#### أمثـــــــــــــــال حجـــــــــــــازية #######

[الدكتور ريان]

مساء الخير ......
ويسعد اوقاتكم بكل خير .....
زارنا قريبا عدد كبير من العجائز جدتي واصحاب جدتي (مازالو على قيد الحياة :):):) ومجموعة من قدماء عائلتي ..وجلست معهم وكانت جلستهم جميلة جدا ...ومااجمل جلست كبار السن ..جلسة صافية نقية بدون القيل والقال ..جلسة رائعة ..اخذو يحدثوني عن مولدي ومولد والدتي ..واماكن والدتنا ..لقد كان حديثا شيق جدا ..تخيل انك تستمع لقصة حياتك وتربيتك وتربية اهلك ....وجدتهم كنز من المعلومات والخبرات ..السابقة ..حاولت ان اكتب بعض قصصهم لكني لم استطع ..ولكني كتبت بعض امثلتهم القديمة ..التي لم اسمعها ابدا في حياتي ..سأذكر بعضها الان ..وقد تحتاج بعض الكلمات الى ترجمة ..فهي باللكنة الحجازية القديمة ...:) ولكن لاعليكيم اي سؤال سأترجمه او يترجموه الاخوان هنا ...:):):):)






عزموهم اتعززوا سيبوهم اتشخرطو

الى بيتو من قزاز ما يرقّع الناس بالحجار..

القرد في عين امه غزال.

الناس في الناس وعزيزه في النفاس

اكلوا المقادم وصاروا اوادم

لما اكل واتكى قال اكلكم مستكه

اذا جيت رايح كتر من الفضايح

ما التقيت في الصباح الا ستي صباح

مالقوا في الورد عيب قالوله يا احمر الخدين

ارضى بقردك لا يجيك اللي اقرد منه

اكل ومرعى وقلة صنعه

الولد لخاله والبنت لعمته


لقمه هنيه تكفي ميه

اذا تبغي تحرمه اسئله

اطعم الفم تستتحي العين

مو كل وش ينقال لو مرحبا

يقتل القتيل ويمشي في جنازتو ..

أتلم المتعوس على خايب الرجا ..

ما أخس من قديد إلا عسفان

المنحوس منحوس .. ولو حطو على قبرو فانوس ..

علمناهم الشحتة .. سبقونا ع الأبواب ..

جا يكحلها عماها ..

ضربنى وبكى سبقنى واشتكى

علم في المتبلم يصبح ناسي

مين جانا ورقد كان فيه بيته قعد

تيتي تيتي زي مارحتى زي ماجيتى


يحسدو الأعمى على كبر عيونو ..

ضربنى وبكى سبقنى واشتكى

متى طلعنا القصر امس العصر


نقول تيس يقول احلبوه

رضينا بالهم والهم ما رضي فينا

البيض الفاسد يتدردب على بعضو

اللي يزعل ببلاش يرضى ببلاش

لاجل عين تكرم مدينة

عويل ولسانه طويل

اذا تبغى حريمته شاوره

لابسه الخلاخل والبلاء من داخل


مين طلع من دارو قل مقدارو

لاقيني ولا تعشيني

ضرب الحبيب زي اكل الزبيب

إللي يده في الموية مو زي إللي يده في النار

الي يأكل الضرب مو زي الي يعده .

إللي لو عينين وراس يسوي زي مايسو الناس

يانحلة لاتقرصيني ما ابغى منك عسل

صنعة أبوك لا يغلبوك

صوير وعوير واللي ما فيه خير

نموت ونحيا بحبك يا يحيى

لاتبيع المويه في حارة السقايين

العتبه تقول للسطوح اللي يجي يجي واللي يروح يروح

سكتناله دخل بحماره

البيت بيت ابونا والغرب يطردونا

لولا الغيره مااتعلمت الصغيره

يموت الكتكوت وعينه على الدشيشه

ضربوا الأعمى على عينه قال هيه خربانه خربانه

الناس في الناس وعزيزه في النفاس

الديك الفصيح من البيضه يصيح

رزق البله على المجانين

ريحة ابو علي ولا عدمه
راحت السكره وجات الفكره

الطول طول نخله والعقل عقل نملة .

