PDA

View Full Version : أحلامي تحلق ...والبحــــــــــــــــــر ..عاوز يقضي عليها


ثائر
26-09-2001, 08:52 AM
http://www.geocities.com/madina8/tbaa/tbaa6.JPG



البحـــــــــــر

عالم ازرق ممتد امامي
يرمي بآهات الناس قدامي
زمجر في خلقتي وزاد آلامي
جردني آخر أحلامي
في يقضتي و منامي
...
سألته وش خلاك تهدد و تتقلى
وعن العشاق تصد وتتغلى
تجيهم ..فاكرينك بتيقى وفلحظة تتخلى
وتروح روحة عاصي شايل مصلى
عبالهم بيرجع لكنه لا صام لا صلى
تراهم كاين من كان احاسيس والله
...
قال لي يا ثائر,,العقل و المنطق
يقول ان البحر لا يحجي و لا ينطق
الناس تبي بحر احلام في الهوا تحلق
هواء وهوى وحب واماني وصواريخ تطلق
يا ناس انا بحر ..ماي في الصخر يصفق
وش تبي مني ؟؟ أها اخلص انطق
...
بيني وبينكم .. برد ويهي وانطميت
قاعد اهذر بروحي وقدام نفسي انزفيت
اكلم بحر ..منور ..لا لمبه ولا ليت
يطلع نور؟؟!! ..من عقلي والا انا جنيت
ويقولون البحر يرفع بقعة الزيت
اجل همي من يرفعه؟؟ياليتني ما جيت
...
كان يلخني من وراي شي ..ظنيته كوره
التفت بسرعه ... والا هي صحيح كوره
واحمق على صاحب الكوره
كان اشيلها و ناوي اكفخ جايت الكوره
شوي ,,والا اصبي صغير قال لي :: ما شفت كوره؟؟
وشاف في ايديني ما يشبه الكوره..الا هي الكوره
وبابتسامه عذبه ::::عمو ما يخالف اخذ الكوره
استحيت من نفسي ..و سلمته الكوره
وقلت له هاك ..ولا تضيع الكوره
وراح يركض .. وفرت راسي الصوره
,,,
وش تسوى هالدنيا قدام ابتسامه
حسافة العمر يضيع فعتاب وملامه
حسافة اقزر عمري باعمال الندامه
لازم اشوف حل مع بحر السلامه
...
رجعت للبحر وقلت له :: هي انت
من انت عشان تزجرني؟!؟! لا كان ولا كنت
اللي يتنهزرني ..كني طوفه اسمنت
انا انسان.. كرمني الجليل ولا هنت
...
احلامي مثل شفايف البنت ورديه
رقيقة وشفافة ورومنسيه
تصاحبني في الروحه والجيه
و ما بهدها الا اذا حققتها في الميه ميه
...
يا اخواني و خواتي ..
طولت عليكم ..بس هذي اخر تصنيفاتي
حبيت اشاركم باحلى امنياتي
للجميع باحلى صباح واهدأ الامسياتي

وسلامتكم

:::::::::::

كتبتها وقصدي منها اوصل اشياء اختلجت في نفسي ..وتزاحمت وطلبت الفكه..عاد لما فتحت لطريق لها ..

طلعت كلها جميع ..:)
وتصادموا ..لكن اتمنى تكون امنياتي وصلتكم ..
و آهاتي مرت وعدتكم ..
وقصدي يا حبايبي..ان الاحلام حلوة لكن احلام اليقضة ساعات تكون ضد الانسان وتطلعه من طوره السوي الطبيعي ..
الى الجنون أجارنا واياكم اللطيف الحليم ...
وثبت هذا عند علماء النفس وهناك حالات تتعالج في المصحات من جراء احلام اليقضة ...

عاد جاملوني وقولوا ان الموضوع ...ابتكار :):)

طبعا لكم مطلق الحريه في الرد ..<<= ما عليكم من ثاير
تراه ثاير على نفسه و بسسسسسسسسس:)

شكرا

تحياتي ثــ أحلى صباح للحبايب ــــــــائر

ثائر
26-09-2001, 10:45 AM
للرفع ..:(

سموحة
26-09-2001, 11:20 AM
طبعا لكم مطلق الحريه في الرد ..<<= ما عليكم من ثاير
تراه ثاير على نفسه و بسسسسسسسسس


عيل ليش قلت لي روحي موضوعي وإلا شنو نسيت يمكن قلت راح تعطيني مخالفة

بعدين شنو كل هذا وش قلت احلام يقظة لا لا لا ثائر أف بي أي

هذا يسمونها كوابيس لان فيها صواريخ وطق وزف

يا لله عشانك بس قريت الموضوع مع اني ما فهمت القصد منه زين والمثل يقول ( المعني في قلب الشاعر )

ثائر
26-09-2001, 11:29 AM
سماح ما هقيتها منج ..و الله :(:(

لا لاحول ولا قوة الا بالله ...

