سوالف للجميع - بلييز ابي حل خاص بالردود بسرعه لو سمحتو

همسه حائره

17-08-2001, 03:41 PM

الحين كل الموضوعات ماشاء الله حلوه وودي ارد على الكل

بس مشكلتي اني قلبي يفرفط على القروش :):)

وشلون اطلع على كل الموضوعات بدون اتصال

تحياتي

رمال نجد

17-08-2001, 03:44 PM

ما يصير
ممكن تتصفح مواضيع سبق ان فتحتها بدون اتصال
اما انك ترد او تشوف مواضيع جديدة ما تقدر :(

همسه حائره

17-08-2001, 03:51 PM

عموما عرفت الحين راسي من رجلي :)

وعرفت اني لا بد ادفع قروش :)

تسلم عبودي1

حسينكو

17-08-2001, 09:30 PM

مرحبة اختي همسة

أنا راح اساعدك تخفضي تكاليف الانترنت

أنا الحمد لله عندي اشتراك مجاني .. من الشركة اللي اشتغل فيها حاليا

المهم قبل كذا .. لما كنت بالجامعة .. كنت اعاني من التكاليف الكبيرة حقة الانترنت

المهم .. عندي الطريقة اللي ان شاء الله بتخفض التكاليف اكثير

لما تعملي اشتراك .. حاولي تعملي اشتراك عند مقدم خدمة متميز .. ويقدم خدمة سريعة ... اهم شي في الانترنت السرعة

الحين عندك انترنت سرعته مقبولة ...

افتحي سوالف ... ادخلي على سوالف الاصدقاء

اخذي لمحة سريعة على المواضيع .. ولموضوع اللي يعجبك .. وقفي مؤشرة الفأرة على الموضوع .. واضغطي على الزر الايمن من الفأرة

بتطلع لك قائمة ..صح؟ ... شوفي الخيار الثاني وهو
(open in new window) أو بالعربي (افتح في صفحة جديدة)

اختاري هذا الخيار ... وبينفتح الموضوع في صفحة جديدة .. لا تروحي على الصفحة الجديدة .. خليكي على نفس صفحة المواضيع

وشوفي لك موضوع ثاني .. وافتحيه بنفس الطريقة وفي صفحة جديدة ... واستمري الى ان تحسي ان المواضيع اللي فتحتيها كفاية

الحين روحي على الموضوع الاول بتلاقيه اتحمل .. ولا تقرئيه ..على طول اضغطي على (رد للموضوع) .. وروحي للموضوع اللي بعده واضغطي بعد على (رد للموضوع) ... وهكذا ... لين تخلصي

بعدها ... اقطعي الاتصال بالانترنت

وابدئي بقرائة المواضيع .. وردي عليها ... كلها وانتي مو عاملة اتصال ... تقدري تستخدمي الازرار (للأمام) و (للخلف) في المتصفح

بعد ما تردي على المواضيع ... اعملي اتصال بالانترنت
وارسلي الردود .. واحد تلو الاخر ... لازم يكون في فاصل زمني بين كل رد و الاخر ..(60 ثانية)

في هذا الوقت تقدري تفتحي مواضيع ثاني .. وتستغلي كل ثانية و انتي عاملة اتصال

وبكذا بتكوني رديتي على أكثر من عشر مواضيع ... في ربع ساعة من الاتصال أو عشرين دقيقة بس

وبتلاحظي ان الفاتورة قلت الى النص يمكن

جربي و ما بتخسري

ولكي تحياتي
حســــــين

نجمة المساء

17-08-2001, 11:33 PM

لا اعلم ماذا اقول او ماذا اطرح لكي من علاج

لكن تقدرين ان تفتحي اكثر من browser او متصفح في ان واحد
بالاضافه الي قراءتكي للموضوعات .

اما من خلال الردود او تريدين الرد علي احد ما تقدرين ان تكتبيه علي notebad وهذذا كل شي

تحياتي ،