الطريق اللي تودي ما تجيب

هذة بعضها :):):) تعبت جدا :):):):) اتمنى الي عنده امثال من اي بلد بس على شرط تكون امثال غير امثالنا العربية القديمة ..اقصد ..امثال البلد بأي لهجة ..يذكرها ..لنا ..وتحياتي

[saeed]

اظن قلت بعض و ليس الكل على العموم الله يطول في اعمارهم و انت تزيدنا بامثالهم و قصصهم

[توتة]

امثال جميلة و مفيدة و ظريفة ....
و على فكرة موجودة كذلك عندنا :):):)




شو السالفة :)

[نجمة المساء]

ريان

اختلفت الامثال

واختلفت اللهجات وجميعها تدل علي حادث معين

[البحاري]

مساء الخير .. دكتور ريان

مااجمل الذكريات .. فقد انتقلت بي الذاكره .. الى الوراء لأتذكر جلسة كتلك التي كنت فيها انت .. وتذكرت .. وتذكرت ..
لدرجة تمنيت أن تعود تلك الأيام .. آه

بالنسبة للأمثال .. لا تحضرني الآن .. فالوكان جدي قريب منى لأمطرتك .. امثالا :) لكن من حسن حظك .. :)

تحياتي

[يعسوب]

رائع ق ليلة كثير على هالجدات والامثال
الله يحفظهم لنا ذخر على طول ......

لي طلب يادكتور ريان

هات حكاوي من عند الجدات نقراها ياليت يادكتور :)

[القلب الوردي]

هلا عزيزي
امثالك ذكرتني بامثال ام جدتي
الي في مكه
لك تحياتي :)

[الدكتور ريان]

يسعد اوقاتكم بكل خير ...

سعيد :
ياهلا فيك ..ويخليك ربي ..ويطول بعمرك ياغالي .

توتة الغالية :
شيء جميل جدا ...نفس الامثلة وقريبة من بعض ..هذا شيء جميل جدا ..:):):) معناها انه ماراح نتعب في الامثلة اذا جئنا عندكم :):):) على كذا راح احفظها جميعا ياهلا فيك ..

نجمة سوالف :
ياهلا فيك ..فعلا كلامك صح :)

البحاري :
ياهلا ياهلا ..ياريت جدك قؤيب انا مشتاق اسمعها ..علشان اجيب شيء جديد للعجائز هؤلاء ..لاانهم يقهروني يعروفون كل شيء تقريبا ..وعلى فكرة لو جدك عزوبي عندي له وحدة بنت 78سنة وحدة الله ..سبحان الي خلقها ..مو ناقصها الا عصاية :):):) وتطير

يعسوب :
ياهلا فيك ياهلا نورت الموضوع ..الله يخليك لنا يارب ..
شوف ياابو اليعاسيب ...علشان اخذ قصصهم يلزمني
4كيلو فصفص 3 كيلو لوز 4 ثلاجات شاهي وقهوة ..وسهرة صباحي ..انا ممكن اوفرلهم الاغراض بأسرع وقت ...واجهز السهرة لكن المشكلة بيجوهم زوار 24ساعة ..(عجوزات الجيران )لكن ابشر في اقرب فرصة اخذ المعلومات اقلك :):):)

القلب الوردي :
ياهلا ياهلا فيك ...ام جدتك !!!!!! ماشاء الله ..الله يعطيهم طولت العمر...ومتى نفرح فيك ياقلب ونشوفك عجوز :):):):):) مثلهم وتحكينا القصص والامثال :)تحياتي

[أسير الليل]

صديقي وعزيزي..دكتور ريان..

صباح الليل..خوش توقيت..

السالفة جلست عواجيز..انتبه عاد لايعدوك ماتجلس الا والعصايه

والكشاف جنبك ههههه.

مشاركة بسيطه كوكتيل..

ذكرنا القط..جانت ينط.

جلد مو جلدك..جر عليه الشوك.

يجيبك الصيف..يا سارق نخلنا.

النار تعقب..الرماد.

صاحب صنعتين كذاب..والثالثه حرامي.

ليالي العيد تبان من..عصاريها.

السقيفه ماتطيح الا على..الضعيفة.

اذا كان صاحبك عسل..لا تلحسوا كلوا.

مادام مال ابوك مأكول..خليك من اكالته.

مالو لا في الثور ولا في الطحين.

حتى يشيب الغراب.



اعتقد كذا كفاية..جدتي بتروح تنام..

تحياتي يالغالي.

[غريب نجد]

يا سلالالالالالالالالام عليك والله روعة يا اخي وش هالابداع :):)

والله ذكرتي بجدتي كانت زمان نصف كلامها حكم :):) الله يرحمها ..

