....ايهما ؟؟؟اشد فتنه؟؟؟ولماذا ..

[الحفار]

الموضوع ممكن يكون حساس

طبعا انا اعني
1/البرقع ..2/الثام..3/كشف الوجه..
والمهم لمااااااااذا؟؟؟
وطبعا انتم عارفين ان 50% من بنات الخليج يسوون واحد من الثلاثه وبالذات في المدن الكبيره,ولاننكر ان حتى المدن الصغيره تعلموا السالفه هذي..
واذا خواتنا البنات يوضحن وجهة نظرهن يكون ازين بعد,,

------------------
alhaffar@swalif.com
يعين الله يعين الله ..والقلب كله جروح
وينك حبيب الروح..وينك دخيل الله
http://members.tripod.lycos.nl/grmbgifs/jackh.gif

[wildorchid]

اهلين حفار...
والله ثلاثتهم يمكن يكونون اشد من القتل حتى
ليه؟
انا اقول لك
انا ممكن ما اغطي وجهي ولكن لما اروح لسوق او مكان عام
ما احط مكياج وامشي في طريقي من غير ما اعطي اي انتباه
للي حولي ..يعني اخذ غرضي واطلع..
وممكن افتش وانا حاطه الشيطان الرجيم ومشيتي بدلع
وكلامي منتهى النعومه..
2- البرقع:
ممكن اني البس برقع ولا يبان مني غير حبتين سود وش حليلهم
ويمكن تلقى النقاب اوسع من ايش والعيون ما فيه كحل ما انحط فيها
والرموش مشصبه من كثر المسكارا..
3-اللثام:
نفس حاله 2
بس لثام هالايام ماله داعي
الغريب ان كل البنات المتلثمات صاروا يشبهون بعض
عيون مرسومه ومكحله وحواجب رهيبه وكلهم عندهم حبة خال
في خدودهم مادري ليش الصدف الغريبه....

اذن انت ماتقدر تقول ايهم اكثر فتنه لانه يعتمد على كيف
الوحده تلبسه وفي حالة كشف الوجه يعتمد على تصرفاتها

وبس

[الحفار]

الاخت اوركيدا
الكلام اللي قلتيه صحيح وممكن
وكل شيء صار هالايام جائز
تحياتي لك ايتها الاخت العزيزه

------------------
alhaffar@swalif.com
يعين الله يعين الله ..والقلب كله جروح
وينك حبيب الروح..وينك دخيل الله
http://members.tripod.lycos.nl/grmbgifs/jackh.gif

[غرام]

أنا أوافق الأخت أوركيد في رايها...وعلى فكره ترى شباب هاذي صار يفتنهم كل شيء من كثر ما يشوفون صاروا ما يعرفون يفرقون بين الإنسانه إلي تلبس النقاب للحشمه ولأ للدلع وجذب النظر لعيونها الحلوه...وألحين تلقاهم من شافوا بنت لفتتهم حتى لو كانت متغطيه من فوقها لين أغمص قدميها...أعذرني

[غرام]

أعذرني أخ حفار والله ما أدري شلون صار جذي وظهرت هاذي الردود كلها أناضغط مره وحده بس...وجهي احترق http://www.swalif.net/swalif1/ubb/frown.gif أنا آسفه لا تعصب ok

------------------
مع تحياتي: غرام الليالي

[wildorchid]

ولا يهمك غرام!!

[q8i]

اخوى الحفار
بالنسبه لسؤالك اذا قصدك على ايهو اكثر فتنه..تعتمد على الشخص اللى قاعد يطالع.
بعض الشباب هالايام مايفرقون بين النقاب والبرقع والكشف.. http://www.swalif.net/swalif1/ubb/smile.gif
يمكن تلقاه واقف عند كيس زباله اسود عباله مره http://www.swalif.net/swalif1/ubb/smile.gif
وساعتين يغازل فيه
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
ان الامور اللى تدرى عواقبها خير مافيها ترك مافيها

[المعشوقه]

هاهاهاهها
حلوه سالفة الزباله
والله هالأيام لو تحط عنزه
وتلبّسها عبايه
والله يغازلونها

يعني هي تعتمد على نفسيّة الإنسان مو على البرقع أو اللثام أو........

