"" السياقة فن وذوق ""

[الفلفل]

كلام فاضي

أقصد العنوان اللي كتبته ..

كلام فاضي من الدرجة الأولى

واللي ما يصدق يطوف في الشوارع ويشوف

أي فن وأي ذوق .. بلا ذوق بلا بطيخ الله يهديكم

شارع إش طوله إش عرضه فيه ثلاث صفوف ومن المفترض إن الصف اليسار

للسيارات المسرعة ، وأقصد المسرعة يعني ما تتجاوز سرعة الشارع

اللي هي عادة 80 أو 100 في أقصى حد .

عاد تعال شوف الناس !!!

اللي يمشي لك يسار على 40 أو على 50 تقول شارع أبوه !!!!

يا أخي الناس مستعجلة تبي تروح الشغل تبي تروح موعد تبي تروح جهنم وإنت على كيفك !!

زين ..

الصف اليمين شنو الغرض منه ؟

طبعا الغرض منه شئ واحد .. إن آنه وأمثالي نروح نطوف منه

يعني هاذي حاله بالله عليكم ؟!!!

اللي يضحك إنك لما تشب الليتات من وراه عشان ينتبه ويتحرك

يقوم يضرب لك إشارة على إنه يبغي يلف في اللفة اللي بتجي

عاد تعال شوف اللفة وين ..

تبعد ما لا يقل عن سنة ضوئية عن المكان اللي انت فيه !!

أففففففف

والله منرفزني هالموضوع لكن عاد شتسوي

لو كنت آنه مسؤول في إدارة المرور كنت أحط قانون لمخالفة اللي

يسوق في الصف اليسار على سرعة ماصخة مثل هالجماعة

فيه دول كثيرة تطبق نظام السرعة القصوى والسرعة الدنيا حلوة الدنيا هاذي :)

خصوصا على الشوارع السريعة ، عشان ما تتسبب في عمل ازدحام مروري

لكن الجماعة عندنا همهم على الفلوس أهم شئ إذا تسرع يخالفونك

أم الكلام الفاضي اللي تسمعه من كل مكان عن حماية الناس

والسهر على راحتهم تراه كله خرييييييييييط .

وإلا واحد يسوق سيارته في السوق على سرعة 15 عشان يدور له موقف

يقوم ينط عليه شرطي المرور ويا دفتره طاااااااااااخ مثل المصارعين

والا هو منسدح فوق السيارة : هااااااااا طحت عليك ليش مو لابس الحزام ؟؟

يا أخي أي حزام الله يهديك الريال يدور له موقف في هالحر وانت حزام

شنو فايدة الحزام في هاللحظة ؟؟

والله ولا شئ ، لكن عاد النحاسة عشان يطلعون من عندك خمسة دنانير بدون تعب .

يالله ماهي سايبه على قولة المصاروة.

نرجع حق موضوعنا

الحل الوحيد اللي أطبقه حاليا هو إني كل ما شفت حد ماسك الصف اليسار

وما تحرك مع أول تنبيه مني ، على طول أرجع الصف الأوسط

وبحركة سريعة ومفاجئة أدوس بنزين وأتوجه بزاوية حادة مقدارها

36 درجة وشخطتين وفووووووووووووووووووووووووووووووووو

طبعا مع مراعاة إني ما أصفقه بالسيارة ولا أصفق الرصيف في نفس الوقت :)

بس .. طلعت حرتي فاش فاش فاش

!! الفلفل فن وذوق وبطيخ !!

[روضه]

انا ادري بهذا العالم !!!!
وكل ما يضرب بريك الدريول انا اشهق ..
صادوك الرادار ...
عادة نحنافى بوظبي يلاعبونهم لعبة " الانتباة وشد النظر " تلقا الوحد حفظ وين رادار وتحت اي نخلة بضبط
عقب كم يوم غيروا المكان " حاسب " الدريول المسكين يعيد حفظ جدول ضرب البريك مرة ثانية
ووويااااااااربي
من خواني عسا الله يحفظهم يسوقون سريع شيط شيط الهوى فى الدريشة
اول ما يوقف خطر عليك تزوع او تظهر من الجامة

باسم لله باسم الله

:) :) مترررررررررروعة

[روضه]

على فكرة

ولهنا علينا

:)

[بنت الغربي]

والله كلامك ميه ميه على قوله المصاروه :)

ولا عاااااد عن شارع الشيخ خليفه!!!! افففففففففففففففف يمللوووووون من قلللللب

ايييك واحد مسرع حده 150 160 وحضرته الي جدامه يمشي 60 جهة اليسار!!!!! والله طرطره!!!

