا انا لااعاتب من اكره .

[زهر الليالي]

كيفك ؟؟

أي كرت يناسبني ؟؟
خليك صريح :)

[mouza]

عشان جي كرت اصفر

سامحني اخوي على التقصييييييييييييييييييييييييير

ممكن نسامحني
وكلكم تسامحوني
لاني ما اتم اسويت وايد على النت
وبس صدقوني ما احب ادخل موضوع ماارد على صاحبه

حتى اسأل سردال

[بدون زعل]

الدكتور الريان
لووووووووووووول
فكره حلوه لو تستعمل فعليا في المنتدى.....
وبالنسبه لي وين كرتي الذهبي :) :) :) :) :)
تحياتي
بدون زعل

[الدكتور ريان]

زهر : تبي الصراحة ....انتا كرتك ابيض ..ايش رأيك ؟؟


موزة : انا مسامحك عزيزتي ..لاتوجد مشكلة كما قلت مسبقا بس هذا تنبيه ...وكلمة بقلبي وقلتها ...حتى لاتتفجأين من عدم ردودي لمواضيعك ....الحرص واجب ياموزة لانه كثيرين يحبونك ويردون عليك ويعتبرونك نور لسوالف ...انتي مقصرة بردودهم ....وسردال شوي ههههه وانا بأعطيه كرت اصفر مثلك لانه مايرد الا على مواضيعه واحيانا مايرد الا على الي يعرفهم ومدردش ..هههههه شوي واعطيه ذاك الكرت الاحمر ..بس اصبرين شوي ههههه


بدون زعل :ياهلا ...
الكرت الذهبي =نعطيه للي يشارك دائما ونكتب فيه شعر وياريت نجعلهاكل شهر ...افضل مشارك ذهبي لهذا الشهر ...
ويتم بالانتخاب ...

[mouza]

كما قلت لك مشاغل التدريس شوي :)

بس بحاول اني اوفق بين الجميع
وشكرا

[فلونة]

وأنا أي كرت :)

مع إني عارفته :)

تحياتي ريان وفكرة رائعة

فلونة

[الدكتور ريان]

ياهلا فيك .....نقول الابيض يناسبك ..شوي

[فلونة]

شفت كنت عارفته

لكن في الحقيقة لاأعرف ماذا أكتب ؟

ربما لأن الدراسة تأخذ معظم وقتي

لكن بحاول إني أكون معكم

فلونة

[الدكتور ريان]

هذة الحقيقة ....لكن طبعا الدراسة اولى ..لكن اذا كانت عندك فرصة لاتبخلين بردك ولا مواضيعك لانه اصدقائك هنا يريدونك ان تشاركي بالمواضيع ويسعدهم ردك لهم ...فحاولي قدر ماتستطيعين.

[Huda76]

هلا أخوي الدكتور ريان

فكرة حلوة وظريفة بصراحة :) :)

على كذا أنا كل شهر لي كرت :)

تحياتي لك

[الدكتور ريان]

ياهلا فيك Huda76

هههههههههه والله حتى انا ياهدى مقصر وصار مواضيعي تعل الكبد وكلنا طبعا نتغير كل يوم وكل شهر ...هدى وين مواضيعك صار لنا فترة مانشوفها باعطيكي الرمادي هههههههههه . بس لاتزعلين مني

[سردال]

أفا أفا أفا يا دكتور!

كرت أصفر؟! :) وليه طيب؟ أنا أرد على مواضيعي وأرد على مواضيع بقية الأعضاء صدقني! لكن إذا كنت تشوفني مقصر خلاص من هذي العين لهذي العين :) راح أزيد تفاعلي مع جميع الأعضاء :)

بالنسبة للشليلة فهذه أنا أحاربها لكن نبهني إن كنت امارسها :)

[هبه الرحمن]

دكتور

صاير حكم مبارة بتوزع كروت ... أو كروت معايدة ...

نحن في أنتظار ما تختارة لنا ونحن موافقين انتقادك الهادف بالكرت الي رايحن نحصل عليه وصدقني رايح يرسم خط جديد في حيتنا ... شكرا لك دكتور

[Huda76]

هلا والله الدكتور ريان :)

لا طبعا ما أزعل :)

معاك حق .. الكرت الرمادي يناسبني كثير ..

أنا فعلا أتفاعل مع الأعضاء من خلال الردود بصورة أكبر .. وأطرح مواضيع ولكن ناااااااااادرا جدا ..

مدري .. بس أحس ان التفاعل مع الموضوع من خلال الرد يكسب الموضوع نفسه قيمة .. يعني ممكن الرد مثلا يفتح آفاق جديدة للنقاش والحوار ..

تحياتي لك :)

[الدكتور ريان]

سردال : ياهلا فيك ..انا اسف عزيزي بس والله لاني اعزك وغالي قدرك عندي ..والف مبروك نتفاهم بعد حفلة الالفية الثالثة لك ..وحتى انت اذا وجدت اي خطأ فيي نبهني لاني صديقك واحتاج نصائحك استاذي سردال.


هبة : انتي غالية عندنا لكن ماشاء الله عليك ..ماعليك ولا كرت.


هدى: معالك حق في وجهة نظرك....وفي اعطاء المواضيع مجال للنقاش ..لكن لااخفيك نفسي اشوف مواضيعك قبل لاموت ههههههههه
نفسي اشوف افكارك كاصديق وايش يشغل بالك ...لانه القلم جزء من شخصية الانسان وانا نفسي نشيل الغموض الزائد عننا كاعضاء ونعرف نفسنا اكثر ........واشكرك لتفهمك وعدم زعلك .

