View Full Version : اش اسم الكتاب؟
شعنونة سوالف
04-02-2002, 05:31 AM
مره من المرات احد الاعضاء (اظن انه سردال) كلمنا عن كتاب اش عنوانه؟
هل هو رجال من الزهره ونساء من المريخ؟ هذا العنوان على ما اظن.بس مش متاكده :confused: :rolleyes:
بحر الحنان
04-02-2002, 05:36 AM
صباح الحب شعنونه :)
مااذكر بصراحه :)
اسم الكتاب بالضبط:D
بس حبيت اصبح عليك:D
بحر:)
شعنونة سوالف
04-02-2002, 05:48 AM
يا هلا فيك بحر...وانا امسي عليك :D
الساعه الحين عندنا 7:45 :) :)
اشاهد لن اعيش في جلباب ابي :)
مسلسل حلو :)
هلا شعنونة ...
اسم الكتاب هو ...
الرجال من المريخ والنساء من الزهرة
تحياتي لك
عاشقة
04-02-2002, 02:51 PM
أهليــــــــــــن..
:) :) :)
كلام دانا صح..
Men form Mars ,, women from venus
تحيااااااااتي..
حبيب الامس
04-02-2002, 02:58 PM
:( :( :(
شعنونة سوالف
04-02-2002, 05:10 PM
هل يومجد بالسعوديه بمكتبه جرير الخبر طبعه انجليزيه؟:confused:
حسينكو
04-02-2002, 08:16 PM
هلا خيو لينا الشعنونا
ادري بتقولي حلوة خيو
خلاص بعد اشوي انا بروح جنب مكتبة جرير .. بسأل لك هناك
واذا تحبي بعطي والدك اللي هو جارنا العزيز خبر حتى يشتري ليكي الكتاب ... ما يحتاج تتصلي فيه
على فكرة الحين في فرع لمكتبة جرير في الدمام على الكورنيش جنب فندق الشريتون
تحياتي
حسين
حسينكو
05-02-2002, 12:44 AM
مرحبا لينا من جديد
شكلك بعدك نايمة .. قوووووووومي يالله
أنا رحت جرير ورجعت (فرع الدمام)
شوفي .. الكتاب موجود باللغة الانجليزية
طبعا مؤلف الكتاب اسمة جون قريه (gray)
حزري فزري كم سعر الكتاب؟؟
ادري بتقولي مو مهم .. الله يطول عمر البابا :)
بس لقافة من عندي بقول لك : سعره 59 ريال
ويوجد فقط نسخة وحدة .. يعني بسرعة لحقي على عمرك واشتريه قبل لا احد يقرأ الموضوع ويشتريه قبلك ويضيع مستقبلك :D
وشفت كتاب .. حلو جدا لنفس المؤلف اسمه
a guide to get what you want and want what you have
وهو ارشاد يدلك على طريق النجاح وكيف تحقق النجاح
وسعره 60 ريال
اسمعي لا تقولي لي ابعث لي الكتاب يا حسين وابعث معاه الفاتورة والحساب بعدين
لالالالالالالالالا نهي نهي نهي نهي نهي
اول تبعثي لي الفلوس ... بعدين اشتري الكتاب وابعثه لك مو مثل كل مرة .. في الاخير تقولي لي اعتبره هدية للينا
(الدين ممنوع والعتب مرفوع والرزق على الله) :D :p :)
لا تلوميني .. ترا الحالة ميح :( .. ومثل ما تعرفي ورانا زواج ومهر وشبكة ومصاريف زفاف :(:( هذا غير تأثيث الشقة
جؤجؤجؤجؤجؤجؤجؤجؤ
--------------------------
امزح معاكي
بس صدق الكتاب موجود منه نسخة وحدة بس .. يعني لحقي خبري البابا يشتريه لك ...
