صم ثينج رونج

[زمردة]

السلام عليكم ..

كيف حالكم ..

وشو أخباركم ..


ندخل في الموضوع على طول ..

كما تعرفون الأخ إرث أحزان .. مشرف سوالف الأدب .. أحد أقسام سوالف .. طلب منه تولي الإشراف العام ..

لأنه كان هناك قبله مشرف اسمه عزيز 2000 .. كلكم تعرفونه ..

وبعد ما تولى مشرف سوالف الأدب الإشراف العام .. صار يصارخ .. ويقول ساعدوني ..

وبعدها صارت مشكلة في المنتدى وهذا إللي أبغي أخبركم عنه .. وهذا إللي فتحت هالموضوع له .. ولا بد من فتح موضوع عنه لأنه شيء خطير .. ويجب ألا يستمر .. لأنه إن استمر .. فهو ليس بصالح المنتدى ..

وأنتوا أكيد تحبون تشاركون في المنتدى بموضوعاتكم .. وردودكم .. وإذا ظلت هذه المشكلة فإنكم لن تتمكنوا من ممارسة هوايتكم في الكتابة أو حتى الرد ..

وشو فايدة منتدى محد يقدر يكتب أو يرد فيه .. ما يصير منتدى .. يصير مجرد صفحة قديمة وبالية ..

وعليه لابد من حل المشكلة إللي أقصدها بهذا الموضوع .. و لابد من السرعة في حلها ..

ويمكن بعد تنحل قبل لا أرسل لكم الموضوع ..

وإذا ما انحلت قبل .. ترى أنا ألحين أخبركم عنها حتى يحلها المشرف العام الجديد إللي تولى الإشراف مكان الأخ عزيز 2000 المشرف القديم ..

ومهمة المشرف العام هذه الأمور يعينه الله عليها ثم من يملك خبرة في هذا المجال ..

وبدون تعاونه معهم لا يمكن حل المشكلة .. ويصير مشرف إخرطي .. قصدي ما يعرف شيء .. لا قصدي يحتاج من يعلمه .. قصدي يمكن يشيلونه ويجيبون واحد جديد ..

ومن بيكون يا ترى المشرف الجديد إللي بعد إرث أحزان .. إذا هو ما قدر يحل المشكلة ؟

:think:

خلونا من المشرف العام الجديد إللي بعد إرث أحزان مشرف سوالف الأدب والمشرف العام حاليا .. لي جا وقتها يحلها ألف حلال ..

وخلونا في المشكلة إللي صايرة ألحين في المنتدى .. وإللي ما قدرت بسببها أرسل موضوع ولا رد .. وإللي خلتني أكتب لكم هالموضوع الموضوع .. بالمختصر المفيد .. حتى يسرع المسئولون عن المنتدى في حلها ..

ويا ريت سوالف يكون موجود عشان يشرف على حلها بنفسه .. لكن سوالف حصل له اليوم لقب جديد .. وهو المشرف النافر .. وأكيد هو فرحان بهاللقب .. ويبغي يكون اسم على مسمى .. وخاصة أنه كان يلقب بألقاب قريبة من هاللقب .. إلا أن هاللقب هو الأنسب له .. وهو الذي سيشتهر هذه الأيام ..

والسبب في ظهور هذا اللقلب هو إرث أحزان المشرف العام الجديد الذي خلف المشرف العام القديم عزيز 2000 ..

وذلك لما رد عليه الأخ هيرو ( الله يشفيه ) في موضوعه إللي يصارخ فيه ..

في أحد يصارخ من الإشراف من أول يوم ؟

المهم أن المشكلة محتاجة خبير وحل سريع ..

وإذا شفتوا هالكليمات في صفحة سوالف الأصدقاء ..

تكون انحلت المشكلة :eek:

وبس :D