View Full Version : خلونا نرد لورا شوى....نتذكر ايام الطفولة الحلوة
زهرة الكركديه
29-10-2001, 11:39 AM
...السلام عليكم
اكيد ماحد يقدر ينسى ايام الطفولة لانها احلى الايام..اللى عشناها وما راح ترجع
واللى يتذكر موقف من يوم هو ياهل يقوله وخلونا نعيش ذكرياتنا مع بعض بحلوها ومرها ......
لما كنت صغيرة ....كان ابوى وامى يحبون قيلولة الظهر مثل كل الابهات والامهات .وما كانوا يرضون لنا ابدا انا نطلع من البيت علشان جذى كانوا يقفلون الباب علينا ويقولون لنا العصر انشالله بنخليكم تروحون وين تبون
اخوانى اللى اصغر منى حليلهم كانوا على الامر .....يعنى مسالمين ومطيعين اما انا واخوى العود .....كنا نشرد من البيت ونطلع من الجدار .(كان عندنا بيت شعبي وحوش )
اخوى كان يعفد اما انا اداري على عمري واحطى رجلى على الدريشة وبعدين اسوى قفزة وهات يا ركض ونروح الخرابة
ونيلس ندور عن بعض الاشياء ونرجع هلكانين من العطش ..والخوف ليكون الوالد او الوالدة ينتظرونا بفارغ الصبر......
المهم كررنا هذا الشى ثلاث مرات نشرد نروح الخرابة ونرجع ميتين من العطش ....
لحد يوم قالى اخوى احنا ما راح نروح الخرابة ملينا منها المرة الياية بنروح المزرعة
وفى اليوم المحدد فاجات اخوى بفكرة جهنمية يوم قلتله
اليوم باخذ معى (دبة)ماى ماحمل عطش انا
فضحك وقالى .بس المزرعة فيها ماي ليش تاخذين الغرشة معاش
شوفوا الذكاء
بعدين خبروا علينا خوانا اصغارية ...وما عدنا نروح
لله درها ذيج ليام كانت حلوة :o
[COLOR=blue]واحطى رجلى على الدريشة وبعدين اسوى قفزة وهات يا ركض [COLOR=blue/]==>> فهدة ;)
يا حليلج وانتي صغيرة ...
و الله اباليس انتو .... و ما انضربتو ..؟؟؟؟
ما حيله ..!!!!:mad:
:D :D :D
انا والله كل طفولتي مغامرات ...عدنان ولينا
كلها نطرات و طيران و هبوط من علو ...
كلا فوق الجدران ... والشير و السقوف ..:)
بقول لج ...موقف و الله ان حنا انا واختي وولد خالتي ..رواعي سبعة ارواح :D
اختي اكبر مني و ولد خالتي اكبر مني بشهور تسعه ..
المهم كنا رايحين زيارة لبيت جدي ..بيت جدي بينت شعبي
فيه حوش زيكم ...المهم في على جنب مساحه معرشه بشراع ...طربال ..يعني والجدار حق الحوش كان سور عالي مررررره
عن دورين في بيت عادي ..مسلح
المهم حنا من بلاستنا ما حلالنا نقعد الا فوق الطربال ...و الله خير عاد طربال من عصر هتلر ..شمس و مطر وغبار يعني ....اطلقى العنان لخيالج ...عدنان ==> انا و لينا اختي و عبسي ولد خالتي حسين
المهم و حنا قاعدين نطارد فوقه عاد هو في الجوانب مشدود و في الوسط ينحدر ..و اختي قاعده في الوسط بالضبط ,,حنا نعفر حواليها
و الا نشوف لج اختي تخر من الوسط ...والشق يتوسع وحنا الاذكيا العباقرة ..نروح نطل عليها و هوب ..وراها ...و طاااااااااااااااااااخ
على ارض الحوش ...
اختي انكسر خشمها .. ورضوض ..معتبرة ..
ولد خالتي تكسر عنده ضلعين... وايده ..
و عدنان ,,, تكسور ماشالله لا اله الا الله ايده ورضوض في الحجاب الحاجز واورام منين وكان .. تدرين ليش ؟؟؟ عشان ولد خالتي طايح علي :(....
وجدي شافنا نخر جدامه ..واحد ورا الثاني ....
جان يكفخنا ليش نوز اختي وهي بنت ...ونخليها تسير ويانا ...
ما قصر وصارت الرضوض اكثر اعتبارا ...:(
مو كافيه اللي صابنا :(
و الله انها سلمت مع انها هي اللي وزتنا ..:):)
هاهاهااااااااااااااي
هههههههههههههه
الله يرحمها من ايام ... والا الخرايب شهدت صولات و جولات ..
ومطاردات ....و عصابات ..
اييييييييه تسلمين لي على هل الموضوع الحلو ...