حسين
SAUD33
05-02-2002, 01:03 AM
الكتاب يا شعنونة فعلا موجود في مكتبة جرير وبسعر رخيص جدا
ممكن 26 ريال بس بكرة اتاكد من سعره بالضبط
يا جؤجؤجؤجؤجؤجؤجؤ
dr_messo
05-02-2002, 01:11 AM
عزيزتي يوجد الكتاب مترجم باللغه العربيه في مكتبه جرير ...
في مكه وجده ولا اعلم ان كان موجودا عندكم ..
ولكن على كل حال يمكنكي طلب الكتاب من اي من فروعهم وسوف يحضرونه لكي من اقرب فرع ومجود به الكتاب ..
على ما اذر غلاف الكتاب ذو الطبعه العربيه ابيض اللون ..
تحياتي
وسيم
www.dr.waseem.4t.com
حسينكو
05-02-2002, 01:22 AM
مرحبا
مساء الخير سعوووود
شلونك
اقول انا توني جاي من جرير ....
وتوني شايف النسخة الانجليزية ب 59 ريال
يمكن انت تقصد النسخة العربية ... ترا هي سألت على النسخة الانجليزية ... تعرف لينا ثقافتها عنقريزي .. خاصة ان الاستاذ اللي علمها انجليزي هو شاطر وايد احم احم
يمكن النسخة العربية رخيصة ... بس هي ما قالت تبغى العربية
-----------------
دكتور ميسو
هلا
الكتاب موجود في الشرقية .... توني شايفه في جرير
شعنونة سوالف
05-02-2002, 01:53 AM
hussain
:mad: :mad: :mad:
i am not sleeping:mad: :mad:
i am :( :( :( Kouliah :p (college):(
حسينكو
05-02-2002, 02:03 AM
جؤجؤجؤجؤجؤجؤجؤجؤجؤ
في الكلية
يااااااااي
الحين انا بروح انام وانتي بعدك في الكلية .. وش تسوي هناك في نص الليل <== واحد يسوي نفسه ما يدري عن فارق الوقت جؤجؤجؤجؤ :p
المهم صحيني من النوم الساعة 5:50 دقيقة الفجر .. بتوقيتنا حتى اروح الدوام :)
-----------------------
حتى شكرا مافي :mad: :mad: :mad: :mad: :mad:
(لا نريد منكم اجرا ولا شكورا) صدق الله العظيم
:)
حسين
شعنونة سوالف
05-02-2002, 03:50 AM
شكرا لكم جميعا...:) :)
حسين و ابوسعود....انا اعطيت خبر للبابا انه يشتري الكتاب :)
ان شاء الله اقراءه وانزل موضوع عنه (اتفلسف عليكم:D ) بس سوف ارجع للترجمه:( :(
حسين اش فيك غيران؟ ايه ثقافتي انجليزي اش اسويلك؟ ليست غلطتي اني اتكلم لغات اكثر منك:D :D بعدين 60 ريال ماهو غالي:eek: :eek: نحن عندنا الكتب تكون 60$ وليس ريال :) :)
ابو سعود.كتاب ب26 ريال؟؟؟:eek: :eek: ماتدخل المخ...هذه اشتري فيها مجلتين:) :)
SAUD33
05-02-2002, 06:42 AM
ايه من قدك يا شعنونة فلوس واجد الله يزيد ويبارك
عاشقة
05-02-2002, 11:24 AM
:) :) :) :)
حسينكو .. كفى ووفى .. الله يعطينا الحظ.. ماخلى على بالك ولا سؤال .. المفيد كله .. ولولا مصاريف الزواج .. كان أشترا لك هو .. :D :p
تحيااااااتي..
حسينكو
05-02-2002, 09:41 PM
هلا اختي الشعنونا لينا
60 دولار رخيص ؟؟؟ ايه الهنا اللي انتي عايشة فيه.. اللهم صلي على النبي
لينا ما تسلفيني ؟؟ انا اخوك وصديق الطفولة و ( الكلمة اللي تعلمتيها من مجلة ماجد) ... يعني استاهل تسلفيني ...