اخوي الفلفل :) لازم تشوف لنا حل في البحرين بما انك عرضت علينا الموضوع :) وانه الحين بعد باخذ اليسن فلو سمحت عجل بالقرار :):):)

يعطييك العافيه على هالموضوع الزين :)

[نعناعة]

الفلفل موضوعك نايس :D

أبوي دائما يقول .. القيادة فن وذوق وأخلاق .. ويقول الشارع ماهو بلنا لحالنا !!


أنا أنبسط مرررررررررة الصبح أناظر يمين يسار .. وأنا رايحة الدوام

شوف أشكال الناس اللي تسوق .. مرة تقول رالي ولا سباق فورميولا ون ولا مدري وش إسمه


أحس الناس تسوق وهي مسيّرة وليست مخيّرة ... ( زي لما بالرسوم المتحركة يرسمون واحد

يمشي وهو نايم وماد إيديه قدّامه !!) أحسهم كذا يسوقون مفتحين بس مايشوفون نايمييييييين


والسيارات قدّامنا يمين يسار يمين يسار ... دنة بشوف حالات الصبح !!

خمسة دينار بحريني يعني خمسين همممممم


الموووووووشلكة أنت تحافظ على النظام والمرور و و و بس غيرك ... لأ!!!

يعني أنت توقف عند الإشارة وتترك بينك وبين السيارة اللي قدّامك مساااافة ..

يجيك واحد من ورا وطاااااااخ !!! كسر لك ظهرك !!

[أصيل الجزيرة]

والله العظيم يافلفووووووول

اني من يوم قريت عنوان موضوعك

قررت اني أكتب لك

والله من زين سياقتك انت يافلفووول

الفن يمين وانت يسار


عموماااااااااااااااااا

موضوعك هيج شجوني

وخلاني أتذكر المعارك الصباحية الدائمة

ترى عندنا وعندكم خير

لو تشوف

أول شيء

عند الدوارات

الأفضلية بالدول المتقدمة للقادم من اليسار

هي هي هي نطبقها عندنا

الأفضلية عندنا للجزوم

يعني تجزم وتدخل طرف أو خشم موترك

عاد انت وحظك

وفووووووووووووووووووووووو

أما عاد عند الإشارات

يووووووووووووووووه

تلقى الواحد يسوق السيارة وهو سادح المرتبه على ورى تقول بغرفة النوم

ورايح فيها

وإلا لو تناظره وتقوله صباح الخير

يلتفت من طفش الزحمه يقول

خير بعينك
وهو مكشر
ياأخي تحرك واترك توزيع الإبتسامات


طبعا عندنا طرق

اللهم ياكافي

أنا أفكر بعدين إذا تزوجت وحملت زوجتي وجت تولد وماجاها ألم الولاده إلا بطلعة الموظفين

وش أسوي

شكلي واحده من ثنتين

أبشتري هيلوكوبتر

أو أطق خيمة عند المستشفى بالشهر الأخير.........الحين بتزعل علينا البدوية جبنا طاري الخيمة


لا وتعال للي تقول اللي يمر من عندك من اليسار

تصدق عندنا الدائري

الناس من كثر ماهم مقربين لليسار

خطر يحطون كفرين على الإسفلت وإثنين على الصبات اللي بالوسط


لا وتعال شوف

عندنا

الليموزينات الأجرة الخاصة

يكون بأخر اليسار

بس يشوف طرف شماغ وإلا عباة

يسفط يمين

تقول شاف امه جت من ديرته

لا
وتعال

للسرعة

وانت تمشي بأمان الله ورابط الحزام ومسمي بالله وتقول يالله صباح خير لاشر فيه

ماتدري

إلا سيارتك زي أفلام كرتون

تدور

تن تن تنننننننننننننننننن

والسبه واحد طاير يبي يلحق على التوقيع

وقع قلوبنا


لا وتعال شوف

أيام المطر

الله

حركات

تزلج بالسيارات

عمرك سمعت تزلج ترفيهي بالسيارة

عندنا

ماتشوفها إلا راحت يمين وبعدين يسار

والله يستر

أكمل وإلا يكفي

[الفلفل]

سلامات سلامات قولي حق الدريول شوي شوي على اختي

!
!
!
!
!
!
!
!
!

ترى أسحب الفيزا :)

!! الفلفل استيراد سواقين وتصدير دلافين !!

[الفلفل]

هلا وغلا بريحة ديرتي

لحظة لحظة ودي أغني

!
!
!
!
!
!
!


