ترى بأغولهم :(

[wildorchid]

مو من المعقول ولا من المنطق ان تقييم أدائك
الوظيفي يكون مرتبط بشخص هوائي..مزاجي
اذا رضى عنك عطاك امتياز..واذا عاندته حطك
في القائمه السوداء ونسى كل جهد انت بذلته
ورمى كل عطائك وتضحياتك في سبيل عملك عشان
موقف أو صدام حصل بينكم,,

معقول ان مافيه نظام يقدر يحميك من هذي التجاوزات؟
طيب واذا انظلمت..مين ينصفني؟
طيب لو كان العيب فيني كيف مدير يعطيني ضعيف والثاني
يعطيني امتياز؟


وبس!

- أغولهم = أوريهم نجوم الليل يعني-

[BRABUS]

انشالله بعيد النظر في الموضوع

وبسوي اجتماع مع مجلس الشورى عندي .... وانشالله خير :)

[القط الوردي]

أوركـــيـــد...
الاداء الوظيفي يعـتمد على الضمير
والــتقـافة فأذا كان رئيسك اومديرك
انسان صاحب ضمير او انسان متقــف فانه
ســوف ينصـفك وانا قلت التقافة لان
اغلب الرؤساء متعلمين لكن القليل منهم
متقفين ,اما الضمير فصـاحبه ماتخاف منه
ابدا, لكن ناسنا الكبار يقولون خاف من
اللي مايخــاف الله .
فااذا كان رئيسك مايؤدي حقوق الله ترى
خـافي من ظلمه .
لكن دعيني اقول لك كيف يقيمني رئـيسي
وهـو عـجـوز امريكي صاحب ضمير ومتقف
قبل التقييم بشــهر يعطيني نمودج التقييم
ويقول لي قيم نفسك بنفسك واحضر لي التقييم
وبصراحة احرج ان اضع البنود كلها ممتاز مثلا
لكني اكون واقعي جدا . ثم اسلمه تقيمي لنفس
نهاية العام وفي موعـد التقييم يحضرني
ويحضر التقييم ( تقيمه لي , وتقييمي لنفسي)
ويراجع الفقرات امامي
بند بند ويوضح لك ماهي الاسباب التي
دعته لخفظ هذا البند واذا لم تقتنع
يناقشك بجدية حتى تعرف الحقيقة .
لكنه والحق يقال لايخفض درجـة واحـدة
بدون ان يــكون هــناك سبب جــوهـري
ويكون تقييمي لنفسي قريب جدا من تقييمه لي
مع اختلاف بسيط , واخرج جدا مقتنع وهكذا باقي
الزملاء , علما انه ممنوع عندنا ان يخفظك رئيسك
درجتين مهما كان السبب ,, يعني اذا كنت هذه السنة
ممتاز , فانه لايستطيع ان يعطيك السنة التي بعدها
جــيد لاي سبب كان فلابد ان يعطيك جيد جدا ومن ثم
بعد سنة يعطيك جيد والعكس عند رفعك لايمكن لمن كان
جيد ان يأخذ ممتاز الابعد ان يرتفع في سنة الى جيد جدا.
وهكذا هناك انظمة كثيرة منظمة للتقيم وتحد من تسلط
الرؤســاء وظلمهم , واذا اتظلمت من تقييمك لابد
له ان يشفع كلامه بأدلة تبوثية تثبث احقيته في خفظك
وحـقيقة ليتكم مثلنا , لاني ماعمري شفت احد زعلان من تقيمه.

[دكتور / مجنون]

أنا باقي ادرس .. مو حق الشغل .. يوم اشتغل اقوول وش تسوي ..

:)

[heartking]

اذا ضلمك احد منهم قولي حسبي الله ونعم الوكيل:(

[wildorchid]

نستنى اجتماع حضرتكم العاجل :):)

[شرخشين2000]

مرحبا أوركيد ،،
أنا ما أعتقد ان في أحد راح ياخذ عليك موقف أبداً ،،
الصراحة اللي شايفه أنا ان أخلاقك ما عليها كلام ،،
بس شلون صار لك موقف مع أحدهم ؟؟
روحي للمدير وخلّي لسانك يوصّل للمكتب !!!

