رحلة إلـــــــــــــــى عالم متاهــــــــــــــــ ( ـــــة )

[سعودية]

السلام عليكم ورحمة الله وبركاته :

اهل سوالف الغالين على قلبي .. طفشتكم وثقلت عليكم الأيام اللي فاتت وأخيراً قررت إني أضحك شوي ولما فكرت وش أضحك فيه ما لقيت مادة مرنة أهبل فيها أكثر من ~~~ حبيبة قلبي متاهة ~~~:p

المشهد الأول ..

رنين الهاتف يدوي مثل القنابل في الحروب ..

هرعت إلية ..

سعودية : السلام عليكم ..
أمي : وعليك السلام ، ما راح تبطلين ها العادة لما نبغاك مسوية على تلفوننا حظر ومستولية عليه وكل ما دق ردينا لقيناك أنت وإذا بغيناك ما نلاقيك إلا بشق الأنفسhttp://www.swalif.net/sforum/images/smilies/mad.gif

المهم نواف وشلونه .. درس ولا لا ..
أخاف قال ماما بنام وقلتي طيب اليوم أخر يوم ..
راح تضيعين الولد … صيري حرمة ..
شوفي كم صار عمرك ..

سعودية : يمه يمه …… حبة حبة يا علام http://www.swalif.net/sforum/images/smilies/confused.gif
وينك قاظبة الخط السريع … ترى فيه تحويله انتبهي ..

أمي : طويلة لسان وش أقول غير الله يخلف علي ..
سعودية : طبعاً وشلون ما يصير سعودية زينة :(
الحب كله لحبيبة القلب الصغنونة متاهــــــــة http://www.swalif.net/sforum/images/icons/icon17.gif

أخر العنقود وش نسوي ..

والله وين ما أروح هالبنت وراي وراي http://www.swalif.net/sforum/images/smilies/eek.gif

أمي : أصلاً لو تموتين ما تصرين ربع بنيتي ..

سعودية : ليش اعترفي أنا من أي ملجا اخذتوني http://www.alhastarah.com/vb/images/icons/165.gif
امي : سعودية صرت ام عيال والى الحين فيك شياطينك ..

سعودية : نشرة الأخبار اليوم سمعتها الساعة تسعة ..
تقول ان سعودية ام ولد واحد هذا تزوير في اوراق رسمية ..
وهم قاعدين يدورون على مطلق الإشاعات المغرضة وراح يخلون جورج قرداحي يعطي للي يقدم أي معلومات عنه مليون ريا ل..

وش رايك يا الغالية

أمي : جنانوتك اليوم مستهبلين اشوف ..

سعودية : يمه اسمعي " دعبوس الدبوس ، شخاط ، ستيف ولد السماثه ، قم بس قم :) هذولا حبايب قلبي لا تقولين فيهم شيء

أمي : الله يشفي من عنده … اقول الزبدة ..

سعودية : سمي " يعني الأدب مقطع بعضه " :):)
أمي : بكره الساعة 8 صباحاً تكونين عندي ..

سعودية : يالله صباح خير ..
ليش ؟!!!

أمي : حفلة المدرسة حقت أختك متاهـ ( ـة )

سعودية : يعني !!!

أمي : يعني تبي تروحين …
الساعة 8 إلا ربع راح تكونين عندي سامعة ..

سعودية : حاضر يا افندم .. علم وسينفذ .. عارفة ان زادت مدة المكالمة راح يكون الموعد الساعة خمسة الفجر http://www.alhastarah.com/vb/images/smilies/smile1.gif..

أمي : ما نبي نتأخر ..

سعودية : طيب وسعودية الصغيرة بتترك الجامعة ولا وشلون ..

أمي : ما تعرفين ان عندها OFF
سعودية : يا قلبي حتى الجامعة تأففت من بنتك http://www.alfnan.f2s.com/ecard/icon/eek.gif .. الله يصلح لنا النية والذرية ..

أمي : أنت طالعة على مين بس ودي أفهم http://www.alfnan.f2s.com/ecard/icon/devil.gif..

