فوائد قيادة المراه للسياره

[al_hairan]

نقلا عن احد المنتديات العربيه

فوائد قيادة المراة للسيارة
هذه الفوائد لقيادة المراه وصلت لي عن طريق احدى الاخوات على بالهم انهم بيمهدون لفكرة السواقه وانا بصفتي سعودي أقول أمعصي والله لو مايبقى الا هي

هناك مقالة تهكمية في فوائد قيادة المراءة للسيارة ارجو ان تكون مفيدة . وصلت الي بالبريد

1/ أن ذلك يضفي على الحركة المرورية لمسات سحرية وجمال اخّاذ.:)

2/ كذلك سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته! اشارةحمراء لعل الله ان يرزقه(( ببنت الحلال :):)

4- سعـــــودة محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات :)

5- بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم
:):)
6- سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره لللاخر يعني FULL وطبعا يوم بيجي يحاسبها بتعطيه عشره ريال مثل ماقالت له عب وياليته ياخذ العشره ريال بعد الا يطمر ويحلف عليها ماتدفع ريال ويقول هالمره خليها علينا :):)

7- توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله 0000 بس ايييييييييييه هين هذول بنات من بيكلمهم هذا اللي في دمغتي في هالوقت بس اظن فيه كثير بعد اذا افتكرت شي جيتكم

وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك.......:):):):):):)

8- انه اذا حصلت خصومة بين الرجل وزوجته واحتد الامر وعلت الاصوات وامتدت الايادي( وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له ( اروح ورجلك فوق رقبتك) :)

9- كذالك من فوئد سياقة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وبذالك بان تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرملا والخرسانة . :)

[سعودية]

http://www.alshamsi.net/cards/rsoom_cards/rsoom22.jpg


تحياتي للإشارات والسعودة :p

[مدردش متقاعد]

ضحكتني و الله:) فعلا إيجابيات منطقية مرررررررة:)

الله يستر بس إن سمحوا بالسواقة للحريم:)


تحياتي لك أخوي الحيران

[مواكب]

اكمالا لكلامك

1- تقليل نسبة العماله الاسيويه (السائقين) المكتضه باعداد هائله من الفلبين والهند .
2- وجود الموظفين في مكاتبهماثناء الدوام الرسمي ما احد يضطر يطلع من دوامه ويترك مصالح الناس عشان يوصل او يرجع اطفاله او زوجته من عملها.
3- الاستفاده من غرفه زياده في المنزل والتي عادة تخصص للسائق حتى ان البعض يتركون منازلهم لبيوت وفلل اكبر عشان غرفة السواق .
4- سوف تقل سيارات الليموزين بشكل كبير.

5 وغيره وغيره

[سعودية]

* ما يصير فيه مناص من الزحمة والمشاكل اللي راح تسببها الحرمة لما تسوق :)

* الحوادث اللي حدث ولا حرج عنها :p

* المصاريف الهائلة من جراء تغير الألوان للسيارات علشان تصير مواكبة اللوان الموضة وعلى لون الفستان والشنطة :)

تحياتي لك لازم تكون بشروط ولا ترى بتصير سالفة :)

[مواكب]

اختى العزيزه جدا سعوديه

بالنسبه للزحمه بيكون نفس العدد كل سواق بسياره يعني السياره اللي مع السواقين بتصير مع اللي بتسوقها.

اما المصاريف في الالوان واسيارات عاد كل واحد وحسب طاقته ولاهي غريبه عليهم يشخصون في كل شي حتى في السفر .....

وبعدين لكل شي سلبياته اول ما يظهر بس تنجلي بسرعه بعد ما يتعودون عليها الناس . ودول الخليج المجاوره اكبر دليل يمكن اللي صاير عندنا من معاكسات يفوق بكثير اللي عندهم

المهم ياسعوديه شدي حيلك ووفري خليهم انشالله اذا قالو انطلقو يكون عندك سياره كشخه وذوق زيك ‍‍

[al_hairan]

وبتسير طرقات المملكه كلها مواكب :)
موكب ورا موكب

[al_hairan]

الله يديم علينا هذا الضحك دوم :)
وعلى فكره لو ساقو البنات عندنا بنستنا تحت بيوتكم:):)
لا تصدقين تراني امزح :)

[al_hairan]

طيب لو ساقو الحريم في السعوديه ويش بيكون الوضع
اتوقع بتسير شوارع جده كلها شارع التحليه:)

[اريد اتعلم]

لماذا لا نأخذ الموضوع بجد ... ونترك المهاترات وما يكتب في المنتديات
اين الأفضل بنت تسوق أو تركب مع اجنبي ؟
إذا صاب البيت حاله طارئه والرجل خارج المنزل ما هو الحل في عدم توفر سيارة للمرأة ؟

ممكن اجابه هادئة ؟

[الدكتور ريان]

مساء الفل على الكل

ههههههههههههههههههههههههههههههههههه يسعدك ربي ياحيران اختيار جميل .....

احلى مافي الموضوع ....رجل جاء من العمل تعبان وزوجته تريد الذهاب الى السوق : روحي خذي المفتاح معلق في الثوب

انا احس انه الرجال يتمنوها حاليا :):)..خصوصا المتزوجين ..