على العموم ،، مانتي أول وحدة تشتكي ،، كل الناس تشكي من هالشي ،، لكن هل من مراقب غير الله ؟؟

تحياتـــــ للجميع ـــــــي

[ma3gool]

وسعي صدرك بس..:) كلها مده بسيطه وانشاء الله انتي اللي تقيمينهم..:)

[نجمة المساء]

الوظيفه عقول اناس صغيره
يكيدون لك كيدا حتى لا تكون احسن منهم للاسف
دعي كل شي ورائك ولا تلتفتي لهم

ابتكري اعملي مثل ما يملي عليك ضميرك

وكما يعطونكي العمل اعملي به
ثم قفي عند اخر الدوام
وجهدك دعيه لنا هنا في سوالف

اذا تبين زود قوليلي
الامتياز حتى ينقلكي من درجه الي درجه اخري

[click]

لا ...أكيد فيه نظام يحمي من التعسف والظلم
حسب علمي أن أي موظف يكون تقييمه الوظيفي أقل من المطلوب سوف يخضع لتقييم من لجنة خارجيه.....هذا موجود في نظام الخدمة المدنيه
في أنظمة الشركات.....للموظف الحق في مناقشة أو الأحتجاج على تقييمه الوظيفي وله الحق أن يكتب ملاحظات وتوضيحات على نفس كشف التقييم ...وهذا الشئ أقوله من واقع خبرتي الشخصيه

بالعكس فيه بعض الشركات تصر على التقييم الجماعي...بمعنى أن لايترك التقييم لرئيس القسم فقط...وهذا قد يكون أكثر عدلا

لكن رغم ذلك أكيد سيكون هناك شخص أو أكثر يتعرضون للتعسف لأسباب شخصية بحته....الله يعينهم

[سليمان.]

هذي قمة الاحباط في العمل

اغولهم هههه وش ذا الحتسيه :):):):):)

[عبد_حلال_العقد]

مالك الا الصبر و الله يعينك






القط الوردي صلح الكيبورد حرف الثاء صاير تاء عندك

[wildorchid]

أعتقد ان التقييم الوظيفي يحتاج الى اشياء كثيره..
وان كان الضمير هو من أهمها..بحيث ان المدير أو من
بيده التقييم يبتعد عن الحزازيات ويلجأ للحياد
والعدل الا ان الكثير للأسف لايستطيع أن يقف على الحياد..
تؤثر فيه وتحركه مشاعره وهذا أكبر غلط اداري ممكن
انه يجر عواقب وخيمه على الكل..
مشكلتنا ان احنا الى الآن لاولنا نخلط بين العمل ومشاعرنا
الشخصيه..وهذا راح ينعكس سلبا على اداء الموظف..
لما تشوف ان اكسل الناس هم من يحصل على افضل مافي التقييم ويترك لك ارداه..لانك ووبساطه لاتملك حلاوة اللسان ولا تجيد
فن المداهنه..
يحتاج المدير ايضا الى الالمام بالاداره..فنا وتعاملا وقدره
على القياده...وهذي اشياء تنقص الكثيرين..
ومديرك هذا في الحقيقه يستحق الاعجاب..لانه على الأقل أعطاك
فرصه..اللي الكثير يحرمون موظفينهم منها..
طريقة التقييم عندنا غريبه عجيبه..تصدق انه يتم تقييمك من
مدراء ورؤساء اقسام انت ماتشتغل عندهم الا يوم أو يومين
في الشهر..واحيانا تمر شهور ماتعاملوا معك..
والمشكله الأكبر في أن هالرؤساء يحاولون يرفعون معدلات اللي
يشتغلون معاهم عشان يثبتون انهم أكّفاء..بينما مديرك مايدري
وش السالفه..وبكل فرح يجي يوريك تقييمك بس ياخساره..ماتقدر
تعترض وان اعترضت..قالول احمد ربك معدلك عالي؟

[wildorchid]

أجل مسمي نفسك دكتور ليه؟:):)

[wildorchid]

Heart King
ولكن هذا يعتبر نوع من الاستسلام..وهذا مثال على المسّلمات..
انك ماتعترض..وتكون ساكت الى مالانهايه مما يجعل البعض
يتمادى باعتبار انك الجانب الأضعف..أو مايسمى ب" الجدار القصير"
وأنا أرفض اني احتسب عليهم في كل مره,,

[صميدع]

أبد الا نويتي أتغولينهم وعزمتي أوركيد , أبد الله لايهينك عطيني خبر
وأبشري ماأنتي بلاقيتني أبد أبد :D :D :D

[wildorchid]

