أنا لا حظت .. بس انتوا لا حظتوا ؟؟؟؟؟؟؟

[زهرة الليلك]

شغلة غريبة لا حظتها منتشرة كثير ،، يمكن هذي طباع الناس ،، يمكن هم الصح وأنا الغلط ،، ما أدري ..

المهم .. السالفة وما فيها ايش يكون موقفكم أو ردة فعلكم لو تقابلتوا مع شخص صار لكم معاه موقف سخيف ما ترضاه..
شخص تكلم فيك من وراك مثلا ،، أو ما احترمك واحترم وجودك ،، أو حتى ما ترتاح له نفسياً ،،أو لمجرد أن شخصيته ما تعجبك ..
بالنسبة لي انا لو قابلت أحد من الاشخاص المذكورين ،، تكون ردة فعلي معاهم طبيعية جدا وأتعامل معاهم ولا كأن شي صار ،، يمكن هذا طبعي وما أقدر أتخلى عنه لأن كذه طبيعتي ممكن أزعل للحظات وأعصب بس شوي ولا كأن شي صار ..
بس اللي لاحظته من اللي حولي العكس تماما .. أستغرب تصرفاتهم وخصوصا في مجال العمل تلاقي الوحدة لو صار لها موقف مع وحده ثانية خلاص ولا كأنها موجودة ،، تمر الوحدة من جنب زميلتها وكأنها مارة من جنب جدار حتى سلام ما ترده
طيب ليه ،، والله لو بزعل من كل كلمة بتنقال ماراح أعيش..
هذي وجهة نظري الشخصية ،، واذا كنت غلطانة قولوا لي وأعطوني وجهات نظركم

------------------
من الدنيـا أنـا مابـي سوى عـفـو العلي التـواب

.. ويحسـن خـاتمـة فعـلي ويغـفـر لـي ضـلالاتـي

[الحفار]

هلا بزهرة سوالف
وينك ؟؟؟؟؟؟؟

كلامك صحيح فيه اللي كذا وكذا
وانا بصراحه تقريبا مثلك بسرعه اسامح
وكنت اتمنى اني اتخلص من الطيبه ولكن ما عرفت وحتى لو سمعت ان شخص معين اساء لي
وقابلته صدقيني اني اسوي نفسي مو عارف شيء واحس باحراج اني ممكن اصدمه
لاني ما احب اشوف احد في موقف ضعف
وسلامتك

[زهرة الليلك]

حفــــــــــــار

هلا والله ،، أنا موجودة بس مشغولة كثير بعملي
وشكرا كثير على رأيك على الأقل في احد مثلي ،، كثير حاولت أتخلص من الطيبة الزايدة اللي فيني بس ما قدرت ما يهون علي أرد أحد أبدا لو ايش ما كان ..

[القط الوردي]

زهــرة مساء الليلك :)
شوفي من الصفات اللي اشكر الله عليها اني متسامح
يعني ما احقد على احد ازعل لحظات واكثرها اقوم من النوم
ناسي بجــد اهم شيء الموضوع ما يوصل للعرض ولا الشرف والامانة
ولا باقي مايهمني . لكن اذا حصل وصرت مع هذا الشخص في مكان وزمان
مناسبين لا اتردد ابدا في تذكيره بما سمعته لانه ممكن يكون مظلوم
وعلى قول( من حكالك يحكي فيك ..لوهو بالظاهر بدالك طيب وخايف عليك)
لكن التطنيش هذه نعمة وياليتكم تجربوها :)

------------------
مشـكـلتي انــي ما أفهــم

[b]<small><small>[ تم تعديل الموضوع بواسطة &nbsp; القط الوردي &nbsp; يوم &nbsp; 13-06-2000]

[زهرة الليلك]

القط الوردي

شكرا لمشاركتك في الموضوع ،، وعلى قولتك (ما في احسن من التطنيش)
لأن الدنيا تلف وتدور ولا بد يجي لهم يوم

[شجون المحبه]

هلا زهره ...

تعرفين انه الناس انواع واشكال ...وكل معدن يختلف عن غيره ...

والكل يتعامل مع غيره بمعدنه ...الاصيل ينعرف انه اصيل والخسيس يبان

وشوه في الدنيا يستحق انه الواحد يشيل على صاحبه ..او يزعل منه على سبب
سخيف لا يستحق الذكر

والله انه الانسان اش زينه وهو يحمل قلب ابيض طاهر صافي ...

مثل ما يقول احد لكتب " اننا كثيرا ما نعتقد ان الصفح نوع من الاحسان, ولكننا ننسى ان فوائده تعم الطرفين, فمن المفيد ان تصفح تماما كما يصفح
غيرك عنك.وهذه ليست قاعده, ولكنها قوه روحيه تخرج افضل مافي النفوس الناس تضئ كل لحظه من لحظات الحياه. ومن المتناقضات السعيده في السلوك البشري اننا كلما كنا اكثر استعدادا للصفح والتسامح, قلت المناسبات التى نطالب بها بالصفح, ترى هل يستطيع الانسان ان يصفح عن كل شيء ومع ذلك يستمر انسانا ؟؟؟"

------------------
شجـــــــــون




[b]<small><small>[ تم تعديل الموضوع بواسطة &nbsp; شجون المحبه &nbsp; يوم &nbsp; 13-06-2000]

[زهرة الليلك]

هلا شجون
صحيح كلامك الناس معادن وكل واحد يبان من أصله ،،
بس وجودهم كثير ،، يعني ايش وياخوفي يصير وجودهم أكثر منا :(

[شجون المحبه]

زهره ...