نعم نعم نحب هوا الديره نحب هوا الديره

ترررام تررررلالالالام لام لام .. يا سلالالالالالالالالام

احم احم

خذانا الطرب فاش فاش فاش

أقول لج عاد

يوم اللي بتتدربين دوري لج مدرب عدل

مو واحد عيار .. والله بيني وبينج كلهم عيايره

يخليج ساعة تتدربين في الشمس ريوس ( يعني رجوع للوراء بالبحريني

والشرح حق ربعنا :) ) وهو يروح في الظلال ويشرب بيبسي أو يرقد

عاد انتي إن سوى جذي وشفتيه راقد .. رجعي بالموتر على ريله

فاش فاش فاش :)

وإذا هاوشج قولي له إنت ما دربتني عدل ويووووووووو :)

عاد إذا نجحتي من أول مرة أبي حلاوة

وإذا من ثاني مرة عشا وحلاوة

وإذا من ثالث مرة عشا وحلاوة وريوق :)

يعني كل ما تزيد مرات الرسوب عقابج يزيد

أحسن صح ؟

عشان تتشجعين ..

يا خوفي بس المرات تزيد ويخلصون فلوسج فاش فاش فاش :)

أتغشمر معاج وبالتوفيق إن شاء الله :)

!! الفلفل تدريب سياقة وتخمـّس وتقحـّص فووووووووو فوووووووو !!

[الفلفل]

تعرفين شنو اللي ضحكني في السالفة بس عاد لا تطقين زين ؟
!
!
!
!
!
!
!
!
!

سالفة كسر الظهر تذكرت الدعمة اللي بالي بالك :)

!! الفلفل فووووووووووووووووووووووووو.... !!

[الفلفل]

ويا ويهك ؟؟

شنو ما أعرف أسوق ؟؟؟؟؟؟؟؟

تعال أوريك

!
!
!
!
!
!
!
!

فووووووووووووووووووووو

فو فووووووووووو فوووووووووووووووووووووووو

شييييييييييييطططططططططططططططططط طييطططططططط طيييييط

طااااااااااااخ

هااااااا أصيل ؟؟

شبعت ولا أوديك بعد لفة حول الجلسة أخليك تطلع العشا الغدا اللي أكلته فاش فاش فاش :)

!! الفلفل هضم صناعي !!

[بنت الغربي]

هلالالالالالالا بالفلفل :)

لا يبه لتخااف ههههههههه مب اسبه لاني كل يوم اسوق :):):)

يعني بس بعطيك حلاوه :) ولى حلوى شويطر (يعني اكشخ) :)

ومشكور على النصيحه الي بتخلي المدرب يسطرني كف يطشر مخي :):)

اقوووووووول!!!! شرايك انت تدربني؟؟ :):)

[الفلفل]

آنه مستعد أدربج بس بشرط صغنـّوووووووووووووووووووووون هالكبيير

وتأكدي الليسن في المخبه بدون ما تدخلين امتحان

!
!
!
!
!
!
!
!
!
!
!

تلاجة 10 طن كل طن بينطح الطن اللي وراه

وفرن كده طول بعرض اسم النبي حارسو تأولي عليه عامل عماره

ولو ما فيهاش مآخزه يعني إطعتين جلابيه عشان الوله متولي حيخوش لازهر عشان العلام :)

و .. و ... والله أنا حايش لساني الحيا لكن معليش ..

يعني لو تشوفي لي معاكي فدّانين أرض في الحنينيـّه أصلها براح وهواها بيرود الروح

فاش فاش فاش
:)

!! الفلفل رشاوي !!

[بنت الغربي]

انت تامر امر...غالي والطلب همبه :) (هذي وانت مستحي عيل لو مب مستحي شطلبت!!)

من باجر بصرفلك ارضين في راس البر :) غيرهم ماعندي :):)
هههههههههههههههههههه والثلاجه والفرن بعد ماعندي.. الموجود حاليا جوله..تبيها ولا لا؟ :)

[الفلفل]

فاش فاش فاش فاش فاش
:)

والله مت من الضحك على الجوله

مادري آخر مرة متى سمعت هالكلمه فاش فاش فاش فاش فاش

!
!
!
!
!
!
!
!
!
!
!
!

عاد شوفي على طاري الهمبه ترها تارسه السوق هالأيام

سوق الرفاع على أفا من يشيل بس يبي لج عربانه :)

أما الجوله

تعال باقول لج شنو سوي فيها

!
!
!
!
!
!
!
!
!
!
!
!

إش رايج تسوين لي عليها خنفروش ؟؟

عاد ترى ما يعجبني إلا إذا عليه سمسم :)


!! الفلفل قرص طابي !!

[بنت الغربي]

ههههههههههههههههههههههههههههههههههههههههههههههههههههههههههههههههههه
ذبحتني من الضحك والله :)
عاد الخنفروش والله ماعرف اسويه عدل..يعني اييك مستوي من برى بس من داخل ني :):) يعني مثل ماتقول خنفروش بالكرميل :)

شرايك اسويلك خبيص ؟:) ولا بلاليط؟؟

اما عن الهمب الي في سوق الرفاع والله مارحت اشتري لاني ماحب الهمب :) تبي دام السوق يمنى اروح اشتري لك؟؟ :)