غريب نجد
29-05-2001, 03:19 PM
1^
حلو لما يصير العنوان مثير شوي يجيب للموضوع زباين غصب عنهم :):)
تحياتي لكم جميع ومساء الخير واسعد الله جميع اوقاتكم بكل الخيرات :):)
لا يروح بالكم للاشراف بسوالف لا انا إشرافي هذا بغير سوالف :):) كان بمقر عملي اشرفت اليوم ولاول مره منذ فتره على اختبار احد المواد التي ادرسها وكان لي مواقف لا تعد ولا تحصى عموما ما اطول عليكم اليكم بعض الاحداث وتراها طويلة حبتين ..
دخل الطلبة الى القاعه عند الساعه السابعه والنصف صباحا في دبكه وعجلة وحوسة و (( لعوسة )) ما تتصورونها من جد انا ماكنت اشوف حالتنا يوم كنت طالب كان الامر يمكن عندي عادي لانني طالب بس صدق الي قال المتفرج مو زي الي بالميدان .. انتظم الطلبة على كراسيهم استعداد لاستلام اوراق اختبارهم ودفاتر الحل .. قمت بتوزيع الدفاتر اولا وكل ما جيت اعطي طالب سحب الدفتر مني سحب والله كاني انا باكتبهم اعترافات وادينهم على ما يكتبون قلت يا اخوان وش دخلني تراني مراقب ومشرف على الاختبار بس .. والله على بالي اللطف الجو .. ارتفعت الاعين وهي تقول لي دمك ...:(:):) مشيتها لهم طلاب وش اسوي :):) ..
ناس نايمه وناس صاحيه وناس مركبه فوق اكتافها رادار يلقط اي معلومه مضيعه ولا تايهه من هنا ولا من هناك والله يا شباب حاله .. جلست اضحك والله على هالوضع .. توالت الاحداث وبدا كل طالب يمخمخ على اوراقه والله لا يوريكم مواقف تجنن وتفطس من الضحك ومواقف يرثى لها الحال .. اقلام تطير ودفاتر تطيح ورؤس اينعت وحان قطافها ..
جاني احد الاساتذة وهمس في اذني وقال : انتبة الطالب هذا يحاول يغش وتراني اعرفه غشاش نمبر ون !! ابتسمت في وجهه قلت بني وبين نفسي هو الوحيد الي يحاول يغش والله كل الموجودين يتمنون فرصة ويستغلونها لكن هين :):):) ولكن والله الوضع انه مستحيل ما يصير فيه تعديات والذمه يالربع والله صارت مقاس XXXL .. احد الطلبة عائد في المادة اربع مرات قبل ان ادرسها ولما درستها شفته في خلال الفصل الدراسي عدد اصابع اليد :):) كان عنده واسطه وش اسوي :(:( المسكين مريض ونادرا ما يغادر المستشفى عافاه الله مما هو مبتلية فيه .. طلب مني سؤال ولبت له مسرعا قال : استاذ ممكن تساعدني شوي !!! والله المحاضرة هذي ما كنت موجود فيها !!! قلت له ما يجوز لي اعلمك واترك غيرك وانت ما ترضى اخذ في ذمتي شيء .. قال طيب والله انك كريم وحنا نستاهل :):):) تلون وجهي وبغت تأخذني النخوة واقوله كل الاجوبة لكن الحمد لله ربك ستر :):) ناظرت له بطرف عين وقلت له حاول تحل ولا تضيع وقتك .. والتفت للصف الاخر واذا بطالب قد انكسرت رقبته وعيناه فوق حواجبه وظهره تقوس (( يقزقز )) الورقة الي بجانبه قلت له يا اخي اعتدل لا يعورك ظهرك .. قال يا استاذ انا ربي خالقني كذا لا تخاف علي ورجع يقزقز ولا كاني قلت له شيء !!!شكلي ما يخوف الظاهر .. رفعت صوتي عليه وقلت له خل عينك بورقتك قال لي طيب كذا معقول .. الشباب على بالهم امزح وياهم ..
بالجانب الاخر طالب لف كرسية 45 درجه شرقا وعلى باله يستقبل الشمس في الصباح ... يمكن تهل عليه مما علمها ربها .. رجعت كرسية وقال لي تعبناك معنا استاذ :):):) طلعت في وجهه وقلت له تعبك راحه بس خلك بورقتك .. اخونا الاخر مو عاجبه الوضع وقال لي يا استاذ ممكن تقولنا كيف توزيع الدرجات .. قلت له طالع جنب كل سؤال درجته قال والله فكرتها رقم الفقرة :(:) شكلي طولت من جد .. يكفي لهالحد
المشكلة يوم طلعت لقيتهم متجمعين هالطلبه .. نط بحلقي واحد يقول يا استاذا والله حرام عليك لا خليتني اطالع ولا التفت ولا ادبر اموري !!!! واستجرء الاخر وقالي صراحه استاذ مالك حق حرمتنا من رفع المعدل !!!! وثالث ورابع كم كمت وقلت لهم الله يوفقكم جميع ..