عندما تتعاملين مع الغير بحسن نيه ومعامله طيبه فسوف تجبرين من امامك ان يكون افضل منك ...
ويعاملك بطريقه افضل...فكل شخص يحب ان يكون هوه الافضل ...
فلو كل منا عامل الاخر مثل ما يحب ان يعامل ..فاكيد انه هذه الظاهر سوف تقل تلقائيا ...

------------------
شجـــــــــون

[مجروح]

زهرة هاكِ كلام المعلم الأول وكفى :

عن أبي هريرة رضي اللَّه عنه أَنَّ رَجُلاً قال للنَّبِيِّ صَلّى اللهُ عَلَيْهِ وسَلَّم : أَوْصِني قال : « لا تَغْضَبْ » فَرَدَّدَ مِرَاراً ، قال : « لا تَغْضَبْ » رواه البخاري .

وعن عائشة رضي اللَّه عنها قالت : أَن النبيَّ صَلّى اللهُ عَلَيْهِ وسَلَّم قال : « إِنَّ الرِّفقُ لا يَكُونُ في شيءٍ إِلاَّ زَانَهُ ، وَلا يُنْزَعُ مِنْ شَيءٍ إِلاَّ شَانَهُ » رواه مسلم .

( وما ينطق عن الهوى إن هو الا وحي يوحى ) صدق الله العظيم .

لكِ تحياتي .

------------------
طول عمري أحبك يامهجة الروح ـ والى هالحين احبك بس القلب مجروح

[wildorchid]

أهلين زهرة :)

شوفي..يمكن انتي تتفاجأين من مواقف زي كذا..
ولكن خليني أقول لك..
أحيانا فيه ناس لازم تقاطعينها عشان تتأدب وماتتمادى..
يعني لو واحد غلط في حقي لا يمكن اني اكلمه الا في حالتين
يعتذر..وحتى و ماأعتذر يكفي منه انه سلّم علي..أو بدا الكلام
حتى من غير آسف..هذي الخطوة في قاموسي تعني انه يعتذر
بس بطريقه ثانيه..لكن لا يمكن اني ماأرد عليه السلام..ابدا
أو بعد فتره من الزمن..
لاني انسى الزعل وبسرعه..
وكل وحسب غلاته...
الدنيا ماتسوى اني اشيل في قلبي..

ممكن أزعل..أعاتب..لكن ماأكره..لأن مافيه أحد يستاهل اني
اكرهه واكسب سيئات عشانه..حتى لو هو أهانني ..لو جرحني
الله كفيل به..

[الحفار]

http://mypage.ayna.com/rath/zah.gif

------------------
خذني بقايا حلم خذني بقايا طــيف
خذني قلم او خاتما في يمــيــنك
ودي اكون احساس ما يدخله زيف
ودي اكون الصوره اللي بعــينك

[زهرة الليلك]

مجروح

شكرا لك أخي على كلماتك .. وعلى تواصلك الدائم :)

[زهرة الليلك]

عزيزتي أوركيد

قلتيها بنفسك .. الدنيا ما تسوى شي عشان نزعل ونشيل بقلوبنا
كل واحد وله يوم.. وكما تدين تدان

[زهرة الليلك]

حفافيرو

الواسطة جاهزة بس انت أشر

[زهرة الليلك]

حفافيرو

الواسطة جاهزة بس انت أشر .. وشكرا على الزهرة كثير حلوة

[ليالي]

هلا زهرة الليلك .....
انا مع اوركيد في ناس ما ينفع معهم تسامحين على طول يظنونه ضعف منك موب تسامح .........لكن في ناس يكون اللي بدر منهم موب عن قصد ويكون ضايققك هالنوع لازم تتسامحين معهم .......وبعدين في حديث عن الرسول صلى الله عليه سلم بما معناه انه يجب انك تدور لصاحبك 99 عذر واذا ما لقيت تلقي باللوم على نفسك .....هذا رأيي
ليالي

[عبودي 1]

والله ما ادري وش راح اسوي؟

------------------
كل ابن أنثى وإن طالت سلامته ***** يوماً على آلة حدباء محمول
..................
للمراسلة
----------------------
aa911@mail.com

[زهرة الليلك]

ليالي ..

التسامح وطيبة القلب عمرها ما كانت ضعف من الانسان ،، بالعكس خلي قلبك كبير وعامل الناس بما تحب أن يعاملوك وأكثر ،، ولما يشوفوا ردة فعلك راح يستحوا على وجههم ويندموا على اللي سووه

[زهرة الليلك]

عبودي ..

:( :(

[دكتور / مجنون]

الحقيقه ان اللي يتكلم في ظهر صاحبه ، ما يسنحق انك تصاحبه ، يمكن يكون سلام و معرفه سطحيه لأن هذا استهان فيك و ما يقدر الواحد .. يعني ما يستهال الوقت اللي تضيعه معاه ......... :(

------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غالي***راح وخلاني معذب ومحزون

[زهرة الليلك]

دكتور / مجنون

دكتور مجنون ،، يكفينا نتذكر ان اللي يحكي لك ،، يحكي فيك :(