قذوعي الصباحي .......

[غريب نجد]

1^

حياكم الله في ضيافتي هذا الصباح ... بعد اذنك يا دكتور ريان ويا زهر الليالي تراكم تاخرتوا علينا اليوم :):)

صبيحة هذا اليوم يختلف عن كل صباح هنا بالرياض , امطار وجو عليل ونسائم ربيع وهدوء جميل :):):)

فنجان قهوتي وقذوعي _ كلمة اختصاصية جدا _ والدتي ووالدي اخوتي واخواتي كلهم حولي لكني لست معهم :(:(

طافت بي مخيلتي حول ارجاء مدينتي وما فيها واخذت اسال نفسي هل كل العائلات كعائلتي ؟ في الصبح يجتمعون وبحب يتهامسون وبالتمر يتعازمون ... هل كل هذه الخيرات تجتمع في كل الاسر الاخرى في كل البيوت والشقق والمساكن ؟ هل اهل ذلك العراء ينعمون مثلنا بما من الله علينا به ... تذكرت ان الانسان عندما ينعم بالخير ينسى الغير وصدق من قال اذا نعم الانسان بالخيرات نسي رب الخيرات .... وحمدة الله على نعمته وتذكرت ان اسرتي من حولي فاسدلت الستار على افكاري ومددت يدي لاتناول قذوعي :):):)


على فكره نسيت الله لا يسامح العدو فنجان قهوتكم عندنا .....:):):)

[Huda76]

أخي العزيز غريب نجد

هلا بك والله أخوي :)

وعسى الله يسعد كل أوقاتك بكل خير :) :)

أجل الجو كان حلو بالرياض :) :) وايد زين والله .. عسى دووووووم .. احنا كمان عالمغرب نزل مطر عندنا في البحرين .. مطر خفيف بس كان الجو فعلا حلو :)

أنا معك في أن الجو العائلي ماكو أحلى ولا أروع منه .. عسى الله يحفظكم ولا يغير عليكم ..

تحياتي لك دوما

[سعودية]

شوف اخوي الجلسة الصباحية والفطور والقهوة والتمر هذي يمكن عادة اخذناها حنا الشباب " حلوة شباب " من اهالينا وما زالت خصوصا حنا القصمان لا يمكن ما نتقهوى الصبح ونقدع بها السكري السنع :)

شوف اخوي احس ان من الشروط اللي تخلي الأسرة سعيدة هي الفطور الجماعي والسواليف الرايقة اللي علىالصبح والواحد رايق ومبسوط :)

بس على فكرة انا ما أشرب قهوة لو يموتون ولا شاي :)

بس التمر الله الله عليه يا سلام وانا اقدر ما أكله :)

بس الحمدلله على النعمة اللي حنا فيها :)

وتسلم اخوي على القدوع والقهوة بالمرة :) ما ينفع لبن زمان :)

تحياتي لك :)

[aziz2000]

أحلى صباح بس اليوم مو أمس :)

ماأجمل تحلق الأسرة في دائرة جميلة في صباح مشرق بنور الأمل :)

بس الخلاااااص أحسن من السكري ;)

وأمس المغرب كان فيه مطر في الرياض :) صح وللا لأ :)

كذا وصلتني الأخبار :) واحنا بعد رششت شوي مطر :)

تحياتي للغريب :)

[سعودية]

بس السكري احسن من الخلاص بمراحل :)

وش جاب الثراء للثريا :)

يا عمي انت ما تذوق ولا وش السالفة :)

تحياتي للسكري :)

[aziz2000]

يقولون عج وغبار عندكم :) وبعدها أمطرت

لالالالالا .. الخلااااص مافيه مثله :)

وش جاب العفاس للخلاص :)

ترى أخذت هذي الشهادة من القصمان إللي في الشرقية :)

يقولون ان الخلاص أحلى بكثير :)

[سعودية]

العفاس للخلاص ..

القصمان اللي عندك في الشرقية أكيد قصمان والله اشك :)

أقول يمكن عندهم سكر يعني :)

شوف ما في مثل السكري وبس والباقي كله خس :)

الا البرحي اذا كان وقت هو بسر تعرف وش معنى بسر ولا ما تعرف :)

تحياتي لك :)

[aziz2000]

أعرف معنى بسر :)

اذا كان أخضر .. صح ؟ :)

بس هذولا قصمان أبا عن جد :)

والخلاص عز والباقي ***** تم حذف الكلمة من قبل aziz2000 :)

[سعودية]

البسر يا خوي يعني الأصفر مو الأخضر ..

