سوالف للجميع - ....في أحد سهران..داحين..

View Full Version : ....في أحد سهران..داحين..

أسير الليل

07-04-2001, 04:04 AM

صباح الخير..صباح الفل..صباح النرجس..

سؤال..ليش انت سهران..طفشان..والا ادمنت انترنت..

والا اتعودت ماتنام الا متأخر..ليه..

طبعا مجرد دردشه..والا ماهنا سالفه..

تحياتي ..ويمكن فرصة تقول موضوعك يجيب النوم..

فتو

07-04-2001, 04:15 AM

اهلييين...
اسير الليل...كيفك؟
انت ليش سهران؟
اما انا ؟ قاعدة اذاكر....(ادعوا لي :()

ســامــر

07-04-2001, 04:17 AM

اهلا اخي اسير الليل..............

سؤال حلو ...
اولا يسعد صباحكم جميعا ...ونوم العوافي للنايمين...

انا هذا وقتي المفضل للانترنت للهدوء...للتكفير بلا حدود...لتجميع اروقة خيالي التائهه.....وغيره...
ولكن لايام معدوده بمعني ان من السبت للثلاثاء ما اسهر والباقي الى الساعه 3 الفجر......وللادمان نصيب منها....

مع اني اسافر كل صباح سبت الساعه 7 مع ذلك اسهر وما اقدر انام الا اذا اشتغلت على الكمبيوتر...

تحياتي لكم

فتو

07-04-2001, 04:24 AM

الحال من بعضه والله...

:(

Mlak elro7

07-04-2001, 04:56 AM

هلا اسير:)
الصراحه انا النت عندي مزاج
وفي نفس الوقت احبه
وكل الاحتمالات الموجوده تراها فيني
يعني ساعات اكون طفشانه
وتمر علي فتره اكون على النت بالزياده
واذا سهرت تراني ادخل على النت:)
وسلامتكم:)

فلونة

07-04-2001, 06:48 AM

عندي إختبارات نصفية ومن القلق ماجاني النوم

قلت اشوف السوالفية

فلونة

أسير الليل

07-04-2001, 01:54 PM

هلا فتو..الله يسعد صباحك بكل خير..
انا طيب وبخير..مدام اني في سوالف..
المشكلة اتعود الواحد..علي السهر..انا ماتهنالي القراءة الا
بعد منتصف الليل..طبعا يكون الواخد انتهى من برنامجه اليومي
فتو..تمنياتي بالنجاح..والمعذرة لعدم الرد الجهاز حط نقره
بنقري..وماقدرت اشوف الردود..حتي ساعه متاخره..

هلا اخوي سامر..هذى طلت البدر قبل ميعاده..
صباح الخير..اكيد سامر..الادباء..يعتبر الليل من أحلى اوقاتهم
يسرحون فيه متأملين ذلك السكون..تلك النجوم التي أضاءت السماء
وعلى قولهم..في الليل تجميع الحواس..وتكون فرصه للانسان
يفكر بهدواء لمدة ساعه او اكثر..بدون ماحد يشغله..
تحياتي..والمعذره على الرد المتأخر ..

اهلين ملاك الروح..نورتي سوالف..واحسنتي اختيارك لسوالف..
ملاك..يعني طفشانه..وحاطه نقرك بالنت..لا ان شاالله تشوفين
مواضيع جدا مختلفه..واثق تعجبك..تحياتي..

انستي ابله فلونه..صباح الخير..
الله لا يجيب القلق..بدمن مجامله فلونه..انت صاحبة الابداعات
والمواضيع الشيقه..قادره باذن الله على الابداع في الاختبارت
ونجاح يليق بطموحاتك..تحياتي

وهنا اكرر اعتذارى لعدم الرد..وقضاء بعض الوقت في الدردشه
الشيقه والخفيفه..والله يجازي اللي كان السبب..

لكم جميعا خالص تقديري واحترامي...شاكرا تواجدكم..

أحبها

07-04-2001, 02:43 PM

{ أسير الليل }.. أنا ماني بسهران ..