كل بعد شوي : روحي ياموضي الله يخليك وسددي فاتورة الجوال نسيت امر عليهم ...

: اقولك....ياوضحة ..ترى انا موجود ببيت جدتي خذي الاطفال واطلعو الاستراحة ..انا ماني جي :)
: يازينب بالله عليك وانتي جية من المدرسة جيبي لي ..جراك باعشن :):)
واحلى شيء في السفر بدال ماتمسك الخط ثلاث ساعات تخلي زوجتك وانتا تسمع برامج الاف ام ....


وبالنسبة ...للاانسات راح تسمع هذة الاخبار...
جلد فتاة من المتوسطة (معاها كامري )لاانها حاولت معاكسة شاب جامعي (معاه كورفيت :):)

- سجن ثلاثة بنات حاولو دعس دكتورهم بالجامعة ....

- فتاتين يختطفون مضيف بالخطوط السعودية :):):):) ...

- النساء يطالبون بنادي تفحيط :):):):) ......
- مضاربة فتاتين احدهما نصراوية والثانية هلالية ..مساء امس بالتشجيع ....

- غير كذا راح تلاقي ....السيارات الوردية ..البكومونية ..وسيارات على شكل مخدة..وسيارات على شكل قلب ...هذا كله كوم وتعال شوف ايش راح يسوون البنات عندنا بجدة (راح نموت قهر )
سيارت فياقرا ..وروز روليس ..وبنتلي ..وجاغور..ممكن تلاقي سيارة كلها ذهب ...عادي..غير جدول المطارحات طبعا(طريق الملك -طريق المدينة - الكابئن) ...يعني راح مانقدر ندخل التحلية حتى ...وتخيل تمشي امامك وحده ..مهديه السرعة وبس تبكي ..وتلاقي وحدها تكلم جوال وتستعرض ..وتميل على الخط كل شوية ...ووحده تهدي فجأة ..قدامك :):):):) علشان دق عليها بيجر :):):):) بس ماتصور انه البنات راح يعرفو يسوون تيوبلس (تصليح الكفر عندما ينفجر الاطار )او يعرفون بأجراءات الكهربائية بالسيارة ...اذا كانت صعبة علينا نحن الرجال هم ماذا سيفعلون ؟؟؟؟؟؟مااتوقع في يوم ممكن يجعلون النساء بامملكة يسوقون ..عفوا ..لست عنصريا تجاه النساء ولكن ..السيارو والسواقة ...متعبة لاتتناسب مع جنسكم ومشاكل السيارات اكثر من مميزاتها ..بدليل كثرت الحوادث ..هذا رأيي الخاص ....

[al_hairan]

تحيه طيبه .....وبعد
اولا اوجه لك شكري وتقديري للمشاركه
ثانياً : ما يخص استفسارك انا وجهة نظري ان السواقه لا تتناسب مع الفتاه العربيه لعدة اسباب وليست لسبب واحد منها مخاطر الطرقات وعدم مقدرتها على حل مشكله تواجهها في الكفرات مثلا .والاستهتار من قبل كثير من الفتيات في هذه المرحله ولكن لا مانع لو حددوا مثلاً ان المرأه لا تسوق الا اذا تعدت عمر 45 عام بهذه الحاله يكون الامر افضل .

[al_hairan]

حي الله حبيب الكل الغالي ريان
كيف الحال اتمنى ان تكون في اتم الصحه والعافيه
لا يدكتور كمان تخيل تكون راجع من العمل يوم الخميس والمفروض تطلع على درة العروس ومافيك حيل تشغل السياره حتى ويش تسوي ؟؟ويش تسوي؟؟ويش تسوي؟؟هاااااا يا ام فلان خذي العيال واطلعو على الدره وانا بخلي وحده من خواتي تصولني بعدين :):):):)ههاااااي
والله حلوه
بس بيني وبينك يادكتور الناس بتخفف الزحمه عن التحليه عشان جده بتكون كلها تحليه :):):)

[الفرزدق]

ياهلا بك أخي الحيران ،،، ووينك ياخوي؟،،،من طول الغيبات جاب الغنايم،،، ومشكور على هالموضوع المضحك ،،،

وزيادة على ماذكر ،،،


- سوف يتم فتح الوظائف للنساء للإلتحاق بالخدمة المرورية ،،، يعني معقولة بنت تسوي حادث يروح يباشر الحادث رجل!!!
يعني راح نشوف جندية وعريفة ووكيلة رقيب وريسة رقباء( هذه ماأحد قدها) وراح نشوف ملازمة ( معلقة النجمة) والله يستر يمكن تصير مديرة المرور الفريق اول الآنسة فلانة:)،،،
بل سيفتح باب السجن للمسجونات ( اللاتي قطعن الاشارات وتجاوزن السرعة القانونية) ،،، وطبعاً سيكون رئيس السجن الجندي فلافل بن شلشال ( الذي لم يتغيب عن عمله يوم واحد:)بل ولم يتأخر دقيقة)

- طبعاً عندما يتم وضع شرطيات ،،، فإن الشباب سوف يقوم بقطع الإشارة مباشرة ،،، ويصفط على طول على اليمين( بدون ماأحد يوقفه) ،،، ويوقف سيارته ويأخذ الاستمارة والرخصة ويروح يركب في سيارة الدورية ،،،( وينهم من أول كذا ،،، أيام زمان يتحدى الدورية تلحقه ،،، ويروح يفرفر فيهم بين الشوارع والأحياء:))دنيا،،،

- ستزداد الزحام ،،، في الطرقات ،،، كلها تسكعات ومعاكسات ،،، ستكون نهاية مؤلمة للأسف ،،،ستمتلىء الأرصفة والشوارع بالشباب ،،،

بل سوف تجد أن الشباب يزاحم البنات في مواقف مدارسهن!!!

