متلبك
16-02-2000, 08:26 PM
ابو فلان لا الشيخ ابو فلان شيخ مامعه والا يعرف يقراء والا يكتب ويمكن تلقاه انواع المراهقه المتاخره يعني مراهقة الشيبان الله يفكنا واياكم منها لكن لما يدخل المجلس يتصدر المجلس وتلقاء الكل يبي ارضاه ماهو عشانه عشان افلوسه وشرايك يابو افلان ياشيخ طال عمرك شرفتنا والله اليوم يوم السعد اللي اتشرفنا تفضل يابو افلان الكل يتحفابه والكل ينظر له نظرت اعجاب والكل يحب راسه ماهو عشانه عشان افلوسه قال شيخ وهو مايحفظ سورة الصمد قال شيخ وهو مايعرف اي شي بالدين غير افلوسه وبس وياليته عااااد ينفع والا يخدم ديرته واهله بشي بالعكس تلقاه يناظر لفلوسه كيف تزيد مايبي اريال ينقص اتشوف حالته وحالت اعياله تقول ماهو غني هذا مسكين بينما نلقاء المسكين اللي جالس باخر المجلس الفقير اللي علي قد حاله اعلوم ارجال ووجهه فيه النور جالس بالطرف باخر المجلس وان سئل عنه احد شخبارك يافلان يقولونه له وهم تقل مغصوبين عليها ويعزم مجامله ان جاء جاء وماجاء بكيفه فقير وجه فقر طيب ورجال لايهمك علي نياته مسكين مايعرف يتصرف اااااااااه يالقهر هذا اللي ينشد فيه الظهر هذا اللي احطه علي يمناي هذا اللي لاعازتك الدنيا مالقيت غيره والا الغني تعال لامن الليالي حجرتلك واطلب منه طلب مايوقف معك وانت تقوله شيخ الفقير هو اللي يخلص لك وهو اللي يتمني يقطع قلبه ويعطيك اياه ماهو الغني لو تبي اريال قال من وين اجيب انت عالم بالحال ايه عالم بالحال ياخساره ضعنا حنا يالشباب بين البحث عن الماده والمشاهير وبين الطيبه والمراجل وين ابقي ومع مين اعيش يارب تستر بس