أنا توى عدت من الدوام أي {مفرك } تقدر تقول كذا ..؟!!
بس تفريكة من اللي يحبها قلبك .. لا تقول .. راتبك .. حلله ..
أقول لك .. مفرك بإذن المعزب .. الله يسلمه ويطول في عمره ..

وتوني جاي من .. مطعم .. وضربت فيها كبدة حاشي .. مع صديق
العمر .. اللي ما أشوفه إلا إذا كانت هناك مناسبة مثل هذه
المناسبات .. ياكبر همه على بطــ..؟؟؟!!

وإذا شبع وراني عرض اكتافه ..؟!! أقول وين يابن الناس تونا ..
باقي الحلى ماجاء .. يهز كتفه ... ويقول وراي موعد مهم ../كثر
منها إلا تصريفة ..؟!!

وأنا حبيت أسلم عليك .. مع إطلالتك الرائعة .. والسموحة {أسير الليل} .. على القصور .. وأنا ما عزمناك ..؟!

فالأخوان قالوا لي اترك الرجال في حاله ..
قلت لهم ليه ..؟!
قالوا لي .. تراه .. نايم ..؟!!
قلت لهم عسى مافيه شر ..؟!!
قالوا .. لا الله يسلمك .. بس هو كان البارح سهران على {النت}.؟!

.. وأشوف اسمك على خير {أسير الليل } وإذا قمت من منامك عطني خبر.. ودمت .. { أسير الليل }
...... { أحبها } ... بجنون .
...... { أحبها } ... غدى بي جرحك وغدابي

أسير الليل

08-04-2001, 02:59 AM

الغالي أحبها..هلابك..عساه فطور العافية ان شاالله..

بيني وبينك..انا طلعت برضوا بس ساعة عشان ارود على الحبايب

اللي شرفونالانوا صراحه فشلني الجهاز خلاني اكتب الموضوع

وقلي لو انت شاطر رد عليهم...

بس تعال..ما قلتلي من فين اخذت الكبده..خلي بالك ضاني..بقري

مالها داعي..

ولايكون خويك سواها فيك وخلاك تحاسب..

على فكره أحبها..ترى عندى طريقه تعرف اصحابك..اذا شوفت الوجبه

على الاخير..وقام خويك بخفيه وحاسب..هذا نشمي وربط عليه..

وان كان والله لاحظت انوا جالس يضيع الوقت وماعنده نيه يقوم قبلك

يعني يتشرد من الحساب..هذا حط تحته خط أحمر..

وانت اكيد من النوع الاول باين عليك..

عزيزي..انا صحيت من العصر وانهيت اموري..وانا ذاحين في نص

الليل..وانت طبعا في سابع نومه..احلام سعيده..

أحبها ما تلاحظ اني خليتها سالفه..تقبل تحياتي..

فلونة

08-04-2001, 03:01 AM

إحم إحم

فلونة

أسير الليل

08-04-2001, 03:05 AM

أسير الليل

08-04-2001, 03:35 AM

اهلين احبها..حياك..

يعني بعد مافطرت جيت..ياالله بالعافيه ياعم..

أكيد قلت للمعزب..ابغى اروح هناك..بعدين اعدي على..وارجع هناك

سويت فيلم هندي..وقلك روح..

لا كمان اخذت صاحبك وعلى الكبده خفيف خفيف..

بعدين بيني وبينك..مااحد يااكل كبده الايام هاذى..الدنيا متصدع

وقلاع..وماتدري..الدور على الجملي..لا وحتى الدجاج..

بعدين لا يكون صاحبك من النوع اللي يتشرد من الحساب..لا خالي

بالك الي يتصيد الفرصه عشان يحاسب..تراه نشمي..وربط عليه..

اما اللي يضيع الوقت ويتشرد..حط تحته خط أحمر..

وانت اكيد من النوع اللي يتصيد الفرصه ويحاسب..

عزيزي انا ذحين سهران وانت تلاقيك في سابع نومه احلام سعيدة..

