فرفوشة
26-07-2001, 02:09 AM
بما ان الصيف قرب والسفر حان طاريه محد يلوم اللي يفارق حبيبه <====علي بن محمد على غفله
قلت ابروي لكم ها السالفه اللي قد صارتلي
في الصيف اللي طاف (هه طاف؟؟ والله مدري وشلون طلعت ها الكلمه) المهم قررت انا وواحد من المصرقعين اننا نروح لندن خط ؟
ايه خط وشفيها ,,,, دخلت سيارتي الورشه علشان
يشيكون عليها تعرفون الخط طويل (الرياض-القريات-الاردن-سوريا-تركيا-هولندا بعدين لندن)
طبعا كل ذا الحوسه علشان التذكره غاليه ,,ولا نقوى عليها,,علشان كذا رحنا خط ,,,,,,,, المهم ركبنا السياره وتوكلنا على الله ,,, وسلالالالام يا تركيا مغطه وحده ,, الا وحنا طابين تركيا ,,, قعدنا في الطريق يومين ,, بس والله وساعة صدر (كان معانا سياره بيوك موديل 80 ومشغلين منوعات رباب السعوديه ,, وشاهينا معنا وكل شي)
تعدينا هولندا ووصلنا لندن ,, الله واكبر على المناظر ,,, والله ونطلع الكاميرا حقتنا وقعدنا نصور ,, حتى الاوادم صورناهم ,,, اخذنا غرفه بست باوندات في اليوم (الغرفه حليوه والله ,,بس المشكله في الحمام ونتم بكرامه ,,, ما في الا حمام واحد في اللوبي حق الفندق) المهم قمت من النوم وادور خويي مهوب فيه ,,, دورت عليه في كل قرنه ما حصلته ,,, (انا قلت بس اكيد خطفوه ,, قايله لاتلبس الساعه حقتك وكان نوعها SEKO شاريها من الغزالي اللي في الرياض بأربعين ريال)
انا تنكدت علي الروحه ,, قعدت احتريه ,احتريه,احتريه,,, الين ما جا والله وقوم اسأله ها عسى ما عذبوك واجد,, قالي منهم ذولي اللي عذبوني,,, قلت اللي خاطفينك,,, قالي يا رجال ما انخطفت بس صدع راسي شوي ونزلت ادور على
ميد ابشتري منهم بندول ولا حصلت عندهم ميد؟؟؟
ميد
آآآآخ يا القروي وش بيجيب ميد في لندن الله يفشلك ,,,قالي طيب وش كنت تبيني اسوي ,,, قلت له ميد دكان صغير وما يجي لندن ,,, كان سألت على بنده,,السيفوي يمكن تلاقيها ,,, والله قعد يضحك واعترف انه قروي ,,, المهم طلعنا ذاك اليوم ورحنا لقهوه يقالها الريشو ,, و كانت قهوه راقيه مره ,, طبعا شفنا المينيو (قائمة الاسعار) وسألتهم اذا كان في مينيو عربي قالي الجرسون NO GAD I DONT HAVE (لا والله ما عندي)
قلت لخويي مشينا خلينا نروح لقهوه ثانيه ارخص من ذي شوي (انا حطيت السبه ان ما عندهم مينيو بالعربي,, ولا ترانا تركناها لأنها كانت غاليه مررره) وحنا ماشيين بالبيوك حقنا ,, الا ونسمع هاك الشرطي اللي يزاعق
STOP ON JANB YA RA3Y EL BIOK
(وقف على جنب يا راعي البيوك) انا وقفت ,, يوم جاني الشرطي وقالي الرخصه و الاستماره لو سمحت
وأعطيته اللي يبي ,,, قالي ما تدري انك عاكس السير (أثر سواقتهم تختلف عننا) قلت لا والله ما ادري انا آسف ,,, قالي SORY WHAT SORY (آسف ما آسف )امش معي على القسم قلت له طيب ابصكر السياره واجي معك ,,الا وقالي وهو يبتسم ابتسامه صفرا HH OLD (هه قديمه) تبي تنحاش
,, سلمت نفسي وركبت معاه ورحنا القسم ,,, يوم دخلنا هناك الين خويي اشوفه يضحك
قلت له خير يا عبيد وش يضحكك ,, قالي شف هذاك اعرفه (أشوا طلع خويي يعرف له ملازم هناك وطلعنا ) ,,,,, قررنا اننا نرجع للرياض ,,,,,
رجعنا بالسلامه ويوم قعدنا نحسب التكاليف طلعنا صارفين 25000 رس ,,,اما لو اننا رايحين بالطياره كان قد صرفنا 15000 رس ,,, واخذنا عهد على نفسنا اننا نترك البخل عننا والله يكفيكم شر البخل
