View Full Version : كيف تحمي ايميلك من (الايادي الطويله)
صمت الكلام
31-05-2001, 04:35 AM
بسم الله الرحمن الرحيم
يمكن كل واحد فينا يخاف ان يجي يوم يروح يفتح الايميل يلقاه ( مغلق بالشمع الاحمر)
انا جربت كيف يكون احساس اللي ينسرق ايميله بس تعلمت كيف احمي ايميلي وهم كيف ارجعه .. لكن المصيبه اذا صاحب اليد الطويله اذا قام وغير كل المعلومات الخاصه بايميلي يعني السؤال السري والبلد اللي انا فيها وغيره وغيره هني عاد (عوضنا على الله)
ابسط طريقه لحماية الايميل انك تكتب السؤال السري باللغه العربيه يعني مثلا اكتب بالسؤال السري ( ما احب الاكلات عندك) مثلا مثلا يعني
وبالجواب لا تكتب جواب عادي يعني مثلا تكتب (بيتزا.. اموت بالبيتزا) :) لا بدل هالجواب اكتب مثلا يعني مثلا الجاحظ ( بس لا يزعل علينا ) يعني الجواب ماله شغل بالسؤال
لان واحد من اسباب سرقة الايميلات انهم اول ما يشوفون السؤال بسيط يقدرون يخمنون الجواب .. يعني بالله اذا انا من الامارات وصاحب الايد الطويله يعرف اني من الامارات وكنت كاتبه السؤال
انا من وين ؟ والجواب اللي راح يجي في بال صاحب الايد الطويله على طول الامارات سواء بالعربي او بالانجليزي
اتمنى اكون افدت
والمره الجايه اقول لكم شلون تعرفون انكم بلوك بمسينجر اصدقائكم :)
تحياتي للجميع
يعطيك الف عافية :)
انا بصراحة السؤال السري ما ظن يكتشفوا جوابه :):):)
لأنه لا عالبال و لا عالخاطر :)
تسلمين على هالمعلومات الحلوة ...
و تراني انتظر الجزء الثاني ... :):):)
على أحر من الجمر :)
تحياتي ,,,
توتة :)
همسه حائره
31-05-2001, 04:45 AM
طيب لو ماقدرت افتح الايميل من كثر الرسايل وخيرني بين
بريد جديد او حذف كل الرسايل وش اختار
ووشلون ارجع رسايلي الي انحذفت
همسه حائره
صمت الكلام
31-05-2001, 04:54 AM
هلا توته
ما تهونين علي اخليكي تنتظرين :)
بس ابي انوه ان البلوك حق شرعي ولا يزعل
اولا العمليه يبيلها ايميل خاص ( ايميل جديد ما تعرفه الضحيه) :)
بعد ما تسوين الايميل الجديده تفتحين المسنجر (مسنجر الايميل الجديد)
اولا تكونين على علم باوقات الضحيه يعني اون لاين ولا لا فاذا انتي شاكه انها اون لاين وانتي بالقائمة الزرقه ( البلوك) قومي بهذه العمليه
بعد ما تفتحين المسنجر روحي على كلمت سند send راح تطلع لك كلمة اذر اخرون other اول ما تسوين اذر راح تطلع لك شاشه تكتبين فيها ايميل الضحية ... بعد ما تسوين اوكي راح تطلع لك شاشة المسيج العاديه اللي تكتبين فيها الرساله اكتبي مثلا مرحبا ...... اهم نقطه الحين.... عند الضحيه راح تطلع لها المسيج هذيه ( رزه) يعني من تحت الطربيزه ما تدري من وين طلعت المهم اذا ردت عليكي وقالت لك بكل براءه هلا :) فهي ان لاين وانتي بلوك ( هذا اذا كنتي بالمسنجر الاساسي تشوفينها اوف لاين) انا ادري كلامي مب واضح شسوي مب متعوه على الكتابه :)
بس ارجع واقول ان البلوك حق من حقوق صاحب المسنجر
هذه الطريقه تقدرين تسوينها حق انك اذا تبين ادزين مسيج حق ايميل وحده بس ما تبين اضيفينها حق ايميلك يعني بس تبين تكلميها من الشباك سوي سند .. اخرون.. واكتبي ايميلها واكتبي الرساله اللي تبينها
ادري طريقه متعبه بس نفعت معاي