تراني خليتها سالفه..ماشي ..تحياتي..

aziz2000

08-04-2001, 04:00 AM

صباح جداوي عسل ومروق المنجا :)

السهر هو عشقي :)

أسير الليل

08-04-2001, 10:38 PM

أهلين فلونه مساء الخير..الله يكون في عونك..

الاختبارات باين تأثيرها..سهرانا على طول..

عارفه فلونه..انا نتيجة السهر حقي يطب صاحبنا مجرم

التكنولوجيا..ويطقني علقه على كيفك..

تحياتي..

هلا بالغالي عزيز..صافيه لبن..حليب ياقشطه..

عزيز..ماتلاحظ ان اغلب شباب جده يعشقون السهر وبحرافة

عاشت ايام المراكيز..

تحياتي..عزيز..وهلابك..

فلونه...عزيز..اكرر اعتذاري...والله اجلس سهران للساعه ثلاته

الصبح..والجهاز حاط نقره بنقري..عشاني مسكين..

لكن خير دواه عندي وانا ابو هندي..مالو غير جديد ولا الفشيله

معاكم..بس ماراح اقولكم وين بطشوا..

تحياتي وتقديري مجدادا..انا داحين طبعافي مقهي بسبتوا..

أحبها

09-04-2001, 02:02 AM

{ أسير الليل } .. إتصدق صرت .. مثلك أسهر ..

أمي دايم تقول لي { نصيحة ياوليدي .. الواحد على خوية .. الحر
مع الحر والــ؟؟؟!!!!!!!! ألخ }

طبعاً ودك تعرف .. وش الفراغ .. الله يستر .. ترى أمي الله يحسن
لها .. دايم تحرجني مع إخوياي .. / معليش المرة هذي خلها
عندي ..؟!

{ أسير الليل } .. خلاص .. صرت تنق فيها حتى جبت خبرها ..
ياولد الليل يا أسير الليل .. / معزبي طويل العمر .. جاه
تقاعده .. وخويك { أحبها } راح في خرايطها .. إتصدق زملائي
يعزوني فيه .. يقولون .. ما راح فيها إلا اثنين .. ( ولده
تركي / وفيصل ) ..

الله يعيني على المعزب الجديد .. يقولون عنه / وده يغير الطاقم
القديم .. / والله آخر زمن صرنا مرمطة .. مع الشيبان ..

إلا وش رايك .. ما يغير .. مع الطاقم القديم .. طقم اسنونه ..؟1

على طاري السنون .. ترى معزبي الجديد .. ما هورايح يطول ..
لأنه الله يحسن له الخاتمة .. مهرقل ..؟!

بس أنا اللي محيرني ..؟؟!! هم وش يبون بذولا الشيبان .. ؟؟!

قال لي صديق العمر .. راعي المطعم .. اللي قلت لك عنه .. أن

الشيبان .. عندهم .. خبره ..؟!!

وانت أسير الليل .. اتصدق مثل هذي السوالف ..؟!!

أية خبره واللي يرحم والديك ..؟!!

كل العمل علينا حنا الشباب ..؟!!

قال لي صديق عمري ...؟؟!! الخبرة ياذكي .. ماهو في العمل ..؟!!

قلت له .. وانت يا النحيف ..؟! علمني وش هي الخبرة ..؟!
بإيش ..؟؟!

غمز .. صديق عمري .. بعينه ..؟؟!!
وسكر باب المكتب ..؟!!
وقال لي .. وهو يتلفت يمين وشمال ..
وقال إسمع .. الخبرة ..؟!! هي ببلع الجمل بما حمل ..؟!!
والشرط أربعون ..!!!

لا حول ولا قوة إلا بالله .. ؟؟؟!! الظاهر إن صديق عمري .. أثرت ..
فيه كبدة الحاشي ..؟!!!
وصابته النفاضة ..؟!! حمى الوادي المتصدع ..؟!!
صدع دماغه ..؟!! وطير الباقي من عقله ..!!!
هو أصلاً عنده عقل ..؟!!!
...

{ أسير الليل } تدري وش سويت .. بعد ما قال لي ما قاله ..؟؟؟!!

رفعت سماعة التلفون ..؟!! وهو يقوم المطفوق وصك السماعة .؟!!