حافظة صندوق بريدي والا ابعثه لك ؟؟
بعدين لا تنسي من اللي علمك انجليزي ... وانتي للحين ما اعطيتيني دروس فرنساوي في المقابل... بس الصيف الجاي موعدنا ... ولا تتهربي :)
وأنا يكفوني لغتين اجيدهم باقتدار والحمد لله ... أحسن من ثلاث لغات مكسرة جؤجؤجؤجؤجؤجؤ
أقول يظهر انك نسيتي لما امك كانت تبعثك بيتنا نشرح لك قواعد ونقرأ لك كتاب المطالعة ... غلبتينا ببلادتك :) بس بصراحة شاطرة كنتي في الحاجات الثانية غير العربي ... اعذريني بس انتي اللي اضطريتيني اعلم.. واذا ما تسكتي بعلم وبقول عن مواضيع التعبير اللي كنت اكتبها لك
--------------
اختي عاشقة
العفو ما عملنا شي
كنت في الدمام وعلى طريقي دخلت جرير ...
ومدام هي وافقت تسلفني ... فخلاص لو تبغى اجيب لها معلومات عن كل الكتب اللي في جرير فأنا مستعد
:):):)
حسين
SAUD33
06-02-2002, 12:06 AM
النسخة العربية ب 29 ريال فقط
ومتوفرة في مكتبة جرير في الدمام
تحياتي لكم
ظبية2003
06-02-2002, 12:14 AM
باين عليه كتاب مهم...
عن شو يتكلم؟؟؟:confused:
شعنونة سوالف
06-02-2002, 12:24 AM
حسين....اقولك كتب مدرسيه سعرها 60 دولار واحيانا توصل الى 100 دولار فكيف بدك الاقي كتاب ب60 ريال؟
اكيد بلاقيه رخيص لانه يعادل 30 يعني نصف سعر الكتب هنا. بعدين مين قال اني اتكلم ثلاث لغات مكسره؟
اللغات الثلاثه اعرف اتكلم فيهم واقراء واكتب واحاور وماعندي اي مشاكل الحمد الله وبلاش حسد.
بعدين ماما نقولك انت ناسي لما اخوي كان يدرسك انكليزي علشان تقدر تدرس بجامعه بالغله الانكليزيه؟
اتذكر والله مسكين اخوي كان كان كل مره يضايق بس الماما تقوله يالا اعمل منيح وارمي بالبحر هذا جارنا ولازم نستحمله.
وترى مواضيع التعبير كانت ماما تكتبها مو انت...
:D :D :D
شعنونة سوالف
06-02-2002, 12:28 AM
شقشوقه هو سال لانه معتقد اني سوف اشفق عليه بكم ريال بس على مين :) :)
سعود....فلوس واجد لاني بكندا؟ تعرف ان هنا الكندين ينظرون لكل واحد قادم من الخليج على انه مليونير
وانتم ترون ان كل واحد بكندا مليونير
دنيا :p :p
حسينكو
06-02-2002, 01:16 AM
ارحمينا يا لينا
قلت لك سكري على الموضوع
ذبحتينا ماصارت ... اصلا اخوكي ترجم لي كم كلمة وياريت ترجمهم صح .. كان بيوديني في داهية
بعدين تعالي ... عيني في عينك كذا :rolleyes: :rolleyes: :eek: من اللي كتب لك موضوع "الاجازة الصيفية والعودة الى المدارس" كنتي في صف سادس ابتدائي تقريبا .... من اللي كتبه لك؟؟؟
لا تقولي ماما ... لأني بطلع لك من الجهاز وبكسر رقبتك :mad:
تك توك
حسين
شعنونة سوالف
06-02-2002, 08:37 AM
ظبيه..ما ادري عن اش يتكلمون....ناس فاضيه بعيد عنك :p :D :p :D
