هزيم الرعد ...<===<< يكرم السلاله القنيبريه

[ثائر]

^1

اخواني و اخواتي ....اعضاء سوالف ...

يسرني و يطيب لي و يعطر لي ..اني اقدم مسابقة القرآن الكريم

لا ترتاعون ما فيها حفظ غيب ولا تسميع و لا تلاوة حتى ...:):)
لكنها عبارة عن تسليط الضوء على الاعجاز القرآني و ما فيه
خبايا و اسرار ...

المهم ...

راح تكون المسابقة عبارة عن اربع مراحل
المرحلة الاولى عبارة عن 3 اسئلة
المرحلة الثانية ...... 4 اسئلة
المرحلة الثالثة ...... 5 اسئلة
المرحلة الرابعة تصفيه ..الاسئلة على حسب الجو
كل فرقة سيوجه لها اسئلتها بالاضافة الى سؤال عام لكل الفرق
غالبا ما سيكون عام ارج عن القران الكريم ...
نحتاج فيها الى 5 فرق كل فريق يضم عدد مشتركين (5) عشان تكون شاملة لأكبر عدد ممكن من المشتركين

وشوفو ...ما ابي خناق و لا كل واحد يفقع موضوع عشان يتشاور مع زملائه انا انشالله بنظم لكم موضوع خاص بالتشاور ...و بالنسبه للسؤال العام ..عشان تكون هناك امانه و ما ينظلم احد لازم تتشاورون فيه بالايميل او المسنجر و دبروا نفسكم عاد ....:)
واللي ما راح يتقيد بالقوانين يعرف وش ينتظره <<= ينسحب احسن له والا هناك غرفة ظلمه و فيها فيران وبدون تهويه وبندخله فيها يتسامر مع الربع :):):)


و هذي المسابقة انا قررت اسويها تكريما لذكرى السلالة القنيبريه <<= و الله اني مو قادر اتخيل انه مو راجع :(

الا وهو لؤي سالم اقنيبر <<= ترى انا ما قلت انه مو راجع
هو وعدني انه بيرجع بعد اسبوع وهذا هو الى الان ما بين :(
و ما صبري الا بالله ...ونعم بالله :)

المهم راح انزل موضوع اعلن فيه عن فتح باب الاشتراك


بالتوفيق انشالله ......

ترى المسابقة ممتعة وفيها اشياء جديده وحلوة صدقوني


هاه وش رايكم ؟؟؟؟

اباشر في الموضوع <<= عاد انا اللي بانتظر موافقتكم :):)


the F.B.I

ثائر هزيم الرعد و الاعصار الهادر

[زمردة]

افتقدنا مشاركاتكم الهادفة الطيبة .. أنت والأخ الفاضل اقنيبر .. نسأل الله أن يرده سالماً غانماً ..

وأرجو أن تسجلني معكم في هذه المسابقة القرآنية ..

[كتشب]

اول ماشفت الموضوع دار في بالي مسلسل كرتون اسمه هزيم الرعد وقلت هذا ثائر بيعرضه هنيه عندنا

كده عاد تكسفني بس ماعليه سجلني وياك بعد ونشالله بشارك وياكم


وسميني اسم حلو ولاتنسي تعزم عيال عمي كلهم وخاصه لوبيز

[ثائر]

و لؤي هذا الله يستر عليه من اللي بسويه فيه اذا اله رجعه بالسلامة ....

اخاف ان الولد تزوج و احنا ما ندري ....:):):)
يللا الغايب عذره معاه ..

و انتظري الين انزل موضوع التسجيل و سجلي رسميا ..اوكي ؟؟

:):)

كتشب ....

هزيم الرعد هزيم الرعد
هزيم الرعدي هزيم الرعد ..

ابرقي ارعدي ابطالا وعدوك انبل وعد
جاؤك بصوت الحق الهادر كهزيم الرعد

هزيم الرعد هزيم الرعد
هزيم الرعدي هزيم الرعد ..

هههههههههههه احلى مسلسل ...
و التسجيل بيكون في موضوع التسجيل ما هنا واسطات :):)

[حسينكو]

يا هلا اخي ثائر

سلامي لأخونا لؤي ... واتمنى عودته بسرعة وهو بخير وسلامة

انا معاك يا ابو الثوار

وبارك الله فيك ... فكرة المسابقة كثير حلوة

وانا احب اكون مشارك

حطني في فرقة زي الناس اوكي

يالله تحياتي واتمنى النجاح للمسابقة
والفائدة لجميع الاعضاء

اخوك
حسين

[ثائر]

وتشكر على تشجيعك ....يهمني اراء احبابي في مواضيعي ..