أولا أشكرك على كلمتك اللطيـــــــــفه في حقي..بالفعل
أشكرك :)
ثانيا..
المشكله ماهي في الموقف..صدقني لا تخاف علي لساني في
الشغل مافيه أطول منه ومادامني على حق مافيه شيء يهمني..
لكن المشكله تجي في انهم مايعطونك فرصه انك تناقش..ولو
قلت لهم ليش قالوا عاجبك والا اشرب البحر..
طبعا حتى لو بغيت تشتكي..مافيه احد راح يسمعك..لأنهم
"رباطيه" وانت كموظف صغير مالك الا انك تقول حاضر ولو اعلنت
التمرد حاربوك لحد مايطفشونك..
سياسه..ولكن فاشله للأسف!

[wildorchid]

ويا في الجراب يا حاوي:)
بكره راح اعجبك انشالله ..وساعتها راح أغولهم عن جد :)

[wildorchid]

في الحقيقه الواحد يعمل المطلوب منه..وهذا شيء
مو بيده..لأن هذا المفروض..
بس الواحد يقول ياخسارة..كان يعطي الكثير وكان ممكن يعطي
أكثر الا انهم حصروا امكانياته وطاقاته في ظل التقييم الجائر
القائم على ..لاشيء!
اصبح الواحد فينا يعطي على فد ماشغله يطلب منه من غير زياده
وفي كل مره يحاول يعمل شيء أكثر يقول لحظه..هم مايستاهلون..

وتسلمين على الدرجات الزياده:) وجهدي أكيد انه لكم :)أول وتالي
على قولة صميدع :)
تسلمين يالغاليه :)

[wildorchid]

ولكن الموظف وخصوصا لما يكون في بداياته مايعرف الكثير
عن حقوقه ..لا حسب نظام الخدمه المدنيه ولا تبعا لأي نظام آخر..
وبالأخص ايضا لما يكون"""""""" أنثى"""""""
لأن احنا في عصر الرجال!!
أنا موظفه حكوميه وفي نفس الوقت موظفه متعاقده مع شركه- أغلب
المستشفيات تتبع هذا النظام- ولكن للأسف ان احنا علاقتنا بالديوان شبه معدومه....ومايعرفها الا زملائنا الرجال.
التقييم يتم بواسطة مدراء جميع الأقسام وبعد ما يوقع التقييم
من قبل المدير - الراس الكبيره- يقولون لك أقراه ولما مايعجبك
يقولون لك معليش شد حيلك والا هذا مو بيدنا..هذا أمر من مدير
المستشفى أن مافيه أحد ياخذ تقدير عالي جدا!!!!!!!!!!!
تخيل..أنظلم عشان مايزيدون راتبي ميه والا أقل حتى؟؟!!
وتتفاجأ ان مدير قسم ثاني - نفس مجال العمل يعني ماهو تخصص
ثاني- معطي بعض موظفينه تقادير عاليه..ليه؟
عشان يثبت انهم يشتغلون كويس...وان الشكاوي اللي بحق هذا
القسم ماهي صحيحه نظرا لكفاءة موظفينه...انتهى!
وش راح تقول؟
كيف تحمي نفسك؟
مع انه تقييمك في السنه اللي فاتت كان اقل من ال90 الا انك كنت
أعلى درجه في القسم ولما راجعت وقلت ليه88 وناقشتهم على بعض النقاط قالوا المهم انك اعلاهم..طيب انا ماني راضيه عن اشياء
كثيره واستحق علامات اكبر فيها وكلامي تؤكده الاوراق والمستندات
قالواهذي أوامر؟؟؟؟؟؟
والغريب انه جاني خطاب شكر من مدير المستشفى هذي السنه..بس
ماطلبت أشوف التقييم..لانهم صايرين زي القربه المخرومه..يسمعون
من هنا ويطنشون من هنا!
طيب كيف يجيني خطاب شكر نتيجة تقييم اقل من ما استحق؟؟
انتحر يعني؟
الله يعينا..وبقوة

[wildorchid]

بأغولهم هذي غيض من الكلمات القديمه اللي عندي :):)
حتسي مازد سمعته :)
الا مير وينك فيه؟:):)
هيت عندنا باتسر ..نحتريك :)

[wildorchid]

الله يعين الجميع :)

يالله يالبس صلح الكيبورد :)

[wildorchid]

هذا وانا اقول مالي غير صميدع..لكن هيّن :(:):):)

طيب طيب :)