بس سؤال يالحفار
شنو إلّي جاب هالموضوع على بالك؟؟؟؟؟؟؟
يالله إعترف



------------------
أنا عرفت الحب يبنى على ساس
ما هو بحب ينبنى بالخيالي
:::::::::::::::::::::::::::::::::::::::
لي ضاق صدري قلت لاباس لاباس
ماني بأنا الأول ولاني بتالي
::::::::::::::::::::::::::::::::::::::

[عابر99]

السلام عليكم ورحمة الله وبركاته :

مرحباً أخي الحفار :

بالنسبة لهذه الأمور الثلاثة فكما قال الأخوة والأخوات بينها تقارب في الفتنة .

إلا أني أقول إن النقاب قد يكون أكثر فتنة لأنه يستر الوجه وماقد يكون فيه من القبح ويبرز الأعين فيفتتن الإنسان بذلك .

وكما قالت أختنا لو أتينا بعنز وألبسناها النقاب لضنها الرائي من أجمل النساء .

وأذكر لكم قصة واقعية حول ذلك :

وهي أن بعض الشباب في الرياض أتوا بسلقه ( حيوان شبيه الكلب ) وربطوا يديها ورجليها ووضعوا عليها النقاب وألبسوها العباءة وأركبوها في جمس ملكي وسار بها السائق في أحد الشوارع المعروفة فأخذت السلقه تتحرق يميناً وشمالاً فقد تضايقت من ماهي فيه وإذا بالشباب يمنة ويسرها يلحظونها بعيونهم ويرمون عليها الوريقات التي تحمل الأرقام والمعلومات .

هذا من تأثير النقاب وشدة الفتنة به حتى بالحيوانات .

وليس معنى هذا أن يطلق الإنسان نظرة يمنة ويسره ولكن ليسعه قول الله تعالى :" قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يعملون * وقل للمؤمنات يغضضن من أبصارهن ويحفظن فروجهن ولا يبدين زينتهن إلا ماظهر منها " .

[غاية النفس]

هلا بالحفار...
كلام اوركيد وغرام صحيح..واحب اقول ان الفرق بين اي بنت لابسه
واحد من الثلاثه هو تصرفها ومشيتها وحركاتها...

[ma3gool]

والله بصراحه الحين ليش الرجال ما يغضون النظر ؟؟؟؟؟؟؟!!!!!!!!
لان بصراحه الحين الشباب يتقصدون يروحن الاماكن الخاصه للحريم زي الاسواق مثلا معروف ان الاسواق 99% هي للحريم .
وبالنسبه للايها فتنه فجميعها فتنه اذا قصد بها الفتنه وعلى ما قالت الاوركيده.

[شيطونة]

http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[بنت الأحزان]

قريتها.. وقلت يمكن فيه حد وده يتذكر شي ولا يزيد عليه!!

والسموحة

[القط الوردي]

والله ثلاثتهـــم يـهـبـلون :)

[LEENA]

wildorchid........انا معك بكلامك بس احيان تكون البنت كاشفه

وماهي مزينه وجهها وماشيه في حالها....... وهم يلاحقها واحد

لمجرد ان لمح حاجه سوده تمشي .....

ولكلام هذا ينطبق على المنقيه والملثمه وباقي الاشكال..

[ليالي]

انا معا لينا احيانا الوحده تكون كاشفه وتلاقي ازعاج ومتلثمه ونفس الشيء المتنقبه وحتى اللي عباتها على الراس احيانا تلاقي ازعاج ..........

[ونات]

انا اعتقد ان هذا الموضوع لازم يرد عليه الرجال ..
لانهم اللي يمكن ان يقرروا ان هذا الشي فيه اثارة وفتنة او لأ

وانا اعتقد ان هالشي يعتمد على جمال المرأه...
فيه حريم يمكن اجمل شي عندهن عيونهن ..وبذلك يضطرن ان يتنقبن
لابراز جمال العيون في حين ان هذا الجمال يمكن انه يخف لو الوحدة كشفت عن الوجه كامل..والعكس صحيح ..
وانا اعتقد انه النقاب او البرقع هو الاكثر اثارة لانه يجر الفضول لمعرفة اجزاء الوجه الاخرى
على العموم انت يا حفار شو رايك في الموضوع
انت تسأل عن شي انت عارف اجابته ..لازم نعرف رايك لو امكن..؟؟