تحياتي لكم . . .
حلو لما يصير العنوان مثير شوي يجيب للموضوع زباين غصب عنهم :):)
تحياتي لكم جميع ومساء الخير واسعد الله جميع اوقاتكم بكل الخيرات :):)
لا يروح بالكم للاشراف بسوالف لا انا إشرافي هذا بغير سوالف :):) كان بمقر عملي اشرفت اليوم ولاول مره منذ فتره على اختبار احد المواد التي ادرسها وكان لي مواقف لا تعد ولا تحصى عموما ما اطول عليكم اليكم بعض الاحداث وتراها طويلة حبتين ..
دخل الطلبة الى القاعه عند الساعه السابعه والنصف صباحا في دبكه وعجلة وحوسة و (( لعوسة )) ما تتصورونها من جد انا ماكنت اشوف حالتنا يوم كنت طالب كان الامر يمكن عندي عادي لانني طالب بس صدق الي قال المتفرج مو زي الي بالميدان .. انتظم الطلبة على كراسيهم استعداد لاستلام اوراق اختبارهم ودفاتر الحل .. قمت بتوزيع الدفاتر اولا وكل ما جيت اعطي طالب سحب الدفتر مني سحب والله كاني انا باكتبهم اعترافات وادينهم على ما يكتبون قلت يا اخوان وش دخلني تراني مراقب ومشرف على الاختبار بس .. والله على بالي اللطف الجو .. ارتفعت الاعين وهي تقول لي دمك ...:(:):) مشيتها لهم طلاب وش اسوي :):) ..
ناس نايمه وناس صاحيه وناس مركبه فوق اكتافها رادار يلقط اي معلومه مضيعه ولا تايهه من هنا ولا من هناك والله يا شباب حاله .. جلست اضحك والله على هالوضع .. توالت الاحداث وبدا كل طالب يمخمخ على اوراقه والله لا يوريكم مواقف تجنن وتفطس من الضحك ومواقف يرثى لها الحال .. اقلام تطير ودفاتر تطيح ورؤس اينعت وحان قطافها ..
جاني احد الاساتذة وهمس في اذني وقال : انتبة الطالب هذا يحاول يغش وتراني اعرفه غشاش نمبر ون !! ابتسمت في وجهه قلت بني وبين نفسي هو الوحيد الي يحاول يغش والله كل الموجودين يتمنون فرصة ويستغلونها لكن هين :):):) ولكن والله الوضع انه مستحيل ما يصير فيه تعديات والذمه يالربع والله صارت مقاس XXXL .. احد الطلبة عائد في المادة اربع مرات قبل ان ادرسها ولما درستها شفته في خلال الفصل الدراسي عدد اصابع اليد :):) كان عنده واسطه وش اسوي :(:( المسكين مريض ونادرا ما يغادر المستشفى عافاه الله مما هو مبتلية فيه .. طلب مني سؤال ولبت له مسرعا قال : استاذ ممكن تساعدني شوي !!! والله المحاضرة هذي ما كنت موجود فيها !!! قلت له ما يجوز لي اعلمك واترك غيرك وانت ما ترضى اخذ في ذمتي شيء .. قال طيب والله انك كريم وحنا نستاهل :):):) تلون وجهي وبغت تأخذني النخوة واقوله كل الاجوبة لكن الحمد لله ربك ستر :):) ناظرت له بطرف عين وقلت له حاول تحل ولا تضيع وقتك .. والتفت للصف الاخر واذا بطالب قد انكسرت رقبته وعيناه فوق حواجبه وظهره تقوس (( يقزقز )) الورقة الي بجانبه قلت له يا اخي اعتدل لا يعورك ظهرك .. قال يا استاذ انا ربي خالقني كذا لا تخاف علي ورجع يقزقز ولا كاني قلت له شيء !!!شكلي ما يخوف الظاهر .. رفعت صوتي عليه وقلت له خل عينك بورقتك قال لي طيب كذا معقول .. الشباب على بالهم امزح وياهم ..
بالجانب الاخر طالب لف كرسية 45 درجه شرقا وعلى باله يستقبل الشمس في الصباح ... يمكن تهل عليه مما علمها ربها .. رجعت كرسية وقال لي تعبناك معنا استاذ :):):) طلعت في وجهه وقلت له تعبك راحه بس خلك بورقتك .. اخونا الاخر مو عاجبه الوضع وقال لي يا استاذ ممكن تقولنا كيف توزيع الدرجات .. قلت له طالع جنب كل سؤال درجته قال والله فكرتها رقم الفقرة :(:) شكلي طولت من جد .. يكفي لهالحد
المشكلة يوم طلعت لقيتهم متجمعين هالطلبه .. نط بحلقي واحد يقول يا استاذا والله حرام عليك لا خليتني اطالع ولا التفت ولا ادبر اموري !!!! واستجرء الاخر وقالي صراحه استاذ مالك حق حرمتنا من رفع المعدل !!!! وثالث ورابع كم كمت وقلت لهم الله يوفقكم جميع ..
تحياتي لكم . . .