View Full Version : ماذا تفعل لو حدث لك هذا (9)
السلام عليكم ورحمة الله وبركاته يا اعضاء سوالف
هذا الموضوع قديم وانقطعت عن تقديمة لمدة طويلة ولكن نعود ونشوف هل في اقبال عليه كالسابق ام لا
وعلى بركة الله
انت ذهبت مع والدك او والدتك الى السوق وكنت مشغول بالبحث عن سلعة لك كملابس او اي شئ آخر وبعدها اردت انت تسأل والدك او والدتك عن رأيهم بما اخترته والتفت وسألته فلم يجيب فذهب وانت تمشي ورائة وتسأله فيلتفت وانت تراه بانه ليس والدك او والدتك وكنت تكم شخص آخر فماذا تكون ردة فعلك
حدث هذا للأخ سكوال
وتحياتي
انشالله ما يسير الشي دا معايا :)
لانك لو افترضت انك كنت مع امك و نفترض ضاعت عن عينك و جيت مسكت يد وحدة افتكرتها امك
ما راح تسلم من الضرب
و طبعا راح يطلعوا انواع النشامي الي راح يدوك نصيبك
الحل: اربط يدك بيدها بحبل احسن بس اذا لقيت الحبل في يد وحدة ثانية دي مشكلة اكبر :)
أنا مررت بموقف مشابه ...
كنت في السوق مع الوالد ...
و لحقت ريال ... لكن الحمد لله انه ما انتبه ... :(:)
و الوالد طلع ورايه :(
الله ستر :)
توتوّة :)
فرفوشة
20-04-2001, 02:30 AM
وهذا الموقف بالفعل حصل لي مرتين مع ماما
اما عن ردة فعلي فاني راح اتفشل ويطيح وجهي
واكون احاول اضيع السالفة:):):)
شكرا
*******************************
squall
20-04-2001, 04:24 PM
ياخي انت فاضحني بكل مكان :)
وش معني أنا؟ :)
لووووووووووووووووووووووووووول
:)
:)
:)
:)
بس انا ماسلمت من التهزيء :)
وتحياتي لك
شاهيناز
21-04-2001, 12:53 AM
جاسم ...هذا الموقف يحدث لي دئما لاني في السوق مااشوف احد وخاصه اذا في اشياء في المحل عاجبتني وتسرق نضري انسى العالم..... واكثر من مره اكلم وحده على انها اختى ولكن ماترد علي..وانا مثل ماتعرف رغم خجلي لساني هه لك عليك ...اقول لها بكل ثقه افتكرتك اختى وابعد عنها.... لك بعد الفشله والاحراج صراحه ...لكن غطاء الوجه يستر علي.....
الدكتور ريان
21-04-2001, 07:28 AM
يسعد اوقاتك جاسم بكل خير ...
موضوع جميل .....جدا
صار معي ..لكن مش بالسوق ...انا صار معي في مكان اخطر ..كانت معاي خالتي ..وذهبت معها لااحد المستشفيات لفحوصات لها ..وقالتي بالحرف الواحد ..:((اذا شفتني أتأخرت ..تعال وناديني ..علشان اخاف اضيع في هذة المستشفى ))وكانت خالتي هذة شباب ..يعني مثل كل المراجعات بالمستشفى ومشاء الله عليها لبسها جدا محترم كلها اسود حتى يدها عليها جونتيات ...جلست انتظر ساعة ساعتيين ثلاث ...لاتكون ضاعت خالتي ..رحت دورت عليها في الاقسام ..والله اعلم اني وصلت قسم الولادة او شيء من هذا القبيل ..فلقيت وحده شبه خالتي باضبط ..رحت لها وقلت لها : انتهيت من الفحوصات ....فجأة هذة الانسانة قامت ترتعش كأنها تبكي (يمكن كانت فحوصاتها غير مقبولة وانا ذكرتها )وماهي الادقائق ..وجات خالتي : ريان ..ريان !!!
تعال دورني ..صارت كل الوان قوس قزح على وجهي ..ويوم قلت لخالتي جلست تضحك علي طول الطريق ..وتنتقد خجلي الزائد عن حده ..وجلست اضحك معاها على نفسي ...وبصراحة ماتمنى لااي شخص موقف مثل هذا ...تخيل عاد لو كانت وحدة عاقر (ماتخلف )وتوها اخذه الفحوصات وانا غلطت معاها مثل هذا الموقف !!!ماراح يبقى مني شيء ..اظن !!
محبوب
21-04-2001, 07:45 AM
^1
انا صارلي مواقف وايد يا جاسم من الي تقولهم
بس اقواهم مره انا واختي ودكتور احمد اخوي الكبير كنه بجمعيه
نتسوق نشتري
بس اختي عمرها 17 تلبس عبايه وحجاب ياخي بطت جبدي تشتري هذا وتروح مناك وتروح مني اخر شي شفت وحده للابسه نفس لبس اختي بس
وجهه مو علي وانا جاي من وره معصب جان اقولها هيييييييييييييييه انتي هييييييييه
ورافع ايدي جريب واكفخها كف البنت اخترعت لفت ويها ولزقت بل بترينا وتطالعني خايفه
اهني جان انا تروح ملامح العصبيه
قلت لها
أأاحسبج اختي اسف
ومشيت من المكان وويهي يطشر الوان :)
زهر الليالي
21-04-2001, 11:48 AM
زمان ما سمعنا صوتك :)
والله يالحبيب أنا حصل لي موقف أسوء من هالموقف
أنا كنت أكلم صديق في السوبرماركت وخابره حولي
شوي ما دريت ألا واحد ماسك كتفي ويوم ألتفت لقيت رجال والشرر يتطاير من عيونه ....
أكتشفت أن زوجته كانت واقفة بجانبي تاخذ غرض وأنا وقتها طايح سوالف وضحك لأني متصور أن صاحبي لسه جنبي
الرجال تصور أني أعاكس زوجته
لكن ربك سلم ومرت على خير :)
يا هلا ومرحبا بالجميع نورتونا
اهلين جي تي 3
اقتراح رائع ومش بطال
وعلى الله تسلم من هذا الموقف
توتة الحلوة
اي والله كان موقف لا تحسدين عليه
والحمدلله على كل حال
فرفوشة
يا هلا فيك
اخذي امور ببساطة
لول لول لول
وان شاء الله ما طبين بهذا الموقف مرة ثانية
سكوال
نحمي حقوق الملكية الفكرية
لول لول لول
شاهيناز
لازم تسويين مثل مقال جي تي3
وتربطين يدك بيد اختك
عل وعسى تتخلصين من هذي المواقف
الدكتور ريان
الله يسلمك ويعافيك من كل شر
ما عليك زود
صراحة مواقف لا تحسد عليه
وخصوصا اللي يخجل ويصير وجهه احمر احس ان يكون الموقف عليه اكبر من اللي ما يخجل
لكن الحمدلله ان موقف مر على خير
وتفهمتوا الموضوع
وشكرا لك
وعليكم السلام ورحمة الله وبركاته
محبوب
شخبارك عساك بخير
زين ما ضربتها كان بصير سالفة كبيرة
هالمرة تأني قبل ما تفعل شئ
والحمدلله على سلامتك من هالموقف
زهر اليالي
ما عليك زود ومن طيبك
هذا موقف كان بصير فيه دم وشرطة
لكن الحمدلله الله ستر
هالمرة خلك واعي وابتعد عن الحريم حتى ماتقع بهالمواقف
وشكرا لك
والف شكر لكم على مشاركتكم الجميلة
وتحياتي