طيب ....انا اعلمج شنو يعني اف بي اي ..

بس في الوقت المنااااااااسب :)

سموحة
26-09-2001, 11:33 AM
ثائر لا اخوي بليززززز لا تزعل

خال روحك رياضية انا قلت رايي بدون مجاملة

رجاء لا تشغل الف بي أي علي حرام والله ماني قدهم تقفه

ثائر
26-09-2001, 11:39 AM
شفيج اخترعتي ...
انا قاعد ادرب عليج ..خخخخخخخخخخخخخخخخ

انا ازعل ..ومن سماح ؟؟؟

لا لا لا لا لا

هذي بعد ما هقيتها منج ...

يللا يللا انا كنت امزح ..
لا تنسين انا قلت طبعا لكم مطلق الحريه في الرد

و ما ارد في كلمتي ..عزيزتي ..:)

بلعي رقيه ...( جحه)

سموحة
26-09-2001, 01:57 PM
http://www.swalif.net/sforum1/images/icons/icon12.gif

البحاري
26-09-2001, 04:55 PM
مساء الابداع الغير متهي .. ثائر

اولا .. الصورة جميلة جدا .. تدل على ذوقك الرفيع

ثانيا .. موضوعك جميل

الاحلام حديقة .. جميلة .. محاطة بسور عظيم .. لا نستطيع الوصول إلى تلك الاحلام ..

نرى الجمال .. أمامنا .. ونحرم من النظر إليه

دعنا لأحلامنا .. تبحر بنا .. فنركب معها . ونسير إلى الشطآن المجهولة ... ( كلام صعب مرة ):):):)

تحياتي :)

SAUD33
26-09-2001, 05:33 PM
^1
أنا البحر في أحشائه الدر كامن$$فهل سآءلوا الغواص عن صدفاتي

يا سلالالالالالالالالالالالالالالالالالالام على الصورة الليى تطيب الخاطر :)

وبعدين اشلون يعني البحر بيقضي عليك ؟؟؟؟

ما هقيت انك ما تعرف السباحة !!!!

المهم انت اذا تريد تسبح اسبح وانا معاك لا تخاف :)!!!




أحلامي مثل شفايف البنت وردية
رقيقة وشفافة ورومنسية
تصاحبني في الروحة والجية
وما بهدها الا اذا حققتها في المية مية










على العموم تعبير حلو وجميل !!!


المهم عليك بالماء والخضرة وبالوجه الحسن.






أنت يا بحر أسير آه ما أعظم أسرك
أشبهت حالك حالي وحكى عذري عذرك
فمتى تنجو من الأسر وانجو؟؟..
لست أدري .

دعد
26-09-2001, 06:33 PM
اقولك اسواء شي فيها ولا تزعل... هو شي واحد بس ما عجبني..

حسينكو
26-09-2001, 09:43 PM
هلا بثائر

والله ابتكار

مشكور على الهدية .... أنا اقول هدية لأني باخذها
اسمحلي اخذها ... واسمحلي اهديها بعد ... لاتخاف اسمك بيظل عليها


شكر لأنك وافقت

تحياتي
حســـــين

مرابط
26-09-2001, 11:20 PM
البحر ..... عالم الأسرار المدفونة

البحر ..... ثورة الموج المتلاطم

البحر ..... مد وجزر

البحر ..... المدى الواسع




... عادة , يكون الحوار بين طرفين .........


.....أم تراه حوار مع الذات ؟ أصدق الحوارات ........




تحياتي لأخي الحبيب ....... ثائر

ثائر
27-09-2001, 02:40 AM
بحاري ..مساء الخير ..
صج انكمتشائم ..:):)
يا اخي الدنيا ما تسوى احلم وحقق :):)

حبيبي انته و الله افرح وانا معاك :)

:::::::

سعود ,,,انا اشهر سباح في الشرقيه :)
اذا تبي اسبح معاك يللا تنقى ..القريه و الا العقير و الاهاف مون

ودام التصوير عجبك <<= احس انه عجبك و الا بموت قهر ترى يهمني رايك :(
:):)

تسلم لي يا حبيب القلب و العين :):)

::::::::::::::::

دعد ...ابد خذي راحتج وانا مانيب زعلان ...شنو مو عاجبج ..

ترى ما شفتج كتبيتي شي ...:)
يعني انا ما احلم صح ؟؟؟:)

:::::::::

حسيييين ...:):) كيف حالك يا القاطع ؟؟
تمام انها عجبتك ...:):)
و حلال عليك هي وكل الاصدارات القادمة بفلوس ترى ..:):)
مهنا ببلاش ..:):)
:::::::::::


مرابط ...حلم السعد :)

... عادة , يكون الحوار بين طرفين .........