هناك فرق :)

بعدين الله يعينك على الإخلاص والسكري ما في زيه ابد :)

تحياتي لك :)
غريب راح يجي يذبحنا... قال هذولا خذوا وجه على مواضيعي :)

[مدردش متقاعد]

إن كان في حليب.. آكل كورن فليكس (أبو نمر):)

إذا مافي... آكل بيض (معشوقتي الأولى) مع توست :)

إذا مافي بيض.. آكل توست مع جبت و جام.. (فطور كونتينانت:)) مع كوب عصير أناناس..

إذا مافي شي يستاكل (و هذا الأغلب)... أشرب مووووووية باردة.. بس علشان أسلك ريقي هههه

تحياتي لك غريب:)

بس ممكن قذع من قذوعك.. توني قيام من النوم و مو ملاقي شي:(

[شبوحة]

اكيد داخلة عرض

ياحلات يمعة الناس الذويقة وخاصة فى اصناف التمر

انا يعجبنى البرحى والسكرى والخلاص(علشان ما ازعلكم)

مدردش ياحلات الاكل الاسبيسيال وخاصة لما يكون مافى شى يستاكل(حلوة هذة)

[هبه الرحمن]

جميل أن يكون أفراد العائله مجتمعين وفي أجمل وقت والأجمل إذا اختير المكان المناسب للجلسه وهو مكان خالي من سقف البيت ...

تحياتي للجميع مع أني من مؤيدين فطور الصباح لكن الأجمل من الفطور الجلسة مع الوالدين والاستماع إلى دعائهم للجميع بالصحة والسلامه من الصباح ...هبه الرحمن

[بياع القلوب]

غريب نجد؟؟
هلا بك

بس



وش جاب فنجان قهوتنا عندك ؟؟؟ :(

[توتة]

يوم نجتمع عالقهوة و الشاي
تبدأ الزيطة و الزمبليطة ....
و نتحدث عن آخر الأخبار .. و ما جاء في الجرايد
و عن أشياء كثيرة

و قد ننقسم بعد ذلك الى شلل ...

و قد نشرب القهوة و لكن على دفعات :)

يعني الصبح الوالدة و الوالد

و الضحى انا و اختي

و و قبل الظهر كلنا تقريبا ......

و حتى لو ما شربنا ..

المهم نكون مع بعض :)



و يسعد لي صباحك يا غريب نجد .... :)




:) توتوّة

[FARES77]

الاخ غريب نجد
انا ما فهمت قذوعي تقصد قدوعي على ما فسرتها سعودية.
والله وصاروا اهل الكليجا يعطون دروس السكري و الخلاص و الفنخا

[أسير الليل]

اهلين اخوي غريب نجد..صباح السكري..

تستاهلون ياعم امطار ومين قدك..ومقابل نعمة ربي..

وين احنا ياحسرة..في جدة..في الصباح..ها..

يتناصف النهار..نوعا ما..في الظهر وين رايح..الجن..مقيله..

في الليل امطار..بس من البحر ماهي من السماء..رطوبه.

اخوي الله يهنيك انت والاهل بالقهوه..بس ياليت كان جنبها كاس

لبن..عارف ليه..ناس تحط مع القهوه..هيل ..وناس عويدي..

وناس زعفران..وناس يقولك شعير..سارت شغله..ياليت اجل تناولني

قلاص..لبن..

تسلم حبيبي على هالصباح..تحياتي..

[شاهيناز]

غريب نجد ..مافي اجمل من اجتماع العائله .. تكون فرصه لمناقشه الامور اليوميه وتزيد من روابط العائله وتماسكها.....

اما الفطور انا مااحب الاكل ولا التمر بلذات.....الصباح اجتمع مع الجريده والكوفي فقط.....

[غريب نجد]

انا جييييت :):):):)


الحمد لله وش هالامة كل هذولي يفطرون :):):):)

الله يحييكم والله غالين وعزيزين والبيت بيتكم حتى لو اني مو موجود انا توني جاي من المستشفى كان عندي فحص نظر وياليتني ما فحصت نظر :):):) ............. خلوها على الله

الله عني على صب القهوه وسعودية غصب عليك تشربي من قهوتي قهوة :):):)

تحياتي للجميع