قلت ابروي لكم ها السالفه اللي قد صارتلي
في الصيف اللي طاف (هه طاف؟؟ والله مدري وشلون طلعت ها الكلمه) المهم قررت انا وواحد من المصرقعين اننا نروح لندن خط ؟
ايه خط وشفيها ,,,, دخلت سيارتي الورشه علشان
يشيكون عليها تعرفون الخط طويل (الرياض-القريات-الاردن-سوريا-تركيا-هولندا بعدين لندن)
طبعا كل ذا الحوسه علشان التذكره غاليه ,,ولا نقوى عليها,,علشان كذا رحنا خط ,,,,,,,, المهم ركبنا السياره وتوكلنا على الله ,,, وسلالالالام يا تركيا مغطه وحده ,, الا وحنا طابين تركيا ,,, قعدنا في الطريق يومين ,, بس والله وساعة صدر (كان معانا سياره بيوك موديل 80 ومشغلين منوعات رباب السعوديه ,, وشاهينا معنا وكل شي)
تعدينا هولندا ووصلنا لندن ,, الله واكبر على المناظر ,,, والله ونطلع الكاميرا حقتنا وقعدنا نصور ,, حتى الاوادم صورناهم ,,, اخذنا غرفه بست باوندات في اليوم (الغرفه حليوه والله ,,بس المشكله في الحمام ونتم بكرامه ,,, ما في الا حمام واحد في اللوبي حق الفندق) المهم قمت من النوم وادور خويي مهوب فيه ,,, دورت عليه في كل قرنه ما حصلته ,,, (انا قلت بس اكيد خطفوه ,, قايله لاتلبس الساعه حقتك وكان نوعها SEKO شاريها من الغزالي اللي في الرياض بأربعين ريال)
انا تنكدت علي الروحه ,, قعدت احتريه ,احتريه,احتريه,,, الين ما جا والله وقوم اسأله ها عسى ما عذبوك واجد,, قالي منهم ذولي اللي عذبوني,,, قلت اللي خاطفينك,,, قالي يا رجال ما انخطفت بس صدع راسي شوي ونزلت ادور على
ميد ابشتري منهم بندول ولا حصلت عندهم ميد؟؟؟
ميد
آآآآخ يا القروي وش بيجيب ميد في لندن الله يفشلك ,,,قالي طيب وش كنت تبيني اسوي ,,, قلت له ميد دكان صغير وما يجي لندن ,,, كان سألت على بنده,,السيفوي يمكن تلاقيها ,,, والله قعد يضحك واعترف انه قروي ,,, المهم طلعنا ذاك اليوم ورحنا لقهوه يقالها الريشو ,, و كانت قهوه راقيه مره ,, طبعا شفنا المينيو (قائمة الاسعار) وسألتهم اذا كان في مينيو عربي قالي الجرسون NO GAD I DONT HAVE (لا والله ما عندي)
قلت لخويي مشينا خلينا نروح لقهوه ثانيه ارخص من ذي شوي (انا حطيت السبه ان ما عندهم مينيو بالعربي,, ولا ترانا تركناها لأنها كانت غاليه مررره) وحنا ماشيين بالبيوك حقنا ,, الا ونسمع هاك الشرطي اللي يزاعق
STOP ON JANB YA RA3Y EL BIOK
(وقف على جنب يا راعي البيوك) انا وقفت ,, يوم جاني الشرطي وقالي الرخصه و الاستماره لو سمحت
وأعطيته اللي يبي ,,, قالي ما تدري انك عاكس السير (أثر سواقتهم تختلف عننا) قلت لا والله ما ادري انا آسف ,,, قالي SORY WHAT SORY (آسف ما آسف )امش معي على القسم قلت له طيب ابصكر السياره واجي معك ,,الا وقالي وهو يبتسم ابتسامه صفرا HH OLD (هه قديمه) تبي تنحاش
,, سلمت نفسي وركبت معاه ورحنا القسم ,,, يوم دخلنا هناك الين خويي اشوفه يضحك
قلت له خير يا عبيد وش يضحكك ,, قالي شف هذاك اعرفه (أشوا طلع خويي يعرف له ملازم هناك وطلعنا ) ,,,,, قررنا اننا نرجع للرياض ,,,,,
رجعنا بالسلامه ويوم قعدنا نحسب التكاليف طلعنا صارفين 25000 رس ,,,اما لو اننا رايحين بالطياره كان قد صرفنا 15000 رس ,,, واخذنا عهد على نفسنا اننا نترك البخل عننا والله يكفيكم شر البخل