View Full Version : سالفة للبنات
اسراء
29-07-2001, 08:26 AM
كيفكم يالحلوين :)؟
عندي موضوع بسيط وهو حقيقة استفسار او نقول لقافة شوي المهم الموضوع يقول :
كل وحدة فينا حاطة في راسها امال واحلام في زوج المستقبل سؤالي ايش تتمني يكون فيه واذا اتزوجتي وطلع العكس ايش تعملي؟؟:( وانشالله يدخلوه الشباب هنا ويعرفوا ايش البنات يحبوا :) وسلامتكم
عبودي 1
29-07-2001, 12:26 PM
واحنا ليش ما توجهوا لنا السؤال نفسه كيف تبغى زوجة المستقبل؟
;)
تحياتي
اللي ايي من الله حياه الله... ولا مرة فكرت في هالسالفة :)
نمولة :)
سعودية
29-07-2001, 04:51 PM
حلو موضوعك ..
ورهيب بصدق موضوع رائع ..
لكن لا اعتقد أني يشملني هذا الموضوع :p
لاني خلاص لقيت حلمي اللي انا ادور عليه ..
حبيبتي كل اللي كنت احلم فيه لقيته في شخص ابو شيطوني ..
وشكرا لك على الموضوع ..
تحياتي لك :)
سعودية
29-07-2001, 04:56 PM
يكفيك اخوي الموضوع اللي سويته عن زوجته المستقبل ..
يعني هذا الموضوع اسراء مسويته لنا حنا بس ..:)
طبعا لا يشملني بس على الأقل أنا وحدة :p
تحياتي لك :)
و بسبب هالشي .. صرفت النظر عن التفكير ... :)
خواتي ماشافوا معرسهم الا يوم العرس ... تخيلي .. :(:)
و مع ذلك الحمد لله متوفقات ...
و أنا مب أحسن منهم ... :)
اسراء
29-07-2001, 10:29 PM
انا حطيت هالموضوع اخوي عبودي عشان الشباب يعرفوا ايش البنات يحبون وخلها على الله:)
سعودية الله يكتب لك السعادة في حياتك:)
اختي توتة صحيح الحياة قسمة ونصيب:)
ليش نمولة ماتفكرين ;)مشي حالك هوه الموضوع مهو بضروري بس سنة الحياة:)
ما فيه وحده ما تتمنى واحد متزن لا هو مطوع معقد ولا هو صايع رايح فيها ..... الوسط حلو
..... ما فيه وحده ما تتمنى الهادئ ،الخلوق ، الذكي ، المحترم، يعني جنتل مان عن حق وحقيق.....
مافيه وحده ... بترفض اللي فوق كذا الوسيم ، الطويل ، اللي لاهو نحيف ولا متين.....
أكيد يكون ولد عايلة وناس ولاهو طرطور ما معاه ولاهو غني بالمرة ينفخ نفسه على الفاضي.....
مثقف ،ومعاه شهادة ولا أحلى .....وظيفته محترمة ....
وأكيد الرومنسي مطلوب والجفس مرفوض .....
وأكيد ما يكون بخيل ومقتر على روحه...
ويا سلام اذا كان محبوب عندالناس ، عند أهلة وربعه وفي شغله
والمنى لما يكون بار بأبوه وأمه ..... لانه يكبر في عين عروسته 360 درجة.....
وش بعد يا شموع .....
وش بعد!!!!
هذي تقريبا أهم و أكثر الاحلام شيوعا بين البنات اللي اقابلهم ،وبين صديقاتي و.....فيه تفاصيل أكثر عندهم في كل نقطة ذكرتها.... بس يالليت تعفوني من ذكرها اللحين ... !!!
بس صدقوني كل هذي الاحلام تختفي تمامامن مخيلت البنات مع اول واحد يطرق قلبها مو باب أهلها ......!!!
يعني يا شبابنا هذي مو شروط تعجيزية للي مو متوفرة فيه انه يتحطم ..... أو هي اذا كان نصيبها مع واحد شروطها أو خلينى نقول احلامها ما توفرت فيه ، انها تتحطم بعد ......
ابدا ...... كل شي مكتوب .....والحياة تظل حلوووووووه
................. تحياتي ............
سعودية
30-07-2001, 04:52 AM
الله يوفقك يا رب وتلاقين اللي في بالك لو ما كنت بعد لقيتي ..
حبي لك :)
اسراء
30-07-2001, 04:58 AM
صحيح كلامك شموع والله يجيب لك ولد الحلال اللي يحبك و.........
:)
رفيع الشان
30-07-2001, 01:49 PM
اقول شموع..؟
شلون يعني (مطوع وماهو معقد..؟!؟!؟)
عبودي 1
02-08-2001, 10:47 AM
أخوي رفيع الشان
ياحبك لسوالف البنات ;)
ياخوي ابعد عنهم وعن مشاكلهم :)
bint_alriyadh
02-08-2001, 12:21 PM
موضووووع حلو بس يختي يضيق الصدر مدري تحسين الوحده ودها ما تشطح بالاحلام عشان ماتنصعق بواقع مرير ...
تدرين اهم شي يكون الفكر متقارب لان كل شي ممكن تتجاوزينه الا هالمشكله صعبه ترتبطين مع انسان يختلف اختلاف كلي عن طريقة تفكيرك انا احس هذا سبب المشاكل الزوجيه دائما..
الله يوفق الجميع يارب.
قطر الندى
02-08-2001, 02:47 PM
احلامك يا شموع حلوة
ربنا يحققها لك
لكن المهم انه بعد الزواج
يتقبل الطرف الثاني كما هو وما يحاول يغيره
وبقليل من التنازلات تبنى السعادة الزوجيه
أظن كده؟؟؟
حبيبتي سعودية ....
والله انت الرهيبة....
اسراء .... عيوني
الله يخليك ويوفقك بعد.....
قطرالندى ..... هم الله يوفقك بعد....
رفيع الشأن .... بجاوبك ان شاء الله بشكل حلو في وقت ثاني
تحياتي لك .....وللجميع