لا جد.هو موضوع احد الاعضاء كلمنا عليه وكنت حابه اقراءه فلاقيتها فرصه ان البابا قادم لزيارتنا بعد كم يوم فقلت اشوف اش عنوان الكتاب بالضبط علشان يشتريه لي :) :)
هذه القصه لكها:) :)
شعنونة سوالف
06-02-2002, 08:26 PM
حسين...اخوي يقولك اصلا هو قال لك المعاني غلط علشان لما تقولهم للاستاذ والاستاذ يقول انهم غلط يركزون في الكرتون ولاتنساهم:D :D
بعدين الحين انت بس متذكر موضوع (الاجازه الصيفيه والعوده الى المدارس):eek: :eek: يعني الجمله اليتيمه التي قلت لها لي رجت مسحتها قبل ان اسلم الموضوع :D :D
على فكره ماما تسلم على امك وتعزمها على عرس اخوي, وتقول لها بس ممنوع اصطحاب الاطفال. يعني ما منشوفك :D :D
حسينكو
06-02-2002, 08:54 PM
:mad: :mad: :mad:
نتفاهم الليلة .... بكسرها يعني بكسرها <== رقبتك طبعا
شفتي موضوع اختنا وردة العين اللي فيه البيضة المكسورة اللي تكسر الخاطر .. بخلي راسك يصير زيها :mad:
بعدين ليش ما تقولي لأمك تتصل بأمي وتعزمها بالتلفون.... لا تقولي مو عندكم الرقم :mad:
قبل سبوعين امك متصلة في البيت ...
انا عارف انك تمزحي وتشلخي ... لأن لو كلامك صحيح كان اخوكي اتصل فيني وعزمني بنفسه
شعنونة سوالف
06-02-2002, 08:58 PM
لاتخاف يا شاطر يدك بتتكسر قبل ماتوصل:p :p
حسين...اخوي يعزمك :eek: :eek:
توك قايل انه ترجم لك الكلمات غلط;)
بعدين موضوع البيض هو لظبيه وليس لورده العين.
ولاتتكلم عنه وروح شوف ردها عليك:p :p تهزقت والله يا حسين انت :D
اطلع على المسنجر بدي قولك شئ:mad:
ظبية2003
07-02-2002, 01:45 PM
احم احم..:cool:
كأن حد قاعد يفتن علي:mad:
ولايكون كملتوا حش عني في المسنجر بعد :rolleyes: >>>>فاكره نفسها مهمة:D
طيييييييب ياشعنونة طيب...:mad:
مكانش العشمhttp://www.3dpcgame.com/cwm/s/contrib/geno/rotz.gif
بريئه ياحسين ... وااااااااااااااااااااااااااااااااااااااااء http://www.plauder-smilies.de/sad/cry.gif
;)
شعنونة سوالف
08-02-2002, 12:11 AM
هلا يا ظبيه.اش فيك؟ :confused: :confused:
اشوف حسين كسر خاطرك مثل البيضه:D :D
ترى انا قلت لك انك بعيوني يعني لا حسين ولا الف واحد مثله يقدرون يكلمونك.
انت بس قولي شعنوووووونه وانا عالطول اجي. بس ياريت لو تعلي صوتك شوي. :p :p
تعرفي انا ساكنه شوي بعيده عنكم
:) :)
حسينكو
08-02-2002, 02:35 AM
أهلا لينا
محزحنا وايد ... خلاص مو زين نزودها <خايف على ايدي تنكسر جؤجؤجؤ
ايه انا انتبهت ان اللي كاتبة الموضوع هي اختنا ظبية ... وجيت اعدل ردي بس انشغلت وقمت من على النت قبل لا اعدل ردي
ظبيييييييية
اعتذر من اختنا ظبية ...
وهي قبلت اعتذاري ....
يالله لينووووووه لا تفتني يا فتانة
---------------