أمي: مع السلامة ولا تتأخرين

سعودية : مع السلامة ,, وسكرت السماعة وأنا أسأل نفسي يا ترى طالعة على مين http://www.swalif.net/sforum/images/icons/icon12.gif

على مين يا ناس :p



تحياتي ويتبع بإذن الله تعالى ..
متوهة لا تزعلين http://www.alfnan.f2s.com/ecard/icon/kiss.gif

[شاهيناز]

سعوديه ....الله يخلي لك والدتك.....انا امي العكس صراحه تتضايق مني وتقول عني انتي شريه....ولما اصير طيبه وحبوبه..تقلق وتقول انت مريضه ليش اليوم ساكته ومافي مشاكل في البيت صراحه احترت معاها كل يوم لي قصه مااعرف ايش اعمل...

[توتة]

اسلوب جميل ماشاء الله ..... :)
و حوار يذبح من الضحك :)

ههههههههههههههههه
توني ادري عن جنانوتك ...
طيب طرشيهم عندي .... :):)
خاطري اشوفهم :)
خاصة ستيف ولد السماثة .... هههههههههه
أكيد شكله يجنن :)

حلوة الشطانة والله :)
ثرك شيطونة من الزين ... :)
و شيطوني الصغير اكيد طالع مثلك :)

الا ما قلتي سعودية :

كيف اخبارك .. و اخبار الأهل .. و اخبار نواف
و أخبار طبخة الغدا .. و ...... الخ :)

يالله ... شو بتردين علي ..... :)


توتة >>> أعرفك الحين اكيد نايمه .... صح <<< :)

[هبه الرحمن]

تسلم لك والدتك ويحفظ لك أختك وجميع اسرتك ...

مع العلم بالتذييل الذي صاحبة منك بأنه ضحك ولكن ضحك بفائدة موفقه لكل خير ... هبه الرحمن

[سعودية]

الله يسلمك ويخليك الوالدة .. انت بعد :)

شاهيناز هذا حالنا كلنا وحالك ان شاء الله لما يصير عندك ولد :p

بس شاهيناز لا تخافين ولا تستعجبين الأمهات كلهم على هذي الحالة اذا ما اتصلنا قالوا ليش ؟!

واذا اتصلنا قالوا دبلتوا اكبدنا :):)

واذا تشيطنا قالوا الله يخلف علينا واذا ركنا وقرينا وامنا بالله قالوا وش صاير مو معقولة :)


يا شيخة جننونا وش نسوي ؟!

اذا عندك وصفة شاهي قوليها :) تراني متوهقة :p

تحياتي لك :)

[Huda76]

الغالية حييييييييييييييييييييل سعووودية

هلا بك والله حبيبتي ..

وعاش من شافك أو شاف موضوع لك :) :)

عسى يا رب دووووووم الضحكة .. ويا ربي يخلي لك الوالدة والأهل وكل من تحبين ..

حقيقي الحوار حلو جدا .. وحقيقي في حواراتنا مع أمهاتنا تشوفين كل أنواع الدلع وهم الله يخليهم لنا والله مستحملين .. الله يكون بعونهم والله :) :)

أنا والله للحين مزعجة أمي .. اذا أنا في الدوام بصراحة توحشني أمي والله وأدق عليها وأسألها أي شيء في بالي وهي فديتها اذا مو مشغولة والله ما تقصر وتسولف معي وأحيانا تنشغل وتقول لي :

هدوويه .. يمه بروح أطبخ .. هدووويه .. يمه عندي حريم :) :) عاد أنا أستحي وأقول لها زين يمه بكمل سالفتي اذا وصلت البيت :)

حبي لك

[مستر/ سويت هارت]

هاي سعودية رواية مسرحية رائعة تذكرني بشكسبير وروايته...
لقد اعجبني الحوار والاسلوب ...والفكرة رائعة جدا
اخوكي سويت هارت

[أسير الليل]

هلا اختي سعوديه..

الله يصبحك بالخير انتي والوالده ومتاهه..

اكيد اخر العنقود..لا تقبل الاسره اي اعتراض ضده..

وطلباته مستجابه..

وخذيها من قاصرها واسمعي كلام الوالده..