ويصيح .. تكفى واللي يرحم والديك .. خلاص . والله ما أنا رايح أتعودها..؟؟!!! الله يلعن السياسة .؟؟!!

قلت له .. لالالالالالالالا ... الظاهر أن النفاطة اللي صابتك ..
ماهي المتصدع .. الظاهر أختها القلاعية .. أقلعت فيك ..؟!!

وخر عني ياشيخ .. لا تعدينا ..؟؟!!!
وأشد منه السماعة بقوة ..؟؟!!
وأتصلت على أهله ليجوا ياخذونه ..؟!!
وللقصة بقية ..؟؟!1

أسير الليل .. أكيد صدعت راسك فيها .. معليش إستحملني ..

لولا نقك على حظي الأول كان ما تغير معزبي .. وجاني جديد ..

وبعدين { أسير الليل } .. أنصحك .. كل واحد سمين .. لا تخاويه ..؟!! نصيحة مني .. تراه يحرجك .. في المطاعم ..؟؟!!

وكل يوم أنت رايح المستشفى تطعم على شان ما يعديك .. ببلاوي العصر .. من متصدع .. وجنون .. وإقلاع .. والباقي الله يستر الله به عليم ..؟!!

وتصبح على خير .. تراني تأخرت عن النوم .. وودي أشوف وش سوى بكرة .. إخوي .. ياهو من نحيف ..

معععععععععع السلامة
.................... ( أحبها ) ... بجنون .
.................... ( أحبها ) ولو هي قلاعية ...

أسير الليل

09-04-2001, 12:40 PM

هلا أحبها..صباح الخير وشلونك عساك طيب..

انت ذاحين ماتجوز عن خرابيطك..حتي المدير الجديد ماسلم منك..

لكن انا عندي فكره المدير بصفه عامه بالذات الطقه القديمه

لا تعارضهم اي شئ يقولوا..قله ابشر..صادق..صحيح..على قولك..

بكذا انت تكون احسن واحد في الدنيا عنده..

وبعدين دبر حالك من داحين..حدد مثلا الساعه وحده الظهر وقلوا

رايح اجيب اخواتي من المدرسه..انتبه لا تقوله اخواني تراى

بعضهم نحسين ويقولك خليهم يأخذون ليموزين..

وبعدين ترى زينة ها المودره مايخسرون يعني ماتلاحظ تجديد

المكتب وخلافه من زززززززززززززمان..

اما الشباب ويش وراه غير الخساره..هات يامكتب جديد..وشتلات

زرع..وبخاخات معطرة الجو أليا..وغيره وغيره..وتروح ثلاثه شهور

يمكن وماوقع على ورقه..

احبها قول للوالده الله يمتعها بالصحه والعافيه..اذا ما تبغي

تفرحيبي..خلين اضيع فلوسي والا يجيني احد بعدين ويجيب سيرت

الزواج..

على فكره انا ازيدك من الشعر بيت شوف خويك هاالسمين لا طلعت

انت واياه على اقرب بوفيه..وشاندوتشات ياحلو..قوله رجيم ياطيب

صدقني راح يكرهك..ويعرف انه ماوراك غير الجوع.

وعارف ليش احب السهر في الليل..لا حلوه السهر في الليل..

اجل في العصر..اجل متى..اجل كيف..ياالله عاد ترجمها..

المهم احب السهر اخاف من الشمس..لا تأثر على جمالي..يمكن

كثير من اصحابي يزعلون مني مااخاويهم مشاوير النهار..

يبداء برنامجي قبل المفرب بقليل..وماابالغ لو اقلك بعد المغرب

طبعا على كيفي..ها..والا..

عزيزي..اتفشلنا ذاحين عند الشباب يقوله..ايش فيهم قراقين..

احبها..انتبه لا تحبها..تقبل احتراماتي..

أحبها

10-04-2001, 07:59 AM

{ أسير الليل } .. من حسن حظك أنني مستعجل ودي أمشي بسرعة ألحق الدوام .. على شان كذا رايح .. أختصر ..واجد واجد ؟؟؟؟؟

أمي تشوفني .. أكل فطوري وأنا على الطاير .. تقول لي وشبك .. مطفوك .. إجلس تراك مصرقعك .. أنا ماني خابرك كذا .. دايم تتعبني معك أصحيك ويالله تقوم .. وش جاك ..