- سوف توفر البنت على أخيها الشاب بعض متطلبات البيت ،،، فستقوم بإحضار الخبز للبيت ،،، وبعض من الخضروات والمتطلبات ،،،

- سيزدحم الشباب على الوظائف المهنية ،،، فهذا ميكانيكي وهذا كهربائي ،،، وتبعاً لذلك ستزدحم ورش السيارات بالشباب ،،، وهم على ذلك سوف يقومون بانتظار أي فتاة لتصلح سيارتها ،،، بل سيتراكضون من اجلها ،،، أما لو أتاهم شيبة أو غيره من الشباب فسيقولون توكل على الله ،،،


- لو قادت المرأة السيارة ،،، فمن اللازم أن تخرج رخصة ،،، ويجب أن تضع صورتها على الرخصة ،،، لذلك ستكون هنالك سعودة في محلات الاستوديو أيضاً:) وتجد الاعلانات ( التصوير مجاناً):)،،، بل يتعدى ذلك إلى المطاعم ،،، فالآنسة فلانة عازمت صديقتها علانة في أحد المطاعم ،،،

- بل ستزدحم المعارض( معارض السيارات ) بالبنات ،،، فهذه البنت لاتريد سيارة ( داتسون غمارة:)) بل تريد (200إل) اللون أسود ( تعشق القديم) ،،، وهذه لاتريد سيارة كامري2000 بل تريد لكزس جديدة،،،
وستجد أن هنالك شريطيات وشريطيون ،،،


- مواقف الجامعات والمستشفيات والمرافق العامة ،،، سوف تزدحم بالشباب ،،، فمتى نزلت فتاة من سيارتها ،،، سيقول الشاب( هل تريدين غسل سيارتك الجميلة مجاناً:)) مع إبتسامة عريضة،،،

- بعد نهاية كل مباراة لانستبعد أن يصبح لدينا بنات مفحطات ،،، فهذه هلالية ،،، قد وضعت علم الهلال ( فوق التندة) وهذه نصراوية ( وضعت علم الهلال أسفل الكفرات) ،،، والله يستر بس ،،،


- طبعاً ،،، عندما تقود السيارة وخاصة أذا كانت السيارة غير مكيفة ،،، راح تضطر الفتاة لفتح النافذة ،،، ويادار مادخلك شر:) ستمتليء السيارة بالأوراق والمذكرات:) ،،،
بل أذا كانت السيارة ذات صندوق خلفي ،،، فستمتليء بالشباب ( كالأغنام:))


- يعني لاتستبعد وانت رايح السوق في عز الظهر أو منتصف الليل تلقى سيارة جاركم ابو مرداح ،،، فالمدام أخذت المفتاح منه وهو نائم ،،، وأخذت معاها حريم الجيران:)،،،

وأخيراً ،،،


لم أذكر ذلك إلا من باب الطرفة ،،، وإلا فقيادة المرأة للسيارة أمر خطير ،،، وله آثاره السلبية المترتبة عليه والتي تفوق أيجابياته بكثير ،،، فأذا كانت المرأة تركب في سيارتها التي يقودها السائق الأجنبي وتلقى المضايقات من شبابنا الطائش هداهم الله ،،، فما بالكم لو قادت المرأة السيارة ،،،

و نعق الناعقون من أجل قيادة المرأة،،، وكتب ذلك في جرائدنا من أجل قبول الشعب بهذه الفكرة السخيفة التي لن يقتنع بها صاحب كل عقل ،،،

وقد كتب مشائخنا الأجلاء الكثير من الأضرار والأخطار التي تنجم عن قيادة المرأة للسيارة ،،، ومنها على ماأذكر كتابة للشيخ ( عبدالغزيز بن باز) رحمه الله ،،، سأوردها حينما أجدها ،،،

الله يستر علينا وعلى شبابنا وبناتنا ،،، والله المستعان ،،،

[al_hairan]

تحيه طيبه وبعد .... بصراحه لقد مت من الضحك وانا اقرأ ردك على الموضوع وتخيلت الوضع ...بصراحه بيكون وضع في الصميم عاد بيني وبينك كله كوم ولمن بيفوز المنتخب كوم لحاله بتلقى الحابل بالنابل الهلاليه بالنصراويه ..
والتحليه بتكون زحمه كل يوم الصبح وم بس يوم الاربعاء
يهوووووووووووووووووووووه 100% الوضع :):)