تحياتي لك وصدقني موضوع يمثل لنا شيء مو بسيط

[فلونة]

:D:D

[متعب .ع.ع]

^1
::: هلا بالغالي اخي الحبيب على الجميع ..د/ ريان ...
::: كيفك انشاءالله تكون بخير وعافيه ...
::: مشاءالله عليك وفيت وكفيت بأمثالك ..
::: والله يطول في اعمار اجدادنا ووالدينا جميع ، ترعف الواحد فينا يتلهف بالجلوس معهم ،، بصرحه جلستهم بها فائده . من سواليفهم القيمه وقلوبهم الطيبه ، الله يخليهم يارب ويمد في اعمارهم ،،،،
::: مشكور اخوي وصلت ولا قصرت بأمثالك ...
::: ولك تحياتي ...

[S2000]

بدون تعصب ---------------> يابويا جدة وبس ;)...


ثانك يو دكتور ريان :)

[الدكتور ريان]

يسعد اوقاتكم بكل خير ...

أسير اليل :
ياهلا ..ياهلا حبيب قلبي ..شوها الامثال ..صراحت ماقصرت ولا قصرت الجدة ..الله يحفظها لنا ..يحتاج نضيفها مع شلة جدتي ..:):):) راح تكمل القعدة :):) صراحة امثال جميلة ..وفعلا متشابهة جدا معنا .

غريب نجد :
ياهلا ..غريب ..فعلا جداتنا ..وعبداتنا هم نور البيت ..والله يرحمهم برحمته ..والله يرزقنا طول العمر وخيره ..وعالم الامثال مايخلص ..بحر وانا اخوك :)

انيقة سوالف :
ياهلا ...:):) مساء الخير ..واذا تفتكرين امثال اعطينا :):)

متعب.ع.ع:
وعليكم السلام ياهلا بالغالي ..الله يسلمك ان حاولت اذكر جزء والي ناسيه اكثر والله ..وفعلا وجودهم الرائع وجلستهم ماتنمل ابدا ..انهم رائعين بمعنى الكلمة ..:):) تحياتي ..

S2000: ياهلا اخوي ...مرحبا بك ....وياهلا ..العفو اخوي:)

[لمعة الماسه]

ما شاء الله على امثالكم جني نصهن اعرفهن .......:)

بس انا بقولكم بعض الامثله الشعبيه من الامارات ....

*الي في ا لجدر يطلعه الملاس

* الي ماله اول ماله تالي

* الي مايباك لا تصيح تباه

* العين ما تعلا على الحاجب

* ما مات من بقق عيونه

* الذيب مايهرول عبث

* كدي يا غزاله وكلي يا سباله :)

* طرار ويتشرط

* لو كل من يا ونجر ماتم في الوادي شجر

* دهنا في مكبتنا

* الي ما يطول العنب حامض عنه يقول

وشكرا لكم :)

[الدكتور ريان]

امثالك حلوة توي انتبه لها والله ..وتسلمي :)

[البحاري]

مساء الأنوار .. دكتورنا

والله راحت على الفرصة .. كنت قبل فترة عندي جدي .. وذكر لي بعض الأمثال .. بس ما اكتبتها .. عارف الجو ضحك وفرفشه الواحد مايقدر يكتب شئ من الضحك .. :):)

تحياتي :)

[الدكتور ريان]

مساء الورد ..يحي ...

ولايهمك خذ من امثال جداتي الي فوق ...طبعا علشان أخذ هذة الامثال ..حضرتهم لهم كيلو فصفص(لب)لاانهم يحبون (الفصفص) ويقتاتون عليه :) وطبعا مع براد الشاي الاخضر -المر- مع اني اكره الشاي المر (المر=الماسخ =بدون سكر ) لكن هم متعودين عليه (براد = اقرب مسمى له ثلاجة شاي بالغات الاخرى :)) وبصراحة كانت جلسة رائعة

واكثر ماجعلني ادمع من الضحك هو عندما تكلمو صاحبات جدتي عن اعمارهم وعن عمر جدتي :):):):)كل وحدة فيهم تصغر نفسها عشرين سنة :):):):) واتكلمو عن الطريقة التي اوقعت فيها جدي بحبها ..وطلعو هؤلاء العجائز ماهم هينين بالبلد واتمنى اني اتجمع معهم مرة ثانية ..الله يخليهم لنا طول وقتهم تسبيح وذكر وصلاة والباقي عن حكايات زمان ..تحياتي يحي :)