[Huda76]

ههههههههه

عسى عمرك طويل يا دكتور ريان :) :)

وعسى ربي يسعدك :)

[Huda76]

أخوي الدكتور ريان

أنا مساهماتي كانت أساسا في قسم الكمبيوتر والانترنت .. لكن قسم الأصدقاء قدر انه يجذبني بشكل رهيب جدا للجو العائلي اللي أشعره هنا .. ما شاء الله :)

المواضيع اللي طرحتها هنا كانت معظمها مواقع تهدف الى ايصال رسالة معينة ..

وأذكر اني طرحت موضوع للنقاش وحصل تجاوب حلو من الأعضاء ..

تحياتي

[الدكتور ريان]

ياهلا فيك .....والله يطول عمرك .....تسلمين ؟؟؟
عندي سؤال بسيط لك ...مين عامر ؟؟؟؟

[شمعة]

فكرة حلوة..

أعتقد أن الكروت كلها سوف تكون من نصيبي ..
ما عدا ثلاث كروت : الأسود والأخضر والرمادي .. أعتقد حتى الأحمر:) .
هذا رايي أنا ..


تحياتي لك ..

[Huda76]

هلا دكتور ريان

"عامر" هو الأخ العزيز جدا " بياع القلوووووووب "

أنا أستخدمت اسمه كذا مرة في الرد عليه .. يعني كنت أناديه باسمه بدل ما أناديه باسم "بياع القلووووب"

:)

تحياتي لك

[يعسوب]

دكتور ريان ملاحظ عندك تخمة في المواضيع ها اليومين ....
عيني عليك باردة.....لا تخاف قلت ماشاء الله....
كرتي يادكتور ريان ابحاول القاه بنفسي خلني اشوف.......
الابيض ممكن جدا 80%
الاصفر 20% ولا ايش رايك
الحقيقة ظروف الدراسة شوي ضاغطة علي...بس صدقني احاول اني اتواصل معاكم لاني بصراحة ماابغى اخسر هالعلاقة الجميلة التي تكونت لي مع اصدقاء سوالف..صاروا جزء مني ومن تفكيري والله العالم ........
ولا عشان عندك اجازة حطيتنا في بالك وفضيت لنا......
الحقيقة تخوف والله يستر.........

[بشرى]

دكتور مساء الخير أولا
وبعدين بليز أجل الحكم عليه شوي بس
والله مشغولة شوي هاذي الأيام والأسبوع الياي بعد
واليوم بنزل بعض المواضيع ....

وبس والله يعجبني أرد على الجميع ولا أتحيز لأحد مووووول

شكرا دكتور

[رحيل]

والا لالالاتقول


لالاقول والله يعين


خلاص غيرت رايي لاتقول ..يمكن أزعل أو اتضايج يعني حالتي النفسيه بتتأثر مره ثانيه بشي سلبي

شو رايك دكتور نسوي اتفاقيه اللي ياخذ كرته من عندك ...يروح يسجل في الحاله النفسيه:)

[نجمة المساء]

هناك المزيد من الكروت

للاعضاء الذين يختفون فجأه ثم يظهرون فجأه ..

دعني افكر انا اي كرت احصل ؟؟

[شاهيناز]

الدكتور ريان..

حلوه لعبه الكروت.......علنا ان نحفظ الالوان...نريد لون للعضو الي يشارك في قسم واحد من وسوالف ولا يتنقل بين الاقسام الاخرى...

[جرح السنين]

السلام عليكم و رحمة الله و بركاته

و الله ذكرتني بحكام كرة القدم

ا انا لا استحق هذه الايام و لا كرت لقلة المواضيع و حتى الردود

و لكن يعلم الله انها ظروف خارجة عن ارادة الانسان


و اتمنى ان لا يزعل مني احد .. و لكن المسامح كريم


شكرا على هذا الموضوع الجميل

و لتقييم الاعضاء .. كنت اتمنى ان يتم تقييمي و لكن ..

انا مقلة جدا بالفترة الاخيرة ... و اكيد لا يوجد كرت يصلح لي لاني فعلا مقصرة

عموما شكرا لك

و تحياتي لك و للجميع

[شبوحة]

فعلا موضوع جميل ياريت تكون انت صاحب المسابقة وهى مشابهة للمسابقة اللى اطرحها وهى افضل كاتب

الحين انا اى كرت لى يا دكتور

[الدكتور ريان]

اهلين جميعا ..ويسعد اوقاتكم يارب

شمعة : تسلمين شمعة ..انتي شمعة سوالف ..وماتقصرين ابدا.



هدى: ياهلا فيك مرة اخرى ..اول مرة ادري انك تكتبين بقسم الكمبيوتر والانترنت ..وياهلا فيك ..وعذرا على سؤالي ادري ماهو من خصوصياتي ...لكن شفته مرة عليك وقمت افكر ..لفترة طويلة ..وبعدين ..اكررر ..ايرد ان ارى مواضيعك قبل موتى لو موضوع واحد في سوالف الاصدقاء.


يعسوب ..بشرى ..رحيل :ماعليكم اي ملاحظات بالعكس انتم من افضل الجدد بسوالف ودائمين النشاط وانا فخور بكم جدا ..لكن استمرو ..


نجمة : ياهلا فيك ...وانتي نجمة سوالف ماعليكي ملاحظات.




شاهيناز : ياهلا فيك ...شكلك ياشاهيناز مواضيعك بكل الاقسام هههههههههههههههه ياهلا فيك وحياك .


شبوحة : فكرة حلوة ...وماعندك كرت ..والله انا مانفع حكم ..خلو درديشيو او اي واحد ...انا مانفع ..

[الغرضون]

وأنا؟؟؟
الكارنيه بتاعي فيين؟؟؟

[الدكتور ريان]

مساء الخير

خلصت الكروت ههههههههه طبعا ماعليك كرت والله يخليك لنا .