مشكووووووووووووورا زهروووووورا
على قولتج
لله درها من ايام
بحر الحنان
29-10-2001, 12:23 PM
زهرورااااا حبيبتي
موضوع حلووووووووووووووووووو مرة
يعطيج العافيه حبابه:)
بس يقطع شياطينج شخليتي للعيال عيل اذا هذي سواياج :)
ثائر
ظلمت المسيكين عدنان :)
والله انا زهرورا حبيبتي
كنت هاديه ونعومه ومسالمه
ومااذكر شي
بس اذكر ان عيال الحارة يحبون يلعبون معاي بس انا مااعطيهم فرصة
اذا شفتهم في الشارع مااطلع كلش جبانه :)
اما في العيد الطلعه بروحي مستحيله انت فاهمه;)
وتسلمون :)
ما جفتي شي ...
مو بس ظلمته ,,, الا لعنت والديه
بلاسة وشطانه ...
و لا نتوب و لا نيوز ..:):)
رامبو بعينه و علمه ..;)
بحر الحنان
29-10-2001, 12:36 PM
زعيم في كل شي;)
:p
:cool:
:eek:
زهرة الكركديه
29-10-2001, 01:53 PM
..اخوى ثائر ....
اعوذ بالله ياهى قصة .حليلها اختك والله صعبت على .سلامات حق خشمها .ولا انتوا تستاهلون ...
شياطين ......
ام الحنان .عنبو يا كل الحنان ....
ولا موقف واحد ....
عيل حتى انا كنت خجولة يوم كنت صغيرة ......(ثائر سكر حلجك ....اعرفك فتحته من المفاجاة)
زين ام الحنان حبيبتى الهداوة بعد تسوى مواقف ...
تذكري
خلونا نتذكر:confused:
إء
شودراها
:confused: :rolleyes:
خلاص سديته ...:mad:
خخخخخخخخخخخخخخخخ
هاهاهااااااااااااااااااااااااااااااااي
و الله اختي خشمها يسلم عليج ...
مشالله و لا تشوهت ..شزينها :rolleyes:
و الا عدنان وعبسي ....
علاج طبيعي ثلت اشهر :(
أه و إيه ..
اييييييييه ايام ...
SAUD33
29-10-2001, 02:27 PM
ابداً والله بس حاب اسلم عليكم واقول ليكم مبروك بالجديد اللي طرأ على المنتدى !!!!!! وبعدينة ثائر يا ابو الشباب شيكت الميل حقك امس والأ لا ؟؟؟؟
:) :p :D :rolleyes:
بنت العين
29-10-2001, 02:36 PM
اول شي اشكرج عالموضوع..
ثائر..و الله عبقري انته ولد خالتك...فطست من الضحك عليكم:D
عن نفسي كنت وايد شيطانه..ايمع عيال الحاره..و اقولهم يالله نسوي ادفنجر (مغامره) اتخقق عليهم بالانجليزي..و هم المساكين وراي..حتى اخواني و خواتي...كنت قياديه..و ما احب اجوف حد ياخذ مكاني..و اذا جفت واحد اتعفرت..اخلي الكل يخاصمه و لا يكلمه..الين انا اوافق..
كنت شريره (كنت)..اذكر ابويه ماخذنا معاه العزبه...وانا ادري انه اختي تخاف من البعير..و حتى من الحوار..المهم قصيت عليها و قلتلها اذا انتي هب جبانه..تعالي نسير عند الناقه..قالت بتردد..يالله...المهم رحنا و انا متشجعه اتحراه مربوط..ما وحالنا نتقرب..الا انجوف الناقه تربع ورانا ..عاد انا شليتها بربعه...(اسرع من لبنى السريعه)..لكن اختي تعثرت..و داستها الناقه...عاد انا من اللوم دوروني و لا تلاقوني...
على الصريخ الكل اتيمع...قال ابويه هذي محد غير الشيطانه ..الله ياخذ بليسج..لا بعد رحت اقولها بوقاحه..ليش ما ربعتي وراي..جان ما ياج شي..:cool: :p
تحياتي لج:)
^2========>>ما يندرى تطلع و الا ..:confused:
و الله يا ابو بو الشباب....
شيكت بس ما حصلت الا تبع الاحرار و ناقص
اقول لك عطني ايميله ....
و الثاني اللي بغيتني عشانه ما شفته ..
شوف ايميلي حق الياهو تخربط مادري صار له
الاحسن خذ عندك حق الهتميل هلالايام استخدمه اهو
fariss712000@hotmail.com
ماشي ؟؟؟
يللا انتظر البديل
SAUD33
29-10-2001, 02:47 PM
اقصد حبيبي انا ارسلت لك الحين على الهت ميل
جرب شوف وصل والأ لا ؟؟؟؟؟
:D
زهرة الكركديه
29-10-2001, 05:51 PM
بنت العين
واختج الحين شو كان حالها
ولبعير كيف داسها لانى مو قادرة اتخيل موووووووول
يالله ترحمنا وتغفر لنا
حشا
....:eek: