View Full Version : صباحات شرقية ( 60 ) نعرة شباب
بياع القلوب
02-04-2001, 04:07 PM
هلا بكم
غبت عنكم صح؟
واله شكلك يابياع محد حولك :)
عادي انا حول نفسي
وسديم بعد مو مقصر :)
مو مشكله
نعرة معناها للي ما يعرف لغات :) تصنيفه - مزاج - ثواره :)
المهم
اخر نعرة للشباب انه يستعرض بشكل مزعج في الاماكن العامه
بسيارته - شبح - بي ام - لكزس
صدقوني مهي له
يمكن حقت ابوه او صتحبه او مستأجرها بنص راتبه بس عشان يقول
كاني شوفوني - اقول مالت
المهم تطيح البنت الخبله في حب سيارته اكيد :)
و يسمعها من كلام الغزل المباح والغير مباح ما لا اذن سمعت ولا مسنجر كتب :)
المهم اخونا بالله الزعيط شاف نفسه عليها ، ليش ؟ عشانها بنت عطته قلبها بسهوله
وقام يدور على شيء اصعب ويغيب عنها كم شهر وما يرد على جواله اذا جا اتصال منها
وينك؟
والله مسافر عندي مؤتمر وبجيب موظفين من اروربا وايطاليا
طيب يامعفن ايطاليا ما عندهم تلفون تدق على هالمسكينه تقول لها انا مشغول ؟
والبقره الثانيه هي تصدقه ؟
تقول لأنه غني اكيد مشغول بس هو اكيد يحبني
كلمت صديقتها وخلتها واسطه تسأل عنه
آخر خبر اتضح انه كذب حتى باسمه الحقيقي
ولا هو بطران ولا شيء
واحد زعيط راعي نعرات
تصدقوا عاد؟
بعد كل هذي البلاوي عنه لسه البنت تقول انها تحبه وتعطيه فرصه
وجع ، وش ذا الحب الي تهدر كرامتها عشانه ؟ والا عشان هالكم مليون الي في بنك ابوه ..
لا وواعدها بفيلا ب 10 مليون على الكورنيش
الله واكبر لا تطيح السما علينا بس ..
يا من يطيح على رقم تلفونه خلني اسأله بس سؤال
تعرفون وش بسأله ؟؟؟
سردال
02-04-2001, 04:20 PM
هذا المثل أو الحكمة، أجدها ماثلة أمامي في كل حين، أجدها ماثلة أمامي كلما ضحكت من بلية ابتلينا أو ابتلي غيرنا بها.
وقد ابتلينا بثقافة المظهر هذه، ثقافة الحب من أول نظرة، أول نظرة يعني على حب المظهر! وكذلك الحب من أول سيارة فخمة! وحب من أول مظهر من مظاهر الثراء، في النتيجة النهائية حب المصلحة.
والرجل إن أخطأ فلن يحاسبه أحد وقد ينسون خطيئته لكن البنت لن يغفر لها أحد أبداً، وتعطيه فرصة على شو؟! أريد أفهم لماذا تتساهل البنت في هذا؟ ألم تقرأ القصص المتكررة والمتشابه حول هذه الأمور، ويقولون حب! أي حب ذلك الذي تريدون؟ حب المسلسلات والعشيقات؟ حب الفراش وإهدار الكرامة باسم الحب؟! أعوذ بالله من انقلاب المفاهيم وتبدل القيم ومسخ المبادئ.
يا سيدي الكريم، أنت كتبت بأسلوبك المرح لكنني والله لا أستطيع إلا أن أبكي الدم من هذا الواقع.
يعسوب
02-04-2001, 04:43 PM
هذا حال شبابنا الحين والقصص كثيرة ...
ومثل هذه التصرفات كمان تجي من الجنس الناعم من باب التسلية
او الاستغلال المادي وهلم جر ...
تصدق يا بياع من كلام الشباب في الجامعة نسمع ان في الاسواق تجد بنات عشان تطلع معى الشاب او تتمشى معه في السوق او تعطيه وجه او تكلمه بالتلفون لازم وحتما يشتريها (المغفل) تلفون جوال اوتشتري اللي تبيه من السوق ..الخ الخ ...
واذا طبعا ماقدر يلبي كل هذه الطلبات ما ينعطى وجه وتتدور على غيره ..
للاسف بعض شبابنا يعيش في غفلة دينية وخلقية ما يفيقوا منها غالبا الا بعد فوات الاوان...
شاهيناز
02-04-2001, 05:45 PM
بياع القلوب..المشكله ان البنت قلبها ضعيف وتطيح بحب السياره من اول نضره ولازم تكون السياره اخر موديل حتى السياره طبقات طبقه المرسيدس والبورش...والفراري..والبي ام واللكزسس وغيرها في اخر القائمه...
ولاتهتم البنت لشيفه الي يسوق السياره تتهم بعد الاعجاب بلسياره لاسم ابوه ورصيده في البنك ..والغريبه ان الشيفه الشاب يصدق ان البنت متيمه بحبه...وبعد مايتاكد....يروح يدور على ضحيه تعجب بسيارته ....ولا يعرف انه شيفه وبدون السياره والكذب المليونيري مايسوى شئ....
:)
اللي ضحكني قولك :
****************
" ووقعت البنت في حب سيارته طبعا "
لوووووووووووووول
يا زينه من حب ؟؟؟؟؟هههههههههههههههه
ثور ... و اللي تلحقة بقرة ....