و التسجيل راح ينفتح وكلكم سجلوا و احنا بنشوف و الاولويه للاسبق ...

و الاسامي بتكون زي الاوادم لا تخافون ...ما حنا جايبينهم من عطارد ..:)
و ابو الثوار ....معاك حسيين بو علي

[مرابط]

المرابط حاضر ..... شرط يكون أخوي سعود وياي ...............


بارك الله بك , وجزاك كل الخير


هكذا يكون الوفاء ..............

[ثائر]

سوالف بنورك قد اشرقت ... و اورق العود بجدواك

بالطبع سعود ويانا انشاء المولى القدير ...

ما لنا غناة عنه ...ولو ما سجل بسجله انا <<== لاتعلم احد واسطه

عز الله انفضحناااااااااااا:):)

الوفاء ..مصطلح كبير المحتوى لا استطيع حمله يا اخي مرابط بالقدر الذي يستحق ...ما انا الا عبد فقير

[ثائر]

للرفع

[زهرة الكركديه]

الصراحة اول ما شفت العنوان
قلت اكيد يقصد هزيم الرعد ...المسلسل الكرتونى اللى كانوا يطلعونه فى سبيس تون

[عاشقة]

حااااااااااااااااااااااااااااااضر

معاكم
لا أوصيك ثائر أفندي:)

تحياتي

[ثائر]

اوقفي معووجه و تكلمي عدل :):)

ما قلتي وش رايج في المسابقة <===<< ابي ارزج و ارفع من معنوياتج:)

::::::::

هزيم الرعد هزيم الرعد
هزيم الرعدي هزيم الرعد ..

ابرقي ارعدي ابطالا وعدوك انبل وعد
جاؤك بصوت الحق الهادر كهزيم الرعد

هزيم الرعد هزيم الرعد
هزيم الرعدي هزيم الرعد ..
/////

من يعرف كيف يكون ......محبوبا بين الناس

يسعى و يحاول نشر السعادة

[ثائر]

قلنا التسجيل بينفتح ...<===<< ماكو واسطات :):)

انشالله بتلحقين على التسجيل ....

و ان ما سجلتي ...باقتلج ....فاهمة ؟؟؟؟؟

:):):)

[زهرة الكركديه]

انا مرة ثانية بغيت اقول شى بمناسبة الحديث عن هزيم الرعد
فيه دايما في المسلسلات الكرتونيه اللى يطلعونها ها الايام ..تكون شاراتها الغنائية وايد روعة ولفت انتباهى اسم ملحن ومؤدى اللى اهو ..طارق العربي طرقان واكيد اهو سورى الجنسية غير البنات والشباب الثانيين اللى معاه
واعذرنى يا ثائر لانى بطلع شوى عن موضوعك بس بغيت اعرف
احد منكم يعرفلى سبيل للوصول لهذا الفنان واجراء حديث معه
الشيمة شباب تدورونلى عليه
لانه بالفعل انسان موهوب وعليه صوت اللهم صلى على النبي

[زهرة الكركديه]

زين باوقف عدل وبتكلم معوجة
وايد روعة فكرة المسابقة وسجل اسمى لانى ناوية اقصقص يناحاتكم وافوز عليكم كلكم....ززباستثناءك طبعا

[ثائر]

هلا و الله هلا ....


تبين تجرين لقاء مع طارق شرقان <==<< عزت اللللله رحت وطي
احم احم اوكي ...آآآآآآنا طارق اجري لقاء يللا <==<< قويه



انا الصراحة ما ادري وش لون اجيب لج تليفونه ..

بس اعتقد لو تتصلين على سبيس تون بيفيدونج ...جربي :)


و الا تلفزيون سوريه ...جربي برضو ...

::::::

المسابقة ...انشالله تكونين من الفايزين ....