_ معذورة {أمي}الضعيفة ما تدري وش وراي.. وراي المدير الجديد..

_وكلها من سبتك { أسير الليل } تنق فيها حتى الله قرد حظي ..

_وبعدين وش دخلك في مديرنا الجديد .. أشوفك توصيني عليه ..
هو أبوك وأنا ما أدري ..؟؟‍‍‍‍‍‍!!
لالا مستحيل .. مديرنا الجديد تراه .. عود مخرف .. رايح فيها وطي ..؟!!
لا يكون ياولد هو جدك وأنا آخر من يعلم ..؟!!

تراك تسويها .. تسهر في الليل .. وفي الصباح ما نشوفك ..؟!

- أسير الليل .. تدري وش صار على إخوي النحيف .. ياهو من
نحيف ..؟!!! رايح فيها من جنبها ..؟!!! تدري وين هو
الحين ..؟!! هذه سالفتها طويلة ..؟!!

_الرجال .. يوم شافني رفعت السماعة واتصلت .. ؟!! وهويقوم
_ ويطلع مع الباب ...؟!!!
_ وأقط السماعة وألحقة ..؟؟!!
_ خفت عليه ..؟؟!!
_ ماهو الرجال أكيد مصاب باللي أنت خابر .؟!!!
.. وامسكه ....؟؟!!
_ وهويتل يده ويقول لي وخر عني ..؟؟!!
_ قلت له وين رايح .. قال بروح يم المدير ..؟؟؟!!
..حسبته .. بيستاذن منه ..؟؟!!
_ أخذت أتحايل عليه ... ؟؟!! ما أبي المدير يشوفه .. وبعدين يحطه بالحجز الصحي .. ؟؟!!!
_ لكن الضعيف ..؟؟!! يوم شافني مصمل ما أبيه يروح يم المدير وهويبكي على صدري ..؟!! ويمسح ادموعة بالشماغ ..؟!!

_ الله ياخذه فشلنا مع العالم .. ؟!! كل ما مر علينا واحد من المراجعين ..؟!! أو الزملاء ..؟!! إلا وقف يطالع فينا ..؟!! ويقولون الحمدالله على العافية ..!!

_ ياأنا رحت فيها وطي .. ؟!! صار وجهي مثل الطماطة ..؟!!
ماهو يا أسير الليل .. أنا أنحرجت واجد .. ما دري وش أسوي ..؟!!

_ وياليتها على كذا ..؟!!
_ قام يرفع صوته وهوينشج ويبكي ..؟؟!!
_ فقمت أتلمس راسه .. أدور التنسيم فيه .. أبي أسده بشماغ .. بمنديل .. بأي شيء .. المهم نفتك من الورطة اللي وقعنا فيها ..؟!! الله لا يعيدها من كبدة .. ؟؟!!!! ومن حمى قلاعية ..؟!!

_ ياولد يا أسير الليل .. خلها على ربك .. القصة طويلة .. ومحرجة .. وهي محرجة بجد .. بل أزود ..؟؟!! وبعدين أكمل لك السالفة ..؟!!

- الحين يا أسير الليل .. صرت مثل طيور الليل أقصد {بات مان}
ما يطلع إلا في الليل .. وش قصتك بالضبط .. لا تكون مثل إخوي ..
عندك حالة من إياهم ..؟!!

_ تراني يالله يالله .. ألحق على تقليعات زميلي ..؟!! من الآن خلك
معي صريح ..؟!! أنت متطعم عن النفاطات من متصدعة .. وطقتها ولا
لا ..؟!! وتراني خلاص أخذت نصيحتك ما أنا عاد أكل كبدة ..؟!!

_ وإن بغيت .. حتى رايح أحسن علاقاتي بالطقم الجديد أقصد القديم المتجدد .. مديرنا جدك ..؟!! بس المهم .. ما تزعل علينا ..؟!!