توته اذا ما فهمتي على كلامي وتبين تجربين فيني دزيلي ايميل وانا اشرح لك اكثر قصدي افسر اكثر
تحياتي للجميع
صمت الكلام
31-05-2001, 04:57 AM
اختي همسه لو تفسرين اكثر :)
همسه حائره
31-05-2001, 05:06 AM
الحين انا غبت عن الانترنت شهور ويوم جيت افتح الايميل مارضى يفتح وعطاني خيارين بصراحة ماعرفت وشي لاني مااعرف عربي فصيح :)
لكن اخترت ويا ليتني مااخترت مادريت الا فتح ايميلي ومافيه ولا رساله كلهن اتمسحن لا بارك الله في حقون الموقع قهرووني
المهم يالطيبه فهمتي ولا افسر :)
همسه حائره
صمت الكلام
31-05-2001, 05:18 AM
هلا همسه حائره
اختي هي وحده من ثنتين
اما انه على رسايلك العوض
او تروحي على كلمة فولدر folder بالايميل نفسه لان في هذا المكان تروح الرسايل المحذوفه واي رساله ارسلتيها
يعني الحين لو تروحين هناك تشوفين الرسايل اللي حذفتيها مثلا اليوم والرسايل اللي ارسلتيها بعد بس مدري والله تحصلين الضحايا ( رسايلك القديمه) ولا لا
حظ موفق
الملف اللي اتكلم عنه فولدر تشوفينه مع الابشن والكوومبوس
تحياتي لك
:)
عزيزتي صمت ...
يقول لج توتة فهمت .... :)
يا حبي حق المقالب ... :):):)
بروح اجرب ... هههههههههه وبرجع
و تسلمين يا الغالية ...
المشكلة انا اساسا ما احب الماسينجر
بس احب اقفط خلق الله :)
تسلمين :)
عزيزتي همسة ,,,,
شوفي سلة المحذوفات اللي ببريدج بتلقين الرسايل :)
تحياتي ... توتوة :)
همسه حائره
31-05-2001, 06:10 AM
اشكركم من قليبي الي قاعد ينبض الحين
وبروح اجرب الحين لو لقيت رسايلي بطلق زغروووده في سوالف يسمعها الكل
ولو ما لقيت بحط راسي وانجدخ -<--- يعني انام بالفرنساوي
وما قصرتوا حبيبات قلبي (7) -<----- هذا قلبي
همسه حائره
mouza
31-05-2001, 10:21 AM
بالفعل انا تعرضت الى سرقه الايميل كلما كنت احاول ادخل يقولي غلط غلط
حتى قلت ياربي اكيد حد سرق ايميلي ؟؟؟
وتركته وفتحت ايميل جديد
شكرا لمعلوماتك اخي والتي عن طريقتها نستطيع ان نحمي اميلاتنا
من الايادي العابثه
شعنونة سوالف
31-05-2001, 03:50 PM
اقولكم مره اش صار معي؟؟
بس لاتضحكوا :) :)
مره من المرات دخلت ايميلي ولاقيت رساله وضلتني وباسمي...
لما فتحتها لاقيتها من شاب اخترق ايميلي وارسلها لي...
واخبرني انه كان يستطيع يغير كلمه السر ولكنه لا يريد ان يؤذيني وسوف يكتفي فقط بمراسلتي عليه...
انا وقتها ما عرفت اش اعمل وكنت مستعجله علشان اروح المدرسه..
رحت غيرت كلمه السر ومسحت كل ايميلاتي :(
بعدين ارسلت ايميل لصديقين كثير اثق فيهم واخبرتهم ماذا حدث لان عندهم خبره بالكمبيوتر..
احدهم رد على بعد كم ساعه والثاني رد علي بعد يومين ليخبرني انه هو الذي اخترقه ولكن لم يدخله..
يعني في برنامج يسمح له ارسال رساله لي باسمي بس بدون دخول..
كانه احد سكب علي ماء بارده :(
كنت اسمع عن اختراق الايميلات بس اول مره تصير لي بس الحمد الله كانت مزحه..
والذي قاهرني هو اني راستله لكي استنجد فيه لثقتي انه مستحيل يعملها بس بالاخير طلع هو السبب :(
طبعا تصرفي كان كثير ...وبدون تفكير
المبتسم
31-05-2001, 04:03 PM
والله نفس اللي صار
معاي عندي ايميل علي الياهو
وامس الليل كل ما اجي افتحه
ما ينفتح والرقم السري انا حافظه
زي اسمي كيف اتتصرف