.....أم تراه حوار مع الذات ؟ أصدق الحوارات ........

هو كذلك ....:(
عاد انشالله عجبك التصوير ....
ترى يهمني رايك :)
يا غالي ..:)

SAUD33
27-09-2001, 05:04 AM
^1

حبيبي ثائر انا عطيتك رايي عن الصورة :)

وانا من عشاق الطبيعة :)

لكن اين هي الآن :(

ليست سوى اطلال :(

على العموم تعجبني اسبح في اللي قلته, وعندك بعد الفناتير

والكثير من الشواطئ وصدقني تراني سباح بعد مثلك ويمكن احسن

حبتين:)

يالله ويش رايك نجرب !!!!




فيك مثلي ايها الجبار اصداف ورمل

إنما انت بلا عقل ولي يابحر عقل

إنما انت بلا ظل ولي يا بحر ظل

فلماذا يا ترى أمضي وتبقى؟؟

لست أدري .

ثائر
27-09-2001, 05:13 AM
,^2<< يا اخي رد مرة لي سلام :):):)كلا انت ؟؟؟:)

اوكييييي ...امرنا لله :):)

والله انا بعد من عشاق الطبيعة ..و عشاقها :):):)

و خصوصا البحر ..اللللللللللللله انا مغرم فيه :)

ودي اعيش في جزيرة في البحر الكاريبي :)

والله حلمي اني اعيش في جزيرة :) بس مو هندي حمر :):)ههههههه

ممممممممممممممم يللا انشالله في الجنه :):)وياك سعود :)

و من ناحية السباحة مانتيب احسن مني ..يالشاهين<<اسم الصقر.. :):):)

SAUD33
27-09-2001, 05:29 AM
^2
^2
هلا بعدك ما نمت ؟؟؟:):):)

يالله انا باروح اصلي وبعدين ارد لك :):):)

بس تكفى شوف السطر الأخير إذا ....

وصححه بليز اذا ما كنت انا غلطان :)

الله يجمعنا في الجنة :)



يا من ارجوه لكل خير وآمن سخطه عند كل شر

يا من يعطي الكثير بالقليل

يا من يعطي من سأله ومن لم يساله ومن لم يعرفه

تحنناً منه ورحمة

اعطني بمسالتي اياك جميع خيرالدنيا وجميع خير الآخرة

واصرف عني بمسالتي اياك جميع شر الدنيا وشر الآخرة

فانه غير منقوص ما اعطيت وزدني من فضلك ياكريم

ياذا الجلال والاكرام يا ذا النعماء والجود

يا ذا المن والطول حرم شيبتي وشيبة

والدي والمؤمنين والمؤمنات على النار


وصلي على سيدنا ونبينا محمد وآله الآطهار .

ثائر
27-09-2001, 05:39 AM
شفيك ..؟؟؟ انا ما كتبت شي غلط ....!!!!!

يعني راجعت السطر الاخير ..وما شفت فيه الا المدح والوناسة !!!!

بسم الله عليك ....:(:(

انا لله ...

والله حاله ..يعني ما تبي مدح ؟؟؟؟؟؟

:):):)

SAUD33
27-09-2001, 05:55 AM
^1

فاتت عليي 1/0 ما عليش :)

المهم اذا ودك والله تسبح معانا ترى انا واولادي

حاضرين :) لأنهم دائما معاي في البحر :)!!

ما سمعت المثل اللي يقول:-

فرخ الوز عوًام :):):)

والبحر عندي وقريب جنب البيت والله خمس دقائق مشي :)

ثائر
27-09-2001, 06:08 AM
^2

يعني الحبيب ..من الدمام :):)

أوب ...اولله ساعتين الاربع مشوار ..مو خسارة فيك :):)

يا حظكم :(:(:(

يللا لمن انقل الدمام .. و الاما تدري يمكن أتعين عندكم في الدمام ؟؟؟

مو بعيد عن الله ..:):)

SAUD33
27-09-2001, 06:20 AM
^1

يعني انت في الأحساء ؟؟؟؟؟؟؟؟؟؟؟؟

على العموم الله يعطيك مرادك ومتى إنشاء الله بتتعين؟؟

ثائر
27-09-2001, 06:25 AM
الله يسلمك ...:)

ممممممم والله التعيين ,,,في علم الله

انا قدمت اوراقي ...و الباقي على رب العباد :):)

يعني هم معطيني راحة شوي اشم نفسي فيها بعد سنين الدراسة :)

تصدق اول ما تخرجت ..تأملت ...

