View Full Version : مهرجان الهيلي(العين) الرابع عشر .....
هذا الأسبوع الثاني من مهرجان الهيلي المقام في مدينتنا الحبيبة العين , وفي كل سنة ييبون في المهرجان مطربين كبار أمثال كاظم واصيل وهاني شاكر وكانوا يسوون حملة إعلانية كبيرة قبل المهرجان بوقت ... بس هذي السنة ما سووا شي مثل السنين الفايتة , فكان الحضور يقتصر على المواطنين والمقيمين بالدولة حسب تصريح المسئولين القائمين على المهرجان ...
والليلة ليلة الفنان راشد الماجد(مخلص كل سنة يحضر المهرجان وبس كان للسيدات ,باستثناء هذي السنة مختلط ) , عاد تخيلوا الحضور ...
والليلة أخوي وربيعه رايحين بس عشان يحضروا راشد الماجد (ما أدري وش يعيبهم فيه ) :D
وحسافة علينا إحنا البنات كان ودنا نروح بس وش نسوي ,إن شاء الله يرظون يشيلونا معاهم الأسبوع الياي وقلت لهم ما ريد مطربين بس ريد ألعب يكفيني ألعب عشان الصراحة اشتقت وايد للشاحوف وقطار الموت والصاعقة ...الخ
وصالة التزلج آه على أيامها كنا نتلعوز في التزلج , وأذكر مرة كان هناك واحد سعودي ما شاء الله عليه يتزلج بكل مهارة مو مثلنا نحن وساعد البنات اللي كانن معانا على التزلج (يتشطر عليهم ) بس احنا ما رضينا أنا وأختي :) كانت أيام لا تنسى :(
زمردة
31-01-2002, 11:53 PM
:mad:
خير زمردة :)
أول مرة تسمعين عن مهرجان العين السنوي :o
تحياتي :)
متشيم
01-02-2002, 12:18 AM
في نهاية الثمانينات كنت أشاهد بعض البث الذي يبث مباشرة من المهرجان ، أتذكر تغزلات المقدم المواطن في تلك المقدمة العربية ، وهما مقدمان في التلفزيون الذي كان ينقل هذا الحدث وكانت تعليقات كل من حولي "لماذا التركيز على البنات أكثر من غيرهن؟" طبعا ليس لأن البنات أكثر ولكن لأن الفتاة أصبحت وسيلة دعائية.
وأتذكر السنة الماضية أو التي قبلها كتب أخ وافد منظرا قبيحا شاهده في المهرجان ، فتاة تلبس ما يشبه ثياب الزفاف أرادت أن تثبت للجمهور مدى عشقها لهذا المدعو راشد الماجد ، ولا هو راشد ولا هو ماجد ، فغطست بثيابها في الماء الذي يفصلها عن المغني وسلمته لهذا المغني.
زمردة
01-02-2002, 12:21 AM
لكني ما سمعت عن الاختلاط في صالة التزلج .. وقلة الحياء ..
الهااااادئ
01-02-2002, 12:22 AM
هذا المغني له شعبية كبيرة
بس يحصل بعض الاشياء في هذا المهرجان ما لازم تحصل
:o :o
زهرة الكركديه
01-02-2002, 12:28 AM
البنت تصون نفسها ولا تروح لها
غناء وطرب واختلاط
الله يكفينا شرها ....البيت استر لها تقعد تقرا قران ابرك لها عن هذى
المهرجانات او غيرها
استغفر الله العظيم
زمردة ...
الاختلاط حدث ولا حرج ...
متشيم ...
والله أنا سمعت عن هذي اللي رمت نفسها في الماي عشان خاطر رشود من ربيعاتي اللي راحن للحفلة وقريت بعد الموضوع في الجريدة ...وللأسف هو يي دايما ويكون للسيدات فقط باستثناء الليلة تنازل للرجال
الهااااادىء...
إيه والله له شعبية تفوق الخيال ولا بنت عرفها إلا يعجبها هالراشد :)
ومن ناحية اللي ماله لزمة تراه وايد ..بس يبقىللألعاب اللي فيها سحرها الخاص ....
زهرة الكركدية ...
الحمدلله على كل شي ....
نعرف الصح من الغلط ...
تحياتي
خان بستك
01-02-2002, 01:27 AM
السلام عليكم و رحمة الله و بركاته
بالنسبة لمدينة العاب الهيلي فهي ما تسوي مهرجانات إلا للمسخرة و قلة الحياء
كل مهرجان لازم يكون فيه مطربين و مغينيين و من هذا الكلام الفاضي , و طبعا الاسعار متضاعفة علشان خاطر عيونهم , ما قاصر عليهم الا يحضرون راقصات و العياذ بالله
و الناس تدفع , المهم كله مسخرة في مسخرة , غير عن سوالف بعض البنات اللي مشوهات سمعة البنات ,
المهم الله يجيرنا من المعاصي
و السلام عليكم و رحمة الله و بركاته
اخوكم في الله
DEATH العيناوي الحر
وعليكم السلام ورحمة الله وبركاته .....
الله يسمع منك ....
وبالنسبة للمهرجانات وسالفة المطربين ...
أعتقد أنه كل مهرجان لازم يكون فيه مطربين عشان يمشي حاله وبالمرة تنشط السياحة وهكذا ......
عشان الأغلبية يوون بس عشان المطربين :cool:
تحيـــــــــــــاتي
متشيم
01-02-2002, 02:20 AM
الحقيقة سمعت أن الفتيات المعجبات به يسمونه "راجوه"...
أما تجمع الناس حول المغنين وتركهم لمجالس الخير فهذه فتنة من فتن هذا الزمان ، عن أبي هريرة؛ أن رسول الله صلى الله عليه وسلم
قال "بادروا بالأعمال فتنا كقطع الليل المظلم يصبح الرجل مؤمنا ويمسي كافرا أو يمسي مؤمنا ويصبح كافرا يبيع دينه بعرض من الدنيا"
المغنيات يفرحن بتصفيق الرجال الذين يسيل لعابهم للحم العاري أمامهم والمغنون يصفقون للمخدوعات فيهم.
متشيم .....
صحيح أنهن يمكن يسمنه هالتسميه وبعد أزيد فوقها تسميتهن له الهندي بو خاز باز .....(استغفر الله خلقة ربه )
بس لما تي تسبه يقوللك حراااااااااااااام عليك حرااااااااااام والله راشد ما يستاهل... جنه والله خوهن وللا ولد عمهن :confused:
وما نقول غير الله يهديهن ويهدينا يارب :rolleyes:
تحياتي