وبما انك الكبيرة..راح تفاجئك الوالده..وتقولك ليش ما تسوين

حفلة..يالله عاد جيبي التورته معاكي..تري كلامهم اوامر.

اختي حوار رائع.تحياتي.

[سعودية]

الحمدلله يا الغالية الى الحين تكتبين ما بعد إنذبحتي :p

تسلمين والله هذا بس من ذوقك :)

شوفي توتة طول أيام الصيانة في سوالف وانا قاعدة اقنع ستيف ولد السماثة يروحلك:) بس رفض وقال جنانوتها ما يلعبون ترى يخرعون اخاف منهم شعانين مثلها :p

أخباري ياالغالية مبسوطة ومستانسة مدامك بخير :)

أخبار أهلي عندك موجز من اللي أسويه فيهم فتوقعي انت الباقي:):)

أخبار " نواف " هذا اللي نزل في الموضوع سهواً ولما جيت اغير لقيتك قافشة السالفة :p

بس الحمدلله اللي مو اسمي اللي نزل سهوا :)

وأخبار الغداء ........ الحمدلله :)

وأخبار الخ ...... يسلم عليك يقولك وحشانا يا القاطعة :):)


توتة >>>> ما صارت نومة ومسكتيها علينا :p <<<<



تحياتي لك :):)

[سعودية]

الله يسلمك اخوي من كل شر ..

ويبارك فيك ويخليك ويطرح البركة في عمرك إن شاء الله :)

أشكرك اخوي على كلماتك الرائعة وعلى تقبلك لكلماتي و لضحكاتي ..


تحياتي لك :)

[سعودية]

وعليكم السلام ورحمة الله وبركاته :

تسلمين يا الحبيبة على مشاعرك الحلوة والرقيقة :)

والله يبارك فيك على دعواتك الروعة اللي مثل صاحبتها :)

الحمدلله اني انا مو وحدي اللي دلوعة واتدلع على أمي بس :)

أثاري الحبايب واجد ..:)

الله يخليك يا هدى ويخليلك كل غالي عليك وباين على الوالدة انها روعة وطيوبة مثل بنتها :)

تسلمين يا الغالية على كلماتك الرقيقة واللي تدخل السرور على النفس :)


همسة : خلي الوالدة تفتك منك شوي ملاحقتها حتى في الصبح :p

تحياتي لك :)

[سعودية]

شوف من ناحية شكسبير الله يسلمك ..

هذا ورثته كلموني علشان اكون امتداد له واكتب بعده :p

بس انا رفضت وقلت لهم والله انا اسلوبي ونمط كتابتي يختلف شوي وما ينفع انه انا أكتب امتداد له بعدين الناس ينسون واحد مر على الدنيا اسمه شكسبير http://www.swalif.net/sforum/images/icons/icon12.gif

شكرا لك من الأعماق على كلماتك الرائعة وتسلم اخوي :)

تحياتي لك :)

[شمعة]

هلا بالغاليــــــــــــــــــــــــــــــــة ..

" الحوار كله على بعضه حلو "
وأحلى ما فيه الشخصيات الموجودة في هالحوار .. :) ..
الله يخلي لك الوالدة .. وشيطوني ..



تحياتي لك عزيـــــــــزتـــــــــــــــــــــــــــــــــي..
ولــ .. حبيبة القلب الصغنونة متاهــــــــة ( مقتبس) :)

[سعودية]

الله يسلمك ويخلي لك كل اللي تحبهم ان شاء الله ..

اخوي انت تقول فيها ... :p

فلسنا من كثر ما نسوي حفلات لمتاهة حبيبة القلب الصغنونة :)

يا خوي صادق في كلامك عن اخر العنقود بس :)

بما انه متاهة هي العاقلة وانا المصرقعة المفروض يصير فيه عدل وتاخذ موقعي واخذ موقعها :):):)


تسلم والله يا خوي وتحياتي لك :)

[سعودية]

تسلمين يا العزيزة والله على قلبي ..

والحمدلله من يوم ما شفت التوقيع حسيت انه شمعة رجعت :):):)

الله يسلمك يا شموعة الدلوعة ويبارك فيك ويخلي لك عيالك وابو وليد وكل من تغلين يا رب ..

شمعة الله يعيني على متاهة لا وأزيدك من الشعر بيت اللي جاي هو اللي شكلي راح ينفوني اهلي من القبيلة :p


تحياتي لك ولإقتباسك انت تامرين :)

[aziz2000]

حتى امك المسكينة بعد مبهذلتها :) قالت انك بتتزوجين وتفكينها من مقالبك لكن الظاهر بتزيد هالمقالب :)

وشلون نوااف ؟؟ :)

الله يطول في عمر الوالدة على طاعته ويعطيها الصحة والعافية :)

تبين الصراحة .. عجبتني الوالدة يوم قالت ( اقول الزبدة ) ;)

وسالفة OFF .. تــحــفــة ;)

بسرعة نبي وش سويتي في مدرسة متاهه ؟ :)

[سعودية]

الله يصبرها على وعلى مقالبي من جد :)

بس غاوية اهبل فيها والظعيفة ما تقول شيء بس تقول الزبدة انك مجنونة http://www.swalif.net/sforum/images/icons/icon12.gif

تسلم اخوي على ها الدعوة الرهيبة والرائعة :)

راح تدعيلك بإذن الله يوم اقولها :)


سالفةOFF هذي معقدتني كل ما شفتها قلت لها وراك ما رحتي الجامعة قالت عندي اوف عرفت ان الجامعة متأففة منها :p

وسالفة متاهة في المدرسة راح تشوفها بس الله يستر من متاهة :):)

ونـــــــــواف هذي يقولون غلطة الشاطر بمية :(


تحياتي لك :)

[متاهه]

http://www.najdyat.com/images/icons/grin.gif
هذا الموضوع محذوف..
وجميع من شارك فيه في اجازة ابدية..

تحياتي متاهه(م م م)











http://www.swalif.net/sforum/images/icons/icon12.gif

[سعودية]

http://www.najdyat.com/images/icons/wink.gif

http://www.najdyat.com/images/icons/wink.gif

http://www.najdyat.com/images/icons/wink.gif





http://www.najdyat.com/images/icons/link.gif

[زهر الليالي]

الموضوع أنحذف قبل ما أشوفه :(:(


بسسسسسسسسسسسسسسسسسسسسسسيطه
شوففففففففففف غيره

[مدردش متقاعد]

و الله فطستيني من الضحك.. ك أني قاعد اشوف حلقة من طاش ما طاش.. بس هاي برعاية حليب السعودية:)

و الله و أنا أقرا راثي لأمك صراحة.. فرق بينك و بين متاهة.. فرق بين .. إيش و إيش.. ما بضرب مثل علشان ما حد يزعل.. ههههههه

صدق و الله طالعة لمين؟:)

يمكن لـ صفية بركات؟






























مين صفية بركات؟:)


تحياتي

[سعودية]

شفت الحظ :)

صراحة أنا كنت رح أكمل المسرحية حتى النهاية:p
بس جاني رسالة نارية(حقيقي) من هيئة الأمم المتاهية أحتجاجا على العرض الساري :):)

بس أنا ما يهمني....
أذا ثلاثة أعضاء ينصحوني بالأستمرار فأني سوف أتحمل المخاطرة وأستمر

واللي يصير يصيرhttp://www.alfnan.f2s.com/ecard/icon/devil.gif

مع الإعتذار للغش الساري :) بس اخوي زهر مسامحني وانت وش عليك :)

http://www.swalif.net/sforum/showthread.php?threadid=88950&pagenumber=2

[سعودية]

أما من ناحية أمي فهذا على قلبها أحلى من العسل :)

وأما من ناحية متاهة فهذي خلقة الله وأنا أفتخر ان متاهة هي أختي والله يخليها لي :) وما راح ازعل من اللي راح تشبهني فيه :p

عارفة من أنا ومن متاهة الله يحفظها ان شاء الله :)

ومن ناحية طاش ما طاش انتظرني في الأعداد القادمة وشوف وش راح اسوي وتسلم على التشبية اخوي :)

ومن ناحية صفية بركات ؟!!!!!!
من هذي يا عم مدردش :):)

تحياتي لك :)