توتوة :) و ياهلا
متشيم
02-04-2001, 06:58 PM
صالح وجمعة زملائي وأحبائي ، وطبعا لأنا حافيين وعيال فقر ونحب الطماشة الزينة ، رحنا مطعم فاخر في دبي "البرز" مظلم ويخوف ، وجماعته من قوم "آش" المهم وقت الطلبية أخاطب خويه صالح أقوله "أسمع يا بو حمد تراك التاجر الوحيد اللي ذابحني ومخسرني ، أقولك مليون وثلاثمياة ألف شو قلت؟"
صالح: شوف يا بو عركة ، ترى الدنيا مافيها خير ، خلهن مليون وميتين وخمسين ألف وخل علي نقل البضاعة من المخازن في جبل علي إلى السلع".
مكلمكم: شوف عاد ، تراني مب رابح من هذي الصفقة أي شي ، هذا بس علشان أمشي شغلكم التعبان اللي ما يأكل عيش ، كل سنه تزيد أرباحي على 50 مليون ، ومن بديت اتعامل معاكم قلت نسبة الربح 3.75% ، بس معليش ، يمكن تشدون حيلكم.
صالح : أفا عليك يا بوعركة ، خلاص؟؟ ااتفقنا؟
مكلمكم: أيوه تم خلاص ، بس هذي آخر مرة أتنازل لك فيها عن الربح.
وطبعا الناس اللي حولنا تنطر وتستغرب ، حفاي ما يسوون بيزه ، ويكاسرون راعي المطعم على السعر ويتكلمون بالملايين ، وصاحبنا الثالث يقول "فضحوتنا خفوا صوتكم".
طبعا هذا التصرف ليس من باب الفشخرة ، ولكن من باب السوالف اللي ما تنسى.
لاحوووول
:(
الشعور بالنقص مادري متى راح يختفي وينقرض من نفوس الشبااااب
بالله عليكم
هذولاهم اباء وامهات المستقبل..
لاوالله ضاااااع الفكر والدين
اللهم اصلح شباب وبنات المسلميييين
وصباحيااات رائعه يبااااع قلوووب
بياع القلوب
02-04-2001, 07:53 PM
هلا اخوي سردال
شحبارك؟
فعلا شر البليه ما يضحك
هي المشكله ان فيه ناس تكذب كذبه وتصدقها
ومن دخلت الماديات المشاعر قول على الدنيا السلام ..
تحياتي
بياع القلوب
02-04-2001, 07:59 PM
هلا اخي يعسوب
وشكرا للمشاركه
فعلا معاك حق
ياخذي ذكرتني بنفسي ايام الاستهبال
اذكر ايام البيجر قبل ما يصير عندنا موبايلات قالت لي وحده بنت :
عمووووووووور حبيبييييييي جيب لي بيجر عشان تدق علي اي وقت !!
وانا مثل الادلخ جبت لها بيجر - مالت علي وعلى دلاختي ..
المهم مر شهر وما الاقي الا الرقم انتشر عند الشباب
ول عليها ما ضيعت وقت وانا المغفل ما ادري ...
وينك يالعاتف اقطع البيجر .... قطعوه :)
تحياتي
بياع القلوب
02-04-2001, 08:06 PM
هلا شاهيناز
فعلا الماديات تلعب دور اساسي في تطبيع الرومانسيات هذه الايام
هذه قصه ذكرتها صارت حق بنت حقيقيه
هو لاعب عليها ومخليها تصدق انه غني مره
صاحبتها تقول وش تبي فيه هذا كذاب اصلا هو مكذب عليك حتى باسمه
قالت يكفي انه غني وبس
وهي احين ماخلت محاوله ما سوتها عشان يرجع لها
التعبانه وين كرامتها ؟
اقول مالت ....
بياع القلوب
02-04-2001, 08:10 PM
هلا توته
شكرا للمشاركه :)
وكلامك صح :)
تحياتي
بياع القلوب
02-04-2001, 08:12 PM
هلا متشيم
هههههههه
اعجبتني القصه
يعطيك العافيه
فعلا المشكله ان صارت المظاهر مقياس لكل شيء حتى الرجوله ..
تحياتي
بياع القلوب
02-04-2001, 08:16 PM
هلا همسه
حياك الله وين هالغيبه ؟
صباحاتي موجوده بتواصلكم الدائم انشاء الله ...
ولك تحياتي
جرح السنين
02-04-2001, 08:28 PM
^1
انت مطلوب لهذا الموقع ممكن ؟؟؟؟
http://www.swalif.net/sforum/showthread.php?threadid=86126
لو سمحت ..... ؟؟
و ارجو ان اجد تعليقك هناك ..
اختك .. جرح :)
بياع القلوب
02-04-2001, 08:36 PM
هلا جرح
ليش الاعتذار؟؟؟؟
تصدقي انا قريت الموضوع بس ما انتبهت انك خصصتي اعتذار خاص لي :(
بالعكس ياعزيزتي ما بدر منك الا كل خير
صدقيني مهما صار فنحن نبقى اخوة دائما وابدا
وانا بدوري اشكرك من كل قلبي على هذا الشعور النبيل ..
واعتذر لك ايضا اذا بدر مني اي شي ضايقك ..
تحياتي
اخوك عامر ...