الحمار صديقي

[هلال الهلالي]

كنت طفلا صغير وجميلا
كنت كل صيف اذهب لبيت خوالي طيلة العطلة الصيفيه
منطقتهم زراعيه جميله
كنت شغوف بكل شىء اثري او قديم
كنت اجلس مع العواجيز والشيبان الساعات الطوال
واحبهم جدا ويحبوني جدا..الله يرحمهم ويرحم اموات المسلمين
حدث ذات مره ان وقع حادث اصطدام بين سيارة مسرعة وحماره شابه جميله
ونتج من الحادث ان ماتت الحماره
وبقي جحش صغير يتيم وجميل
عطفت عليه ورحمته وققرت ان اخذه وارعاه
لكن! وين اوديه...يعني وين يسكن وياكل ويشرب
سحبته برفق الى برحه بجانب مزرعة خالي
بنيت له فله..قصدي عشه وحوش حلويين
اشتريت رضاعه من البقاله البعيده
اخبرت جدتي(الله يرحمها)
فضحكت مني...ووافقت على اعطائي حليب طازج من بقرتها يوميا
مع الأيام كبر جحشي الجميل
واصبح يعرفني
واكتشفت ان يفهمني http://www.swalif.net/swalif1/ubb/smile.gif
يعني الحمار مو غبي
مع الأيام عرف ابوي وعماني واهلي وناسي
فاصبحوا يتندرون ويضحكون وبالنهاية كلهم وافقون
واللي مايرحم مايرحم
كنت اقضي معاه طيلة اليوم ولا نفترق الا بالليل
وبحكم ان المنطقة زراعيه
يعني المساحات فاضيه
بدانا كعيال صغار ننام عند بيت الحمار
كانت ليالي حلوه وجميله
انتهت العطله الصيفيه
رجعت للرياض..لكن سلمت العهده لأبن خالي فهد
كان ولدا جميلا ولكنه سريعا..يعني متسرع
كل أسبوع اتصل اسال عن حماري
في من الايام ذهبت مع ابي الى سوق الغنم
لنشتري خروفا للبيت
فعشقت تيسا صغيرا يتيما
مع الحاحي واصراي اللذي لم يجد معاه اي مغريات
اشتري ابي لي التيس
وعاش معاي بالبيت
ارضعه ..واحميه..وارعاه وينام معاي
كبر وكبرت معاه ونحن لانفترق الا عندما اذهب للمدرسه http://www.swalif.net/swalif1/ubb/smile.gif
مرت الأيام ..انتهت المدرسة
كنت انتظر الأجازة على احر من الجمر
ذهبت لأخوالي
تفأجأت مفأجاه لن انساها
الحمار..اللي كان جحش http://www.swalif.net/swalif1/ubb/smile.gif
تذكرني وعرف صوتي وجاء لي مسرعا مبتسما
اي والله كان ينهق ويبتسم
يعبر عن فرحته
طبطبت على رأسه..وعرفته بصديقه الجديد تيسي طير شلوى http://www.swalif.net/swalif1/ubb/smile.gif
بمرور ايام توالفا واصبحا صديقين حميمين
اهداني جوز خاتي قعود صغير بدون امه
ماهو اشتهرت عند العيله كلها بحسن رعايتي للحيوانات http://www.swalif.net/swalif1/ubb/smile.gif
قبل رأسه وفرحت فرحا شديدا
اخذت الهديه وشكرته
اظطريت ابني بيت..حظيرة كبيره لتتسع للسكان
كبر الحاشي على يديني..بمساعده العيله
توليفه غريبه متالفه من الحيوانات والبشر
تعيش بالفه ووئام http://www.swalif.net/swalif1/ubb/smile.gif
كبرنا جميعا مع بعض..مع الأيام اقتنع الوالد - حفظه الله
بنقل جميع حيوانتي للمزرعه
وتم النقل بسلام..مرت ألأيام...وعلاقتنا تكبر وتزيد
كنا نفهم بعض..نروح ونجي مع بعض
اكملها قط صغير وجدته لم يفتح عيونه وغسلته بالشامبو والصابون
قصه غريبه مختصره...رويتها باختصار..ولم اذكر الا الجانب السعيد

لكنها جزء من طفولتي

------------------
لا....ابد مافيه شىء.

[ma3gool]

اقول يا زين ايام الطفوله‍‍..اقول ما كانك صرت طرزان؟؟‍‍‍

تذكر صديقي الفيل فلم هندي؟؟

[كايد]

صراحة قصة مثيرة http://www.swalif.net/swalif1/ubb/smile.gif

[wildorchid]

ياحليلكم...
طرازان مين يا معقول..
هذا فلونه بنت روبنسون
http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[هلال الهلالي]

http://www.swalif.net/swalif1/ubb/smile.gif
شكرا ياشباب على تفهكم الرائع http://www.swalif.net/swalif1/ubb/smile.gif
عندي صورة بالأبيض والأسود.....لي راكب صديقي الحمار http://www.swalif.net/swalif1/ubb/smile.gif
حاولت اسوي لها اب لود ماعرفت....ياخسارة....صورة تهووووووووس
ماتقول اني راكب على حمار الا دققت بالصورة زين....كان حمار...بس اصيل
عنده شموخ مهوب على حمار.

------------------
لا....ابد مافيه شىء.

[الشرير]

هلال الهلالي الحمال صديقك ويفهمك ! انتبه تجيب صديقك معك لعرسي

[صامتة]

تصوير جميل للطفولة

ذكرتني بعصفوري اللي مات عني

ما اقدر انساه http://www.swalif.net/swalif1/ubb/frown.gif

[عقلة]

ياشرير ........

هلال قال الحمار مهوب الحمال وش بك أنت

ماقلت لك قم نم قم أحسن لك

ولا هذي غلطه الكيبورد


------------------
***أزعلوا من عقلة***

[عاندني]

يااااااه ..أيام الطفولة ما تنسى ..

ذكريات حلوة والله .. http://www.swalif.net/swalif1/ubb/smile.gif