- أسير الليل .. إخوياك إن كانوا كلهم متطعمين زيك روح معهم .. وإلا خذها مني نصيحة .. وش تبيبهم خلهم يزعلوا منك ..؟!! الواحد كم عنده عمر ..؟؟!!! هو ناقص بلاوي ..؟!!!

- وبعدين الله يرضى عليك لا تجيب لي سيرة الزواج .. تراني أتشأم منها .. لأن هذه لها حكاية طويلة .. طويلة .. طويـــــلة ..؟!!
مالها نهاية ..؟!!

- أسير الليل خلنا منها .. إن كانت عندك وحدة من الجداويات أنا موافق بس بشرط أمي هي نقطة الإرتكاز .. ماهو أنا أقول لك حكايتها طويلة .. إذا شافتها أمي واعجبت فيها .. أنا رايح أتزوج ..!! وإلا الله يخلف علي ..؟!!

ودمتم ..؟!! أوووووووووووووووووه نسيت وراي دوام ..
يالله مع السلاااااااااااااااااااااااااااااااااامــــة
........ ( أحبها } بجنون .

أسير الليل

11-04-2001, 03:06 AM

حياك أحبها..ماشاء الله عليك عيني عليك بارده..
هذا الكلام كله وانت مستعجل..ألعب غيرها تحصلك مارحت العمل

تصدق عاد لو المدير زي ماتقول اقلها ماشتري جرايد اكيد يجيبها
معاه..لكن الشكوه لله..

وعرف لو ان المدير اقلها يكون من ربعنا كان تحضر الطلعات
وتسير من الروح وفيها وتمون عليه.

احبها لا تزعل زميلك بعد كذا تراه باين عليه يحبك ويقدرك.

اما سالفة السهر..لا..لا..تروح بعيد..انت عرف جدددددددددده
ما تعرف لا صيف ولا شتاء ولا ربيع ولا خريف..ماتعرف غير الايسكريم
عشان كذا الواحد مايطلع باالنهار هي كلها ثلاث ساعات ويرد البيت..في النهار حراره..وفي الليل رطوبه.

بس تصدق..برغم هذا الجو أحس راسي كبران..يحق لي مدينتي
سياحيه تملك مقومات الجمال ومقومات السياحه..

ابتسم انت في خده.

وتصدق عاد برغم هاالجو مااقدر ابعد عنها خمس ايام وماني
من اللي يدوجون بس حب عجيب.اكيد تقول انا وش دخلني..

اما الزواج الله يحييك بنات الناس مستورات في بيوتهم ومالك
الا باالسعد..والنسب..

اقول ترى كثير رايحين جايين على هاالموضوع..ويقولو ماعندهم

سالفه..فرحانين ببعضهم..

احبها...تصبح على خير..

البحاري

28-03-2002, 10:29 AM

يا هلا والله :):)

ما شاء الله عليك .. زمان كنت ما تتعب من الكلام الكثير ..
وأنا اقول ايش فيه صار ما يكتب ..
بس الان عرفت السبب .. :):)

ترى أنا سهران .. عسة يعني :)
وجالس اقر مواضيعك .. عشان أحلل شخصيتك :):)

عارف راح تقول .. الله يوفق مخك !! :):)

أسير ..

كان نفسي أكتب لك رد .. تقراها أول ما تطلع من بيتكم
في شمال جدة .. حتى تصل مشروع الأمير فواز .. والرد ماخلص :)

بس النووووم .. :(:(

لا تزعل أوعدك .. اجلس سهران معاااااك في وقت ثاني :)

تحياتي لك :)

شعنونة سوالف

28-03-2002, 10:37 AM

لازم تكون الان بشغل يالبحاري:rolleyes:

اش عم تعمل هون :confused: :confused:

المبتسم

28-03-2002, 06:34 PM

صباح الخير يا عسل يا احلي من في جده..;)
تحياتي..

البحاري

28-03-2002, 07:58 PM

:)

:)

اليوم خميس .. إجاااااااااازة .. مافي عمل :):)

تحياتي لك :)