[سراب]

^1


فكرة رائعة أخي ثائر،

إن شاء الله موفق، ونحن معك

جزاك الله خيرا

[زهرة الكركديه]

ومنو قالك انى اريد رقم تيلفونه عزت الله انت اللى بتروح وطي انشالله على يدى........
يا ريال انا ابغى اعرف عنه بعض المعلومات كاى فنان ثانى يستحق اجراء مقابلة معه .بعدين انا ما ابغى اتصل بسبيس تون او غيرها ياخى المكالمة بذيج الحكية وما يندرى بعد يمكن يلعوزونا ويخلونا على الخط ساعة او اكثر
بعدين اسحب كلمة شرقان احسنلك.لانى بالفعل معجبة جدا بهذا الفنان
والمسابقة بعدنا على كلمتنا

[ثائر]

علامج عصبتي جذي ....؟؟؟؟؟؟؟؟؟؟؟؟ظ

يعني انتي مو قلتي :

واعذرنى يا ثائر لانى بطلع شوى عن موضوعك بس بغيت اعرف
احد منكم يعرفلى سبيل للوصول لهذا الفنان واجراء حديث معه
الشيمة شباب تدورونلى عليه

و الا انا غلطان يا جماعة ..؟؟؟؟؟

شمعنى اجراء حديث معاه غير تكلمينه ....

و انا ما كان قصدي مكالمه من اللي اياهم الله يهديكم يالبنات ان كان انكم غربلتوني والله <==<<< والله انا الان معصب حدي

واسمه طارق طرقان ....جعل الله يطرق ابليس و اهله


شوفي ...مرة ثانيه ما راح ارد عليج .............يللا

و المسابقة مفتوحة للجميييييييييييييييييييييييييع

واذا تبين تشاركين سجلي لما يفتح التسجيل ...أوكي


))))))))))) انا مو مسؤل عن حماسكم الزايد في الكتابه ((((((((

[زهرة الكركديه]

لا يا ثائر لا تعصب ولا تزعل الله يهديك
انا مو معصبة والله ارد عليك وانا اضحك .اشوف كان اسمك يخليك تثور بسرعة..... غيره .....سم عمرك هادى شو رايك بس حلوة غربلتونى هذى الله لا يغربلك ابدا انشالله
بس يعنى درءا للشبوهات كنت اقصد اجراء حديث معه في التلفزيون وتقعد اختك الزهورات تطالع
شو بعدك معصب اسمحلى

[ثائر]

خلاص حصل خير ....

المهم اسم هادي هو اسمي الثاني ..

و لاني معصب الان و لا شي ...انشالله يسوون له لقاء في سيريا تي في

ويغربلونه المذيعات و تستانسين ....

بيني و بينج ....حتى انا جاتني فترة ابي اشوف شكله ...يشبهني و حلو مثلي والا لا <==<< شششششششششششش سر هذا اوكي :):):)

يللا استعدي للمسابقة زهور <<==<< وش رايج تحطينه في توقيعج اهداء من ثائر ؟؟؟:)

[زهرة الكركديه]

اي سر الله يهديك فضحت عمرك اللى بيدش على موضوعك بيقراه
امزح ..بس انشالله يسونله لقا ء
يعنى كنت تبا تشوفه لااااااااااا....والله وصدتك
يوم اقولك انه انسان متميز ومو طماع لو احد غيره بيتشدق وبيقول اظهر على التلفزيون عينى عينكم بس ياليته يتشدق ويسوى جذيه
اوكى هادى

[ثائر]

حتى اللي مب ينتبه بيرجع فوق وبيقرا ..:):)

اذا تشدق طارق ...ثائر الهادي وش يسوي ؟؟؟:):):)


:::::::::::

سرااااااااب ...اشكركم..على دعمكم ...وجزاكم الله الخير عني

[زهرة الكركديه]

اه يا ثائر جملة ولا اروع شو ها الابداع يا ريال يخسى شكسبير حذاليك
اذا تشدق طارق اه
.اه يا ربي ....ههههههههاهاهههاههاههاهاههاهاهاها
هاهاهاههههاهههاهااههااههه بموت الحق على
والله انها فضيحة اموت من الضحك بروح اكتب وصيتى واتهمك فموتي هههاههاههاههاهاهاههاهاه

[ثائر]

اذا تشدق ثائر <===<< ما ادري ليش تذكرني بتأبط شرا :):)



مسكينه زهور ..ماتت و ما تهنت بشبابها :(

:):):)

[زهرة الكركديه]