سطعشر سنه دراسه ؟؟؟؟؟؟

وكلها كد و مذاكرة ..وياليت في الاخير جبت اللي ابيه ؟؟:(

بس الحمد لله انا تخرجت ومسكت الوثيقة :)

و هذا غير انشالله الوثيقة الاعظم اللي راح امتلكها بعد الدراسات الحوزويه..قول يارب اوصل للي أبيه ...

انتظر ذاك اليوم اللي اقبل فيه ايدين اكبر المراجع :):)
اي و الله :)

SAUD33
27-09-2001, 06:36 AM
^1

الحبيب ثائر والله كل يوم عن يوم يزيد غلاك :)

وانا مرتاح ان فيه ناس طيبين مثلك وامثالك:)

على العموم وقت اللي تريد تشرف عندنا عطني خبر !!

والله انك رايح ترتاح :) واعرفك على ناس يحبهم قلبك :)

وتستفيد منهم :)

على العموم انا حاولت اسوي ليي ياهو مسينجر

بس والله على شان خاطر عيونك بي للاسف ما يزبط معاي :(:(

ليه ما تحاول انت تعمل لك هوت ميل ؟؟


يا شيخ روح روح




















روح روح





















الله يفتح في وجهك كل خير





ويوفقك..:)

ثائر
27-09-2001, 06:46 AM
^2
الله يشرفك بشفاعة آل محمد ..اللهمصل على محمد وآل محمد

على هذي الدعوات اللي يحبها القلب ...

والله انت مكسب :)

بس لا تجيب طاري الهتميل .:(:(:(

والله جنني و طلع قروني :(:(

يمكن سويت له ديليت و ري انستل عشر مرات ..وايميلات في الهتميل ولا سبع وثلاثين واحد وتسجيل باسبورتات يمكن ثنين وستين واحد

وكل ما اسوي تسجيل دخول هتميل يقولي يمكن الخدمة غير متوفرة والا انت مو متصل بالانترنت <<= اجل انا متصل بالتلفزين:(

بس يمكن هذا لأنه اشتراك ارامكو ...يخافون ننحرف :):)

شوف انت حاول تزبط الياهو عندك ..وانا بادبر لي بطاقة انترنت اخليها سبيشل حق المسنجر هتميل :):)

وش رايك ؟؟؟؟؟

SAUD33
27-09-2001, 07:03 AM
^1

خلاص ولا يهمك انا با حاول وانشاء الله

ما يصير إلا الخير .

ثائر
27-09-2001, 07:25 AM
^2

و انا في الانتظار ...

على العموم وش صار في انترنت ارامكو مع جماعتك ؟؟؟

والكتاب وش اخباره ؟؟؟قدرت تحصله ...؟؟؟

SAUD33
27-09-2001, 08:13 AM
^1

على العموم انا سالت الشباب قالوا انه متوفر

في معظم المكتبات !!!!

وبالنسبة لاشتراك ارامكو والله زوج اختي يبحث !!

دعاء

ثائر
27-09-2001, 08:30 AM
^2

اليوم انا اجيبه ...باذنه تعالى ..

و الله يرزقك البلاش ...يالله تعطيه يالله

و الله انه يستاهل كل خير يالله وانت ادرى ..
يا كريم ...تفتحها في وجه هالرجال الطيب ...

SAUD33
27-09-2001, 08:49 AM
^1

والله من طيبك يا ثائر :)

والله يسمع منك :)

ياليت انك قريب من عندنا كان الليلة جمعة

ودي اروح معاك محل يحبه قلبك !!!

من الساعة 30/9 الى الساعة 12 :)؟؟

وودك كل اسبوع كذا؟؟!!!:)شيئ ما شفته بعينك

ولو تشوفه ما ودك تفارقه جمعة واحدة!!!

إيه ولدي العاقل يفهم ..


















يا سيدي..ياسيدي..ياسيدي

فوالله لو لم تكن إلا هذه الكلمة لكفتنا :)

يا سيدي..يا سيدي..يا سيدي

ثائر
27-09-2001, 09:02 AM
^2

وانا ودي اكون يمكم بعد ...بس ظروفي تمنعني ..:(

لكن الميل وصلك و الا ..تقول بتجيني عل الياهو مسنجر ؟؟

ما جيت ؟؟؟

SAUD33
27-09-2001, 09:40 AM
^1

حاولت اضيفك بس الدعوة مضيجة خلجي ما تيي :):):)

المهم شيكت على الميل حقك ا؟؟؟

دعد
27-09-2001, 05:52 PM
ليش دخلت فيها اللهجه العاميه؟؟ بس هذا هو..الي مو عاجبني

حسينكو
27-09-2001, 10:39 PM
هلا ثائر

من زمان استخدمت القصيدة

ووزعتها

واذا صدتني خذ فلوسك
:)

قال ويه قال بفلـوس
جؤجؤجؤجؤجؤجؤجؤجؤجؤ