View Full Version : مين فيهم صح ؟؟؟
click
22-07-2000, 02:19 PM
أتفقت العائلتان على تاريخ العرس
بعد بحث مضني(نظرا لعدم التخطيط المسبق للعرس) تحدد قصر الأفراح
ولكن بدأت أصوات تعلو من الطرفين ضد هذا القصر وانه (مو قد المقام) وانه تحت المستوى ,,,,,,,,
العريس والعروس من رأيهم أن تكون الحفله محدودة وعائلية بحته وتقام في بيت أهل العريس
العائلتان منقسمتان....البعض يوافق العروسين
والبعض يصر أن تكون الحفله مدويه وعامرة بكل البهارج ويسمع بها الداني والقاصي
الحكاية أصبحت مضحكة مبكية
ما رأيكم ؟؟
كيف الخروج من هذا المأزق بأقل الخسائر من الطرفين ؟؟
المسألة كلها مهددة بالتأجيل :(
heartking
22-07-2000, 02:31 PM
يلغون الزواج:)
شف وانا اخوك بإختصار وبدون وجع راس...الولد والبنت يصكون اذونهم ..ويسوون اللي ودهم فيه ..لا ماما قالت ..ولا ابوي يقول ...خلك من الحين صاحب كلمة ..وتعال ابي اقولك شيء..كل ما صغرت العرس...كل ماكان احسن ...عندي خوي..والله من يوم هو بالجامعه ..وعنده ملايين ..ويم تزوج ...تزوج في استراحه (لا تقول نصبه تراه معانا بسوالف)..(عاد الا ذي نصبه صراحه)..
كليك .... كل ذا كلام فاضي...بتندمون عليه في الاخير...اقنع البنت ...وهي تأثر على اهلها ...وانت على اهلك ...والله يتمم بخير..
-----
عســـــــــــ اقول تاخذ نقل قدم في اللي عندي ـــــل
click
22-07-2000, 02:41 PM
Heartking
هلا بالغالي
ما عندك حل أكثر أنسانية ؟؟؟ :):)
وألا قصدك يؤجل ؟؟
المشكلة أن موسم الصيف هو موسم العرسان وكل قصور الأفراح الراقية محجوزة
العريس أقترح أن ينقل العرس الى مدينه ثانيه (حيث يعيش) لكن جوبه بالرفض من أهل العروس
المشكلة أن ألأنسان يجد نفسه في بحر متلاطم من القوى الخارجية اللي مالها لاناقة ولاجمل في الموضوع
يا أخي هذي حياتهم انتم وش دخلكم ؟؟
click
22-07-2000, 02:57 PM
عسل
ياليت الموضوع بالبساطه اللي انت تصورها
لو كنت أنا مكانك كنت كتبت نفس الكلام اللي كتبته انت
ياعسل مو مسألة فلوس...الله منعم على العريس وعلى عائلته
المسألة من أولها الى آخرها politics
كل عائلة تبغى تظهر قدام الثانية بمظهر معين
طبعا هم يفلسفون الأمور...يسمونها كرم...ويسمونها نتجمل قدم الناس... ويسمونها انت آخر العنقود ونبي نفرح فيك...ويسمونها والله العائلتين اقرباهم واصدقاهم كثير
بحر متلاطم من الأسباب والأعذار والفلسفات
وانت جالس ورأسك يدور ويدور...تبغى تكون معقول ونفس الوقت تبغى الناس اللي حولك يفرحون وينبسطون
بغبزه :(
شرخشين2000
22-07-2000, 03:09 PM
شوف اخوي كليك ،، أنا من يوم اني صغير والى وقتنا الحالي ما أحب القبايل والعادات والتقاليد والخربطة والفشخرة الزايدة عن اللزوم ،، ( أعتذر من عيال القبايل ) لكن هاذي الحقيقة
خلهم يشوفون لهم فندق صغيرونو ،، ويسوون فيه حفله صغيرونو
ويعزموني أنا وعسل ،،
كــلــ مبروك مقدماً ــيك
click
22-07-2000, 03:42 PM
شرخشين200
شوف يا حبيبنا......القبائل بقدر مافيهم من أصول وعادات زينه فيهم خزعبلات وعوائد عفا عليها الزمن....لكن مافي حل
على قولة عسل: ياخلقة الله مامعي منك فكه...ولو غسلوني بصابون مكه :):):)
اللي يتفرج يسهل عليه الكلام...لكن اللي يدخل مع هالقبايل في المعمعة مايقدر ينفك منهم..مجهزين لكل كلام رد ولكل مقام مقال
بلشه ما بعدها بلشه :(:(
الحفار
22-07-2000, 04:38 PM
اللي هذا اوله ينعاف تاليه
بس
ممكن يتصلون غلى مريم الخليفه تعطيهم الحل :)
click
22-07-2000, 04:59 PM
هلا والله بالحبيب
انت في دبي ؟؟
كيف الجو ؟؟
أكيد حر ورطوبه :(:)
تكفى بأوصيك تجيبلي قمصان من مارك اند سبنسر...مقاسي 16
وبنطلونات مقاس 34
وبعدين يا أخي انت رايح تتمشى والا تطقطق على الأنترنت
كان جلست في بلدك أحسن لك :)
----------------------------------------------------
بالنسبه للموضوع أعلاه ...فهذي قصة كل عرس
لابد من الشد والأخذ والرد بين العائلتين
أذا ما مشت الأمور زين فالتأجيل قد يكون أحسن حل :(
دموع حائرة
22-07-2000, 06:29 PM
الحل هو ان العريس و العروسة يسوا اللي يبغوا دون تدخل اي احد فهذه الليلة ليلتهم وهم احرار فيها.. يخلوها على كيفهم
click
22-07-2000, 06:45 PM
دموع حائره
كلامك منطقي جدا
المشكله أن مجتمعنا مجتمع (مشربك)
أستقلالية القرار نظريا ممكنه بس عمليا لاتخلو من الأحتكاك والأصطدام بمراكز القوى في الطرفين
وبعدين كيف الواحد يسلم من السنة العالم اللي مفتحه عيونها على الجانبين؟؟؟
أحسن شئ ان الأثنين يسلموا ساقيهم للريح ويهربون :):)