حاشا ما يخلصنا
تبانى اموت.......... على كل حال كان حوار ممتع وجميل معاك يا سى ثائر الهادى وانا وايد سعيدة معاكم في سبيس تون اووووه اعتذر قصدي في سوااااالف
ثائر استهدي بالله ابوى وعين خير
وانشالله اجري معاك حوار ثانى اكثر فائدة واشد اثارة
شو رايك باختك زهورات .....ما انفع مذيعة برايك.
مشكور

[كتشب]

والله وكشفتك ياثائر ياابن عمي لوبيز افندي

وحافظ النشيده كمان وتعال للست كركديه هانم كان بتابع مسلسل الكرتون...:):)

بس تصدقو بالله انا احب سبيس تون موووووووت وخاصه يوم اجلس اتابع الكرتون وفي ثمي كتشب:)


خبرني يااستاز ثائر عن التسجيل اخاف ماانتبهل من كثر المواضيع

[SAUD33]

^1

اللهم صلي وسلم

وزد وبارك

على رسول الله

وآله الأطهار

اهلا هلا بك عدد ما هلت العين عبرات

نورت القسم يالزين يمطول الغيبات

حبيبي موضوع يستحق المشاركة فعلاً

واشكرك من اعماق قلبي انت مع الغالي

اللي في بالي :) يالله اقول ليكم من هو:) ولو تدري

أكيد انكم عرفتوه ؟؟؟؟؟؟؟اللي في بالي هو!!


والا تدروا قولوا انتوا!!!؟؟؟







اختر قرينك واصطفيه تفاخراً

إن القرين الى المقارن ينسب

[ثائر]

تنفعين ..الله يعين طرقان ....:):)

:::::::::

كتشب ....حتى انا اموووووت في سبيس تون ..:)

بس هذا ما صار كتشب .. صار مميه ( رضاعة ) :):):)

::::::::::::::

سعود الغالي ...

^2

هلا و الله ... اللهم صل على محمد وال محمد ...

و الله النور من اصحاب النور ...اللي ينشرون النور ..

رفيقك الغالي هذا اكيد نعرفه .. ولو :)

هل يخفى السعد .....:):):)

[زهرة الكركديه]

لا تتفاول على بعدنى على قيد الحياة
ومشكوووووووووووور على الحوار الممتع

[زهرة الكركديه]

اقول كتشب منو ما يحب سبيس تووووووووووون صحيح انا الحين كبرنا وصرنا شباب بس الواحد ومهما كبر يبقى طفل
ولو الله عطانى عمر وكبرت وصرت عيوز ببقى اطالع سبيس تون

[البحاري]

كيف تنظم مسابقة .. بدون أذن مسبق مني .. والمشكاة ما ذكرت اسمي :)

أتمنى لكم التوفيق ..

[HaDeeL]

انا انا انا انا انا انا انا انا انا انا


انا انا انا انا انا انا انا انا انا انا انا




لازم تسجلوني

يعني في مسابقة و ما تقولون حق هديل


الحمامة السوداء ستنتقم


يلا سجلوني اوكي



ههههههههههه


امزح بس سجلوني

[ثائر]

اني من قبل لا انزل الموضوع و انا اتصور اسمك اول واحد بيرد علي ..و ظليت انطر وينه هل الباحري هذا ؟؟؟

و مستغرررررررررررررررررررررررب !!!!!!!

شلون ما يرد على موضوع مهم مثل هذا ..؟؟!!!!:(

تعودت اني اشوف اسمك في كل مواضيعي و عادة اول واحد تقريبا ...

يللا حصل خير شوف اذا لك تعليق على التنظيم ترى يهمني رايك .:)

بتسجل معانا طبعا ...<==<< ان ما سجلت علقت مشنقتك بسوالف :):)

فاهم ؟؟؟؟؟

:):)
تحياتي لك ...

الا على فكرة بحاري في ميل وصلني و مانيب عارف منهو صاحبه و المشكلة ان كلامه كله غزل ...و يطينها و يرسل لي ميل ثاني العن ذكرني بقصايد نزار قباني ...:) وشكله مو بنيه ...
شلون اعرف راعيه ؟؟؟؟

[ثائر]

هههههههههههههه امزح معاج ...

خلاص سجلي لما نفتح باب التسجيل لا تخافين ما فاتج شي ..

يللا رجعي مسدساتج ...:):):)

[ثائر]

اللي سجلو في هذا الموضوع راح اعتبرهم مسجلين في موضوع التسجيل الرئيسي ...

مفهوم ...:):)